تجـــــــمع للي ولادتها ب 2008 حياكم الله

[LUXURY]

حايره
البيبي واااااايد تقل حركته بالثامن لان المكان ضيج وقل الماي
انا يائله دكتوره عطتني عدد المرات الطبيعي اللي يتحرك فيها الياهل باليوم ما اذكر جم بس اقل من 30
لاتحاتين


كليرز
الله يعين صج هالمنطقه خااااااايسه بدون حمال اشلون والبطن لي عقب باجر جدامنا
انا بصراحه احلق بموس بس هم تعب ما اشوف وماكو وضعيه مريحه وجسمي من اول حمالي يعورني فمو اي وضعيه اقدر عليها

 

[froha83]

حايرة ترى عادي
انا اخذ بيبي اسبرين بس اذكرة مرو خلصت العلبة واتعيزت اشتري وفعلا قلت الحركة
انا لما الحين اخذه والدكتورة ما قالت وقفيه انا بالاسبوع 37

 

[كليرز]

طيب بنشوف راي الباقي

 

[حاااايره]

كليرز ترا الشيره مو زينه للحامل اعرف وحده واهي تشيل مع الضغط وجذي نزل معاها ماي فشيلي بالموس مره كل يومين المنطقه اللي فوق سهل بس اللي تحت تكرمون وانتي قاعده عالافرنجي شيليه انا اسوي جذي ماكو حل

لوكرسي صج يعني 30 زين؟؟؟
انا يتحرك اسم الله عليه بس من وقفت الحبوب قلت الحركه فصارت هالشغله بوقت توقيفي للحبوب وانا ربطت وبعدين انا خلاص بطر موعدي الاسبوع الجاي لان حركة البيبي الف الحمدلله قاعده احس فيها ليش الخبال والخبه<< وسوااااااااااس



فروحه ترا البيبي ما ينوخذ لهالوقت ديري بالج اهو يسبب سيوله بالدم فاسم الله عليج يخافون لاسمح الله يسبب نزيف في حالات معينه وقت الولاده عشان جذي حدهم يعطونه للاسبوع ال 34 قبل الولاده فمده
عموما انتي ديري بالج وسئلي دكتورتج اذا توقفينه او لا لا تنطرينها تقولج اخاف اهي ناسيه

ومالج شر حبوبه


سلاااااااااااااااااااااام

 

[المرأه الأسد]

قوه بناااااات الله يتمم عليكم كلكم ويسهل عليكم وإتقومون بالسلامه يارب ....... أنا الحين بدش السابع إن شاء الله والله يتمم حمالي على خير وسلامة ومن ناحية الوسواس هذا شي عااااااادي بس الله يكافينه الشر وإذا الله كتب ولادتي على شهر 5

 

[حاااايره]

المرأه الحديديه يا مرحباااااااااااااااااااا فيج بينا


الله يتمم عليج ويهون ولادتج يارب اي احنا عاد بالوسواس حدث ولا حرج بس الحين اوووووووووووووه خف حيل اذا تبين تضحكين شوفي حالنا قبل بالصفحات الاولى نكسر الخاطر ماعندنا الا الوسوااااااااس

الله يكفينا شره ياااااااارب

 

[نفيشه]

قوة بناتوووووووووو
شخباركم؟؟

انا اخباري مثل كل يوم انام واقعد وارد انام واقعد وبث
مافي اي فعاليات

 

[LUXURY]

حايره
لا الحمدلله الحركه تره زينه بس الوسواس اللي ذابحنا كلنا مو بس انتي


نفيشه
اي عادي النوم
انا امس كنت طالعه لما رجعت نمت المغرب وقمت على ال11 وعلى ال12 رحت مع ريلي مركز سلطان الجمله ورجعنا على ال2وشوي قعد عندي لل3 لما مشى غسلت ونمت وقمت حق دوامي والحين رجعت وابي انام هههههههه
ادمان نووووووم



بنات قاعد اييني عوار باخر بطني يذذذبح تعتقدون هذا من المشي الوايد والا ما انام عدل؟؟ لان انا انام على الجنب واذا قلبت اقلب وانا منسدحه وعلى ما اقلب الاطالعه روحي من عوار بطني احسه يتقطع واقوم متقرفصه بسبة العوار ماقدر اتسمت منه
شالسالفه هذا من شنو؟ اييني عوار باخر ظهري بس مو كثر بطني

 

[LUXURY]

خل اقولكم شنو شريت امس
خذيتلي مميات بيجون حجمين الصغيره كلش والوسط من كل حجم ثنتين
وخذيت ثالثه وسط (ريلي نقاها لان عليها رسمات حلوه وملونه عشتو) وخذيت مصاصه وحلمات بيجون للميات مقاس سمول
وخذيت اسفنج الصدر اللي علشان مايبقع الحليب
ومقراضه ومقس وشفاطة الخشم ومقياس حراره كله بيجون للبيبي
وحقي خذيت كير فري لان خلص اللي عندي (اخذو الماكسي عليه لون بنفسجي ريحته رهيبه) وخذيت الغسول ماله
وخذيت مناديل مبلله حق تعقيم المنطقه الحساسه وبخاخ للتعقيم والنتعاش وتعطير خفيف من ماركه اول مره اسمع فيها بس كلها منتجات نسائيه للمنطقه هذي اسمها (femfresh) صراحه ماشفتها بالجمعيات بس شفتها بمركز سلطان الجمله
لان صراحه ابي شئ يخليني نظيفه وفرش الحين بهالحر وع
وطبعا لازم حبيب القلب الكاكاااااااو خميت الاولي والتالي
بنات شفت عندهم شفاطات يدويه ماركة بيجون بس مادري زينه والا لا
صراحه مالقيت شفاطه كهربا الا ماركة افنت بمذركير ب65دينار وايد غاليه بس معاها قطع
اشتنصحوني فيه؟ عيزت ادور كهربا بالبطاريه يعني مالقيت كله يدوي
وحده قالتلي ان اهم دايما عاليدوي وماشيه معاهم زين مرتاحين بس احس تطيح ايدي على ما اشفط
انتوا اشرايكم؟

 

[حاااايره]

نفوش عادي كلنا ناكلنشرب ونام ننطر الفرج من الله

لوكسري العوار انا جذي اذا قلبت فجاه وبسرعه لا لازم وانتي نايمه على جنب تقعدين عقب تنامين عالجنب اللثاني

وشفاطة الحليب مادري والله ابشرج نسيتها بس 65 وااااااااااااااااجد خلاص خلصت فلوسنا من تجهيزات هالبيبي عاد يبين بعينه >>>> يااااااااختي الله يتمم ويسهل ولا يحرمنا يارب

 

[LUXURY]

حايره
وحده قالتلي عند الصيدليه في ماركة بيجون واحصل عندهم كهربا
بامرهم واشوف

 

[نفيشه]

حايرة
لاكسري

انا الصراحة عمري ما استخدمت شفاطة حق الحليب لاني ماكنت ارضع اصلا بس اختي وبنت خالتي وااااايد مدحوا لي الكهرباء وهالماركة بالذات اللي قلن لكم عنها كلمن يمدحها وتلقونها بالصيدلية (( ميديلا ميني اليكتريك ))
اعتقد بالصيدليات سعرها 24 دينار بس اهي كهرباء
انا خذيتها من مذركير بالسيل وقلت لكم عنها بس انتوا مارحتوا ذنبكم على جنبكم
لا صج شوفوا الصيدليات ارخص من مذركير ترى
والرضاعات انا بعد احب بيجن وخذيت من كل حجم ثنتين بس
تعالوا بقول لكم عن شي مفييييييييد جدا جدا وبتدعون لي
اكو فرشات بقسم البامبرز نايلون ومن فوق قطن مثل ملوت المستشفيات اللي يفرشونها على السرير عن الوصخ
تصير مستطيلة شوي هذي تنفع صج حقج اول الايام تحطينها تحتج لي نمتي
وحق تغيير البيبي اذا بتغيرين له ولا كنتي رايحة مكان او بالصالة او على اي مكان بس حطي هذي تحته وايد تنفع
وتالي تقطينها استخدام واحد او اثنين حسب اذا تدمرت ولا لا

بنات خذيتوا لكم لهوم ولا لا؟؟ ومن وين ؟؟؟ ابي شي زين

 

[نفيشه]

بنات نسيت اقول لكم عن شي مهم بعد
حطوا بجنطة الامستشفى عيابة او بدلة ثانية وملفع نظاف علشان الطلعة من المستشفى
انا كل مرة تصير فيني لي ييت اطلع الا ملابسي اللي ييت فيهم اكون مطرشتهم البيت وماعندي الا قمصان وبجامات المستشفى فاتوهق واضطر انطر على ما اييبون لي ملابس اطلع فيها

 

[LUXURY]

نفيشه
زين قلتيلي عن الشفهطه
ليش ماقلتيلي قبل ان اقدر احصلها بالصيدليه؟؟
انا رحت مذركير قالوا ماعندنا نوع ثاني غير افينت
وكانت مثل ماقلت ب65
انا راضيه ب25 يا معوده
وهذا الفرشات اللي قلتي عنهم اختي كانت تاخذ منهم وقت ولادتها وصج مفيد
وزين ذكرتيني على البدله بس انا اساسا البس عباة بس بودي معاي غيرها ماتدرين ينزل عليها شي بالطريج والا تتوصخ هناك وهم ياربي داخله فيها المستشفى وانا بحالة ولاده حتى لو ماتوصخت ما اشتهي البسها


اليوم الاكتئاب طاق فووووووق السما بالعلالي قمت امشي وابجي واذا احد جابلني اضحك بدون سبب واكركر حييييييل ردة فعل نفسيه الحمدلله والشكر واضحك بدون سبب
اول شئ ريلي يسوي روحه يضحك معاي بعدين قام يقولي اسم الله عليج اشفيج
وانا جسمي متكسر وشب علي صدري حساسيه من الغبار ومتكسره واهو ياي نايم عندي صارله ساعه يحن (ظهري مادري اشفيه يعورني , تصدقين فجاه عورني ظهري) لما كشت فيه ماهمزته جان ياخذ ايدي يحطها على ظهره يقول هني واااااايد يعورني ماقدر انام
قلتله اقرا المعوذات وتدوخ كاني كل مافيني يعورني ما اشتكيت
جان يسكت 5دقايق والا الشخير واصل لبيت جيراننا
انا ابي احد يساندني نفسيا ومعنويا واهو نام وكشت فيني
حاطتلي السيده ملعقه واطالع من ضيقة الخلق

 

[نفيشه]

لوووووووووووووووووووووووووووووول
لاكسري
مسكين يبي حنان
صج الرياييل متسلطين جنهم اهم الحمل مو احنا
واهم اللي يتنسون واهم اللي يحاتون الولادة
واحنااااااااا؟؟؟ لنا الله
انا مثلج صايرة بس ابجي وارد اغسل ويهي وارد اقعد بالصالة
الله يعين
هانت يمعوده
انا من ادش شهري ببتدي امشي واكل اناناس ودارسين وخروع وتمر وكلشي

 

[LUXURY]

لذوات الخبره عندي جم سؤال بما انها ديوانيه قرقه وسوالف

اول سؤال: من وين اشتري بجامات قطن ناعمين وفنكيين للنفاس الوقت اللي مايكون فيه اوادم يعني عمليين حقي ببيتنا؟؟بس مابي وايد غاليين يعني ماراح اروح دبنهامز ونكست على 15 و16 البجامه

ثاني سؤال:مافي محلات لانجري تسوي خصم الحين اخذ منهم تجهيزي حق طلعتي من الاربعين؟؟ خو ماتهنيت انا بالقمصان والبيبي دولات وهالخرابيط


ثالث سؤال:شنو نوعية الحزام اللي تربطون فيه بطنكم علشان ماتطلع الكرش؟؟ وشنو الانشطه اللي تسوونها عقب الولاده علشان يرجع الجسم حتى لو مو 100% نفس قبل الحمال بس يتعدل شوي؟؟

رابع سؤال: شنو تلوصون فيه جسمكم وشعركم وقت النفاس علشان تطلعون من الاربعين باجمل حله؟؟ انا للحين ماكملت سنه يعني باولد قبل لا اكمل سنه مع ريلي ومابي اعتفس ويلاحظ الفرق فيني من الحين ذبحني اساله عن لوني وشكل جسمي واذا بارد نفس قبل والا لا
لدرجة ان كان ناوي اوقف قيدي بس علشان اتلطخ واعتني بنفسي يبيني نفس اول ماخذاني
وراضي يقط اي مبلغ علشان ادش نادي والا اسوي شئ يردني نفس ماخذاني (والله الرياييل بلشه ولو تشوفونه مكرش وماله خلق يحلق لحيته افففففففف)


بليز انتظر اجوبتكم

 

[LUXURY]

نفيشه
انتي ناويه على خيانه اكيد متفقه مع بنات حواء2 ضدي
انتي مو قلتي لا تشربين خروع؟؟ والحين انتي بتاخذينه؟
قولولي شسوي ابي اولد تعبانه وايد
والاناناس قلتلهم اييبولي بس حسو ان في جريمه فكل من يقولي انزين بنييبلج ويكشتون يسوون روحهم نسوا هههههه
باجرب اخذ دارسين وبابونج لو قلاص صغير يوميا وبمشي اكثر من ساعه وبشوف اولد والا لا

عاد باجر ان شاء الله باحط حنه مره ثانيه وباودي ان شاء الله خلطة حمام زيت حق شعري حق عقب الحنه لان مالي خلق ادهنه لا نشف

 

[نفيشه]

لاكسررررررررري
عقلي شقلنا؟؟؟
لا تاخذين خرووع ترى تموتين من العوار والرحم مايفتح ماكو فايدة اذا الرحم مو مفتوح ترى لا تخسبقين روحج
وتوني عاد بسالكم رحتوا انور والطاهر ولا لا هالايام؟؟
ابي اشوف اذا نزلوا قمصان النفاس الصيفية ولا بعد؟؟
ودي امرهم بس باجر عندي شغل الصبح ما ينفعش
والحزام ماشريت للحين هم كنت بسال شكلي باخذ كورسيه اللي يصير شورت مع اني مرة لبسته اول ماولدت وغشيت ضغط بطني عدل ماتحملته
انزين الحزام اي نوع اخذ ومن وين؟؟
لا تقولون لي الاندونيسي هذا ما اقدر عليه ياذي ويبي له عباله
والخلطات والتدهن ما اقدر افيدج كلش ما احب هالسوالف
البجامات القطن عندج بي اتش اس - بيكوكس - مجمع النقرة الشمالي - لاسنزا
القمصان اللي بالسيل كل مكان سيل الحين اتوقع

 

[حاااايره]

هاااااااااااااااااااااااااااي بنات اخيرا رحت حق المصنع بس رحت لفرعهم اللي بالسالميه الكيلو عنده ب 6 اخذت 5 كيلو زاااااااااااااااااااااااااااااااااااااااي صج صج روووعه ما توقعت جذي لذييييييذ اخذت الكراميل والكورنفلكي والنوتيلا وبسكوت اممم ونسيت بعد بس شكلتلي ب5 كيلوو صج انصحكم فيه ييض الوجه ذوقته خالتي وامي وخواتي ماااتو عليه


لاكسري

الشفاطه هذي موجوده بكل الصيدليات او لا؟؟؟
والبجامات اذا فبيت اهلج وللنوم وجذي مو جدام الناس انا اخذت من سيتي سنتر تلقين ب 6 و7



نفوووووش انا المشد باخذلي واحد عادي بالصيدليه على 7.500 بس للبطن مو شورت اهو مال بعد الولاده



سلاااااااااااااااااااااااام

 

[malgoofah]

بنات ادري اذيتكم معاي ساعدوني استقر على اسم بنوته انا بنتي اسمها جنى و ابي اسم لايق معاه الاسامي اللي عاجبتني اهم جوى -جود-صبى-غلا-غنى-سمى-جوري جوان-رؤى
عفيه قولووووووووولي انا كنت بين جوى و جود بس وحده قالتلي ان جوى له معنى اطراف النار مت وانا ادور بالمعاجم ما لقيت هالشي عاد كان داش مزاجي الحين قولولي اشرايكم؟