&&* تجــــمع مـــراجــعات مسـتشفـــى المـــــواســاه *&&

[غيـ الناس ـر]

رد: >>>تجمع مراجعات الدكتورة نداء بو خضور<<<

باجر ان شالله ولادة ^مرايم^ اختي وان شالله الله يسهل لها وتقوم بالسلامه ادعووولها بنات


انا احس ان ولادتي بتكون قيصريه لانها من قبل قايلتلي قبل لا احمل ان عنق الرحم عندي ضيج .. ودي اسألها وخايفه انصدم لووول


بنطر للسادس او السابع واسألها

 

[Om _ Almona]

رد: >>>تجمع مراجعات الدكتورة نداء بو خضور<<<

اي الله يقومها بالسلامه
هي معانا بالتجمع وقالت ان باجر الصبح عنليتها
مرايم اختج صج ؟؟؟ وناسه

انتي ساليها : عنق الرحم ضيق لدرجة عمليه قيصرية او عادي تقدرين تولدين طبيعي؟

 

[غيـ الناس ـر]

رد: >>>تجمع مراجعات الدكتورة نداء بو خضور<<<

اي لووول اختي صج ..


هي اول قالت لي ان من كثر ماهو ضيج ممكن ما يصير حمل وتعالجت عندها عشان الحمل


عشان جذي لازم اسألها

 

[سموره 87]

رد: >>>تجمع مراجعات الدكتورة نداء بو خضور<<<

الله يسمع منكم ومايطلعلها شي بوقت الولاده

الله يسهل على مرااااااااايم انشالله غيوووووره طمنينا عليها

 

[Om _ Almona]

رد: >>>تجمع مراجعات الدكتورة نداء بو خضور<<<

يالله الله يولدها بالسلامه يارب
عيل طمنينا لمن تولد بالسلامه
طمنينه عليها وعلى البيبي

 

[قصــب سكــر]

رد: >>>تجمع مراجعات الدكتورة نداء بو خضور<<<

السلام عليكم

شلونكم بنات

عسى ربي يسهل عليكم الحمل والولاده وعلى كل مسلمه

ويرزق كل محروووومه يارب العالمين

تجربتي مع الدكتوره نداء

رحت لها لما كنت حامل في بنتي بالسادس واصدمتني لما قالت لي مشيمتج نازله !!

والدكتور اللي كنت اراجع عنده طول الست شهور نايم بالعسل ومو قايل لي شي حدي حدي انصدمت منه

المهم بعد مراجعاتي عندها على امل ان المشيمه ترتفع ولكن قدر الله وما شاء فعل

نسبه ارتفاع المشيمه قامت تقل ونسبه الولاده القيصريه زادت

شنو سوى فيني الخوف ماخليت مكان مارحت له عشان انحاش من العمليه

وبعد الفراره في كل مستشفى قالولي نفس الكلام اللي كانت تقوله لي الدكتوره

ولدت عمليه والحمدلله

الحين اراجع عندها ومراجعتي كانت يوم السبت وانصدمت لما قالتلي ان مشيمتج نازله

اهي كانت تقولي بالمره الاولى ان هذا من الله مو من المشي ولا من اجهاد العمل ولا من التعب يعني اول ماربي خلق الجنين حط معاه المشيمه في هالمكان

حتى قلتلها انا شغلي في ركضه وروحه ويهال وحوسه وطول اليوم ما اقعد على حيلي !!

قالت لي عادي ماله شغل

المهم ولدت عمليه

بس الحين ردت تقول لي عن المشيمه انها نازله وانا بصراحه خايفه اكثر من المره الاولى

في المستشفيات الحكوميه اللي مشيمتها نازله يخلونها تنام لما ترتفع وممنوع عليها الحركه بتاتا

واعرف وحده جذي نامت 3 شهور وولدت طبيعي

انزين مو معقوله ان المشيمه ماترتفع ؟

وان هذا مكانها ؟؟


بغيت اسأل ام المنى اهي عطتج تمارين معينه عشان ترفع المشيمه والا انتي من نفسج تسوين تمارين ؟؟ وشنو نوع المشيمه ؟؟

وقالت لج عن الحركه لا تتحركين ولا تمشين مسافات بعيده ؟

ام اسومه

شنو قالت لج نوع المشيمه لما راجعتي ؟

مشكورين سمحتولي بالقرقه

والله يهون عليكم

 

[Om _ Almona]

رد: >>>تجمع مراجعات الدكتورة نداء بو خضور<<<

قصب السكر
عطتني تمارين حق عوار ظهري
بس على المشيمه ما كانت نازله حيل
بس قالت لي انها نازله وان شاء الله كل ما كبر البيبي ترتفع المشيمه معاه
فـ امي قالت لي اني لمن انام احط بين فخوذي مخده مرتفعه شوي وعلى قد ما اقدر باجي اليوم احاول اني انسدح وارفع ريلي على مسكة (يدة) القنفه
وبالدوام قلت حق نجارنا يسوي لي نفس الخشبه المرتفعه على شان ريلي ترتفع
والحمدالله ارتفعت على الشهر السادس

 

[^مرايم^]

رد: >>>تجمع مراجعات الدكتورة نداء بو خضور<<<

أهلين يالدبات

أشوفكم حاشين فيني :}

رحت للطبيبة امس الاحد شافت نبض البيبي و فقصت بطني شوي تشوف وضعيته و قالت كل شي اوكي الحمدلله .. و عطتني ابرة لرئة البيبي و قالت لي ان مافيه شي بس الابره تقوي أداء البيبي وقت العملية و ما تتعب رئته ..

أمانة .. الطبيبة الأسبوع اللي فات قالت لي خليني أفحصج راس البيبي نازل و يمكن تتسهل ولادتج الطبيعية .. بس أنا قلت لها مابي لأني خايفة .. و تناقشت معاها شوي قلت لها انا مابي طلق صناعي قالت لي ما راح احطلج ... قلت لها ان ولادتي الاولى انبط جيس الماي بدون طلق و تبهذلت و فتحت 9 لين آخر شي تعبت ماقدرت أولد و فتحوا بطني .. قالت لي اذا جذي افضل لج قيصرية اخذي موعدج و روحي المستشفى و اولدي ساعه زمن و ارتاحي .. و صحيح ان الطبيعيه افضل من ناحية العافيه و الجرح يبرى بسرعه بس انها مليئة بالمفاجآت غير السارة.. حتى قالت لي انا لو علي بناتي بولدهم قيصريات ..

 

[سموره 87]

رد: >>>تجمع مراجعات الدكتورة نداء بو خضور<<<

بناااااااااااات وينكم طمنونا على مرايم

 

[سموره 87]

رد: >>>تجمع مراجعات الدكتورة نداء بو خضور<<<

وينكم اليوم

 

[رفييف]

رد: >>>تجمع مراجعات الدكتورة نداء بو خضور<<<

انا اختي ولدت عند نداء من جم يوم

وولدت قيصريه
حطت لها الدكتوره تحميله طلق وحده بس .. شافت مافي استجابه فقامت ولدتها

 

[Om _ Almona]

رد: >>>تجمع مراجعات الدكتورة نداء بو خضور<<<

رفيف
الف الحمدالله على سلامة إختج

محد عنده خبر عن مرايم؟؟؟

 

[م.أسومة]

رد: >>>تجمع مراجعات الدكتورة نداء بو خضور<<<

السلام عليكم
شلوونكم حبيباتي
حبيبتي قصب السكر لا تحاتين ان شاء الله مافيج الا العافيه والله يا وخيتي انا بجر و مادري شسالفه بس قالتلي مشيمتج نازله 1 سم و احتمال الشهر الياي ترتفع لأن الرحم قاعد يكبر و يتمدد
بنات ولا وحده فيكم ولدت عندها طبيعي نبي تجاربكم؟؟

 

[غيـ الناس ـر]

رد: >>>تجمع مراجعات الدكتورة نداء بو خضور<<<

هلا بناااااااااات

سوري اليوم ما دشيت كنت عندها بالمستشفى


اهيه بخير وعافيه وبنيتها بعد زينه الحمدالله


ووااااااااااااااااااااااااااااااااااااااااااايد مدحت الطبيبه والطبيبه تهبل صراحه دقت عليها لعصر تسأل عنها وعن احوالها .. وبس اطمنكم عليها انها زينه الحمدالله وكل اوضاعها تمام


الحمدالله على سلامة اختج رفيف ^_^

 

[سموره 87]

رد: >>>تجمع مراجعات الدكتورة نداء بو خضور<<<

غير الناس الف الحمدالله الله على سلامتها
وتتربى بعزكم البنوته انشالله

 

[غيـ الناس ـر]

رد: >>>تجمع مراجعات الدكتورة نداء بو خضور<<<

الله يسلمج .. تسلمين حبيبتي ^_^


يختي تشووووقت عاليهال يالله متى اولد لوووول

 

[Om _ Almona]

رد: >>>تجمع مراجعات الدكتورة نداء بو خضور<<<

غير الناس
الف الف الف الحمدالله على سلامتها وسلامة البيبي
وتتربى بعز والدينها يارب

ليش ما نزلتي لها موضوع؟

 

[غيـ الناس ـر]

رد: >>>تجمع مراجعات الدكتورة نداء بو خضور<<<

الله يسلمج حبيبتي ..


مادري قلت احسن انتو بنات تجمعها تنزلون ^_^


ما اعرف شنو اكتب

 

[Om _ Almona]

رد: >>>تجمع مراجعات الدكتورة نداء بو خضور<<<

تبيني انزل لها موضوع؟

 

[غيـ الناس ـر]

رد: >>>تجمع مراجعات الدكتورة نداء بو خضور<<<

اوكي انتي نزليلها احسن ^_^