تجمع أولياء أمور مدرسة التكامل(صباح السالم)للعام الدراسي2009-2010

[بشوشه]

رفرف
امبيييه عورتي قلبي
اشوه ما وديتها اليوم جان انقهرت ... حبيبتي بنتي والله اهيه ما ترضى تنام عند احد الحين يخمطونها مني جان علوم
بنتج بأي مجموعه .. بنتي حطيتها بمجموعة الدانه بس مادري شبيصير لانها ادش الروضه صغيره
اهم شي الباروكه

بشوشه
الله كريم انا وحده شبعت تحلطم وصرت من الي يسكتون ويتقبلون الواقع ولا بعد بصدر رحب

صاجه ما تشوفيني هاليومين يا دوب اتكلم لاني مليت من التحلطم ما ييب نتيجه و محد يحس بالوضع الا اللي عايشه و هدي ضريبة الامومه فلازم نتكيف على قولة الكبار ( بس تبون يهال ) ما درينا بالتعب اللي وراه بس هم احسن من الحكومه توهم بالعربي بالدرس الاول ؟؟؟؟؟ يا حليلهم

 

[بشوشه]

رفرف
امبيييه عورتي قلبي
اشوه ما وديتها اليوم جان انقهرت ... حبيبتي بنتي والله اهيه ما ترضى تنام عند احد الحين يخمطونها مني جان علوم
بنتج بأي مجموعه .. بنتي حطيتها بمجموعة الدانه بس مادري شبيصير لانها ادش الروضه صغيره
اهم شي الباروكه

بشوشه
الله كريم انا وحده شبعت تحلطم وصرت من الي يسكتون ويتقبلون الواقع ولا بعد بصدر رحب

من اليوم و رايح لا للتحلطم ما ييب نتيجه هدي ضريبة الامومه هدا شعارنا هالاسبوع ما يندره شيصير بعدين ؟؟
بس هم الحال احسن من الحكومه توهم بدرس الاول بالعربي ؟؟؟؟؟؟؟؟؟؟؟؟؟

 

[كويتيه ذربه]

هلا والله مناره ومس تايجر
الحمدلله بخير
انتوا اشلونكم

 

[كويتيه ذربه]

امهات الكي جي ون اشلون عيالكم مع الدوام

 

[كوكو لاتي]

هاي بنات شلونكم


شلون الكي جي 1

انا ولدي عند مس انفال منو يعرفها شلونها مع اليهال ؟؟؟

في وحده عيالها مع ولدي عند مس انفال؟؟؟؟؟؟؟؟؟؟؟؟

 

[باونتى]

أمهات الكى جى 1 شلونكم وشخباركم .. أنا ولدى من نوصل المدرسه يقول المدرسه واايد بيج :eh_s(6):ما ألوومه الحضانه اللى كان فيها صغيره طبعا لازم الصبح شوى يبجى ويتحلطم يقول ما بى سكول بس من نركب السياره يسكت .. انا ولدى عند مس جاكى .. بصراحه تهبل امهات التكامل ما قصرتوا مدحتوا لى فيها وطلعت صج تهبل وتعاملهاواايد حلو مع ولدى

 

[رفرف]

شلونكم بنات ؟؟؟

مس انفال انا ماحتكيت فيها وايد اهيه كانت اتدرس بالنادي العلمي وعرفت بنتي وحبووبة بنتي تحبها بس كمستوى مادري ..

عدا اليوم على خير .. طول اليوم وانا المم وابوس مسوكة حاسة بالذنب ليش بجت الصبح .. بس يقولوووون انها زينة هناك وتلعب عادي عورت قلبي لما رحت اخذها العادة من تشوفني اتيي ركض وتصرخ ماما مامااااااااااا وتلمني .. اليوم لما رحت لها خزتني جان اتيي وتمسك ايدي وتمشي بدون اي تعبير جنها مصدومة عورت قلبييييي وديتها الجمعية علشان ترد تحبني هههههه ..

وصبوية تمام حلينا الواجبات بدون اي مشاكل .. ابشركم درس العربي الياي فيه كلمة (الله) وكلمة (لله) .. انا بعرف اهمه حالفين يعقدون اليهال ولا شنوووو ؟؟ ليش الكلمات المتشابهة بنفس الدرس لييييييييييييييييييش ؟؟ الصراحة انا بنتي تتحبط لي غلطت لأنها تدرس وتحاول اليوم تقولي خلاص انا كسلامة بالعربي وماعرف كله اغلط مابي ادرس لأني هم راح اغلط .. والله البنية صاااااااجه ..

 

[كوكو لاتي]

انزين بنات شنو عطوهم اليوم بالكيجي 1 انا ولدي ذبحني مو راضي يتكلم شنو يسوون بالسكول وانا بالنفاس ما اقدر اوديه واييبه واسأل المس عنه فأبوه اهو اللي يوديه واحس نفسي بهاليومين ضايعه معاه مادري شسوى بالمدرسه

 

[manarah]

السلام عليكم ..

كوكو لاتي الورقه اللي فيها خطه الاسبوع اموزعينها عليهم وياخذون لتر m ونمبر 1 والشكل ستار ويعلمونهم الكلمات الاساسيه اللي يحتاجها الياهل بالكلاس واغنيتين بس هذا الموجود بالورقه ما اعتقد شي ثاني ... العربي ما ادري ليليحين ما وصلنا شي .

باونتي بنتي بصف ولدج ولدج كان بأي حضانه ؟

رفرف .. يحليلها مسوكه بس اليهال ترى كلهم نفس الحاله يعني انا اعيالي من النوع اللي اول اسبوع بالحضانه ما يبجون وعادي عندهم ويبون يروحون بس المشاكل تبدي عندي من ثاني اسبوع ... يستوعبون ان هالمكان بيروحوله كل يوم ويهدون البيت فيستعسرون
ودرس العربي شفته وقلت لازم يعطونه عليه اسبوعين ندرسه ويمكن نحفظه ويمكن لأ

 

[نواره الحلوة]

صباح الخير بنات
أمهات الكي جي 1 كل عام وانتوا بخير وعسى الله يجعلها سنة خير على اعيالنا والله توني أحس وليدي كبر يوم سحب جنطته وكشخ باليونيفورم من صعدت السيارة وياه وادموعي اربع اربع وبعد عمري استانس يوم دخل الصف بس اشويه تنحر يوم شاف اليهال يبجون بس الحمد الله تشجع اشوي اشوي وقعد يلعب بالألعاب وعشتوا يقولي مس باتريشيا تحبني وايد قالتلي ILove You عشتوا تونا بادين ما مداها تحبك

 

[Miss_Tiger79]

شخباركم بنات

انا وديت بنتي اليوم الحضانه وطبعا كانت بس ماسكتني من صوب ريولي عشن ما انحاش اقولها مسكي ايدي تقولي مابي واهيه معصبه
واشوه ابلتها حليييييوه وتهبل واشوه لهتها وطلعت والحمدلله ما شفت بجي وما يندرى لما تستوعب شبتسوي

ودرس العربي الحمدلله احنا عارفين كلمة الله بس لله يديده :eh_s(1):
رفرف
انتي قولي حق بنتج الابله تقولول انتي احسن وحده بالصف بس شويه تتلخبط ومن هالتشجيع وشوفيها شلون تتشجع
قوليلها البنيه الشاطره ما تقول ما اقدر تقول انا احاول وراح اقدر ... انا اسوي جذي مع عيالي والحمدلله
عيل شتقولي ن مسكين ولدي الثاني اسمه عبدالوهاب مسكين توه صارله اسبوعين يكتب اسمه بالعربي والانجليزي وعليه اسمه طويل
ومستانس

اشوه بنتي اسمها قصير مع اني كنت بسميها لولوه بس اشوه طلع منى

بنات قريد1 مايودونهم رحلات ؟؟؟؟؟

 

[manarah]

مس تايقر كاتبين بالورقه اللي فيها احداث كل شهر ان بيودونهم fit for fun بس مو محددين متى قايلين شهر 11 .. ويحليله ولدج مع اسمه عبدالوهاب ذكرني بولدي عبدالعزيز لما بدى يكتب اسمه انا تعقدت اشلون اهو وعليه ويقوللي اسمي طوييل .. الحمدلله ان اخوه بس 5 أحرف

 

[Miss_Tiger79]

مناره
اي زين اشوه تدرين عاد الورقه ما شفتها حطيتها على جنب ونسيتها برد اشوفها اليوم
واشوه عاد فيت فور فن عجيييييييييييييييييب صج
السنه الي طافت ودوهم رحله وعقبها رحت بسجلهم عاد المدربه عرفت عبود واستانس هناك

عاد امس دازين ان الكي جي2 يوم الخميس بيودونهم السيرك واحتر الثاني يقول شنو قريد1 مافي رحلات بس دراسه .. كسر خاطري

 

[نواره الحلوة]

مناره
هلا والله يالغالية والله نسيبج على سنغة عشرة اسم الله عليج مستانس فوق النخل فوق ماصدق يت المدرسة عقب حكرة البيت وعشتو صار عنده ربع عزم واحد على الشبس بس معترض يقول التيجر بسرعة قالت كلين أب وهو الله خير متعلم على الراحة وحيييييييل بارد يفت الجبد ومن الوناسة كان بخاطرة يخلص كل اللي باللنش بوكس يقولي قوليلها باجر خل تنطرني أخلص >>>>> ولد الباشا

بس المهم اشلون عروستنا أهم شي نفسيتها مو اتأثر باليهال اللي يبجون ويقطعون القلب وعليه عليهم وبعدين ترا ولدي حتجر قوليلها لا اتحاجي أحد وياها من الشباب واتفرفر بالممر خخخخخ

 

[رفرف]

شلونكم بنات ؟؟ وشلونكم مع الواجبات ؟؟
احنا خلصنا الماث والانجلش وباجي العربي قلت خل يلعبون ويطيب خاطرهم تالي نحله قبل النوم ..

تايقر ..
ين سويتي وديتيها .. بأي صف صارت ؟؟ مسوكة بصف السنابل واليوم بجت الصبح بس بعدين دقيت قالولي ساكته .. ورفيجتي مرت تاخذ بنتها تقولي بنتج تلعب وترقص والحين انتي قولين شيطانة !! وانا طول هالمدة احاتي واقول بنتي حزينة مسكينة مو متأقلمة .. شكلي انا اللي مو متأقلمة والله ..
وعلى التشجيع والله انا اسوي جذي ونافع معاها بس بالعربي لأن الكلمات متشابهة انا ما ابين لها بس تكسر خاطري اقول مسكينة ما تنلام المنهج كله متشابه وهم ما يعرفون الحروف اكيد بيغلطون يعني المنهج سواء زين او شين بس يسوي احباط للياهل اللي من فصيلة بنتي ..
اهيه طبعها بسرررعة تتحبط حتى الالعاب لما تلعب وتخسر تبجي .... تخيلي بأي حفلة تروح اذا في مسابقات ما تلعب لأنها تنحبط اذا خسرت .. ومرة سوينا حفلة عيد ميلاددها ولعبو لعبة الكراسي قلنا حق اليهال كلهم خلوها تفوز مو ناقصين بجي تخيلي اول مرة في التاريخ لعبة الكراسي من توقف الموسيقى كل اليهال ينحاشون عن الكراسي !! كل الكراسي فاضية علشان عيون الانسة صبا ..


مناره
اليوم مسوكة يعني متقبلة الحضانة وتبي تروح بس تبيني اقعد معاها .. طبعا من دشينا وحست اني بمشي بدت حفلة البجي والصراخ بس بسرعة طخت الحمدلله وانا كملت وصلة البجي بالسيارة ..

وذربه ونواره وبشوشه وجولي المختفية .. شلونكم ؟

 

[كوكو لاتي]

السلام عليكم ..

كوكو لاتي الورقه اللي فيها خطه الاسبوع اموزعينها عليهم وياخذون لتر m ونمبر 1 والشكل ستار ويعلمونهم الكلمات الاساسيه اللي يحتاجها الياهل بالكلاس واغنيتين بس هذا الموجود بالورقه ما اعتقد شي ثاني ... العربي ما ادري ليليحين ما وصلنا شي .

باونتي بنتي بصف ولدج ولدج كان بأي حضانه ؟

رفرف .. يحليلها مسوكه بس اليهال ترى كلهم نفس الحاله يعني انا اعيالي من النوع اللي اول اسبوع بالحضانه ما يبجون وعادي عندهم ويبون يروحون بس المشاكل تبدي عندي من ثاني اسبوع ... يستوعبون ان هالمكان بيروحوله كل يوم ويهدون البيت فيستعسرون
ودرس العربي شفته وقلت لازم يعطونه عليه اسبوعين ندرسه ويمكن نحفظه ويمكن لأ

مشكوره حبيبتي توني افهم الورقه منج يعطيج العافيه

 

[Miss_Tiger79]

رفرف
والله مت من الضحك على لعبة الكراسي صج بدعتو فيها
اي مناوي بصف ( الدانه ) لانها تخرج وتدرين المفروض يحطونها بأصغر من هالصف لاها تدخل الروضه مبجر بس انا قلت خلوها بالدانه عشان تفهم اكثر
اي على مسوكه انا ما اعرف شكلها لاني ولا مره شفتها بس وانا آخذ مناوي كانت بالسطره الاولى وقاعده تتحرش بالبينيه الي يمها والابله تقولها مسك بس خلاص خليها واهيه كلش ما تسكع حتى الابله تضحك عاد لما شفتها معاج قلت اهيه
يحليلها والله

 

[باونتى]

السلام عليكم ..

كوكو لاتي الورقه اللي فيها خطه الاسبوع اموزعينها عليهم وياخذون لتر m ونمبر 1 والشكل ستار ويعلمونهم الكلمات الاساسيه اللي يحتاجها الياهل بالكلاس واغنيتين بس هذا الموجود بالورقه ما اعتقد شي ثاني ... العربي ما ادري ليليحين ما وصلنا شي .

باونتي بنتي بصف ولدج ولدج كان بأي حضانه ؟

رفرف .. يحليلها مسوكه بس اليهال ترى كلهم نفس الحاله يعني انا اعيالي من النوع اللي اول اسبوع بالحضانه ما يبجون وعادي عندهم ويبون يروحون بس المشاكل تبدي عندي من ثاني اسبوع ... يستوعبون ان هالمكان بيروحوله كل يوم ويهدون البيت فيستعسرون
ودرس العربي شفته وقلت لازم يعطونه عليه اسبوعين ندرسه ويمكن نحفظه ويمكن لأ

هلا مناره .. قولى لى منو بنتج :eh_s(6): لانى لاحظت ان البنات فى صف ولدى شوىيه الاولاد اهم الاكثريه .. انا ولدى كان بحضانة خطواتى اللى بالشهداء لانه قريبه على مدرستى

 

[كويتيه ذربه]

هلا والله رفرف الحمدلله


مس تايقر حتى قريد 2 الخميس بيروحون السيرك


باجي الامهات اشلونكم

 

[نواره الحلوة]

رفرف
هلا والله اشلونج شخبارج
آنا عكسج أول ما أبدي الهوموورك انبلش بالعربي لأنه يعل القلب ولازم أقعد وياه وهو يسويه بس الماث والانجلش اخليه يسويه بروحه وآنا أصلح له ومايآخذ وقت وايد