تجمع أولياء أمور مدرسة التكامل(صباح السالم)للعام الدراسي2009-2010

[manarah]

السلام عليكم ... شخباركم بنات

كويتيه ذربه احنا يلبس اي animal costume يعني ماراح يكون في ابداع بنشتري جاهز

امهات كي جي 1 حتى احنا بوك ويك هالاسبوع ؟؟ لان اليوم دقوا على المدرسه وبنتي مريضه وخذتها الصبح امبجر من المدرسه .. حتى التصوير باجر مادري اشلون واحتمال ما تروح ...
ام حسون وفطومه والله ما انتبهت عالريحه مع انه صفنا بنص الممر تقريبا .

 

[رفرف]

شلونكم امهات ؟؟

احلى خبر بهالاسبوع ان ماكو هومووركات .. هيااااا ..
بحتفل باجر بوديهم بروي انشالله ..

مسكينة بنتي قاعدة وتتحلم باللبس اللي طالبينه تقول يمكن ميرميد يمكن سنووايت يمكن عروسة .. اخر شي طلع فارمرز ..
عيزت عيزت اليوم ادور بلسوت جينز قياسها ماكو .. حتى صوب ملابس الصبيان دورت .. دقيت على اختي سألتها .. ماكووووو .. اكبر قياس لقيته سنتين وولادي بعد ..
قلت خلاص جينز عادي .. وقميص كاروهات .. وادور قميص .. ادوووور .. ماكو ..
اخر شي لقيت قميص لا يمت للفارمر بأي صلة المهم قميص كاروهات ..
انزين انيي للسكارف .. ابي سكارف يمشي مع لون القميص اللي شريته .. شنو تتوقعون ؟؟ طبعا ماكو ..
بعد شنو ؟؟ يبون انلبسها 1 glove .. مادري شنو الحكمة ..
اي ومالقيت كبوس .. بنتي بتكون فارمر فاشله مسكينه
واي هذا واهمه طالبين شي سهل !! لو صعب شلوووون ؟؟

 

[Miss_Tiger79]

مناره
سلامت بنتج وما تشوف شر

رفرف
اي عن الفارمر وليلحين ما دورت له يمكن اليوم اروح واحسن شي بلسوت جينز وقميص كاروهات
وصج يمكن تلاقين في بروي مدامج بتروحين

يمكن اليوم اروح ادورله

 

[manarah]

رفرف شخبارج وصج احلى شي ان ماكو هووم وورك .. يختج تعودنا عالرباده واعيالي الصغار مرضى يعني لو عندنا امتحانات وهووم ووركات مع المرض جان قطيت روحي من الدريشه . بس الحمدلله ربج يعين . .. ووديت بنتي حزت التصوير صورت ورجعت .. اهم شي عندي الذكرى

بالنسبه للبلسوت الجينز كان موجود في رد تاغ حتى ماخذه حق بنتي منه في بدايه الشتا وقياس بنات كبار بس الحين مادري اذا موجود والا لا انا اقول اي شي يأدي الغرض وخلاص مو لازم نفس الطلب .... والكوستيوم انا تحلمت مو بنتي انها تلبس سندريللا والا نفنوف حلو يعني شي ايونس اتفنتق فيه واطلعوا يلبسون لبس اسود يعني قطاوه سود

مس تايقر الشر ما اييج انشالله تسلمين حبيبتي

 

[كويتيه ذربه]

اشلونكم امهات
طبعا اليوم بعد رحله البحث لقيت كذا لبس حق بنتي اخترت لها واحد ومو عاجبها تقول الا ابي ساحره
وانا مختاره ساحره شريره ومخمه وحالتي حاله اخر شي طلعت ساحره طيبه الظاهر نفس اللي بسندريلا تقول معاها عصايه

رفرف بالنسبه لملابس الفارمر
انا صار لي جم سنه بكل مناسبات المدرسه
مدرستهم عطوني ورقه العام ان الطلبات المطلوبه موجوده بمحل بالسالميه اسمه عالم الالعاب وهما يتعاملون معاهم وعطونا كرته
طبعا من العام للحين على طول اروح له
الصراحه عنده كل شي وساعات المدرسه يعطونا صوره اللبس وكرت المحل واحنا ناخذه
اليوم رحت له وخذيت لها منه

رفرف اي مقاس تلبس بنتج انا بروح العصر ابدل بدله بنتي اييبلج معاي
عاد اليوم شفت شغلات حلوه عنده قال لي عندنا اكثر من 700 لبس تنكري
وبس دخلت قال حق التكامل

 

[Miss_Tiger79]

كويتيه ذربه
وين هذا المحل (عالم الالعاب) ؟

رفيجتي اليوم قالتلي ان مدرسة بنتها متفقه مع وليد للالعاب وقالتي روحيله بسما ادله وقلت اشتري شي يلبسه اي وقت
ولقيتله بمذر كير

 

[باونتى]

بنات شلونكم .. بنات بغيت أسألكم بالنسبه لكى جى 1 .. شنو عندهم يوم الخميس ؟؟ شنو اسبوع الكتاب .. عطونى فكره ؟؟؟

 

[um 3li]

انا صف ولدي راح يلبس الخميس spider ???

يعني يصير البسه spider man ????

وراح اطرش معاه دونت صغار انواع

وانتوا شراح تطرشون اكل مع عيالكم ؟؟؟ لأن كاتبين بالورقة نطرش معاهم اكل حفله

 

[باونتى]

انا صف ولدي راح يلبس الخميس spider ???

يعني يصير البسه spider man ????

وراح اطرش معاه دونت صغار انواع

وانتوا شراح تطرشون اكل مع عيالكم ؟؟؟ لأن كاتبين بالورقة نطرش معاهم اكل حفله

ام على .. بالورقة محددين شنو يلبسون بالورقه عندى كاتبين تى شيرت اسود وبنطلون اسود .. وبالنسبة للاكل انا راح أطرش معاه بيتزا .

 

[um 3li]

حياتي باونتي كاتبين بالورقة : spider costume
وبس ؟؟؟

 

[Miss_Tiger79]

عيل انا قطيت الورقه بس شفت شنو يلبس والاكل ما شفت شنو ؟؟؟
وكي جي2 ما عطوني ورقه على لبسهم
ماكو الا باجر اسأل ابلته

كويتيه ذربه
وين محل الالعاب
؟؟؟؟

 

[رفرف]

شلونكم بنات ؟؟
اليوم لوية لووووووووووووووية ..
رحت اكمل رحلة البحث عن هدوم الفارمر ..
رحت الافينيوز يا تايقر ومالقيت قياسها كله 8 سنين وفوق ..
وشريت لها بس كبوس من نيكست يعني يفي بالغرض ..
ولا اختي تروح جمعية الدعية مذركير وتلقاااالها .. منقذة اختي .. وقالتلي باجر انشالله السايق يقطه البيت ..
وخلصنا بحمد الله ..
واحلى مافي الموضوع اني ناسية احل مع بنتي واجب العربي اللي بالكتاب مادري انا ناسية ولا الابلة مو كاتبة بالورقة مالت الاسبوع اللي فات لأني اذكر اني جيكت !!
المهم الكتاب فيه اين الحل وردينا البيت عقب الهياته علبو ماكو واجب وانصدم بالكتاب وبسرعة بسرعة حلت مع الكثييييير من التحلطم ..
وبس خلص يومنا على خير الحمدلله

 

[باونتى]

حياتي باونتي كاتبين بالورقة : Spider costume
وبس ؟؟؟

كل صف يختلف عن الثانى .. انا ولدى بكى جى 1 سى .. حتى مكتوب بالورقه ان كل صف اللبس مختلف

 

[um 3li]

كل صف يختلف عن الثانى .. انا ولدى بكى جى 1 سى .. حتى مكتوب بالورقه ان كل صف اللبس مختلف

اي ادري حبيبتي بس الي مو فاهمته spider man ولا شنو ؟؟؟؟؟

 

[Baby^Bop]

واااي باونتي ومناره وامهات كي جي سي شحقة أسود ؟؟؟!!!! ما عجبني كلش كلش لقيت له بنطلون اليوم بس تيشيرت اسود ما لقيت .... عنده بلوزة سوده علي مكوين ايصير البسه

وما فكرت شنو أودي معاه يمكن كب كيك

 

[كوكو لاتي]

انا بسال اذا ما عطيتهم فلوس التصوير قبل التصوير ما يصورونه يعني؟؟؟؟؟؟

بليز ردزا علي؟؟؟؟؟؟؟؟؟؟

 

[manarah]

بنااااااات ... شخباركم .. انا ليلحين ما بديت رحله البحث لان انشالله اللبس سهل احنا حيوانات بس عاد ولدي متشرط بالحيوان وعسى القى اللي يبيه ... الاكل مو محددين كل واحد شنو يودي ؟؟ يعني كل واحد واللي اييبه ؟

رفرف زين انحلت أزمه اللبس عندكم عالبركه .. وبالنسبه للواجب اهم كان عندهم واجب يسوونه بالعطله وكان مكتوب بورقه الاسبوع اللي فات وكان صفحتين بالعربي اعتقد هذا اللي انتوا ناسينه .

بيبي بوب اللبس الاسود يعني اهم قطاوه سود ... بس بقولج سلمان ايهبببببببببل ترى من فتره بسيطه شفته وكنت قاعده اقول يختي شنو هالياهل اينن جان تقوللي بنتي هذا سلمان وااااايد نتفه

كوكولاتي يصورونه عادي لا تحاتين بس عطيهم الفلوس قبل لا يسلمونا الصور .

 

[Miss_Tiger79]

شلونكم بنات ؟؟
اليوم لوية لووووووووووووووية ..
رحت اكمل رحلة البحث عن هدوم الفارمر ..
رحت الافينيوز يا تايقر ومالقيت قياسها كله 8 سنين وفوق ..
وشريت لها بس كبوس من نيكست يعني يفي بالغرض ..
ولا اختي تروح جمعية الدعية مذركير وتلقاااالها .. منقذة اختي .. وقالتلي باجر انشالله السايق يقطه البيت ..
وخلصنا بحمد الله ..
واحلى مافي الموضوع اني ناسية احل مع بنتي واجب العربي اللي بالكتاب مادري انا ناسية ولا الابلة مو كاتبة بالورقة مالت الاسبوع اللي فات لأني اذكر اني جيكت !!
المهم الكتاب فيه اين الحل وردينا البيت عقب الهياته علبو ماكو واجب وانصدم بالكتاب وبسرعة بسرعة حلت مع الكثييييير من التحلطم ..
وبس خلص يومنا على خير الحمدلله

زين اشوه لقيتي
انا هم خذيتله كبير مقاس 8 بس جفسته له
عاد لما شفت مال البنات قلت خل اقولج عشان لا تدورين وايد

والهووموورك الابله جافسه الاوراق الي بالكتاب وكاتبه وااااااااااجب

 

[كويتيه ذربه]

عيل انا قطيت الورقه بس شفت شنو يلبس والاكل ما شفت شنو ؟؟؟
وكي جي2 ما عطوني ورقه على لبسهم
ماكو الا باجر اسأل ابلته

كويتيه ذربه
وين محل الالعاب
؟؟؟؟

من امس وانا احاول ارد عليج بس المنتدى كان كله معلق
المحل عرفتي سوق السالميه القديمه
المحل سطره نوران ويمه العاب الوليد
امس سالته قال مفتوح من الصبح لي 11 بالليل ومايسكر الظهر

 

[كويتيه ذربه]

اشلونكم
بنتي كاتبين لها بالورقه
توقعون شنو الاكله
15 حبه شيكن نكتس
اشمعنا 15 ماادري جنه شوي مايكفي الصف
انزين اذا سويتهم الصبح يصير بارد مو حلو علما ياكلونه