تجـــــــمع للي ولادتها ب 2008 حياكم الله

[كليرز]

السلام عليكم
لاكسري
شكل البنيه موراضية تطلع كانها تدري انه الجو مو مستقر ؟؟؟؟
الحايرة
حبيبيتي ماتشوفين شر وانشالله ربي يشافيج واتعافين (( خوش حارسة بيت حامل ... لا ومريضة بعد ... لا بالله استانسوا الحرامية ))
المزيوووووووووونه
حياج الله بالتجمع وانشالله نسمع منج اخر اخبار الحمال والبنوته
نفووووووووووووشة
شخبارج هااااا كل شي اوكي ...,,

عالم حوا ,
, اذا انتي بالبيت تقدرين تلبسين فوقه الروب ,, مو احسن.؟.

 

[LUXURY]

السلام عليكم
انا مقامه باصف مكان ام عزيز الله يحفظلها بنيتها ههههه
اهما البنات جذي شكلهم يتعلقون بالام ما يفجون عنها الا مطلعين روحها
امس كل شوي يزيد العوار بعدين امي ودتني المستشفى اللي باولد فيه مع ريلي وخالته(لان امه متوفيه) وبنتها (تصير اخته بالرضاعه)واختي اول وحده مرتزه
سوولي تخطيط احس انا بطني ذابحننننننني افرك ويقولولي ماكو طلق كلللللش بغيت استخف وهالعوار اللي قاعد يزيد؟
ياني الدكتور يفحصني جان اقوله دخل صبع واحد قال ما يصير لازم 2 قلتله انت اصابعك متان عن 3اصابع من الانسان الطبيعي ههههههه انا ابداع
قالي اوكي دخل صبعين بغيت اموت حصلله ذيج الكفففففخه المحترمه على زنده بس سكت وكمل وسوالي الظاهر توسعه فجج عظامي بفحصه يقولي ماكو الرحم يابس ومفتوحه بس 2سم (على اصابعه شكلهم3سم بس اهو مضيع هههه)
حتى امي تقول دام قالج 2سم معناته اكثر بشوي لان اصابعه متينه
ورجعت البيت مع الجيش اللي معاي تعشيت ونمت جني جثه من التعب وتوني قاعده وتعبااااااانه جسمي متكسر قالوا اما اييلج عوار قوي صج طلق والا ينزل ماي والا دم غير جذي مافيج ولاده
عاد امس قبل لا اروح المستشفى خذيت دارسي وخذيت حليب فيه عسل وزيت الحبه السوده وخذيت زعفران وهم ما ياني طلق
ضحكوا علي قالوا بنتج مقاومه
عاد الحين بنطر لين ايي الفرج واولد الحمدلله على كل حال

شكلي دخت وبارجع انام
مادري اشهاللقافه قاعده من النوم فازعه مبجر هههههههه

 

[كليرز]

ياربييييييييييييييييييييييييييييي يا البنات حتى وهم في بطون امهاتهم متعبينهم ,,,,,,,,,,, صج عوووووووب

يالله يهون عليج وترتاحين .... عاد اتصدقين لو والدة بالعيد الوطني مو احسن..... ولا اقولج ..... حاولي اليوم تولدين بعيد التحرير .... وسميها تحرير او احرار خخخخخخخخخخخخ شفيني فصلت ....

بنات قاعده اكتب والخدامه الجديدة قدامي تغسل الملابس ... والله لو ما كنت فوق راسها كان خلطت الحابل بالنابل ...

 

[نفيشه]

قوة بنات شلونكم؟؟

كليرز
انا تمام امس سنعت الغرفة اللي بقعد فيها بنفاسي تقريبا ترتبت

وامس هم كانت مراجعتي وقالت لي الدكتورة خلاص مهي مولدتني مبجر لان البيبي بعده صغير
شكلنا محد راضي يولد قاعدين نتعازم على الولادة


اللخ يصبرنا والله انا حدي متمللة مابي اطلع ولا ابي اشوف احد حدي نغلقة

 

[love love]

الله يعينكم والله

نفيشه الف مبروك على الخبر الحلو وليش امغلقه؟؟ حاولي تطلعين اي مكان حتى لو بيوت

هذا البجر؟؟

 

[نورالدنيا***]

هاي بطوطات مؤقتا خخخخخخخخخخخخخخخخخخخخخ

رحت موعدي ومثل ماتعرفون بدش شهري 5\3 انشالله قالي الدكتور اول مادشين شهرج اكلي اناناس وكيوي وشربي دارسين انا حاطه عيني علي كيكه السينابون خخخخخخخخخ بطه تخطط
وقالي اتسبحي بماي سخن وامشي واااايد
والجماع كل هالاشياء تحرض الرحم وترخي العضلات

اشرايكم بالتعب والثقل سبحانه الله بس انه ملاحظه انه شهيتي قلت وماكل شي انام بدون عشا اشرايكم بس فيني دوخه اتصدقون امي الله يحفظها ملت وهي تنصح اخر شي قالتي وراج تعصر اشلون يبيله حيل لازم تاكلين

 

[حاااايره]

ملقوفه ثانكس حبيبتي عالرد



نبض الغلا اشوه غيرتي جو احسلج



مزيونه ياهلا ومرحبا فيج بينا


عالم حواء اي احسنلج الشلحه في اللي يجون طوال ومن فوق شوي عراض دانتيل وهالسوالف ولا التبطين يثقل القميص




كليرز شفتي شلون لا عاد اهلي ردو الصبح والعصر صبغو ياااااااااحلااااوه اقول لامي حرام عليج نطري بالليل او باجر صبغي صدري راح فيها تقولي وانا شيظمنلي متى تولدين جذي الشغل مهو خالص وانتي شمقعدج روحي بيتج >>> طررررده






نفوش زين انها ماراح تولدج الا شلون ضغطج الحينانشاءالله احسن؟؟

وتعالي جم وزن البيبي معاج بما ان انا وانتي ما بينا الا يوم فاكيد بكونون متقاربين ؟؟
لان انا باليوم اللي دشيت فيه الثامن كان وزن البيبي 1.600
عاد امي وخالاتي وسوسو فيني يقولون صغييييييييير مع ان الدكتوره قالت طبيعي؟
وباجر عندي مراجعه بشوف جم صار وزنه....





نور الدنيا شفتي خططج الاجراميه كلها بسويها بعد ما ادخل شهري باسبوع الا الدارسين واااااااااااااااي اللهم لك الحمد ما اشتهيه لا بكيك ولا جاي الدارسن


وصاجه الاكل انا بعد هالاسبوع مادري شفيني صايره ما اشتهي اكل اكلي شويه معني احاول اتغذى عدل عشان البيبي




سلااااااااااااااااااااااااااامي للكل

 

[حاااايره]

لاكسري امبيييييييييييييييه انتي من صجج؟؟

قسما بالله عبالي ولدتي واااي الله يعينج ويسهل عليج وتولدين ترتاحين يارب


طمنينا عليج تر قلوبنا معاج يالغاليه

 

[نبض الغلا]

هلا بالبنات البطات الثقال ......الخ
صراحه حدي متضايقه من زيادة الوزن

يوم كنت باخر السابع وزنت ولا زايده 13 كيلو على ما اولد ولا كم كيلو زايده

ومتى اوخرهم وزني كان63 والحين 73

 

[حاااايره]

نبض الغلا عادي انا باول الثامن زايده 10 كيلو بس دكتورتي نبهتني قالت خففي دهون وحلويات الله يعين مع ان جسمي هذا هو متنت شوي بس كرش


وييييييييييييييييييين البنات

 

[توتة الدلوعه]

سلااااااااااااااااااااااااااااااااااااااااااااااااااااااااااااام
شلونكم شخباركم
ادري غطيت عليكم انتو شلونكم حبايبي طمنوني عليكم
الحايره حبيبه قلبي شلونج شخبارج طمنيني عليج وعلى البيبي

 

[حاااايره]

ياهلا ياهلا ياهلا يااااااااااااااااااااااااااهلا بهالزول

تووووووووووووووووووووووووووته شخبارج انا بخير اسأل عنج والبيبي يسلم عليج

انتي شخبارح شعلوومج وحشتيني اوي اويييي

 

[كليرز]

يا هلاااااااااااااااااااا ويا مسهلا بتوته الدلوعه الامووووووووووووووووووووووووره وين كنتي.......؟؟؟؟؟
عاد والله العظيم امس طريتي علي قلت بسال عنها اذا دخلت المنتدى ... وسبحان الله انج طليتي .... بشرينا عنج وعن اخبارج..........................

صج بنات انا اليوم رحت الفروانية بعدين وراها الافنيوز كنت بشتري بدلة استقبال للبيبي تكون نعومه من ماماز اند باباز
بس شنووووووووووووووووووووووووووووووووو فريت المجمع فر وكل ما امشي خطوتين لازم اريح او حمام وانتو بكرامه
عاد زوجي قال .. يرحم زمان اول اللي كنتي تقزين السوق قز وما تشتكين والله وناسه كل يوم احملي ...اساسا انتو شوفوا نظرة الناس لي مادري هل هم منقرفين مني او شفقانين علي لانه بطني كبيييييييييييييييييييييييييييييييير ونازل حيل
.... وزوجي بس يطالعني ويضحك يقول انا اليوم مولدج مولدج راح اخليج تفرين السوق فر (( هذا اللي قبل بس يدخلني السوق خمس دقايق واطلع..؟؟))
ما كملت لكم(( شفيني قرقرة))
المهم اول ما جيت البيت الا ظهري ذابحيني وانتوا بكرامه رحت الحمام الا القى مثل الافراز شووووووووويه انا هنا اختلعت قلت يمكن الحين بداية ولادة وقمت اهوجس بس لحد الحين مو حاسه بشي عاااادي
ممكن اعرف شنو هذا الافراز لذوات الخبرة (( ركزوا على ذوات))
باباي

 

[حاااايره]

هلا كليرز شخبارج؟

واااي الله يعينج ونظرات الناس عااااااااااااااااااادي انا دايم لا مشيت خزو بطني مع انه صغيرون بس هم اتنررررررررفز ما احب احد يخزه مادري ليش
وانا اليوم بروح الافنيوز بعد رفيجتي والده باخذ بلبنتها شغله الله يعين

الا امس جاني مغصصصصصصص الساعه 11 بالليل كان يجي ويروح لمده نص ساعه عقبها رد الساعه 2.30 الفجر لمده ربع ساعه وراااااااااااااح واليوم احس بافرازات قاعده تنزل عزكم الله بس لونها ابيض << لوعت جبدكم

شنو هذا؟؟؟؟؟؟

 

[حاااايره]

بنات ابي رايكم بموضوع نزلته

http://q8yat.net/showthread.php?t=135393

 

[LUXURY]

السلام عليكم
وحدة المقاومه الثلاثيه (جويه-بريه-بحريه) ترحب بكم
اشلونكم؟؟؟
واي طعم الزعتر ببلعومي يابلي الحارج استغفر الله


كليرز
هالعوبه مو راضيه تطلع افيييييين شسوي فيها بازنطها لا طلعت
ريلي يبي بتاريخ 25-2
وحماتي تبي 26-2
واختي تبي 28-2
وانا افرفر من العوار

حايره
الله يسمع منج واولد شكلي مقاومه لاخر لحظه
بس والله انخبصت
شوفي الحين اكتب والم فضيع ذابحني نفس عوار الطلق
بعد شوي جني ينيه الله يعين


نفيشه
زين مهي مولدتج الحين
انا قالولي ما يبون يولدوني يبون ينطرون لو اسبوع علشان تكبر الياهل وزنها كيلوين و600 يبون عالاقل 3كيلو و200 لان عقب الولاده يروح 200جم ويخافون تصير حييييييل صغيره
شكلها بتسمع كلامهم
طلعي الحين لا تغلقين باجر تتحسفيييييييييييين
كاني قاعده بالبيت طول اليوم في لحظة ترقب انطر يصير شئ وكل شوي بالحمام عزج الله باشوف نزل شئ والا لا ما اقدر اطلع ولا استانس
الله المعين



والله مادري شسوي بعمري ابجي والا اضحك
اييني عوار طلق لا اقدر امشي ولا اسكر ريلي ولا اتحرك
وامي تقولي نطري يزيد اول ما يبدي يزيد ينحاش
انا اقول اكيد من خلطة رفيجة امي
كانت قاعده تكلمها جان تقولها مسكينه بنتي جم يوم فيها عوار والرحم مفتوح بس شويه وتحوس على عمرها وناطرين يزيد علشان نوديها الطبيب
جان تقولها انا ريلي دكتور نسا مره عيزت فرفرت مو راضيه الولاده تترقع اخر شئ عطاني هالخلطه قبل لا نطلع من البيت نص ساعه الا انا والده بسهاله (كوب حليب + ملعقه صغيره مالت الحوس زيت الحبه السوده + ملعقة عسل للتحليهِ)
والله اول امس خ\يته وطار العوار بالطبيب جني ج\ابه
وامس كان ايي العوار كل نص ساعه او 35 دقيقه من خ\يتها طار العوار لليوم ماحسيت بشي حدي حقدت عليها
عاد من امس اخذ زعتر يقولون يفتح الرحم
انا راضيه لو تطول ولادتي بس المشكله توهقت بعمري عوار وطلق اييني فجاه وماقدر امشي ومن تحت احسه متوسع ماقدر اسكر ريلي وافرازات بنيه وريلي مو راضي اداوم يقول بالله يتلج ولاده بالجامعه شتسوين بعمرج بط الجيس والا طلقتي
امي تقول عادي نييلها بس صراحه بجر وعوار وجدام صبيان والم وخايفه ابي احد ماعندي حتى رفيجاتي مو معاي شسوي بعمري بروحي
وهم ما يصير اقطع الدوام علطول قالولي غيبي هاليومين وكملي الويك اند اذا خفت الاعراض داومي الاسبوع الياي
وهم ريلي وامي مساكين ما يتحركون من البيت لازقين فيني خايفين علي يعني حكرتهم
كسروا خاطري
اليوم حتى لو ياني عوار قوي ماني قايلتلهم لين ينزل علي شئ
مسكين ريلي قلتله روح البر وسع صدرك وامي خليتها تزور الضحى والحين بقولها طلعي وسعي صدرج والا زوري احد مافيني شئ ان صار شئ بادق
وهذا انا تمر ورطب ومشي ودعاء واستغفار واقرا قرآن والحمدلله
الله يعين اللي فيهم بنات كل من قالي طلقهم باااااارد ويعذبون الوحده على ما يطلعون
عوبه اللي ببطني
من يروح العوار ترافس وتتحرك وايد جنها تقولي موتي من الحره ماني طالعه ههههههه
بنات ماكو شئ غير الزعتر يوسع الرحم؟
انا اعتقد الحين صج وصلت 3سم
وماقدر كل شوي اروح افحص يلعبون فيني

 

[نورالدنيا***]

حبيبتي لاكسري الله يهون عليج وعلي الجميع

سمعي البنت طلقها بارد انتي بجر صح الله يعينج وتري العسل عجييب يسهل الولادة اذا فيه عوار الطلق القوي تاكل قفشه
واعتقد يفيد اللي موبجر اكثر والله قريت هالمعلومه من كتاب الطب النبوي

 

[أم عزيـز]

قوه حوامل شخباركم ؟

فديتكم وفديت كروشكم

LUXURY ذكرتيني بعمري يوم كنت احن واحاتي يطوف موعدي وما اولد لووول
انتي تو الناس عليج يا قلبي ليش تحاتين ؟؟ادري العوار مأذيج حبيبتي
بس مثل ما قتلج خليج على حليب بالزعفران وامشي على رمل البحر والله وايد زين
بحر المارينا نظيف ومافي احد الصبح امشي على راحتج لي مده 10 دقايق بالكثير
وهم شربي مغلي البابونج والله يهون عليج
واذا حسيتي بتعب وعوار اقري قرآن واكثري من الاستغفار وان شاء الله ربج يفرجها ويتمم عليج يا الغاليه

 

[LUXURY]

نور الدنيا
انا ما اتحمل العسل للاسف تييني رقع قويه بقلبي


ام عزيز
مو مستعيله بس انا رحمه فجاه فتح 2سم ونزل افرازات بنيه غير العوار جم يوم وقالوا اول شئ طلقي خفيف عشان جذي قلت ابي شئ يساعد لان تعبت مو اللي انا ابي اولد نفسي غصب والا من هالطقه لا والله بس يليت ماكو اعراض ومرتاحه وانطر
باجرب الزعفران مع الحليب وباشرب ان شاء الله بابونج
والمشي عالبحر محد عندي يوديني والا ودي ادري وايد زين
ان شاء الله ربي يسهل
وايد قالولي على علاماتج يمكن عقب اسبوع او 10 ايام تولدين ان شاء الله
يالله الله يسمع منهم

 

[love love]

هلا كليرز شخبارج؟

واااي الله يعينج ونظرات الناس عااااااااااااااااااادي انا دايم لا مشيت خزو بطني مع انه صغيرون بس هم اتنررررررررفز ما احب احد يخزه مادري ليش
وانا اليوم بروح الافنيوز بعد رفيجتي والده باخذ بلبنتها شغله الله يعين

الا امس جاني مغصصصصصصص الساعه 11 بالليل كان يجي ويروح لمده نص ساعه عقبها رد الساعه 2.30 الفجر لمده ربع ساعه وراااااااااااااح واليوم احس بافرازات قاعده تنزل عزكم الله بس لونها ابيض << لوعت جبدكم

شنو هذا؟؟؟؟؟؟

يمكن علامات الولاده