تجمع أبلات العلوم للمرحلة الإبتدائية "اليدد والقدم"

[مدرسة المستقبل]

شلونكم يا زميلات المهنة والتخصص​

حبيت أسوي هالتجمع الخاص فينا لأن التجمع القديم كان بـ 2009 وصار له مدة طويلة مهجور ​

وثاني شي لأن العام الدراسي اليديد ما بقى شي ويبدي​

فاحنا بحاجة لأن نجتمع ونتناقش ونتبادل الخبرات عن مادتنا الحلوة​

في البداية ودي نتعرف على بعض
لأني بصراحة ما أدري منو من بنات القسم مدرسة علوم إبتدائي​

يا ريت كل وحدة تشارك تحط لنا هالبيانات​

الإسم: مدرسة المستقبل​

سنوات الخبرة: سنة وحدة​

المنطقة التعليمية: الفروانية​

جنس المتعلمين: صبيان​

المراحل الي تم تدريسها: أولى وثالثة​

وشغلة ثانية يا حلوين
يا ريت تحطون هالصورة بتوقيعكم مع رابط هالموضوع
علشان كل مدرسات العلوم يشوفونه وهم علشان ما نضيع بعض :ggdw:​

عندي وايد شغلات ودي أقولها وأحطها بس أنطر تفاعلكم​

بانـتـظــــاركـم :eh_s(17):​

 

[صدقني@صعبه]

هلا وغلا

انا تعييين جديد علووم

بس مو ابتدائي متوسط

ان شاء استفيد منكم

 

[strong faith]

مرحباااا

انا بمنطقه العاصمه

ادرس بنات

سنه الخبره ١

درست ١،٣

وسلامتكم ......

 

[fri2010]

موفقين يارب

 

[* فطامي *]

السلام عليكم


الاسم * فطامي *

الخبرة امممم تعينت ١٢/٥/٢٠١١
فماعندي خبره لوووول

الجنس اللي ادرسه صبيان وان شاء الله انحاش منهم

الراحل لايوجد

 

[مدرسة المستقبل]

صدقني@صعبه يا هلا فيج حياج الله


fri2010 تسلمين عالمرور الله يوفق الجميع


فطامي و strong faith تشرفت بمعرفتكم
ما شاء الله كلنا فرررررش

الله يوفقنا يا رب

strong faith طلعنا أنا وياج نفس الخبره ونفس المراحل

فطامي ما قلتي لنا انتي بأي منطقة ؟

 

[الأميرة نوونه]

مرحبا

الاسم: الأميرة نوونه

الخبره سنتين

المنطقه التعليميه الاحمدي

فئة التدريس البنات

 

[الأميرة نوونه]

درست ١-٢-٣-٤

 

[مدرسة المستقبل]

يا هلا بالأميرة نونة
تشرفنا حبيبتي

بغيت أسألج شنو الصعوبات الي تواجهج بتدريس البنات ؟
متعبين ؟ مهملين ؟ دلوعين ؟ .....

 

[مدرسة المستقبل]

بنات لا تنسون تحطون الصورة الي حطيتها بتوقيعكم

 

[meram]

موفقات ان شاء الله

 

[strong faith]

بنات لا تنسون تحطون الصورة الي حطيتها بتوقيعكم

انا اشبك على ايباد ، فما اعرف احط صور :eh_s(11):

حطي رابط الصوره لو سمحتي :eh_s(17):

 

[** رش رش **]

انا بعد معاكم بهالتجمع
الاسم : رش رش
سنوات الخبره : 6 سنوات
المنطقه التعليميه : الاحمدي
جنس المتعلمين : جربت البنات و البنين بس حاليا بنات
المراحل التي تم تدريسها : مريت على كل المراحل من اولى لخامس

بس في شغله ...... ما اعرف احط الصوره

 

[UMSAROON]

هاي بنوتات
الاسم : ام ساروون
المنطقة التعليمية: حولي
معلمة علوم ابتدائي (كنت بنين والحين بنات)
سنوات الخبرة: 5 سنوات
المراحل اللي درستها بالمناهج اليديدة: 1و2و3 و4

 

[مدرسة المستقبل]

يا هلا فيكم بنات نورتوا الموضوع​

بس في شغله ...... ما اعرف احط الصوره

حطي رابط الصوره لو سمحتي :eh_s(17):

تامرون أمر

هذا الرابط ومعاه الطريقة​

أول شي سووا كوبي حق الرابط هذا​

http://im9.gulfup.com/2011-08-18/131368902181.jpg​

بعدين روحوا فوق صوب الرسائل الخاصة تلقون "خيارات سريعة" ضغطوا عليها واختاروا "تعديل التوقيع"​

وروحوا صندوق الأدوات فوق المربع الي تكتبون فيه
تلقون إداة "إدراج صورة" مربعة لونها أصفر وفيها جبل ضغطوا عليها وسووا لصق وأوكي​

إن شاء الله يكون شرحي مفهوم :yaaaaaarb:​

​

 

[مدرسة المستقبل]

* رش رش * و أم سارون

نورتوا الموضوع :eh_s(9):

ما شاء الله صار عندنا بالتجمع معلمات لهم خبره حلوه

إن شاء الله تفيدونا :eh_s(17):


لي الحين ما لقيت مدرسة من الفروانية معاي :eh_s(2):

 

[Winter Q8]

الإسم: Winter
​

سنوات الخبرة: سنتين
​

المنطقة التعليمية: مبارك الكبير
​

جنس المتعلمين: صبيان​

المراحل الي تم تدريسها: ثانية و ثالثة و رابعة


​

 

[ابلة غزالة]

مرحبا بنات

انا ابله غزاله
درست كل المراحل
معلمة سابقه في الفروانيه
رئيسه قسم في العاصمة
كل ادرس اصبيان و لا مره جربت البنات


هذا تعريف عن نفسي

خلونا نبدا نطرح مواضيع و نسولف

انا بغيت اسالكم شفتوا كتب العلوم الطبعه اليديده لرابعه و خامسه انا صراحه ما شفتها بس مدرسه رفيجتي وصل لهم دفعه الكتب اخر السنه
وقالت لي مغيرين الغلاف و مغيرين اشياء من داخل

انا سبق و سمعت من التوجيه ان كتب رابعه و خامسه راح يشملهم تعديل و لغي لبعض الاشياء
فما ادري شفتوا الكتب اليديده ؟

 

[مشغوله و محتاسه]

يصير ارز الفيس مع اني مو علوم ؟؟



انا عندي كراسة التطبيقات اليديده .. للصف الخامس الفصل الاول



طبعااا ما اعرف الفرق لوول بس بكتب لكم المحتويات




الوحدة الاولى : علوم الحياة
ف 1 : بنية النباتات و وظيفتها
ف2 : بنية الحيوانات و وظيفتها
ف 3: الظاقة في الانظمة البيئية
ف4 : القدرة على العيش في المحيط البيئي


الوحدة الثانية : جسم الانسان
ف1: الجهاز الهضمي و الجهاز العصبي و الجهاز الدوري
ف2: المحافظة على صحة اجهزة الجسم




و بس سلامتكم


ان شاء الله اكون افدتكم ولو شووووية

ف1 = الفصل الاول

 

[ابلة غزالة]

يا حلوها من رزة فيس و الله

مشكوره يا مشغوله على مشاركتج

و حياج الله ويانا

هذي الكراسه الله يسلمج سبب معاناتنا والسبب ان اسألت الدرس الواحد تتكرر فيها الاجابات اكثر من مره
انشالله مصلحين الاخطاء السابقه بالطبعه اليديده

بالانابه عن صاحبة الموضوع اقولج نورتينا. ( ما ادري ليش كلمه بالانابه ذكرتني باليوم الاداري عند الوكيله )