تجـــــــمع للي ولادتها ب 2008 حياكم الله

[SweeTa_4ever]

كليرز

انا اخر موعد ولاده 1-4 واخر دوره 26-6 شلون احسبها يعني انا داشه شهري من زمااااان !! لانه كل اول شهر ادش شهر من حملي ؟؟

 

[خشف العوازم]

السلام عليكم

اشلونكم بنات

الله يسهل على الجميع ان شاء الله

يلا مابقى شي واخلص اشهري يجيل عوار خفيف ما ادري متى بولد

اخر موعد لي 5 /3 ان شاء الله

 

[LUXURY]

ملقوفه
انا اول امس نمت عند امي الفجر رحت انسدحت كان ضايق خلقي وداري حاره
غفيت وبطلت عيني اخترعت امي لازقه ويها بويهي تقولي باشوفج عدل انتي والا اتحلم قلتلها لا صجيه قالت اسم الله عليج اشفيج ؟؟
كشفتني وتفقص فيني عبالها فيني شئ دايخه حدها لوووووول وابوي يحط ايده على راسي ويقرا علي لوووووول
قلتلهم ييت انام عندكم باوسع صدري ههههههه
وناسه كل ما قلتي مابقالج شئ استانس لانيي وراج هههههه



حايره
لكتشمي ممتازه وفي عندهم استشاريه مو متاكده من اسمها بالضبط سوره او لبنانيه اسمها لينا او رينا
ولدت رفيجتي نفسها حلوه وحبوبه وفاهمه وخياطها التجميلي وايد زين
والحجي من رفيجتي تره

 

[حاااايره]

ملقوفه اها الله يرحمهم وبعدين انا عبالي عمج وخالتج دامهم متوفين لا تشيلين هم وريحي لاتجاملين انتي مره واصله اما اذا فيج حيل لاوالله روحي تونسي

وصج لاكشمي زينه؟؟؟
اي والله سألي ناطرتج وماتقصرين يالغاليه


سويت ثانكس عالرد
بس انا زوجي ما يرضى رجال يا معوده تبينه يذبحني
ونهاد وماجده وناهده امي حلفت ما اروحلهم



كليرز ماشاءالله بعد ماكان بينا يوم صار 10 ايام الله يهون علييييييييييييييييييييج يارب
ويسلموووو عالرد يا عسل

 

[حاااايره]

سويت

انتي ما بيني وبينج الا 3 ايام
انا اخر دوره 29_6 واخر موعد 4_4
وانتي اخر دوره 26_6 واخر موعد 1_4

وكليرز اعتقد دورتها مو منتظمه وهم كانت ناسيه متى اخر دوره عشان جذي تغيرت حسبتها وخذت حسبة السونار والا انتي وانا صح




قموووووووووووووووره واااي الله يسهل عليج يارب وتولدين باجر مابقالج شي ياربي تقومين بالسلامه وتقوليلنا قصة ولادتج وتكون سهالااااااااااات بسهااااااااااالااااااااات




لاكسري

انتي للحين صامده؟؟؟

وشمنومج عند امج وابوج والله انتي نكته

وثانكس عالرد يا عسوووووله بشوف لاكشمي ولينا والا مي والله يسهلها يارب علي وعليكم

 

[SweeTa_4ever]

حايره

اكيد امج خايفه عليج بس ترا حتى لوو بره المستشفى مافي خطر واااااااااااااااااااااايد اولدوو بره ماعليهم شر انتي روحي المستشفى وشوفي دكاترتهم واذا محتاره روحي عند معصوومه اهي احسن وحده فيييهم

 

[SweeTa_4ever]

حايره

اسبوع 36 اندش التاسع انا دشيت التاسع من اربع ايام ليش توقيعي متأخر !!

 

[حاااايره]

لا يالحلوه بالاسبوه ال 35 و 4 ايام تدشين التاسع

واي انا اخذت موعد عند معصومه بتاريخ 10 _3 بس اهي نوعها تطنش وااااااااجد واجازات وسفرات ما اظمنها عرفتي
والا لو راده علي ابيها اهي يالله الله يسخر لي عباده يارب



الا انا بطني اليوم يحكنييييييييييييييييي ليش؟؟؟:0bee2e8d89:

 

[SweeTa_4ever]

حايره

ماعتقد شسسفره وايد وراها مرضى ولادات انشالله بولادتج موجوده

اذا بطنج يحكج دهني لاتخلينه ناشف

 

[حاااايره]

والله تخيلي معاي انا من شهر 1 وانا اخذ عندها مواعيد كلاااااااا تكنسل سافرت مرتين والباجي عندهت عمليات والحين صارلها اسبوعين اجازه وباجر راده شتوقعين منها تحسين ملللللللت


وبطني ادهنه يوميا مره ومرتين بس مادري ليش؟


الا انتي بجر والا عندج عيال؟؟؟

 

[كليرز]

الحايرة
انا بطني صار خريطة ....( كانه داري اني مدرسة اجتماعيات جغرافيا)) ههههههههههههههههه

سويتا شكلج عدلتي توقيعج لاني اشوف الحين انج داشة التاسع

يالله عاد سباق منو تووووووووووووووووووووولد الاول ؟؟؟؟؟

الا صج بنات اليوم رحت لمستشفى الشركة ازور بنت اخوي واعلية حرام تونون من يومين واليوم طلع فيها الدودة الزايدة
وهي صغيرة بثالثة ابتدائي .... المهم وحنا داشين الاحمدي الا ما تقولين انج بالكويت رووووووووووووووعه شوية عليها

كله اضواء واشكال حلوة وكله كوووووووووووووم وطريق المشاة شي ثاني وقلت بروح امشي فيه
ودق علي زوجي قال يالله بمرج الحين ونروح مشاة هدية قلت لااااااااااااااااااااااااااااااااا بروح مشاة الاحمدي
(( موعشان المشي لا والله ناوية اصور فيه)) .... صج فاضيه ... قبل لا يخلص هلا فبراير (( اللي مادري عنه))

 

[LUXURY]

سويتا
سويلج توقيع ثاني عدلي فيه
نقصي من ايام موعدج الايام اللي زايدها توقيعج هذا ويتعدل معاج
انا زايدني توقيعي يوم



حايره
امي اصلا مخليتلنا فراش وطبي بعد مال مستشفيات عندها يمها اللي تتعب والا تمرض تنام عندها
اصلا انا من حملت بدوا يصبغون بالبيت ويعدلون فيه وداري منهم
ماكنت انام عالفراش الطبي
الا انام مع امي بفراشها وابوي على الطبي هههه

شوفي الجفاف يسبب الحكه مع السبوح استخدمي بيبي اويل والكريم استخدمي مال مذركير حدددددده عجيب كنت اموت من الحكه ووايد ارتحت على هالطريقه



كليرز
شفتيها ماشاء الله؟؟
تينن صايره مع الاضاءه
انا شفتها لما رحت بالعيد الوطني للمستشفى حتى اهو مزينينه رااااااقيه ما جنه بالكويت جنه بباريس هههههه
ويم المبنى الرئيسي لشركة البترول حاطين ليتات تشب وتطفي على شكل نافوره اول شئ حسبناها نافوره صجيه
صج ذوق وراقيه

 

[LUXURY]

كليرز
ماشاء الله صار بيني وبينج 5 ايام
يالله يمديج تلحقين علي ونتسابق هههههه

 

[CaRaMeLaH]

هالوووووووووووو بنااااااااات قصدي أمهااااااااااات

إشلونكم شخباركم من زمان مادري عنكم


الله يسهل عليكم ويهون عليكم وتقر عينكم بإذن الله

 

[نبض الغلا]

مرحبا شلونكم وشلون التاسع وياكم


حايره بعد عمري روحي لمعصومه الكل يمدحها

والله يسهل عليج يارب

و شلون وزن البيبي الحين كليتي تمر ولا لا

 

[حاااايره]

كليرز مو خوش خبر هذا شنو خريطه
وماتشوف شر بنت اخوج
والاحمدي ذكر مره رحتلها كنت بالابتدائي ابوي ودانا رحله لها وانا اقوله الله جنها امريكا >>> حمدلله والشكر



لاكسري اي انا استخدم مال مذركير ودايم مااحس بشي الا امس بطني يحكني بس اليوم لا اشوى مافيني شي



كراميلا ياااااااااااااااااااااهلا وغلااااااااااااا وينج غاطه وماتبينين؟؟





نبض الغلا اي انا اخذت موعد عند معصومه تاريخ 10_3 بس اكيد بتنجلني يا كثر ما اخذ مواعيد وتطنشني

الله يستر منها بس


والبيبي مادري عنه من ذاك اليوم ماراجعت انشاءالله يزيد وزنه

الا انتي شخبارج؟؟

 

[نفيشه]

حااااايرة؟؟
انا اخر دورة لي معاج 29-6
شلووووووون دشيتي التاسع؟؟؟
بنننننننننننننننننننننننننننننناااااااااااااااااااااااات؟؟؟؟
شكلكم بديتوا تغشون بالتواقيع؟؟؟؟
هاااااااااااااااااااااا؟؟؟
بدى المزوغل؟؟؟؟؟
يعني انا بس اللي للحيني مادشيت؟؟؟؟

صبروا ان ما رحت وغيرت توقيعي الحين؟؟
انا المفروض باجر ادش
بس بروح اعدله

 

[love love]

لوووووووووول نفيشه

 

[love love]

نفيشه انا بيني وبينج 10 ايام ناقصج يوم طلعي من عين التوقيييع

 

[جيده ومهايطيه]

قوة يا حلوات .. كل وحدة فيكم تقوووووول أنا دشيت شهرييييييييي
بس شرايكم باللي خلصت شهرها و دشيت العاشر صارلي 6 أيام.....
والللللللللللللللللله بدت نفسيتي تتعب حدها ..........
ادعولي تكفوووووون الله يسهل علي انشالله....