تجـــــــمع للي ولادتها ب 2008 حياكم الله

[LUXURY]

نور الدنيا
بجم حذيتيهم؟ انا خابره لاندمارك غالي بالجياس وما يسوون
وانا ابي جذي ملون مابي اوف وايت وخرابيط حق البيت والزواره مو حق كشخه

 

[نورالدنيا***]

شوفي حبييتي الجيس فيه موديلين نفس الخام واحد صغير ومن صوب الراس مدور وفيه اكبر من من فوق الراس مربع

انا خذيته الاكبر ب17 والجنطه حلوه وكبيرة خليته حق اغراض البيبيي بالمستشفي وايد حلوة ووسعيه وتحسين خامتهم شي زين والله انا ماخذه منهم بولدي من 3 سنوات والله طلعته جنه يديد بخليه اغير فيه بالبيت حق البيبي مع اني استخدمته واايد بس ماشالله شكله يديد يعني كد واذا كبر انشالله خليه لخوانه

الجنطه والله ماذكر بجم خذيتها لاني خذيت معاهم سله البودر والمستلزمات بس لون ثاني ومخده بيبي طلعو كلهم 41

تقريبا

 

[LUXURY]

41 مع الجيس؟
بس زين السعر
متى خذيتيهم؟ وماتذكرين شنو في بعد الوان ثانيه؟
ادري نشفت ريجج
انا من كثر ما تحوس براسي الفكره ابي فنكي قلت خلاص باسويلي واحد والخام قطن مع جنطه شوي كبيره
واييب بدله ساده اركب عليها اشكال نفس اللي باركبهم عالجيس والجنطه
وملونين

 

[نورالدنيا***]

لا عادي حياج الله وعليه ثقلانين وقاعدين علي النت ماعندنا شغل خخخخخخخخخخخخ

شوفي اخذتهم من اسبوعين من سنتر بوينت السالميه غيرو الاسم وانا لي الحين موعارفه احفظه هههه وما كان تنزيلات

لانه قالنه هذول كولكشن يديد ماعليه خصومات وعندهم لفات للبيبي تشكيله جديده حياكه بس شكلها راقيه حييل

تري اللون غريب وفيه الاخضر والاصفر والازرق بس انا رايحه حق وايد بنات والدين هالايام ولا احد ماخذ هالاوان الكل ابيض وبيج وصدقيني لاتبالغين بلبس البيبي خليه سمبل واهم شي يكون البيبي مرتاح باللبس ومذر كير منزلين افرولات الوانها عجيبه ولعبي بالالوان تري الواني جريئه بس غريبه

 

[نفيشه]

قوووووووووة يالربع

انا تعبت خلاص ومليت ومابي اكمل تجهيزي صج ثقلت


لاكسري
كيسة البيبي تلقين الوان اتينن من لاندمارك وملوت البنات شي صج اينن روحي تطمشي بفرع حولي او الري لان عندهم سيل فرصة
انا للحيني ماخلصت من هالسالفى=ة لان ودي بشي محايد يا اوف وايت او بيج شي جذي

اليوم رحت مذركير الجمعية ولقيت طقم السرير وخذيته بالسيل يونس ملون
وبث

 

[LUXURY]

نور الدنيا ونفيشه
مشكورين حبايب قلبي ماقصرتوا باحاول اروح لاني وايد تعبانه
الله كريم


سؤال للي ولدوا من قبل
اييني عوار قوي مو مغص هوا ويقعد ببطني باخره مكان الرحم يذذذذذذبح ما يروح ويتصلب جسمي والم بالعمود الفقري والعزيزو ومفاصل الحوض وفخذي ويتم على هالحال 5 دقايق ويروح
ياني امس 4 مرات واليوم مره او ثنتين غير العوار النغزات والمغص
وعزكم الله لما ادخل الحمام احس حوظي يعورني وجنه منفتح العظم شووووي عن العادي والمنطقه الاحم شاده جنه الياهل بيطلع منها واهي قاضبته
هذا شنو؟
امي تقول هوا ادري مو هوا تبخرت وماطلع الهوا ولاراح العوار
تكفون بديت اخاف

 

[LUXURY]

صبحكم الله بالخير
اشلونكم يا بنات نففففففر نفرررررر؟؟؟؟

انا ما نمت الا جم ساعه من 4ونص لل8 الا ربع وطول الوقت اتفزز وارجع انام ما ارتحت
والحين بادش اتسبح واحلق المنطقه اللي تهبل وما تاذي كلش وانتوا تحلقونها وبسرعه تخلص وتشوفونها عدل مع الكرش هههههه
وعقبها بروح موعدي الساعه 11و10
والله قاعده احاتي وافكر
احاول اخش هالشي جنه عادي بس ماااااااقدر مبين علي احاتي
واي مرات اقول ابي اولد وافتك ومرات اقول لا مابي اخاف
مادري شسوي بعمري
بنات ادعولي الله يشرح صدري ويطمني ويهون علي
محتاجه مؤازره
وامي علبن بتطمني ما تقولي شئ لو تطلع نفره بخشمي قالت هوا واهي تدري ببطني مو هوا ومن نفسها تروح بروحها تشتري اللي ناقصني وفوقها قالتلي امشي وايد واكلي تمر مع انها مانعتني من المشي قبل
ادعولي

 

[نفيشه]

لاكسري
بعد قلبي لا تخافين الولادة تونس تهبل تحسين ان احد كافخج على راسج وانج مو بوعيج

عادي حبوبة مردج بتولدين يعني لي متى بتنحاشين؟
انا ودي افتك خلاص تعبت

 

[نفيشه]

لاكسري اذا فيج عوار عيل لا تمشين نطري يمعودة تدشين شهرج وتالي امشي

 

[أم حيدر]

ايوااااااااااااااااا كلنا ثقلنا وقريبا سنضع كنوزنا المكنونة لوووووووووووووووووووول

مابي اشتكي ولا ابي اقولكم عن معاناتي مع النوم وعوار الظهر ماله داعي كلكم عارفين

يا بنات ابي اطقم ملابس حق البيبي عشان المستشفى ومابي اسعار خيالية يعني شي معقول لان بيبياتي دايما اولدهم تيني بيبي ضغنوووونيييييييييييين

الله يسهل عالجميييييييييييييييييييع

 

[Q8_ButterFly]

ايوااااااااااااااااا كلنا ثقلنا وقريبا سنضع كنوزنا المكنونة لوووووووووووووووووووول

مابي اشتكي ولا ابي اقولكم عن معاناتي مع النوم وعوار الظهر ماله داعي كلكم عارفين

يا بنات ابي اطقم ملابس حق البيبي عشان المستشفى ومابي اسعار خيالية يعني شي معقول لان بيبياتي دايما اولدهم تيني بيبي ضغنوووونيييييييييييين

الله يسهل عالجميييييييييييييييييييع

هلوووووووووووووو ام حيدور شلونج


روحي مجمع النقره الشمالي تحت توني خذيت طقم كامل يهبببببببببببل ومع اني ما كنت ناويه آخذ بس شفته وما قاومته لانه اسعاره حلوه ومعقوله حلو حق الاستقبال اذا احد يالج

 

[LUXURY]

شوفوا اشصار معاي
اليوم رحت وبطيت الجربه قلت للدكتوره كل اللي احس فيه
سوت السونار والا راس البيبي نازل بالحوض
علشان ج\ي اييني عوار بزياده واحس حوضي متوسع شوي
سوولي تخطيط ماكو شئ سوولي فحص مو مفتوح الرحم بس انا واااايد تعبانه واييني عوااااااااار
قمت ابجي ريلي وامي وخواتي يقولون عني دلوعه وما اعرف العوار الصجي
وانا اكسر الخاطر اقضب نفسي حييييييل ولما تحجيت قالولي هوا
اوووووووف مليت من كلمة الهوا
بس قالت الدكتوره في احتمال كبير تولد بسرعه ووزن البيبي الحمدلله زين لعمرها والماي والمشيمه والوضعيه كلهم تماااااام يعني مافي صعوبه
بس امي تخاف يلعبون فيني
الحين شسوي؟؟؟ ابي شئ يطلع هالنتفه مني شئ يلين الرحم
تعبت والعوار يزيد ويقولون ماكو شئ
امي قالت ما اودييييييج الا نازل ماي او دم يعني شسوي بعمري انا
والله قمت ابجي بروحي لان حدييييي تعبانه واهم عبالهم ضايعه بالطوشه وخايفه
والله مو خايفه راضيه اولد بدون بنج بس ابي اووووووووولد :"(


مشكوره نفيشه على التشجيع
انا عقب اليوم صج ابي اولد ومو خايفه

 

[حاااايره]

مرحباااااااااااااااااااااااا بنات كلكم وحشتوني وحشتوووني

انا لابتوبي كان خربان وتصليحه بيطول شوي واليوم اخذت لابتوب حماي عشان اعرف اخباركم

اما انا اخباري

النومه حدث ولا حرج 5 مرات اقوم للحمام عزكم الله
لانمت على جنبي اليمين حوضي ذبحححححني والجنب اليسار نفس الحكايه


التجهيز

خلصت كل شي الا الكفر باجر بروح لوحده يمدحون شغلها باخذ كفر مع خرابيطه



وسلامتكم

 

[كليرز]

هالللللللللللللللللللللللللووووووووووووووووووووووو

بنات كأنه قربت الصدقية.................................بدا العد التنازلي

يالله انك تهون علينا يااااااااااااااااااااااااااااااااااااااااااارب

بالنسبة للخدامه اخوي قال اخذي خدامتي اللي طالبها ( اندونيسية) لانه يبي فلبينية
كفري انشالله بكرة بستلمه من كفاح السعدون

بس كرشتي اوووووووووووووووووووووووووووووووف كل من شافني قال انتي فيج توم ؟؟ هذا غير التشققات اللي كل مالا وتزيد وبطني ببس يقرصني ؟؟؟

بنات الدوامات بدت وانا كله طبيات.... اصلن شكلي مسخرة اذا داومت بطني حيييل نازل لتحت وجاي طواللللي

بنات اخر مرة رحت لمراجعتي قال الدكتور انه البيبي حجمه صغير لكن اللي يشوف بطني يقول فيني توم من كبره؟؟؟
لدرجه قلت للدكتور شوف اذا البيبي اللي تشوفه بالسونار معاه واحد ثاني؟؟؟؟

انا انشالله بكرة بروح لمراجعتي ادعوا لي لانه التحاليل بتكون معاي وراح يشوفها الدكتور

باباي

 

[أم حيدر]

عسى الله يهون عالجميع

لكجري - طولي بالج وانشالله لما ربج يحين للبيبي ان يطلع بيطلع - العوار اللي تحسين فيه طبيعي لان المكان ضاق عالبيبي وقاعد ينزل تحت بالحوض فتحسين بهالعوار - انتي اول ما تبدين تشوفين افرازات وفيها نفس خيوط لونها وردي عرفي ان قربت الساعه يعني يبيلج يوم ونص وتولدين تقريبا وبعدين تو الناس باقيلج 6 اسابيع اذا بقالج حول الاسبوعين روحي امشي على رملة بحر واله انا مشيت مرتين اليوم الثالث ياني الطلق

بترفلاي - من وين بالنقرة بالضبط ؟ شسم المحل وبجم اخذتيه؟

 

[أم حيدر]

حايرة - كليرز

عسى الله يهون علينا كلنا يااااا رب وتتغبير سوالفنا وتصير البيبي ما نام والبيبي زوع والبيبي امساك والحالة حالة

 

[badooora]

السلام عليكم
اول مره اشارك كل مره اقرا المواضيع وما اشارك بالرد بس هالمره بشاركم
انا حامل بالشهر الرابع اوله و ولاتي ان شاء الله بشهر 8 الله يسهل على الجميع

 

[نفيشه]

قوة بنات شلونكم؟؟


حايرة
ولكم باااااااااك حجية


انا باقي لي طاولة تغيير الياهل احترت ناس يقولون اخذي اللي تصير على ادراج خشب
وناس يقولون اخذي البلاستيك اللي تنحط بالحمام تكرموت

المهم متى تخلص تنزيلات سنتر بوينت؟؟

 

[أم عزيـز]

مساء الخير حوامل

الله يهون عليكم ويتمم عملكم ويرزكم في ذريتكم معافين مشافين

شخباركم عساكم مرتاحين ؟
انا طبعا على حطه ايدكم لووووووول خلص شهري ودخلت العاشر وبدا العد التنازلي حق يوم السبت اللي اهو يوم دخولي المستشفى بس ان شاء الله اولد قبلها لأني حاسه من امس بعوار مثل الدوره وعوار بظهري ايي ويروح بس مو قاعد يزيد ان شاء الله يزيد هاليومين واولد بالسلامه وراح ادعيلكم ان شاء الله ماراح انساكم بس انتوا ادعولي اولد بالسلامه قبل يوم السبت لوووووووول مع اني راضيه باللي كاتبه لي ربي سواء اولد بطلق طبيعي والا صناعي اهم شي السلامه

نفيشه انا شريت من سنتر بوينت الطاوله اللي فيها أرفف وهي خشب
ومن فوق تبدلين للياهل وهم فيها بانيو تقدرين تسبحين الياهل بس انا عمري ما سبحت الياهل فيها
هذي ماخذتها من عمر ولدي ولين الحين عندي جنها يديده عاد قلت ليش اشتري وحده يديده دام عندي وحده

 

[malgoofah]

الله يهون عليكم بنات و تولدون بالسلامه واي انا مت من الوسواس استغفرالله بس اوسوس واحاتي و نوووم ماكو انا الحين بأخر الثامن ودي الايام تركض واولد ابسرعه صاااااااااااايره اشثقلي و ضيق نفس مو طبيعي