تجـــــــمع للي ولادتها ب 2008 حياكم الله

[روح آلمشآعر]

ابشركم اختي جابت ولد ( سمته عبد الصمد خخخخخخخخخ ) اليوم الساعه 9

في مستشفى الهادي

 

[نورالدنيا***]

روح المشاعر الحمدالله علي سلا مة اختج

ومبروك ماياكم

هاي حوامل يلا هانت ان شالله اكثر وحده فينا تاخذ اسبوعين وخلاص يالله تهون علينا اجمين وتقر عيونا بشوفة اعيالنا

اميين

 

[نبض الغلا]

مرحبا بنات انا غطيت لاني رحت بيت زوجي ومافضيت اشبك المهم كيف احوالكم

وبعد عمري حايره تسال عنج العافيه

الولاده نو شكلها مطوله

موعد ولادتي 17-4

 

[LUXURY]

عالم حواء
لا والله التصوير طبيعي اوكي بس مو دبلة جبد
كل جهاز فيه فوق ال100 صوره ورا بعض يصورونهم
بنتي انحولت
من خالاته وخواته وبنات خالاته ويدته واااااااي
وحالتي حاله معاهم
انغث
وماقدر اتكلم يوصل الحجي حق ريلي ويزعل


نفيشه
يليت تصوير طبيعي
شوفي ييبي تلفونج وحطيه جدام شئ بدون لاتحركينه صوري 10 صور ورا بعض
جذي يصورونها شفتي الخبال؟؟ يعني على امل تتحرك وتتغير اللقطات اثناء التصوير
وااااااي

 

[نفيشه]

قوة بنات

اللي ولدت الحمدلله على سلامتها ومبروك ماياها

عفية اللي عندها جدول الولادات خل تحطه لنا بشوف منهي اللي ماخرتنا؟؟ما احب الازدحام احس جني واقفة بالشارع وجدامي سيايير وايد ومو قادرة امشي منهم خخخخخخخخخخخخخخخخ
اسم الله علي تاثير الشهر التاسع الظاهر؟؟

اليوم كليت اناناس وماكو ولا شي
بس ما قمت اشرب حلبة لاعت جبدي منها وييييييييع
لاحقة عليها بالنفاس ماني غاثة روحي من الحين
ودي اصبغ شعري وكاسر خاطري البيبي اخاف ياثر عليه
انزين اقصه؟؟ انا احبه طويل بس ابي فيه حركة شوي وخايفة يطيرونه لي كلش عاد
والله احتمال اتشجع واروح باجر اقصه احسن حل يمكن نفسيتي تتعدل

 

[نفيشه]

ملكة روحي
مشكورة على الموقع يطلع لي موعد ولادتي 4-4-2008
انا قصدي جدول البنات اللي هني معانا منهي اللي عليها الدور؟؟

 

[نفيشه]

يعني حللتي وطلعتي حامل ولا بعد؟؟

اخاف الدورة ملخبطة معاج انا كانت تتاخر علي اسبوع عادي وتالي تنزل
روحي حللي دم يبين وعقب ابتدي راجعي علشان يعطونج الفوليك اسيد والمثبتات لو احتجتي حسب حالتج

 

[شذى الكويت]

اختي نفيشة الله يعينج يارب

انتي 4-4-

وانا 26 - 4

عسى الله يهون عليج يارب وتفرحين بشوفة ضناج

 

[نفيشه]

شوشو
امين يارب
بس انا مابي شهر 4 ابي اولد تعبت

ملكة
اهااااا الله يتمم عليج يارب
عيل روحي راجعي مو تو الناس ترى انا من احلل اروح احسن

 

[نورالدنيا***]

هاي بنات اشلونكم ها قاعدين

نفيشه هانت حبيبتي متي موعدج بالطبيب

اتصدقين بنت حماتي بجر معديه شهرها صارلها 4 ايام وتراجع عند طيبه تجارب اقصد كلينك خخخخخخ مع اني نصحتها بس كيفها ماتبي بس ادري حاسبين لها غلط

 

[نفيشه]

نور
موعدي الاثنين هذا ان شاء الله هالمرة يكون الرحم فاتح ادعوا لي

وترى البجر عادي تاخذ اكثر من شهرها
حتى اللي مو بجر هالايام وايد اسمع كملوا شهرهم وزيادة
الله يسهل عليننا يارب
انتي معاي صح بنفس اليوم؟؟

 

[منووور]

السلام عليكم


شلونكم

 

[نبض الغلا]

مرحبا بنات

انا رجلي حدها منتفخه وتحليل الزلال مافيه شيء ومادري شسوي صارت تنمل وتعورني

 

[bison.girl]

نبض الغلا نفس مشكلتي مادري ليش .. رجلي انتفخت وتنمل بسرررعه

بس خفت من جم يوم

 

[bison.girl]

سويتاااا وكليرز وعالم حواء شكلكم ولدتوا وخليتوني

 

[نفيشه]

نبض الغلا
انا بعد والغريبة ان الدكتورة تقول ماكو زلال ريلي تخررررررررع

 

[نورالدنيا***]

هاي نفيشة

التتفغ عادي هاذي سوائل زايدة ان شالله بس تولدين بالسلامه راح تلاحظين انج كل شوي تنحصرين 10 ايام ويروح كله بعد الولادة

اييه حبيبتي انا وياج وموعدي اليوم اراجع اتصدقين صايرة لمن امشي احس بشي تحت واي حدي خايفه

 

[نفيشه]

نور
انا من زمان لي مشيت احس بشي تحت وساعات عوار وبطني يصير يابس
بس مااااااااكو شي صجي كلها خرابيط ومقدمات بس
انا باجر موعدي يارب يكون رحمي مفتوح هالمرة مللللللللللليت
كلمن يسالني هالسؤال التقليدي

عاد باجر بروح عند امي بيونها ناس
ولي رديت البيت ان شاء الله اتييني ولادة بس تعبت صج عاد مصختها هالمرة

 

[Fatima]

يا ريت الي ولدوا يقولون تجاربهم للي ما ولدوا من ناحية المستشفى والرعاية والاهتمام
واي غرفة خذت وبجم

 

[نفيشه]

فطومة
الظاهر مساكين لي ولدوا مايقدرون يفتحون من حنة اليهال فمايدشون وايد
انا راضية بس ابي اووووووووووووووولد