تجـــــــمع للي ولادتها ب 2008 حياكم الله

[LUXURY]

كليرز
هذا للحلمات وصج ينعم وثقيل يرطب ويلين يوخر التشققات

 

[malgoofah]

لووول لكجري ههههههههههههه لا ما غسلتهم ولا سويت جنطتي يا ربي مالي خلق شي كل يوم اقول باجر بس انشالله صج باجر بغسلهم واجهزها و مشكووووره بعد قلبي والله يهون عليكم كلكم بنات

 

[Mar Mar]

السلام عليكم أول مشاركة لي في هذا المنتدى العجييييييب و انا توني حامل و آخر دورة يتلي تاريخ 16-1 و الله اثبته انشاء الله ادعولي بنات
ماطول عليكم بس حبيت أسئل لازم آخذ مثبتات ولا عادي ؟ لأن قبلها كنت امطيحا بالشهر الاول الشهر الي طاف مع العلم اني ماسويت تنظيفات لان البيبي كان في الشهر الاول ؟ و مشكورييييين وايد على هذا التجمع

 

[LUXURY]

ملقوفه
تره حتى انا ماسويت جنطتي بس لان امي اللي قايله انها بتغسل الهدوم
عيزت اقولها عطيني انا اغسلهم تقولي لا انا باغسلهم اشيبيلهم خو نتفة صابون ونقطتين كومفورت
قلتلها عيل ليش صارلج شهر ونص تقولين بتغسلينهم وماغسلتيهم هههههههه
وقمصاني يبيلهم كواي اقولها ييبيلي اوتي البخار داري باكويهم ماترضى تقول الهوز ثقيل عليج ههههههه
شكلي باولد وجنطتي مو زاهبه وبيلبسون بنتي خرجه بالمستشفى لوووووول


مرمر
حياج حبيبتي
ومبروك الحمال الله يثبته يا رب
ولازم تاخذين مثبت حبيبتي دام انج مطيحه وبالاول والاخير تذكري ان ما يصير الا اللي الله كاتبه
بس دايما ارتاحي وتمددي ورفعي ريولج
ادري بتملين بس انا كنت جذي طول اليوم لمدة 4 شهور ماطلعت فيهم الا مرتين او 3 واكون بمكان متمدده فيه

 

[LUXURY]

وعلى سالفة التنظيفات
دام بالاول اعتقد ينظف الرحم من نفسه وتره الخوف من اللي ماتسوي تنظيفات ان ممكن ماتحمل بس الحمدلله انج حملتي يعني رحمج كان نظيف من بقايا الحمله الاولى

 

[Mar Mar]

مشكووره على النصائح ماقصرتي معناته اليوم لازم أروح اراجع عشان تعطيني مثبتات لأني للحين مارحت راجعت قلت على الشهر الثاني أروح ..

 

[أم حيدر]

مرمر حياج الله ويانا - وانا برايي اخذي راي الدكتور احسن

لكجري - انتي روحي محل الكاكاو وضوقي لان وايد انواع انا اخذت الكاكاو اللي مع ويفر اللي تصير قطعة مربعة واخذت كاكاو يصير جنه اسطوانه وداخلها نفس درابيل مكسر واخذت كاكاوة صايرة جنها طابوقة داخلها كراميل واخذت بيض الصعو محشى بألموند

روحي وادعيلي

 

[LUXURY]

مرمر
اذا راجعتي طمنينا عليج

ام حيدر
مشكوره حبيبتي وايد ان شاء الله امره


الحين بروح الصالون احط حنه واسوي منيكير واحف شواربي (فشله الاسم يضحك هههه)
وبارجع اتفرك واتلطخ بخلطات للجسم
الله يعين انا وين وهالسوالف وين بس شسوي الله كريم اخاف شعري يحت ويخترب مع الرضاعه
وهم بالنفاس مااااااالي خلق اسوي شئ بعمري

 

[malgoofah]

لكجري متى موعدج الله يهون عليج ؟ و اب اي مستشفى ناويه انشالله؟

 

[نفيشه]

ملقوفة
لا تتسلطين على روحج قعدي عاجل ولي ياج الطلق بتولدين ترى الطلق الصناعي عذااااااااب يلووووع الجبد

بناتو شلونكم؟؟

 

[حاااايره]

هااااااااي بنات شخباركم

انا دايم اطل عليكم بس اكون راده من طلعه ومنهــــــــــــــــــد حيلي فانسدح وابطل اللابتوب واتعيجز اقوم عشان اشارك >>> امبي نقدت على عمري بس والله لهالدرجه يااااربي تعبتتتتت

امس الله يسلمكم كنت موديه كفري حق بركات يحط فيه شوارفسكي <<<< لاني ماخذته من الرحاب نظام امريكي واشوه طلع حلوووو
عاد وديت الكفر لوحده تسوي سوالف صناديق للشكر والزعفران واللقاح وهم للككاو وقلتلها تسوي نفس الستايل صندوق للشكر وثاني للككاو واشوى صارو جنهم طقم مقاربين حيل لبعض

وجنطة المستشفى جهزتها

والصاله اللي يتنفس فيها امي سوتلها نيووووو لوك معنها جديده حرام

بس باقيلي الككاو امس لفيت على كذا محل باخذلي فكره بس محل الككاو اللي مقابل رويال حياه طلع فااااااااااضي خلصوو عليه وككاو المصنع طع يسكر بعد ال5 فمارحتله عاد بشوف هاليومين يمكن اروح


بس بنات انا تعبـــــــــــــــــــــــــــــــــت والله حدي معني يااادوب بنص الثامن ودي اولد والله لانوم مثل الناس ولا قعده ولا شي كلا بس تعبانه

ابي حل سحري يولدني باول التاسع <<< خير انشاءالله لو في جان غيري واجد ولدو



سلااااااااااااااااااااام

 

[نبض الغلا]

مرحبا حبوبات انا قررت انشاء الله اني اروح البر ولما استخرت قمت مرتاحه


والحمد لله اللي كاتبه الله بصير المهم الوحده اداري عمرها

 

[حاااايره]

نبض الغلا اي والله روحي احنسلج بمليوووووووون مره ومدام الدكتوره قالت عادي فلا تشيلين هم والله يهون عليج وتولدين بالسلامه يارب

 

[LUXURY]

ملقوفه
انا توني داشه شهري
والولاده ماقررت بس عندي ملفات بنص مستشفيات الكويت هههه


حايره
مري المصنع شوفيه
في وحده قالت له محل فرع له على البحر اسمه كوكو ليف مريه وذوقي الشغل من عنده واللي يعجبج دقي عالمصنع يوصلونه لج ارخص وفرش
انا شكلي جذي بسوي
ومبروك عليج الاغراض تتهنين فيهم يا رب
والله يطولج بعمر الوالده
وعن الحل السحري جان انا الحين والده وخالصه هههههههه ماكو حبيبتي


نبض الغلا
عليج بالعافيه الروحه غيري جو ووسعي صدرج


انا باقوم اخط الكحله علشان ريلي بيمرني يطلعني
عاد لا نبديها بنجره وين تبين تروحين ومادري واشتبين تسوين وعادي اي شئ
اخرتها يتناجر معاي لان مايدري وين يوديني ههههههه يحليله خوش ريل

 

[حاااايره]

لوكسري اي انشاءالله بمر اللي بالسالميه لانه قريب منا وبذوق وبشوف اللي يعجبني عقب بطلب من اللي بالشويخ

بس بنات عندي سؤال

انا كنت استخدم البيبي اسبرين من اول ما حللت لاني كنت مطيحه مرتين وتو الدكتوره قلت خلاص وقفيه وانا اخر حبه اكلتها السبت اللي فات

بس اللي حاصل الحين

اني من تركت الحبوب وحركت البيبي قلت حيل للحين يتحرك بس اخف من اول واجد شرايكم يسوى اروح للدكتور ه باجر واستفسر والا انطر موعدي 27 _ 2 بليز ردو علي ترا ضايق خلقي

 

[نفيشه]

حايرة
ليش البيبي اسبرين انا مو فاهمة؟؟
انا يعطوني اياه لان معاي ضغط والبيبي اسبرين معروف يسوي سيولة بالدم فزين حق اللي ضغطهم عالي
بس انتي مادري شنو حالتج
انا رايي روحي وتطمني على البيبي احسن وان شاء الله ماكو الا العافية احسن ماتقعدين تحاتين
اللي اعرفة ان حركة البيبي الحين طبيعي بتقل لانه قاعد يكبر والمكان يضيج عليه
بس انا اقول رووووووحي تطمني احسن

 

[حاااايره]

اهلين نفووش انا اجهضت مرتين والبيببي اسبرين يسبب سيوله بالدم عشان الدم والاكل يوصل للمشيمه ثم للبيبي عرفتي

والبيبي يتحرك لما اعد 30 مره اليوم بس قبل كان انشط بواجد تبارك الرحمن كان دايم يتحرك

شرايكم؟

 

[malgoofah]

حاااااايره انا بعد اخذ بيبي اسبرين بس ما وقفته للحين ويييه ما قالتلي الدكتوره اوقفه اتهقين اوقفه ؟ انا توني داشه شهري اوقفه؟ ما يضر البيبي لي وقفته؟

 

[حاااايره]

ملقوفه معروف ان البيبي اسبرين ينوخذ للاسبوع ال 34

انتي سئلي دكتورتج واتوقع بتقولج وقفيه

 

[كليرز]

مثل ما قالت نفوووووووووووشة انه حركة البيبي تقل بالثامن وهذا شي طبيعي
المهم بنات بقولكم عن شغلة حيييييييييييييييييييييل حساسة

الحين حنا ما ندري متى الولادة يمكن تجي فجاة فانا كله احاتي المنطقة التحتيه لانها صارت بعييييييييييييييييييييده ومانقدر نشيل منها ..... انا اليوم شلت بس والله المنطقة التحتية ما اقدر اوصلها؟؟؟ شسوي عاد انا متعودة على الشيرة
اللي فوق عادي بس المشكلة تحت؟؟؟؟؟ انا كنت انقد على البنات اللي يقولون صعب بس الحين شفت الصجية عقب ما كبر البطن وصار نازل
فشنو الحل ؟؟