تجـــــــمع للي ولادتها ب 2008 حياكم الله

[LUXURY]

السلام علييييييكم

نفيشه
طخ عني جم يوم لاحس ولاخبر ومن امس قام يرجع يعورني شويه

 

[LUXURY]

واي ليش التوقيع زايدني يومين من كيفه
شالسالفه الدنيا ضدي
الجامعه يحذفون مادتين من كيفهم
والتوقيع يزيد يومين من كيفه
احد متامر علي

 

[نبض الغلا]

مرحبا بالامهات الحلوين

الف الف مبروك ام عزوز عالبنوته الحلوه

انا اغط وارجع صايره نفسيتي زفت وعلي اقل شيء اتكدر

تدرون قعدة البيت تغث وتصدقون انا ما جهزت الا تبانات من مذركير بس

وانطر لما ادش شهري بروح اكمل لان التبانات مو انا اللي شريتهم بعد

بس بليييييز ابي احد يساعدني بكل التجهيز وبالكميات وبدعيلها من قلب لاني بجر وماعندي خوات الا وحده عمرها 3وامي

ناسيه هالسوالف معنها ما عدت الاربعين

وعندي خالتي الي اطرشها مو متزوجه وما عندها خبره كافيه

وبغيت اسال سوال مهم جدا لما انام على جنب وابي اغير للجنب الثاني لازم اقعد بعدين اقلب ولاموشرط المهم اقلب ببطء بس

 

[نفيشه]

نبض الغلا
من صجج؟؟
ليش للحين ماجهزتي؟؟ترى ماكو وقت
وحسافة مذركير خلص سيلهم امس عاد كان خووووووش شي

الحين مادري شقول لج الصراحة اللستة طووووووووويلة الله يعينج عليها

بالنسبة لاغراض البيبي :
للمستشفى:
اربع اطقم كاملة من تلسوتات وفنايل وصداري وكبابيس وفوط صغار ومهادات تجهزين كل طقم بكيس مثلا وتصفينهم بجنطة المستشفى
كيسة البيبي 2 للمستشفى
رضاعات الماي الحجم الصغير (( احسن شي بيجن))
مصاصات


للبيت:
بلسوتات وفنايل ومهادات وكبابيس اضافية طبعا
فوط للسبوح((لاندمارك-مذركير-عيد النصار))
بانيو واسفنجة وحوض (( عند مذركير او لاندمارك او عيد النصار يقولون))
فرشة تغيير البيبي تصير نايلون وفيها اسفنج((لاندمارك-مذركير-عيد النصار))
لحافات خفيفة((لاندمارك-مذركير-عيد النصار))
سلة للبيبي علشان تنقلينه من غرفة للثانية((ممكن تاجلينها لانها اتيي هدية))
طقم كفر البيبي للسرير
جنطة للطلعات((ممكن تاجلينها لانها غالبا باتييج هدية))
اغراض الجمعية((شامبو-بودر-شورجيل-اويل-اعواد اذن-ماي غريب-لوشن-حليب-صابون ملابس الاطفال-قطن))

اغراضج انتي:
قميصين او 3 كشخة لاستقبال الضيوف
بجامات عملية لفترة النفاس
ستيانات رضاعة((مذركير-انور-الطاهر-مجمع النقرة))
سليبر((مجمع النقرة-انور-الطاهر))
كريم الصدر لرضاعة
جهاز شفط الحليب((احسن نوع ميديلا ميني اليكتريك من الصيدلية على كهرباء))
لهوم وعدة النفاس
كفر المستشفى
قطن الصدر للرضاعة
كوتيكس
بانتيات اللي تصير استخدام واحد وتنقط تلقينها بالجمعيات مع الكوتيكس او البامبرز


هذا اللي ذاكرته الحين



لا تنسين تدعين لي عاد

 

[كليرز]

مرحبا

كيف حال الكل؟؟؟؟؟؟؟
انا والله كل ما احس بعوار على طول اقول هذا يمكن طلوووووووووق

حبيت اسالكم
انتم الحين لما تمهدون البيبي تربطونه بخيط؟؟؟؟ اللي يجي مرات مع المهاد؟؟؟
لاني شريت مهادات من سنتر بوينت لكن اتعرفونهنم نظام انجليزي ما معاهم خيط؟؟؟
نفيشة
ذكرتيني بشغلات ما شريتها؟؟؟؟ ميييغسي

 

[ZajiL]

انا عمري ماربط عيالي احس مساكييييييييييين يعورن القلب بس امهدهم الفهو لف خفيف
اريح لهم

 

[حاااايره]

هااااااااااااااااي نبض الغلا من صجج الله يعين شوفي اكتبي الاغراض وخلي الوالده تجهزهم لج من الحين سبحان الله ماتدرين متى تولدين نصيحه لا تنطرين


نفوش ماقصرتي عالاغراض

كليرز شخبارج

اللي اعرفه لازم الخيط مال المهاد انا اخذتهم من عيد النصار



سلاااااااااام

 

[love love]

قووووووووووووووووه

 

[حاااايره]

اهلين عالم حواء شخبااااااااااااارج؟؟؟



الا بنات انا توهقت فصلتلي سلة ككاو للبيبي وطلعت كبيييييره هذي شيترسها

فأبيلي ككاو اخذه بالكيلوات


ابي طلعمه حلو مو شرط رووووعه بس حلو وابي سعره مناسب مااااااااااااابي غالي لاني مو مسويه استقبال يوم معين لا استقبالي مفتوح فكل شوي برد اعبي وجذي بكلفني واجد ؟؟؟

ناطره ردودكم حبايبي

 

[love love]

تمااام


شوفي كل مكان غالي روحي كوكو الي بالكوت كيلو ب 9 دينار بالكثير 10

وريبيل على 13 ونص

 

[LUXURY]

نبض الغلا
نفيشه ماشاء الله كتبت كل شئ تقريبا
دشي موضوع تجهيز اغراض البيبي وجنطة المستشفى تلقين بالنص ردود فيها الاغراض بالعدد الكميه
ان شاء الله يفيدج


كليرز
انا امي متعوده تربط بس اللي معاهم خيوطهم شويه ماخذيت وايد لان الباجي ماخذتهم من سنتر بوينت نظام انجليزي ماكو تربط


حايره
انا سمعت بنات يتكلمون عن مصنع الكاكاو بس صراحه ماعندي تفاصيل عنه
اللي اعرفه قالوا كاكاوه حلو وفريش ومتنوع وسعره زين
سالي بنات حواء2 عنه

 

[froha83]

كاكاو المصنع روعة
انا ماخذه منه
الكيلو ب 5 دك بس وبمحلهم اللي بالسالمية ب7دك هم سعره حلو وفي انواع ب8 دك <<<<<<<< بالرهش

 

[LUXURY]

فروحه عطيننا رقمه وعنوانه بليز
الكاكاو مغلف صح؟

 

[حاااايره]

عالم حواء يسلمووو يالغلاااا


لوكسري مشكوووره


فرووووووحه انقذيني شنو المصنع هذا جم رقمه وين صااير انا اررررخص شي لقيت ب 9 بس ب5 شيييييييي بس عسى طعمه حلوووو؟؟؟

 

[كليرز]

انا والله مثل ما قالت عالم حوا............. كوكو اللي بالكوت كاكاو حلوووووووووووو طعمه
انا خذيت منه لما بتخرج اختي من المقرارات والله ما قعد على طول خلص

 

[LUXURY]

حايره
هذا جنه بشويخ
وكل من يمدحه لما قلت حق امي جان تقول رفيجاتها كله ياخذون منه يذوب باللسان ولذيذ ومو محزر وفرش
وجنه يسوونلج تغليف عاللون اللي تبينه
خل ادورلج رقمه والا عنوانه بالموضوع الثاني

 

[LUXURY]

4812123
2240270
داخلي 777

واسم المصنع على الجيس سويت لاند

هذا نقلته من الموضوع دقي عليهم وساليهم عن مكانهم بالضبط
او نطري فروحه تكتبلنا العنوان لان حتى انا ابيه

 

[حاااايره]

كليرز مشكووووووووره حبوبه بشوف يمكن اخذ منه


لوكسري مشكوووووووووووووووووووووووووووره حبوبه ما قصرتي تعبتج معاي

 

[LUXURY]

لا عادي حبيبتي حياج

 

[أم حيدر]

للبنات اللي للحين ما اشتروا الكاكاااااااااااااو

روحو حق هالمحل وادعوووولي الله يقومني بالسلامة الكاكاو ماله شي مو طبيعي بالنسبة لي هالمحل احلى من باتشي بوايد

اسم المحل : ايلوتشي رقمهم 2491977

عنوانهم : شرق - الصوابر - شارع الشهداء - برج الصديق - مقابل وزارة الداخلية

ومعظم الاسعار عنده الكيلو ب 9