تجـــــــمع للي ولادتها ب 2008 حياكم الله

[LUXURY]

السلااااااام عليكم



حايره
انا كلشي قالولي عن البترول ومتشجعه بس تدرين التجربه خير برهان
لما رحت مراجعاتي قلت اوكي ميخالف المكان صغير بس سسترين على راسي (كان فاضي)
بس لما صار وقت الصجيه (ظنتي الطلق انحاش من هالسبب)
شي موطبيعي الزحمه مادري البنات كلهم يبون يولدون بالعيد الوطني لان سامعين يعطونهم هديه والا شسالفتهم
تخيلي غرفة الطةارئ تحت بالدور جنه طابور مدرسه
ولما ودوني بالسرير غرفة الملاحظه فوق شئ مو طبيعي
انا هونت مابي اولد ابي اقووووووووم
احنا 4 والسراير طبيعي مغطيه بستاير والباب ماكو باب بس صوبه مفتوح والرياييل مرتزين لو وحده يبطلون ستارتها يشوفونها واحنا على الشرشف مفصخينا علبن فحص
وغرفة الولاده قبل غرف الفحص وغرف الحريم عقب غرفة الفحص
تخيلي وحده طلعوها من الولاده مغيبه مسكينه من التعب اساسا متنقبه مطلعينها بدون حجاب ويحوسون فيه بالممرات جدام الرياييل لين وصلت غرفتها
واحنا يفحصوننا وكل وحده تصارخ اي واييييييه وواي ومابي
فشششششششله
انا حاولت اقضب نفسي ما يطلع مني صوت بس غصبن علي لا شعوري يعور
والدكتور يفحصني والسستر علبن داشه علي تشرع البرده عشان تدش زفيتها الحريم اللي جبالي ملقف طلوا بشغلي والسستر تقول لا انا دشيت بسرعه اشلون ادش عيل ؟؟ )مادي طوفه مو برده منتي عارفه تدشين واخرتها امي مسكينه غصبن عليهم دخلت ومسكت البرده
والسسترات مااااااااالهم خلق كلش واللي يشوفونها طيبه ومع ريلها بروحها ينزرونها
ووحده نزرت امي لان امي قالت حق وحده تطلق تره االزعفران زين للولاده وتييها ذيج طايره لااااااااااااا ماما انتي ليش جذي سوي قعدي بره انتي تقولين كلام خربوطه مو زين حق بنات خليها سوي ولاده طبيعي 100%
امي تقول بغيت اذبحهها تخيلي صدف ان البنت اللي بتولد وامي دخلوا الحمام رجعت السستر لحقت امي للحمام تقولها انتي شنو سوي مني مع بنيه؟؟ امي قالتلها ذلفي لا اكفخج
والدكتوره اللي ابيها مو موجوده وبس ريال واحد يولد ويفحص وكلشي
شالله حادني تعذيييييييب؟؟؟

 

[LUXURY]

ملقوفه
اشتري ادوية النفاس من الحين حبيبتي
انا من دخلت شهري امي يابتلي كلشي

 

[LUXURY]

نفيشه
روحي شوفي فلم الرعب اللي كتبته حف حايره


كليرز
لا تطلعين عني اشاعات كاني قاعده وكريشتي مترين جدام هههه
البطن اييبس لانه شد مع المشي عادي انا متعوده
وعوار الظهر والبطن من تحت من المشي لان يمرن العضلات السفليه ويهياها للولاده


واي بنات قلبي ناغزني مابي اختم الاسبوع على فشله بالبس اليوم عزكم الله كوتكستين اخاف يصير شئ
صج ما اعرف احط 2 ويضايقون بس مادري ليش خايفه

 

[كليرز]

لاكسري

امبيل ستاير بين كل وحده والثانية ؟؟؟؟ يعني اللي ما يشتري يتفرج؟؟؟ فشلللللللللللللللللللللللللللة صج

لا زين سويتي غيرتي المستشفى
.... بس مادري لاكسري انا لو اني منج اقعد بالبيت وما اداوم اخذي محاضراتج من رفيجاتج .....يعني الوحده ماتدري متى بتولد؟؟؟؟
بعدين سالفة الكوتكتس احسن نوع اللي تكون كبيرة حيل اللي فيها صورة البيبي لون كيسها ابيض باحمر هذي احسن نوعيه
خواتي وانا بنفاستي اللي قبل ما استخدم الا هذي
وبصراحه امج تونس تحاتي البنت اللي تطلق والله انها حبيبه وحنونه الله يخليها لج انشالله

 

[نفيشه]

قوة كروشاااااااااااااااات

لاكسري
ذكرتيني بمستشفى الصباح كساااااااااااااافة ويع مابي اتذكر قلبي يعورني
لو والدة ببيتنا ارحم

كليرز
اتفقوا انتي ولاكسري يالله عاد احد فيكم يولد

 

[LUXURY]

كليرز
اعرفه بيبي سوفت شاريته حق نفاسي احسن شي للوالده
وماعندي رفيجات اعرفهم بموادي شسوي هم الغياب ينحسب اشيسوى علي يروح علي الكورس من الغيابات
امي والله وايد تحاتي ظلت اشبوع تقول مادري اشصار عليها مسكينه (كانت ايدها ترجف من الخرعه <<<البنت مو امي)
تعالي انتي سائله عن اسعار المستشفى؟
انا لما كلمتهم اليوم وسالت عن الغرفه السوبر ديلوكس مع كلشي ب550 ويسوون خصم 15% يعني يطلع اقريبا 470
اشوف البنات يكتبون اسعار غير


نفيشه
مو لان مابي احس هالاحساس وانا بجر فانحشت منهم
انا ودي اولد كليرز عقبي ب 5 ايام ما بيننا شئ



بنات الحين ايهو احسن
السلام والا الهادي والا الشفا؟؟؟
والله احترت
السعر نفسه تقريبا بالكل بس ابي الاحسن

 

[نبض الغلا]

مرحبا بنات شلونكم

انا بعتها قبل امس رحت السوق والله مشيت مع اني ما امش بالعاده كل هالمسافه

رحت كل لحظه يهبل يهبل بس بس بس بس


اسعاره موت

عجبني كيس بربريي 119 ولا تبان ديور 49 ولا لفة روبرتوغفالي 67 شالسالفه والله من عقبه السوق كله ما دش بخاطري

ودي ارجع واخذ الكيس خيالي لونه بونزي فاتح وداخله كريمي

وشريت من انور قميص قطعتين حلو كان 115 وعليه خصم صار 82

وبعدين رحت الطاهر مو حلو كلش

وطلعت رحت ليلي جاليري محل اللجين مو حلو

وطلعت رحت انار بالبستان وشريت لفه ناعمه وكيس ناعم بس

ورحت جاكادي كله شتوي

بعتها من قلب واخر شي رحت البيرق عشان استكانات التقديم وتوابعه بجالريا الفين بالسرداب بس ما عجبني احس شغله عادي وبس حاط شورافسكي

المهم قلت بريح يومين وبعدين بروح الافينوز محلات الاطفال اشتري تبانات بيج وابيض مع الكبوس والصدريه كشخه وادور بدبنهامز بعد

وتري
لوكسري
انا افضل الشفا

 

[كليرز]

شفييييييييييييييييييييييييييييييييييييكم طخيتوا؟؟؟؟؟ لايكون سوييييتوووها من وراي؟؟؟؟؟

نبض الغلا

واللله من جد بعتيييييييييييييييها قزيتي السوق قز الله يهون عليج يارب

بس مادري ليش ما تاخذين التبانات والشغلات البيبي للاستعمال اليومي من سنتر بوينت او مذر كير حلوووين وسعرهم كويس
بس للاستقبالات ايه عادي اخذي الغاالي

لاكسري
عالم حوا
ام حيدر
الحايرة
ملقوفه
نور الدنيا
والباقي السموحه للكل وييييييييييييييييييييينكم .... لا يكون ولدتوا وبقيت انا بس

انا اختي اليوم تقولي اشربي دارسين ولا الشغلات الحارة مع اني بنص التاسع بس تقول شكلج حيييييييييييييييييل تعبانه
وبطني حيييييل نازل عاد انا قلت كل شي بوقته حلووو
مع انه حايشني عوار ظهر يجي ويروح صار لها يومين ؟؟؟؟؟

 

[malgoofah]

واااااااااااااااي مو قادره ادش قسم الحمل والولاده بس الباجي اقدر ادشهم صادفتكم هالمشكله والا بس انا؟ ويه نسيت اسلم لوووول
اشلونكم بنات كليرز اشلونج سكتي انا بعد اليوم اول مره اشرب دارسين و ظهري يعورني و تكلرمون قاعده تنزل علي سوائل بس خفيفه مادري هل لها علاقه بالطلق او لا والله مادري شالسالفه كليرز ما رحتي الطبيب متى موعدج الياي؟ عالعموم ما اتشوفين شر ابدي حسبي الفتره بين كل عوار و عوار

 

[كليرز]

ملقووووووووووووفه

السوائل اللي تنزل معاج شلون صايرة؟؟؟ هل هي افرازات ؟؟؟خفيفة ؟؟؟ انا الافرازات هذي قبل امس نزلت شووووووووووويه موحيل نقطه صغيرة .... قلت بدت بوادر الولاده لانه الرحم يسكرة هالافرازات لا احترسي اذا كانوا واااااااااااااجد ...
انا موعدي يوم الاحد الجاي انشالله
بس العوار اللي يجيني عوار ظهر يعني ما جاني شي اسفل البطن اللي هو الطلق الصحيح؟؟
بس اتصدقين انا اللي قبل اهلي يغصبوني الصبح على الكورن فليكس للريوق وما احبه الحين جات جنيتي عليه
صار لي كم يوم ما انام الا وماكلت لي واحد
؟؟؟؟وحام متاخر؟؟؟؟؟؟؟؟؟؟؟؟؟؟؟؟؟؟؟؟؟؟

 

[malgoofah]

لا السوائل لا هي نقطه ولا هي وايد انا اليوم زرت حمولتي و تعبت اشوي و اول مره امشي اشوي واهناك قامت تنزل علي حتا خفت رحت اجيك بس ماكو دو تكرمين و كل اشوي تنزل اشوي و ظهري و بطني عوار اشوي بس مو وايد و بعد مو منتظم شكلنا انا وياج قربنا عاد انا حاطه في بالي لي اخر الاسبوع مو الحين عاد ريلي باجر عنده سفره اقصيره لانه كابتن و مو بيده عرفتي فبروح الصبح و برد اليوم الثاني الصبح

 

[LUXURY]

السلام عليكم

كليرز
لا ما خوننا فيج كاننا قاعدين نتعازم منو تولد قبل
على التواريخ اقرب وحده ملقوفه
الا اذا وحده ولدت قبل موعدها
وعقبها بنات حواء2
وعقبها انا
وعقبي انتي
وعقبج عالم حواء
وبعدين حايره ونفيشه وسويتا يسوون بينهم سباق على المركز النهائي هههههههه

انا صامده ماكو ولااااااااااا اي اثر للولاده
امي قالت باولد بتاريخ 8-3 وهذا احنا دخلنا فيه وبنشوف

واخوي يقول اما 12 او 14-3
وخالة زوجي تقول 10
وزوجي يقول بموعدي 18
واختي تقول بتطوفين موعدج
وربي يكتب اللي فيه الخير

وابشرج الوالده وافقت اوقف قيدي ولله الحمد (ماكانش من الاول ونخلص يا ماما)
عاد الحين باحوس على اوراقي بسرررررررعه هالاسبوع اخاف يخلص وقت توقيف القيد
وهم اخاف تييني ولاده مبجر


نبض
عليج بستيييييييين الف عافيه حبيبتي
تستاهلين كل خير
وما يخالف الحوسه شوي تييب البيبي بسرعه
لحظه من فضلك غااااااالي بس تدرين قبل فتره قصيره حتى انا مادريت الا باخر يوم للاسف كانوا مسوون تنزيلات خافسين بالاسعار كلش
حسافه والله قريت رد وحده من البنات متاخر واساسا كان أخر يوم لهم
وايد يسوون تنزيلات
بس لازم حبيبتي تاخذين من مذركير وسنتر بوينت العملي لان البيبي وايد يستفرغ ويحتاج تغيير دايما
تعالي ماقلتيلنا شنو فيج؟؟
والله يا نبض مع ان سوالفج قليله بس والله افقدج دوم واحس انج دخلتي قلبي كاني اعرفج من زمان وداااااايما اخصج بالدعاء


ملقوفه
اهو المنتدى صح يعلق وما تقدرين تدشين القسم يغث بس الظاهر في خلل
تدرين اشلون دخلت هالموضوع؟؟
سويت بحث على ردود سويتا ودخلت على واحد من ردودها بهالموضوع وقعدت اتصفح
ان شاء الله اللي فيج علامات ولاده بس يا رب بالاول يرجعلج ريلج بالسلامه وتروح الكحه والنشله وتولدين احلى واسهل ولاده يا رب
وتييبلنا ملقوفه والا ملقوف صغير ههههههه
بس حبيبتي جيكي على جنطتج وتاكدي كلشي فيها
والافرازات انا زاااااااايده علي تعبتني بس بيضه على شفافه وماكو ريحه بس جذي
وماكو شي نزل لا دم ولا ماي
بس من قبل نزل علي بني يقولون هذا كان مسكر الرحم بس الغريبه نزل عقب ما سويت فحص كذا مره وبكل فحص يقولون الرحم فاتح مو مسكر



بنات ابسالكم
انا الحين احس ان رحمي فتح اكثر وحوضي يطقطق بعدين يعرض واحس فيه توسع
وانا كنت اغسل عزكم الله بالحمام حسيت ان فتحة المنطقه الحساسه نفسها توسعت وااااايد مع العلم طول حمالي كانت تضيج لدرجة اني ما اتحمل الجماع ولا اتحمل ادخل الحمام لانها ضيجه فتعورني
فقلت دام من برا توسع وايد اكيد من داخل توسع
اشرايكم شسوي؟؟
مابي اسوي فحص اخااااااف اخر مره عوروني وتعقدت يماااااااا
عندي سونار مجاني بدار الشفا اروح اجيك على وزن البيبي ووضعيته؟؟
تصدقون للحين مادري عند منو اولد من دكاترتهم؟؟ كل وحده احسن من الثانيه ماشاء الله
الهنود اختر ولكتشمي روعه
واردنيه غاده تهبل
وفي وحده اسمها ناهله اضن انها باكستانيه او شئ (زوجي اللي قالي) يا الله شنو نفسها تهببببببل وحليييييييوه وتطمن الوحده
الله يسخرلي اياهم يا رب


بنات ممكن طلب ما يكلفكم شئ ومهم بالنسبه لي؟؟
ادعولي ربي ينولني اللي فبالي وتنحل كل مشاكلي واموري قبل لا اولد ويسخر زوجي واهلي لبعض قولوا امين
وادعولي ربي يقدرني على الصيام والقيام ويهل لي كل اموري
يالله باقوم ابدل بجامتي للصلاة واتوضا لان بجامتي عليها صورة بقره تضحك مستانسه الاخت وعندها قذله وفيها ورده حمره بالزري تهبل هههههههه

 

[كليرز]

يا زينج يا لاكسري ويا زين سوالفج
شكلج غيرتي المستشفى؟؟؟؟ بس اقول اهم شي نقوم بالسلامة والبيبي يكون سليم ومعافى

واذا عن سالفة الفحص انا اقول لما تجيج عوارض الطلق يكون وقتها احسن بس لما تروحين مراجعه عادية وتسويين اناا عن نفسي ما ابي اسوي لكن اذا حسيت بالطلق عاد هذا شي طبيعي

طيب بنات انا كل ما يجيني عوار بالظهر اللي كانه وجع الدوره اقعد شوي ولما اروح الحمام (( وانتو بكرامه)) اشوف افرازات تكون قللللللللللللللللة تقريبا نقطه صغيرة ؟؟؟ هذي مو عبارة عن السدادة مالت الرحم؟؟؟ اذا هي لا بالله ولادتي قربت (( صج زاد الخوف))وانا موعد ولادتي عقب اسبوعين.......... يالله التساهيل
ويالله يا كريم يا مجيب دعوة الداعي اذا دعاه انك تحقق كل اللي في بالها ويسخر لها زوجها واهلها لبعض ويقومها بالسلامه ................ امين

 

[LUXURY]

كليرز
لا خلاص مابي البترول
الافرازات اللي تطلع لها لون؟؟ والسداده مو نقطه يطلع شوي بقعه صغيره مو وايد عوده او خط
وما اييج عوار بطن؟؟
تره الوى الكويت ياها عوار الظهر جذي يومين مع افرازات وولدت كان باقيلها 12 يوم وتخلص شهرها
يعني ممكن تكونين مثلها
وشوفي بترفلاي جم باقيلها على شهرها جنه بقالها تقريبا 10 يام وولدت
يعني ان شاء الله دورج الحين نياهاها
يا ويلك يالياي وهذا خلصنا منه
لووووووول فصلت

تعالي انتي شمقعدج من الفجر مانمتي؟؟


بالنسبه لي مافيني نومه قاعده اتصفح الصفحات القديمه لووووول
بس فيني سوالف وقرقه ماعندي احد يقرق معاي

 

[LUXURY]

اي كليرز وبالنسبه للفحص انا سمعت ان لازم كل اسبوع من التاسع لان مرات يفتح الرحم بس ماكو لا طلق ولا يبط الجيس
يكون الطلق بارد خصوصا للبنات والجيس بالمستشفى يبطونه

 

[LUXURY]

وتذكرت شي بعد
لا تاخذين دارسين
لان وايد صارتلهم مشاكل منه
اللي بط الجيس بدون طلق والرحم مسكر
واللي فصل لها المشيمه عن الرحم
واللي ياها عوار وتعسرت ولادتها
وبالنسبه لي كان فيني بوادر طلق وعلامات ولاده انحاشت راحت صليبيخات لما شربت الدارسين
لو انه بيولد جان ولدني انا اخذته بكذا شغله ما نفعني طير العوار
وام عزيز قالت بط جيس البيبي بدون طلق باول ياهل لها وعطوها طلق صناعي
وخرررررررري عنه وانحاشي واللي ربج كاتبلج اياه بيصير وباييج الضنى بيومه
ولا تعدين الايام والله تمر صاروخ

 

[LUXURY]

بنات سؤال حيوي جدا
الحين انا ما سويت مساج حق صدري وما ادهنه بس الحلمه بالكريم
صج ماراح يدر الحليب؟؟؟
ضايق خلقي ابي ارضع واخاف ما يطلعلي الحليب شسوي
يمدي الحين ادهنه وادلكه لحد ان شاء الله ولادتي ويطلع حليب؟
تكفون قاعده احاتي

 

[om3boood]

لا تحاتين لاكزري انا بحملي الاول ما جست صدري كلش وعادي رضعت ودر حليب .. اهوا يخف اذا خففتي الرضاعه بعدين


وعلى الطاري ابي منو تولد بشهر عشره؟؟؟ ووين ناويه تولد؟؟؟

 

[bison.girl]

شخباركم بنات

انا بصراحه متابعتكم

انا قالت لي الدكتوره ان اخر موعد للولاده 2/4

وعطتني موعد 12/3

يعني انا في بداية الشهر التاسع

حبيبتي لكسري

انا اصلا من بداية حملي للحين ولا مره سويت مساج لصدري باي كريم ولاشي
لاني خوافه اخاف من اي شي احطه
ولا طلعلي الحليب وعلى فكره اخافا بعد ما يطلع لاني انا حددي ضعيفه وصدري مو كبير

بنات بسألك الحين في بنات يولدون في بداية شهرهم ؟؟؟

 

[SweeTa_4ever]

biaon.girl


هلا والله انتي بعدي بيوم انا ماعطيني موعد 1-4

اي وايد بنات يولدون بدايه شهرهم عادي وتختلف الوحده من الثانيه

لوكسيااا

انا قمت ادهن صدري اول الثامن كريم مذركير واحسه الحين اشوي لااان قبل المحلمه فيها اشوي تشقق واتعورني الحين لاااا الحمدالله ترطبت وماتعورني وايد