تجمع أولياء أمور مدرسة التكامل(صباح السالم)للعام الدراسي2009-2010

[بشوشه]

تايقر ...

لالا بنتي مو موافقة على الشرط تقول تبي تتحجب .. الحين تلبس حفر وشيلتها على طول معاها بالجنطة على اميرات متى ما طق ابالها تلبسها مع الحفر ما تعطل روحها ..


واخيرا تصلح دفتر العربي ..
وبنتي معاقبة اليوم من كثر ما تهذر بالصف ..
وبس اليوم اجازة ماسوينا شي .. ونشوفكم الاحد انشالله علشان انكمل مسيرة التحلطم
ابشركم درس العربي اليديد شي بديع الصراحة

تدرين عاد انا بالاجازه احاول اودي اليهال كل مكان اقدر عليه بس عشان يتشبعون
لكن لااااااااازم ارجع ادرسه الاحرف لانه يحتاج و اما العربي اليوم ما عطونا درجت الاملاء ما ادري ليش؟؟؟؟
و الدفتر مال الكتابه عفييييييييييييييييييييسه لازم نمسح و نكتب من اول و يديد
الله يعينا و يحفظ هاليهال
و يعينا على زحمة المدرسه مع دوام الكيجي 1 الاسبوع الياي

 

[Miss_Tiger79]

بشوشه
منو المس الي تودين ولدج عندها ؟؟

رفرف
يختي والله على الشيله
عيل بنتي الثوب معاها حتى بالبيت تلبسه (الثوب المطرز)
شدراج يمك ولدي يغير رايه عاد ذويق ولدي اسمالله عليه

اييييييي شفت العربي مال السبوع الي طاف
ابدااااااااااااااااااااع

عيل انا العطله مادري شبدي فيها
الي بكي جي2 معطينه 5 صفحات عربي لانه الاسبوع الي طاف ما يابو دفتر العربي .. وجم ورقه هوموورك وغير صفحتين يقرا الكلمات والقصه يقراها بعد
قولولي شسوي
واااااااااااااااااااي دخت

 

[manarah]

مناره
هلا والله بالنسايب اليدد بس عندي سؤال قسط المدرسة علينا والا عليكم خخخخخخ

رفرف
صاجه دفتر العربي ما يصلحونه كل يوم مرات أتحسف ليش نسوي الواجب ونشلع قلبنا

لا قسط المدرسه عليكم بروحنا لازم من الحين نجهز حق العرس ورانا مصاريف ... عشنا الجو

واااي مس تايقر الله يعينج انتي تقولين اشوراكم انا دخت اشلون انتي الله يعينج ...

ام خلودي مس نيللي كانت مدرسه ولدي بكي جي 1 ووايد زينه وحنونه اذا بنتج عند ها زين ..

 

[ام _خلودي]

مساء الخير

شلوونكم بنات

منيره مشكوره وايد بس انا للحين مو متاكده اذا بنتى عند مس نيللى ولالا

اليوم الاحد ان شاء الله راح اشوف بس اخااف يكونون حاطينها عند مس ثانيه

علشان جذى بغيت اعرف من الاحسن ومنو الاسوء علشان اعرف اتصرف
من تجاربكم بنات من احسن ابلات كى جى 1 ومنو اسوء ابلاات

 

[بشوشه]

بشوشه
منو المس الي تودين ولدج عندها ؟؟

رفرف
يختي والله على الشيله
عيل بنتي الثوب معاها حتى بالبيت تلبسه (الثوب المطرز)
شدراج يمك ولدي يغير رايه عاد ذويق ولدي اسمالله عليه

اييييييي شفت العربي مال السبوع الي طاف
ابدااااااااااااااااااااع

عيل انا العطله مادري شبدي فيها
الي بكي جي2 معطينه 5 صفحات عربي لانه الاسبوع الي طاف ما يابو دفتر العربي .. وجم ورقه هوموورك وغير صفحتين يقرا الكلمات والقصه يقراها بعد
قولولي شسوي
واااااااااااااااااااي دخت

اسمها مس جين ما تدرس بالتكامل من بره
و هم في وحده تييله البيت اسمها سامانثا تدرس بالابداع
تبين رقمهم او بس اساميهم ؟؟؟

 

[Miss_Tiger79]

بشوشه
اي والله دزيلي رقمهم اثنينهم
يمكن نعتاز لها ما يندرى ... بس انشالله ما نعتازهم

مناره
شفتي شلون
الله يعيني على الدراسه

ام خلودي
انا عيالي اثنينهم كانو عد مس لورين وانا احبها صج لانه اهتمامها بالياهل وايد زين وهذا الي شفته انا بس في ناس ما تمدحها مادري ليش ؟؟ بس انا مع عيالي وايد زينه ويحبونها بعد

 

[كويتيه ذربه]

السلام عليكم

اشلونكم امهات

 

[تركوازية]

امهات بليز قولولي .. انا باجر اول يوم دوام كي جي 1 ... شنو التجهيزات ما اعرف شي و الاكل اشلون شنو احط بالجنطه .. احطله جنطه كبيره و لا صغيره بس حق الاكل .. مافي كتب.؟؟

 

[manarah]

اشلونكم بنااات ..

هلا كويتيه شخبارج وحمدالله على سلامه ولدج اشلونه الحين بشري عنه ...

ام خلودي انا اشوف ابلات الكي جي 1 كلهم زينين وحنونين عاليهال انا بس وحده حاطه عليها إكس لانها لما تتكلم انجليزي تخوره يعني ما تضبطه بس والله ماعرف اسمها اعرفها بالشكل ... بس كمعاكله لليهال كلهم زينين وبشوشين

تركوازيه مافي كتب بس تحطين لنش بوكس ومطاره الماي وحطيله ساندويتش باي شي يحبه وعصير وحليب وفواكه اذا يحب وبسكوت والا كيك صغار .. اول يوم انشالله اكيد يعطونا ورقه بالطلبات اللي يبونها من فولدرات وصمغ والوان فنطري باجر انشالله .

 

[رفرف]

امهات الكيجي مبروك دوام عيالكم باجر

وانا دوام بنتي بالحضانة الاثنين انشالله عاد حاطة ايدي على قلبي لا تبجي لأني راح اهدها واقعد بالسيارة ابجي عارفة روحي .. انا صبوية اوديها المدرسة اول الايام وهي تضحك ومستانسة وانا ابجي مادري شكو .. والله الحافظ كنت احاتي المرض الحين متوقعين خلال مادري جم اسبوع الكويت كلها بيحوشها يعني لا مفر من قلب ..

 

[باونتى]

الله يبارك فيج رفرف .. من أمس وانا اجهز بأغراضه حدى مستانسه .. رحت الجمعيه وشريت له الماجله :eh_s(6): وطلعت ملابسه .. شعووور حلووو بس احس فينى بجيه لووووووووول

 

[Miss_Tiger79]

هلا كويتيه ذربه انتي شخبارج

رفرف
حتى مناوي دوامها الاثني بس ودي اوديها على الاسبوع الثاني على ما يخف بجي اليهال

باونتي ... تركوازيه
الله يعينكم على حنة اليهال باجر

 

[كويتيه ذربه]

اشلونكم بنااات ..

هلا كويتيه شخبارج وحمدالله على سلامه ولدج اشلونه الحين بشري عنه ...

ام خلودي انا اشوف ابلات الكي جي 1 كلهم زينين وحنونين عاليهال انا بس وحده حاطه عليها إكس لانها لما تتكلم انجليزي تخوره يعني ما تضبطه بس والله ماعرف اسمها اعرفها بالشكل ... بس كمعاكله لليهال كلهم زينين وبشوشين

تركوازيه مافي كتب بس تحطين لنش بوكس ومطاره الماي وحطيله ساندويتش باي شي يحبه وعصير وحليب وفواكه اذا يحب وبسكوت والا كيك صغار .. اول يوم انشالله اكيد يعطونا ورقه بالطلبات اللي يبونها من فولدرات وصمغ والوان فنطري باجر انشالله .

هلا والله
الحمدلله بخير
اشلونج انتي
الله يسلمج الحمدلله صار زين

 

[كويتيه ذربه]

هلا كويتيه ذربه انتي شخبارج

رفرف
حتى مناوي دوامها الاثني بس ودي اوديها على الاسبوع الثاني على ما يخف بجي اليهال

باونتي ... تركوازيه
الله يعينكم على حنة اليهال باجر

الحمدلله بخير
انتي اشلونج

 

[كويتيه ذربه]

وينكم
الموضوع صار بالصفحه الثانيه

 

[manarah]

السلام عليكم ..
اشلونكم امهات شخباركم ...
كويتيه ذربه المنتدى كان مغلق للتطوير امس عشان جذي ما تشوفين مشاركات .. انتي شخبارج .. واشلون ولدج انشالله تمام

امهات الكي جي 1 شخبار اعيالكم عسى مو مناحه امس ؟؟ نواره الحلوه اشلون نسيبي اشسوى اول يوم .. باونتي وام خلودي وتركوازيه اشلون اعيالكم ومنو ابلاتهم ... انا بنتي عند مس جاكي الحمدلله اهي حليوه وامدرسه ولد اخوي قبل .. الله يحفظهم انشالله ..

الحين عوده للاصل امهات قريد 1 شالاخبار انشالله الأمن مستتب الحمدلله ان درس العربي فيه كلمتين يدد بس وحرف الواو ولدي مو معترف فيه ..

رفرف ومس تايقر اعيالكم داوموا حضانه ؟ انا ولدي امس داوم والحمدلله زين صج شوي تردد وانخش وراي بس بعدين الحمدلله انطلق ولما رد البيت عصب علينا ما يبينا يبي يقعد بالحضانه واليوم الصبح هم عصب على ما يبي حضانه يبي يروح سكول سيده مع اخوانه

 

[Miss_Tiger79]

هلا كويتيه ذربه
انا الحمدلله بخير

مناره
لا والله ما وديتها لانه عيالي كان عندهم امس موعد عند دكتورهم بحبيت أطمن قبل لا اوديها
وانشالله باجر بخليها اداوم
بس ناطره رفرف تقولي شصار بالحضانه لانها قالت بتودي بنتها اليوم

رفرف
ها بجيتي خلاص ....
ناطرينج مسحي دموعج ولا تحاتينها انشالله
وقوليلي شلون الحضانه

 

[رفرف]

شلونكم بنات ؟؟؟
شلون عيال الكيجي 1 والحضانة عسى ماكو بجي وطناقر ؟؟

بالنسبة لي بنتي الكبيرة قريد1 ليلحين تمام ..
يوم اليمعة انا شاريتلها باروكة شعر طويييل عاد انا وفصلاتي قلت ماراح تعجبها هدية اكثر من هاذي .. وصج كيفت عليها قلت لها علشان لا تقولين لي طولي شعري ..
عاد بالمدرسة ابلة العربي قالتلها ضعي كلمة فرحت في جملة .. جان تقول انا فرحت لن أمي شرتلي الباروكة !! وااااااي مالت طق الحين ابلتها اكيد تقول هاذي امها ام البواريك خخخخ ..

ومسوكة وااااي على مسوكة .. امس رحت سجلتها بالحضانة وشريتلها اليونيفورم وسوينا الفحص الطبي عاد خذيتها معاي دشت الحضانة وكيفت عادي ولعبت وتسولف ..
اليوم وديتها .. الله يهداهم من عند الباب خمطوها ما خلوني ادش قامت تبجي واتصرخ واترفس انا ادري بنتي مو جذي .. متوقعة انها تبجي صح بس مو جذي اهمه طريقتهم غلط .. المفروض انا ادخلها واقعدها وامشي عنها وخل تبجي بهدها واطلع مو بهالطريقة ..
عاد انا طلعت وقعدت بالسيارة وبطيتها بجي بجي بجي تالي رحت الدوام عيوني حمر قلت لحد يحاجيني .. دقت علي رفيجتي بنتها بصف بنتي قالت ياحلوها ساكتة وتطالع التلفزيون مالها شغل بالصيحة والبجي وبعدين عااادي راحت مع الابلة الصف .. هني انا ارتحت وبطلت بجي الحمدلله ..
الله يتمم عليها وماترد تبجي قاعدة احاتيها ..

 

[بشوشه]

يسعد صباحكم
شحلات كلمات هالاسبوع ملوت الانجليزي
بس العربي ماساااااااااااااااة

 

[Miss_Tiger79]

رفرف
امبيييه عورتي قلبي
اشوه ما وديتها اليوم جان انقهرت ... حبيبتي بنتي والله اهيه ما ترضى تنام عند احد الحين يخمطونها مني جان علوم
بنتج بأي مجموعه .. بنتي حطيتها بمجموعة الدانه بس مادري شبيصير لانها ادش الروضه صغيره
اهم شي الباروكه

بشوشه
الله كريم انا وحده شبعت تحلطم وصرت من الي يسكتون ويتقبلون الواقع ولا بعد بصدر رحب