تجمع أولياء أمور طلبة The English Playgroupجميع الأفرع

[sweet lady]

صباح الخير
اليوم اجتماع الكي جي ليسنر فرع الجابرية
ودي بس اسال عنه واطلع مااحب الانتظار وااايد واحس راح يكون لوية وازعاج بشوف شنو يصير
او يمكن احضر الاجتماع كامل على حسب المزاج اليوم ماداومت احس بتعب قلت بريح وراي اجتماع

 

[sweet lady]

ان شاءالله اشوف تقدم على ولدي خاصة أني بس بخليه هالسنه
بعدين بحولة دسمان ابيه يدخل من الكي جي لي الثانويه والله كريم *

 

[miss_Ba6oOo6a]

شكرا بنات بشووف امر عليهم انشالله خير بنتي كل ما انمر يمها تقوول (مدرسة دانة )

 

[جوري الكويت]

توني صاكه منها الكي جي ليسنر المبني الاخضر الاجتماع ماتحدد ويمكن الاسبوع الجاي لكن ماستقروا وقت

و انا بعد تكرموا و ردوا علي اليوم الصبح

و قالت ما تحدد الاجتماع للحين

راح نعطيكم خبر :eh_s(4):

 

[tmtmt]

السلام عليكم
شلونكم ...

اليوم كان اجتماع kgl برميثيه
وهم بعد معاهم الروضه

احنا اجتماعنا تحت والروضه فوق

- ورونا المناهج وشنو يعطونهم والكتب .
- قالولنا شلون نعلمهم الاحرف .
- وحرصوا ام الطفل لازم يكون متواجد قبل الساعه ٨
على الاقل يلعب شوي لي حزة الكلاس مو سيده ايي يدخل الحصه .
- وحرصوا ان ما يغيبون .
- الاكل صحي ( ممنوع الككاو - الحلاو - البطاط ) .

هذا الي قالوه واذا تذكرت شي مهم بعد اقولكم

سالت ابلة الماث عن بنتي تقول شاطره بس ماتحبني
مو حابه التيجر كلش مادري ليش .. ضاق خلقي

والي عجبني انهم ماشاءالله عارفين اليهال وحافظين اساميهم واشكالهم
اي احد يسال عن ولده ولا بنته يجاوبون على طول
وعارفين شخصياتهم وشنو يحبون ومايحبون

حلو تعاملهم معاهم ...

ويقولون لا تتسرعون تبونهم يتكلمون ويكتبون توهم عطوهم فرصتهم

وطلبت سي دي الاغاني عشان اعرف شنو يغنون واخليها تحفظ

بشكل عام حبيت الوضع وان شاءالله خير ..

 

[sweet lady]

اليوم لبست وكشخت بروح الاجتماع ولا أنا بالطريج عند دخلة الجابريه السيارة تقطع وبغيت اسوي حادث ويصير فيني شئ
والله ستر قدرت اتداارك الوضع ادوس بريك تمشي بروحها الله ستر طفييتها فجاه ووقفت امبييييه بغيت اروووح فيها
بنات دقيت على ريلي وأخوي لمن يو شغلوا السيارة طلع مافيها شئ تشتغل وانا أشغلهاا ماتشتغل معاي
صج حلم سبحان الله شعوور غريب صااار ريلي أخذ السيارة وبيشوووف علتها طلع مافيها شئ وداها اكثر من مكان قالوا مافيها شئ
رجع البيت ورحت بيت اهلي مافيها ولا شئ ماادري شنو حصل معاي
خيره بنات واللي يضحك والسيارة واقفه فيني وأنطر ريلي أطالع الساعه اقول الحين بدوا الاجتماع ههههههه
أنا وين والاجتماع وين مت حر لا تشوفوني كله بصوب والميك اب بصوب مع هالحر
يالله حمدلله على سلامتي *

 

[sweet lady]

عاااد صارلي جم يوم مترددة مالي خلق الاجتماع
واليوم قلت بروح بسال عنه واذا في شي مهم بكمل الاجتماع الا حصل اللي صااار *

 

[جوري الكويت]

خطاج السو سويييت و حمدالله على سلامتج

دقي عليهم ساليهم عن ولدج

 

[ام عفاف الكويت]

خطاج السو قلبي
خيره ان شاء الله

 

[tmtmt]

سويت

ماتشوفين شر وخطاج السو
المهم سلامتج

وقالوا اذا تبون تسالون باي وقت اخذوا موعد وسالوت عادي

 

[sweet lady]

الشر ماييكم حبايبي مشكورين وماقصرتوا :eh_s(7):
للحين مستغربة للي حصل@@ يالله الحمدلله خيره

 

[جوري الكويت]

اجتماع kgl فرع سلوى غرين

انشالله يوم الاربعاء 19 / 10

بنتي ب a3 من الساعه 5 الى الساعه 6

 

[sweet lady]

مساء الخير :eh_s(17):

 

[ام عفاف الكويت]

جوري تماااااام زين بلغتيني

 

[ام عفاف الكويت]

انا اليوم وديت عفوف المستوصف عشان انكمل الملف الصحي للروضه
لانها السنه اللى طافته وقت عمل الملفات كانت بره الكويت
واليوم رحت الامومه سويت لها تحليل السي بي سي ويورين روتين
وطلعت النتايج ورحت سجلها المستوصف وختم
وباجر بوديه المدرسه افتك من حنتهم

 

[شمسة 1983]

صباح الخير حبايبي
امس عطو ولدي واجب عربي (أمل قالت ) يكتبها مرتين
والانجليزي عطوه 5 كلمات sit / hit / kit / lit / bit
الله يعين واقدر احفظه هالكلمات

 

[شمسة 1983]

صباح الخير حبايبي

 

[tmtmt]

صباح النور

 

[عشق]

صباح الخير مبنى سلوى ملوعين جيدي ابي أقابل الأبله مالت العربي أكلمها وكل يوم يقولون نرد لج خبر ومحد يدق

 

[شمسة 1983]

صباح الخير مبنى سلوى ملوعين جيدي ابي أقابل الأبله مالت العربي أكلمها وكل يوم يقولون نرد لج خبر ومحد يدق

هذا الطبع اللي ما احبه فيهم اذا حضرتي شخصيا وخذيتي موعد يرحبون فيج ويعطونج اهتمام واذا اتصلتي يطنشونج وكل وحده تقطج عالثانية