تجـــــــمع للي ولادتها ب 2008 حياكم الله

[::فوشيه::]

أهلين حووامل ويأمهات أخباركم ؟ ؟ ؟

أنا ضايق خلقي . . . سووولفووووووو <<<<




>> وينكم يانساء الكويت " "

 

[نفيشه]

هلا دلوعة
ماكو احد اليوم لاكسري من غير شر شكلها تطلق
وحايرة صار لها مدة غاطة
وكليرز بعد مالها حس
عالم حواء كانت هني
بنات حواء هم غياب
سويتا مو موجودة
منو بعد؟؟
بترفلاي هم غاطة


وانا دخت وظهري قام يعورني من مجابل النت وشكلي بروح انام بعد


اشوفكم على خير الصبح ان شاء الله
باي

 

[::فوشيه::]

أنا بعد دخت من مجابل النت "" تصبحون على خير ""

 

[love love]

حياكم الله

 

[كليرز]

صباح الخيرات
عالم حواء
شخبارج ....... انا الحين رسميا دخلت شهري صار لي كم يوم بس حسبة التوقيع غلط لانه متاخر...
شريت قمصان النفاس من النقرة الجنوبي وحده دراعه والثاني بنطلون وقميص جنطة المستشفى تقريبا خاااااااااااالصة
بكرة ودي اروح الافينيوز مادري بيفتحون ولا يعطلون مع العطلة؟؟

لاكسري

يالله يا رب يهون عليج... يالله نبي نسمع الاخبار الحلوه وتطمنينا عليج

نفووووووشه شخبارج عساج بخير
انا الحين اتوقع هالايام وباذن لله انه اللي بالتاسع راح يولدون بالقريب العاجل
يالله ياربي تسهل علينا الولاده

بنااااااااااااااااات ترى كنت غاطة لاني كنت مشغولة مع الخدامه
قاعده اعلمها وخليتها تنفض شقتي نفض
عساس لما اكون بالاربعين تكون نظيفه وبعد علمتها غسيل الملابس وكل شي
والله يا بنات كنت برجعها المكتب بس سبحان الله زوجي قال انطري عليها شكلها تبي تتعلم وهي اساسا صغيره
احس انها اختي الصغيره... وفوق هذا احس بالمسؤولية اتجاهها
كله كوم ولما رحت بيت اهلي .... كله آمر خدامة اهلي من اول ما جيت ... لين خواتي قالوا لي ليش ما تامرين خدامج ؟؟!! انا هنيه استوعبت انه عندي خدامه واساسا مو متعوده....................
بس يالله سهالات انشالله

تششششششششششششاو

 

[خشف العوازم]

صباح الخير

بنات اشلونكم

لاكسري . . . الله يهون عليج يارب

 

[نفيشه]

كليرز
يحلووووووووج مو عايشة الدور للحين!!!
انا اول ما يبت الخدامة شوي واحب راسها من الحنان اللي ياني لها
لي ييت اطلب منها حبيبتي وحبيبتي وماما وماما وبليززززززززز عاد هذي للحين وثنكيووووووووو
ترى انا فيني طبع وايد حنون على الخدامات احبهم
والله علشان يحبون عيالي تالي
اذا قعدت عندج واهي مرتاحة انتي ترتاحين
وزين سويتي خلصتي شغلج
انا حاسة اني بولد مبجر بعد

 

[love love]

صباح الخيرات
عالم حواء
شخبارج ....... انا الحين رسميا دخلت شهري صار لي كم يوم بس حسبة التوقيع غلط لانه متاخر...
شريت قمصان النفاس من النقرة الجنوبي وحده دراعه والثاني بنطلون وقميص جنطة المستشفى تقريبا خاااااااااااالصة
بكرة ودي اروح الافينيوز مادري بيفتحون ولا يعطلون مع العطلة؟؟

هلا حبيبتي الله يسهل علييج

انا ضاق خلقي على قميص النفاس شريت ثنتين من الطاهر حلوين كانو باللبس اخفاف بس عيبهم يشفون رحت بطنتهم احس صارو اثقااااااااااااااال وهم التبطيين مو 100% يشف اشوي

 

[LUXURY]

قوه يا بنات

نفيشه
بطني واااااايد يشد ويعور غير الظهر اللي جنه متفجج واحد يطقه بمطرقه
واييني مغص ببطني رهيب كانه عوار الدوره ويقضبني من ظهري لبطني كانه حزام
ولما يشد بطني ماقدر اتحرك وصج بطني يابس ونازل
ادعولي وان شاء الله ماراح ان ساكم بالدعاء


بالنسبه لي يا بنات
انا امس بليل قضبني عوار مثل عوار الدوره حتى مشي ماقدر امشي كلللللش عقب كل خطوتين ينقزني بطني
بس كليت رطب قبل النوم وايد زين وكنت ماكله عالغدا
المهم العوار ببطني من تحت كله وظهري
وطبعا ظهري حدث ولا حرج عوار فضيع بكل عظمه فيه ويزيد جنه احد يطقه بمطرقه
وعزيزوي يذذذبحني ماني قادره انام ولا اقعد ولا اقوم ولا امشي عدل اللهم لك الحمد على كل حال
طبعا ما نمت قصيت على امي قلتلها اني باخذ حبتين باسكوبان تسكن العوار وبنام
وطول الليل متصلبه على يساري ماقدر اتحرك ملي من العوار
الصبح ماقلت حق ريلي ان في شئ يعورني ولا قلتله ان مانمت
وقلتله ان امي بتوديني العصر الطبيب يجيكون علي فلازم يكون موجود
سال امي قالتله اهي تعبانه بتاكد فيها ولاده والا لا
فراح يخلص شغله والحمدلله انا مخلصه جنطتي بس باحط قمصاني لان كاويتهم قلت حزة الحزه احطهم والاغراض الشخصيه بس باحطهم بجياس نايلون قبل لا احطهم بالجنطه
وادعولي يا قلبي بطلقة السهاله واني اولد
الحمدلله على نعمة الصبر دايما اتخيل ان ممكن اييني عوار اكثر من اللي انا فيه فلازم اتحمل ويهون علي حالي
امي تقولي الحمدلله انج هاديه وصابره وويهج سمح وبشوشه لان اختج من دشت التاسع مبوووزه وعصبيه ومن اول نغزه طارت الطبيب
لا تنسوني بالدعاء وماراح انساكم ان شاء الله

 

[نفيشه]

عالم حواء
اذا قصدج القميص يشف من تحت انتي بتكونين متلحفة بالكفر ماراح يبين شي عادي
بس اذا اللي مشكوكين وشفافين من فوق هذولا لبسي تحتهم فنيلة او شلحة منفصلة ذربة تغطي وهم تستفيدين منهم بعدين

 

[نفيشه]

لاكسري
واااااااااي والله انا قلت ولدتي
الله يهون عليج ويسهل ولادتج يارب ويسلمج انتي والبيبية العسل
اذا يات حزة الولادة بتعرفين لا تحاتين لي بغى اليهل يطلع بتحسين بعوار براسج يضرب
زين سويتي سكري جنطتج
بس مافهمت اليوم بتروحين الطبيب ولا رحتي وخلصتي؟؟
وشلون الفحص يعور؟؟

 

[كليرز]

صح لاكسري.... انا مثل نفووووش توقعت انج بتولدين
انشالله سهالات وبتولدين بالسلامه
عالم حوا
لبسي شلحه انشالله ماراح يبين شي
بعدين انتي ماراح اتمشين قدام الحريم انتي بس بمكانج.... صح

 

[LUXURY]

نفيشه
لا انا بروح الطبيب بعد شوي اذا قالوا ولاده باقعد هناك
الفحص اول مره عادي بس اخر مره عورني من داخل شوي لان الرحم كان متبطل
بس عادي عدي من 1-5 الا اهي خالصه
ان شاء الله اولد اليوم
اذا على عوار الراس فانا راسي يعوووورني بس مو مال ولاده
انا احس برحمي يتوسع بس الطلق بارد
حتى من تحت حطيت ايدي من بره مبين توسع فرررق عن قبل فاشلون من داخل اكيد توسع
وحركة الياهل قلت وبطني نازل وشاد
الله كريم

 

[حاااايره]

مرحبا

لاكسري الله يهون عليج يااااااااااااااارب وتقومين بالسلاامه



باجي البنات شخباركم

انا فبيت اهلي لانهم مسافرين وانا وزوجي حارسين لهم البيت
عاد صارلي يومين طاااايحه صخونه وبلاعيم واذوني يعوروني هذا غير الحساسيه اللي بصدري من حملت وهذي حالتي كحححححححه واختنق ماقدر اتنفس صج صج صج تعبت تعب يومين مانمت والله الا 5 ساعات مقطعه رحت المستشفى عطوني مضاد ودوا كحه وبخاخ عاد اقول للدكتوره هذي 3 مره تعطوني مضاد قالت عادي والله ماااااايضر الله يستر بس والحين اشوى الحمدلله صج تعبانه بس فررق عن امس وقبله

تكفون ادعولي

 

[حاااايره]

الا تعالو بنات ابي الجدر مال تعقيم مميات البيبي ومطارات الماي من وين اخذتوهم؟؟

والا عدي اخذ اي شي بالسوق؟؟؟

 

[نبض الغلا]

مرحبا بنات شلونكم

انا الاحد الساعه12 بالليل جيت من المخيم صراحه غيرت جو وارتحت من حكرت البيت شوي

الحمد لله

 

[M @ Z Y O N A]

الله يهون علينـا ونولد بالسلامـة يارب

انا موعدي على حسب كلام الدكتورة 5/ 7

وهذي أول حمـالـة لي ..

سويت سونـار وقالتلي بنت بس مـا أدري عندي إحساس غريب من اول ما حملت انه ولد

الله كريم

 

[malgoofah]

اشلونكم بنات انشالله بخير ؟ لكجري اشلونج ولدتي والا لا و نفيشه وكليرز و الحايره والباجي اشلونكم مع الثقل واي انا حدي تعبانه و مالي خلق عمري و ظهري حيل شاااب علي و اييني مغص نفس الم الدوره بس مو منتظم اشلون اميز بين الطلق الصجي واللي مو صجي ؟ موعدي مع الدكتوره تاريخ 2/3 انشالله و موعد ولادتي 15/3 ودي اولد ابسرعه وافتك الله يهون علينا كلنا ويفرحنا ابشوفة بيبياتنا يا رب

 

[malgoofah]

حايره حق تعقيم المميات في جهاز اب مذركير حق التعقيم احسن من الجدر والمطاره عادي اي مطاره بس في نوع ما يبرد فيها الماي ابسرعه لونها فضي يستحسن الغطا مو فر عرفتيها؟

 

[love love]

كليرز ونفيشه

شريت لي شلحتيين وقلت بشيل التبطيين باجر


حتى لو ماتمشيت جدام الحرييم بس فشله مشيي من حمام لي الفراش جدام احد حييل اخفاف