تجمع أولياء أمور مدرسة التكامل العالمية للعام الدراسي2011-2012

[كويتيه ذربه]

بنات شلونكم

الصراحه ضاق خلقي علي مستر شين ... الله يرحمه
مادري الصراحه تفاجأت بالخبر ... بس يقولون اليهال ان توفي يوم الكرنفال بالمدرسه يوم الجمعه

اي والله صج صج ضاق خلقنا عليه
الله يرحمه ويصبر زوجته مسكينه
الجمعة وديت بنتي الكرنفال قالوا الصبح توفى بالبيت

 

[Miss_Tiger79]

كويتيه ذربه

اي والله انا انصدمت لما ردو اليهال من البيت
يقولون قمنا نبجي الصبح وحصه العربي كلنا كتبنا رسائل حق مرته مس اندرييت
يقولون مس زينه تقولهم ماندري ليش وشنو صار
الله يعين مرته وجنه عنده ولد بكي جي ٢

 

[manarah]

مس فرح قالتلنا انه الصبح متوفي في البيت نفس ماقالت كويتيه ذربه وتقول انه سكته قلبيه وصج ضاق خلقي عليه بس هذا يومه الله يرحمه

 

[Miss_Tiger79]

اي والله الله يرحمه
ماتشوفينه الا دايم يبتسم للكل واليهال اذا عاقبوهم المدرسين وودوهم حق مستر شين يستانسون يقولون بس يكلمنا ونطلع

 

[امعليحبيبي]

الله يرحمه إن شاء الله. صراحة كان إنسان محترم جدا جدا. الله يصبر أهله و يعين عيالنا على فرقاه. عيالي اليوم مو طبيعين مساكين يقولون لنا و احنا مو مصدقينهم. يروحون و يرجعون بالباص.

إنا لله و إنا إليه راجعون

 

[Baby^Bop]

انا لله وانا اليه لراجعون

بنات من قالي ولدي الظهر عن مس شين وانا لي الحين ضايق خلقي عليه كان خوش رياال وولدي حييل يحبه

هادي ومحبوب حيييل

 

[ام _خلودي]

الله يرحمه صج صج خووش واحد كله بشوش وعلي طول مبتسم

بنات عندي سوال اهو توفا يوم اليمعه هل ماراح يتعذب بالقبر ولا
هالشي مقتصر علي امة محمد

 

[Miss_Tiger79]

اي والله بنات صاجين سبحان الله خلوق وبشوش
انا ليلحين افكر فيه


الله يصبر اهله

ام خلودي
والله مادري بس نفس تفكيري
قاعده اقول ماشالله خوش ريال ومات يوم الجمعه بس الي تسألين عنه مادري والله وحده اعلم بهالشي

 

[ملكة زماني]

الله يرحمه يارب
توني ادري
وانا ماعرفه كلش
بس اي كرنفال كان يوم اليمعه؟؟

 

[Miss_Tiger79]

ملكة زماني

الكرنفال دزو اوراق قبل اسبوع عن الكرنفال وتذكرته ب ١٠ ويوم الجمعه للبنات ويوم السبت للصبيان

 

[ماما فله]

صبحكم الله بالخير بنات
الكي جي 1 عندهم حفله يو 7 الشهر
ما عندكم فكره عنها ؟؟​

 

[ملكة زماني]

صبحكم الله بالخير بنات

الكي جي 1 عندهم حفله يو 7 الشهر

ما عندكم فكره عنها ؟؟​

:eh_s(2):اي حفله بعد ؟؟؟
دزو اوراق ؟ انا ماوصلني شي!


ماما فله وصلج شي عن الكرنفال اللي اتكلمو عنه البنات؟؟

 

[Creamy Girl]

مرحبا بنات
شخباركم من زمان عنكم

منو مستر شين ؟؟؟ لان اول مره اسمع عنه يمكن حق الابتدائي

 

[كويتيه ذربه]

كويتيه ذربه

اي والله انا انصدمت لما ردو اليهال من البيت
يقولون قمنا نبجي الصبح وحصه العربي كلنا كتبنا رسائل حق مرته مس اندرييت
يقولون مس زينه تقولهم ماندري ليش وشنو صار
الله يعين مرته وجنه عنده ولد بكي جي ٢

لا ماعنده عيال
صج ضاق خلقنا عليه طيب ومحترم واليهال كلهم يحبونه
حتى اليهال متاثرين ويبجون عليه

 

[Miss_Tiger79]

كريمي قيرل

اهوه مدير المرحله الابتدائيه


كويتيه ذربه

امممم
باجر مسوين تأبين حق مستر شين الساعه ٧ بالمدرسه

 

[امعليحبيبي]

ام علي
الله يرحمه

 

[ماما فله]

:eh_s(2):اي حفله بعد ؟؟؟
دزو اوراق ؟ انا ماوصلني شي!


ماما فله وصلج شي عن الكرنفال اللي اتكلمو عنه البنات؟؟

هههههه ملكة زماني ضحكتيني شفيج مخترعه
تذكرين يوم اطلبوا منا رسوم 12 دينار حق الحفله المفروض تكون 1 مايو بس خلوها الحين 7
وامس عطوهم اوراق بهالخصوص مقسمين حفلة الكي جي 1 على يومين الصف اللي حفلته الاثنين يغيب الثلاثا والعكس احنا عيالنا انا وياج حفلتهم الاثنين والثلاثا راح يغيبونوهم طالبن 5 دنانيير حق الديفي دي اذا تبين تشترينه

وبالنسبه للكرنفال اي وصلت الاوراق بس ما وديت عيالي ما حبيت الوضع كان يمعه وسبت وعقب الوحده
بس رفيجتي موديه بنتها ما تمدح الكرنفال تقول وايد لويه

 

[D A N A]

بنات شسالفة حفلة الاحد ؟؟
هذي حفلة نهاية السنه ولا شنو ؟

مافهمت شي بس معطينها ورقه ان الأحد تاريخ 7 في حفله الساعة 8.30

 

[D A N A]

وأي احد يقدر ايي ولا بس الام والأبو ؟؟

عفيه بنات الي العام عيالهم بكي جي ١ تقولنا شنو اجواء الحفله وعادي جم شخص يحضر

 

[Miss_Tiger79]

dana

اهيه حفله حق كي كي ١ بس واي احد يقدر يحضر
واهيه مو قصدهم اخر السنه لا يالله اخر شهر ٥ يالله يعطلون اليهال
ويكونون اليهال مشاركين فيها