تجمع أبلات العلوم للمرحلة الإبتدائية "اليدد والقدم"

[مدرسة المستقبل]

السلام عليكم
شلونكم بنات

winter
يا هلا فيج نورتي


مشغوله ومحتاسه
على قولة أبلة غزالة ياحلوها من رزة فيس
يا هلا ومرحبا فيج ومشكورة عالإضافة


أبلة غزالة
تو ما نور الموضوع
عمرج طويل أمس حاولت أدزلج رسالة خاصة علشان أقولج عن هالتجمع بس طلعتي مانعة استقبال الرسايل

وبالنسبة للنقطة الي أثرتيها
بصراحة ما عندي أي خبره بمنهج رابع وخامس ولا حتى كتبهم
لأني خبره سنه وحده ودرّست فيها أولى وثالثه

وإذا تسمحيلي ودي أسألج
شنو الفروقات الي لاحظتيها بين الفروانية والعاصمة
من ناحية: التوجيه / المعلمات / التلاميذ / الإدارات


وهم ودي تعطيني رايج بتوجيه العلوم بمنطقة الفروانية ​

 

[ابلة غزالة]

هلا مدرسه المستقبل عذريني انا امس شفت التجمع و غريبه انا دايما استقبل رسائل بس من يوم ما صرت ادخل المنتدى من التلفون و الدنيا كلها معتفسه عندي

المهم بالنسبه الفرق بصراحه في فروقات مو فرق
الفروانيه وايد يحبون الزياده بالشي اما العاصمه كل شي عندهم بسيط يكفي بالحاجه
لاحظت ان التوجيه و الادارات في العاصمة ترفض التحضير بالكمبيوتر و الفروانيه لا عادي حتى سنه من السنين اسمحوا بالتحضير الجماعي
بالنسبه للمعلمات لاحظت ان في العاصمة نسبه كبيره من معلمات وافدات وبالفروانيه لا نسبه اقل بوايد يعني انا ولا مره كانت عندنا معلمة وافده بالعلوم بمدرستي بالفروانيه

بالنسبه لتوجيه الفروانيه على حسب الموجه فيهم الشديدين و فيهم الحبوبين

 

[** رش رش **]

هلا و الله بكل ابلات العلوم
بالنسبه لمناهج رابع و خامس التوجيه له سنتين يطلب منا نقد المنهج و ياخذون نهايه كل كورس انتقادات كل مدرسه و ملاحظاتها و الاقتراحات على التعديل
ان شاء الله يكونون فعلا طبقو هالانتقادات و عدلو المناهج الي كان فيها اخطاء وااااايد

 

[strong faith]

بالانابه عن صاحبة الموضوع اقولج نورتينا. ( ما ادري ليش كلمه بالانابه ذكرتني باليوم الاداري عند الوكيله )

ايه والله صاجه ، حسيت اني داخله غرفت الوكيله

انا بس ادخل هالموضوع احس اني قاعده بالقسم ، و ياحلوها من قعده

ابله غزالة عفيه تكلمي عن توجيه العاصمه اكثر و اكثر اذا سمحتي :eh_s(17):

 

[ابلة غزالة]

الله يسلمج توجيه العاصمة توجيه حلو و هالشي خلاني اقعد وما اطلب نقل و ارجع للفروانيه و مو بس انا لا في وحده رئيسه قسم معاي بالعاصمه بس اهي من سكان جهرا و نفس الشي مو حابه اتروح الجهرا
انا جربت ثلاث موجهات ما شالله عليهم حبوبات و يخافون الله و ما يتطلبون فوق الطاقه
الشغل معاهم حلو
ما ادري بعد شنو تببن اتعرفين بالضبط

 

[strong faith]

الله يسلمج توجيه العاصمة توجيه حلو و هالشي خلاني اقعد وما اطلب نقل و ارجع للفروانيه و مو بس انا لا في وحده رئيسه قسم معاي بالعاصمه بس اهي من سكان جهرا و نفس الشي مو حابه اتروح الجهرا
انا جربت ثلاث موجهات ما شالله عليهم حبوبات و يخافون الله و ما يتطلبون فوق الطاقه
الشغل معاهم حلو
ما ادري بعد شنو تببن اتعرفين بالضبط

ما قصرتي جزاك الله خيرا :ggdw:

انا ابله مو رئيسة قسم

بس ابي انقل الفروانيه ، بس مرتاحه بمدرستي اللي اهي بالعاصمه

كمعلمه اي احسن لها العاصمه وله الفروانيه ...

انا مدرستي اللي بالعاصمه يرضون تحضير مطبوع بس محد يحضر بالكمبيوتر

ان شاء الله انا السنه الجايه ابي احضربالكمبيوتر

 

[ابلة غزالة]

والله انصحج كاخت ظلي بالعاصمه
واذا مدرستج زينه ليش تنتقلين

 

[المُهرة]

معاكم المهرة
تعيين جديد

في محافظة العاصمة
أولاد
وأتمنى أستفيد من خبراتكم
:eh_s(7):

 

[ابلة غزالة]

حياج الله يا مهره ويانا
وانشالله كلنا نفيد و نستفيد

 

[مدرسة المستقبل]

قــوة بنــات​

شخباركم ؟؟​

أبلة غزالة ​

بالإضافة لإفادتج لي وللبنات وجودج مريحني​

قولي ليش ؟​

دايره بالج عالبنات وتهلين وترحبين فيهم لما أكون مشغوله عن الموضوع :ggdw:​

تستاهلين أحلى باقة ورد ​

​

المهره​

نورتي الموضوع
يا هلا فيج ​

strong faith​

يبيلج طق :eh_s(4):
يا بنت الحلال متاحه بمدرستج
شكو تهدينها ؟؟؟؟؟
أنا عقب الي ذقته بمدرستي صرت كرهت التربية والتدريس
( وملاحظة بين قوسين هالمدرسة بمنطقة الفروانية التعليمية )​

خوفج تنتقلين من مدرستج ويقطونج بمدرستي أو مدرسه مثلها
ساعتها بتندمين قد شعر راسج​

فنصيحة من اخت إذا مو مضطره حيل للنقل ومرتاحه بمدرستج
لااااااااااااا تنتقليـن​

رش رش​

انتي الوحيده الشطوره بينهم :eh_s(15):​

قولي ليش ؟؟​

لأنج حطيتي صورة التجمع بتوقيعج​

تستاهلين هالهدية :ggdw:​

وإذا قدرتي تفتحينها قوليلي شنو فيها ​

 

[strong faith]

[

QUOTE=مدرسة المستقبل;26386705]

قــوة بنــات​

شخباركم ؟؟​

strong faith​

يبيلج طق :eh_s(4):
يا بنت الحلال متاحه بمدرستج
شكو تهدينها ؟؟؟؟؟
أنا عقب الي ذقته بمدرستي صرت كرهت التربية والتدريس
( وملاحظة بين قوسين هالمدرسة بمنطقة الفروانية التعليمية )​

خوفج تنتقلين من مدرستج ويقطونج بمدرستي أو مدرسه مثلها
ساعتها بتندمين قد شعر راسج​

فنصيحة من اخت إذا مو مضطره حيل للنقل ومرتاحه بمدرستج
لااااااااااااا تنتقليـن​

اهلين ، بخير و الحمد :eh_s(22): انتي شلونج

شورج و هداية الله ( حرمة انتقل ) صاجه اهم شي الراحه ، مع اني زهقت من الطريج

تسلمين ابله غزاله ما قصرتي :، عساج على القوه eh_s(17):

 

[مدرسة المستقبل]

strong faith

الحين انتي جذي :eh_s(15):

 

[مدرسة المستقبل]

السلام عليكم

شلونكم بنات ؟


بنات شرايكم نتناقش بشي معين ؟ أو مثلاً نختار فصل وكل وحدة فينا تحط الصور والأفكار والبوربوينت والأفلام وكل شي عندها عن هالفصل ؟

مثلاً فصل ( القوة والمغناطيس والكهرباء ) أو ( فصول السنة )
أو أي فصل

شرايكم ؟؟؟​

 

[UMSAROON]

السلام عليكم​

شلونكم بنات ؟​

بنات شرايكم نتناقش بشي معين ؟ أو مثلاً نختار فصل وكل وحدة فينا تحط الصور والأفكار والبوربوينت والأفلام وكل شي عندها عن هالفصل ؟​

مثلاً فصل ( القوة والمغناطيس والكهرباء ) أو ( فصول السنة )
أو أي فصل​

شرايكم ؟؟؟​

خوش فكرة قواج الله

 

[UMSAROON]

وانا أول وحدة ببلش ومابي شي منكم الا الدعااء ان الله يسهل ولادتي ويرزقني الذرية المعافاة يارب..
ببلبش ابفصول السنه بحط لكم بعض الصور اتفيدكم..

هالصورة تنفع اتكبرينها واتقصينها اربع اجزاء والبنات يركبونها على السبوره..ويتعرفون على كل جزء يمثل اي فصل



وهالصور تنفع حق التصنيف ماهي ملابس كل فصل (أو من الصوره حددي اسم الفصل)

 

[UMSAROON]

هذا رابط لفيلم تعليمي جدا مفيد عن هجرة الطيور ويفيد الصف الثاني الابتدائي

http://www.youtube.com/watch?v=31oRNjklVvw&feature=player_detailpage

 

[* فطامي *]

يعطيك العافية ابلتنا على الصور و الفيديو


تعيين يديد ومنكم نستفيد

بس مو جنه فصل الفصول للكورس الثاني ولا أنا غلطانه ؟
*

 

[UMSAROON]

يعطيك العافية ابلتنا على الصور و الفيديو


تعيين يديد ومنكم نستفيد

بس مو جنه فصل الفصول للكورس الثاني ولا أنا غلطانه ؟
*

صح هذا الفصل الثاني

بس هذا اللي متوفر عندي الحين

ان شاء الله اطلع الباجي بس يبيلهم لوية اشوي

 

[مدرسة المستقبل]

يا هلا بأم سارون

الله يقومج بالسلامة ويرزقج الذرية الصالحة يا رب

يعطيج ألف عافية على الصور الحلوة
​

 

[مدرسة المستقبل]

يا معلمات العلوم

دام أم سارون حطيت لنا صور عن فصول السنة

راح نثبّت هالموضوع الي اهوه

فصول السنة

فكل وحده عندها أي شي يخص فصول السنة تحطه

وما نحط أشياء ما لها علاقة بفصول السنة

لين الكل يحط كل الي عنده

علشان ما نضيع

بانتظاركم​