تجـــمــّــع هــــواة الــــرســـم ((فنــّانــات المنتــدى)) حيــــاكم

[جوجو.]

يعطيج العافية عـ المعلومات عن الالوان الزيتية

انا عن نفسي احب ارسم بالرصاص

واحب ارسم اشخاص بس ودي اغير وارسم مناظر طبيعية

وودي اتعلم عـ الزيتي لأنه احلى بالمناظر الطبيعية

تأثيراته احلى ودمج الالوان فيه اسهل

بس مالي خلق عفسة الالوان وحطي مكان حق اللوحات ويبيلها ستاند وحالتنا حالة

الرصاص اسهل واقدر ارسم متى ما طرى فبالي

<<<< حدها كسوووووولة :tomato2:

اشتركت بمسابقة وحدة ايام الثانوية بس مادري شصار عـ المسابقة منو فاز وشنو صار

وما اشتركت بمسابقة غيرها لأن صار توتش مع الابلة

مع انها كانت تبيني اشترك بمسابقات بس انا ما رضيت ولين تخرجت واهيا مناشبتني على هالشي

والصراحة انا تعلمت الرسم بروحي عقب ما شفت خالي يرسم وعجبتني رسماته وقلت ابي اصير رسامة

كان عمري 7 سنين تقريبا

بس انا ليلحين ما اعتبر نفسي رسامة

المهم انا راح احطلكم رسمة من رسماتي

الصورة حق كاكا لاعب ميلان

عجبتني الصورة ورسمتها _03ba:

مو مضبوطة الرسمة بس ممشية حالها ههههههههه

في انتظار انتقاداتكم عـ الرسمة يا حلوين

بصراحه حلو رسمج
موفقه

 

[جوجو.]

بصراحه الموضوع وايد حلو
باميا ماشاالله تبارك الرحمن رسمج وايد حلو اتمنى لج التوفيق والاستمرار ومزيد من التقدم
الى باقي البنات
رسمكم روعه والله وأتمنى من الله أن يوفقكم وتوصلون لاعلى المراتب بالرسم
وهذي دعوه قلبيه لكم جميعا

 

[Bamya]

young B

ماشاء الله رسمج واااااااااايد حلو .. خصوصا رسم الويه وااايد صعب ما فكرت حتى اجربه لأني راح اقلبه عاهة لووول
ترى الرسم الزيتي ما يحتاج كورنر الا بعد ماا تتفننين عددل مددل .. انا حاطه كل الاغراض بدرج واذا بغيت ارسم اطلعهم ومتى ما خلصت رديييتهم .. ما عندي ستااند لاني احب ارسم وانا قاعدة عالارض واسند اللوحه على شي .. ساعات اسدح اللوحه << جمباز مو لوحه لووول ^_^
يالله نبي نشووف لوحاتج بعد
يعطيج العافيه عالمرور الحلو نورتي الموضوع



عهود الحب

اي هذا الحلو بالرسم .. انه ممكن يرافق اكثر من هواية وما يحتاج تفرغ تاااام لأنه يحتاج مزاج .. ساعات اقطع عن الرسم بس اول ما اييلي الحماس على طووووووول انط اطلع الالوان وارسم
شكلكم كلكم تحبون الرسم بالرصاص الا انا ^_^ يالله ومنكم نستفيد ونتعلم
يسلموووو يا جمييل عالمرور

ساعدونا بأساسيات الرصاص وطريقة التظليل وشنو ابسط انواع لوحات الرسم بالرصاص واصعبها


سارة العبدلي

واااو معانا فنانة بالمنتدى ^_^ ماشاء الله عليج
دشيت موقعج وألقيت نظرة ملقوووفة رسوماتج حلووه .. وعشان تزيد حلاتهم احس ان يبيلهم تغميق ببعض الاماكن ^_^ << ترى ما افهم بالبورتريه بس ياني هالاحساس اكيد انتي فاهمتني مو؟؟
خليج معانا بحملتنا وتابعينا حبيبتي .. وتسلمين على مرورج نورتينا


Q8 programmer

وناااااااااااااااسه نلوّن بأصابعنـــا ؟؟ ايوااااا حق التلوص لووول بس والله وناسه معلومه حلوووه شكلي بحوّل من الزيتي حق الباستيل

لوحتج توننننننس وايد دافية ودمجج للألوان حلوووو .. يسلمووو .. بس شلون باصابعج حددتي اوراق النخل وخطوط الماي؟ اكيد استخدمتي ريشة عدل؟

مادري بروجرامر بخصوص الدروس .. انا قلت بنزل دروس كل ما اشوف الموضوع نااايم عشان ارفعه ومرّه وحده اللي تدش وتعجبها لوحه من اللوحات وودها تتعلم يكون الدرس جدامها ما تدور بالصفحات ^_^

عاااااااااشوا الفنانات لاااااايوقف .. لما اخلص رد بحط لوحتي المفضلة الثانية



AL-N7EESAA

وااااااو ماشاء الله دمج الالوان في الورقة عجييييييييييب .. شلون سويتيه؟

ثنكيو على متابعتج معانا ^_^ لج مستقبل اوختااااااه

 

[Bamya]

الجوري الوردي

تسلمييييييييييين يا قلبي ^_^ نورينا بمشاركااااتج

حياج الله

 

[الاسطورية]

وانا احب الرسم

 

[Bamya]

وهذي احدى لوحاتي العبيطة




تشوفونها عاديه صح؟؟ بتقولون وين العبط فيها؟

انا اقولكم

العبط بالألوان .. استخدمت ألوان زيتيه و ................................. صبغ اظافر لوووول + خرز كاااااك

بس طلعت تحفه << على قولة امي نفنوف عرس حشى مو لوحة لوووول ^_^

اول شي عصرت الوان زيتيه عاللوحه ومسحتهم بالاسفنجه ودمجتهم بالشكل اللي تشوفونه .. بعدها رسمت الطاووس على ورقة ثانية ولزقتها على اللوحه + الريش اللي طاير هم بعد رسمته على ورقة ولزقته عاللوحه
بعدها لونتهم بالصبغ اللمااااعي عشان يعطي ال flashing look ولزقت الخرز على ويه الطاووس (خرز شفاف) ووزعت الخرز على الخلفية (بنفسجي + شفاف)

وطلعت النتيجه اللي تشوفونها .. ها اعرف اشرح؟


عطوني رايكم

وناطره لوحاتكم وابداعاتكم

 

[Bamya]

الأسطورية

يا هلا فيييييييج حياتي معانا .. اي نوع رسم تحبين؟ شاركينا بلوحاتج

 

[ㄨعلويه ㄨ]

ماشاء الله عليكم شاطرات وانا عندي رسمه بدورها واجيبها باذن الله

 

[ㄨعلويه ㄨ]

كح كح جبت لكم رسمتي البسيطه وانا تعلمت طريقت رسمها من النت تلقيت درس عنه واللي تبيني احط الدرس انا حاظره :ada:

يالله دولو ماساء الله :eh_s(6):

شرايكم ؟؟
هو فيه غلط هو الخشم خربان يبي له تعديل:dddds:

 

[Bamya]

حلااااااااااااااااااااااااات العيون تونننننننننننننننس

حطي لنا الدرس عاد ليش البخل؟ ^_^

لا جد حلوه حتى التلوين حلو

 

[ㄨعلويه ㄨ]

حلااااااااااااااااااااااااات العيون تونننننننننننننننس

حطي لنا الدرس عاد ليش البخل؟ ^_^

لا جد حلوه حتى التلوين حلو

كح كح لا والله مو بخل بس بشوف تبون ولا لا :eh_s(1):

وعيونج الحلوه
وبحط لكم الدرس انشاء الله

 

[MaZaji CoOL]

خووووووش تجمع.. يبيله والله ..

بس مو عارفه شلون أنزل الصورة وتكون واضحه .. حاولت اصور رسماتي بالتلفون ويطلع مو وااضح .. انشااالله لي عوووده ...

 

[ㄨعلويه ㄨ]

جبت لكم الدرس :ada:
بس ها اللي ماراح تطبق تغمض عيونها لا تشوف :krkrkr:<<يمدحون الطرقات

يالله بسم الله نبدء
1- الخطوة الاولى نقوم برسم خطوط عرضية متوازية كما بالشكل

2 - بخط خفيف , نرسم شكل سداسى بمساعدة الخطوط العرضية , و بعدها نرسم على الجانبين خطين مائلين

3 - نوصل الخطين المائلين من الاعلى و الاسفل لتعطى شكل بيضاوى, و نحدد اماكن الكتف و الذراع بدوائر صغيرة

4-باستخدام خط اثقل نقوم باضافة بعض التفصيلات( فى برنامج الرسم نرسمها فى لاير جديدة ) :

1- نقوم بعمل خط منحنى عند الزوايا الحادة عند الشكل السداسى

2-نضيف بعض الخطوط المنحنية لاعطاء تاثير القماش

3- نقوم برسم باقى اجزاء الحجاب

5-نرسم تفاصيل الوجه و الجسم

6-نقوم بمسح الخطوط العرضية الزائدة

7- الخطوة الاخيرة و هى التحبير و اضافة اللمسات النهائية الى الرسم

وبس يالله وروني تطبقاتكم انا تطبيقي فوق​

 

[ღ Prettyღ♥ღWoman ღ]

مشكووره ع الموضوووع

انا بعد مثلكم احب الرسم

بس مشكلتي ما فيني صبر

يعني اذاا بطت جبدي اللوحه قطيتهاا وخليتهاا ما اكملهاااااااا

واذا رسمت رسمه ومالي مزاج عااادي اخليهااا للسنه اليااايه واكملهاا لوووول

وما اشتركت بمعارض ولا شي

والرسم تعلمته بروحي

ونفس غيري موهبتي والفن مايطلع الا بوقت المحاضرااات

احب ارسم الشخصيات الكرتونيه والمناظر الطبيعيه والحيوانات والطيوور وستل لايف still life و ابستراكت abstract

بس ما جربت ارسم وجووه

اخر رسمات رسمتهم كانوو اول ما توظفت رسمت ع راكات للسلايدات << ادري بتقولووون شنووو هذولي لووول

الراك مثل كتاب نحط فيه شرايح العينات عشان نشوفهم تحت المايكروسكوب بالمختبر تعرفوون الشرايح نفس الي بحصص العلووم

وهذي رسمات للراكات








وهذي رسمات رسمتهم حق اختي كانت ماخذه مادة فنيه لوول







وعندي رسمات وخرابيط وايد بس هذوله الموجودين ع جهاازي


وسلامتكم............​

 

[ㄨعلويه ㄨ]

ماشاء الله رسماتج حلوين

 

[Bamya]

MaZaJi CooL

ناطرينج لا تصيفين


علوية

ياابعد جبدي والله خووووش درس تسلم ايدج .. بجرب الليله هالدرس ^_^


pretty woman

اول مره اسمع عن فن الراك من وين طايحه عليه؟

ماشاء الله لوحاتج ابداااااااع .. هذا يسمونه فن تشكيلي عدل؟؟ اللي اهو عبارة عن تركيب رموز
وايد حلو ويستهويني بس ما اعرف له ولا اعرف اساسيااته .. راح ادور له درس وانزله عشان الكل يستفيد معاي

ياريت لو تمسكين لنا لوحة وتفصفصين فيها شلوووون سويتيها شنو الالوان وشلون بديتي واذا في اسرار مني مناك بطي البرمه لوووول ^_^

 

[ღ Prettyღ♥ღWoman ღ]

:

اول مره اسمع عن فن الراك من وين طايحه عليه؟

ماشاء الله لوحاتج ابداااااااع .. هذا يسمونه فن تشكيلي عدل؟؟ اللي اهو عبارة عن تركيب رموز
وايد حلو ويستهويني بس ما اعرف له ولا اعرف اساسيااته .. راح ادور له درس وانزله عشان الكل يستفيد معاي

ياريت لو تمسكين لنا لوحة وتفصفصين فيها شلوووون سويتيها شنو الالوان وشلون بديتي واذا في اسرار مني مناك بطي البرمه لوووول ^_^

لووووووووول الرااك مو فن

الرااك هو مثل كتاب استخدمه بدوامي ورسمت على ورقة A4 ولصقتها عليه


هذي صور للراك









بالنسبه للفن التشكيلي احبه وااايد احب لما ارسم بلوووحه اخربط فيهاااا

وساعااات امي تزفني شنوو هالخرابيط اقوولهاا ماعلييج الرسمه اهي رااح اتطلع عمرهااا

يعني ارسم على عماااي لييين اشووف انه فيهاااا شي واحاول ابينه لين تطلع معاي لووحه

وبصراحه لوحتج

الطااوووس شوقتني ارد ارسم مره ثاانيه

لاني احب هالاسلوب والتكنيك انج تحطييين كل شي عندج باللوحه انتي اذا تضحكيين على صبغ الاظافر

انا مره رسمت ويه وابي لووونه يكوون بييج طبيعي عيزت وانا احااول اسوي لووون نفس الي ابييييه

تدرييين شنوو حطييت؟؟؟؟


حطييت كريم اسااااااس وبلشر لوووووووووول

وطلعت الرسمه عجييبه

بس مشكلتي ان رسماتي يااا اقطهم يااا اوزعهم او ارسم فووقهم لوول


انشالله اذا رسمت رسمه سنعه بحطها وبشرحهااا

لان كل اغرااض الرسم وخرابيطي قطيتهم :eh_s(6):​

 

[Q8 programmer]

اهليييين
اول شي اخت باميه انا حددت عن طريق الكلينكس مو ريشه
ورسمتج وايد حلوه اعجبتني طريقة الرسم شلون سويتها

وبريتي ومن اعجبتني رسماتج والله وناسه شلون استخدمتي ملف العينات ههههههه بقول حق اختي لانها تشتغل نفس شغلج

سلاااام مع لقاء اخر من الرسومات

 

[Q8 programmer]

الحين بحط لكم بعض من خرابيش نوتت محاضراتي ايام الجامعه




والحين لما تسرحين اكيد شنو تحبين ترسمين غير الدكتور اللي جدامج



بس بنات اللي تعرفه لا تقوله

 

[Young B]

باميووو رسمتج عجيييييبة

ما يهم شنو تستخدمين فيها مادام الرسمة بتطلع حلوة

اذكر ابلتي الفنية كانت تقول لي جذي

تقول استخدمي اي شي يساعدج عـ الرسم

دوات غريبة الوان غريبة ما يهم

والرسمة وايد وايد وايد حلوة ماشالله عليج

واسلوبج بالرسم روعة

انا عندي رسمة بالوان الباستيل الزيتية

الصراحة احلى رسمة رسمتها

وصارت الصكة بيني وبين ابلة الفنية وادارة المدرسة بكبرها على هالرسمة

وبالأخير قدرت آخذها ههههههههههه

انشالله احطها لكم بوقت ثاني