تجـــــــمع للي ولادتها ب 2008 حياكم الله

[كليرز]

طير الحب يا اللله يا ربي يثبت حملج ويفرحج بولدج او بنيتج بس انتي اتجهي الى الله وادعي ووخري عنج الوسواس وانشالله ما يصير الا الخير


فروووحه يا هلا فيج اتصدقين غالبية الحوامل اللي بالموضوع ولاداتهم متقاربة

الظاهر عيالنا كلهم بندخل روضة وحده
ويمكن بعد نتصادف كلنا بيوم واحد بالولاده وبنفس المستشفى
عاد تخيلوا مثلا بتر فلاي بالغرفة اللي جمبي واسمعها ولدت وانا ناطرة دوري على طول بفتح اللاب توب وابشر البنات
ونفس الشي بترفلاي لما تسمعني اني ولدت وهي الدكتورة اتخيطها تبطل اللاب توب وتبشر بولادتي

((( شفيني فصلت )))...؟؟؟ تكفون احد يسكتني صرت حييييييييييييييييييييل افصل لدرجه اني فصلت على اخوي فقالي طلعي بره؟؟؟؟ شذنبي انا؟؟

 

[نفيشه]

قوة بناتوووووو شالاخبار؟؟

انا ماعندي اخبار للحين

 

[froha83]

صاجة والله كليرز كلنا مع بعض
بتر فلاي موعدها معاي بالضبط والله اعلم

 

[نفيشه]

بنات شكلكم لاهين بالسوق وينكم؟؟

انا اليوم شريت جهاز شفط الحليب من مذركير مسوين عليه خوش سيل
سعره قبل ب 29 دينار الحين صار 14 دينار


وشريت جنطة صغيرة للطلعات الخفيفة بخمس دنانير بعد الخصم لونها اسود باحمر

اممممممممم

مالقيت فرشة للحين للبيبي ولا قميص لي

 

[LUXURY]

بنات شنو احط بجنطة المستشفى؟؟؟ ومن وين توزيعاتكم؟؟؟
انا قلت باروح اشتري اغراض وازينهم بكيفي زفوني اهلي قالوا يالمينونه اشتري جاهز
بس قلت ما عجبني شئ قالولي لا لا لا ويع قديم
شسوي يعني!!! اسوي بايدي عشان ما يصير قديم ولا احد عنده مثله
انا بقالي التوزيعات
الحلو حزة الحزة اخذه
ومن الهدوم شغلات مو بالعين
الداخلي الطويل وشلحات وعزكم الله شحاطه مع قمصاني ينوخذون بيوم واحد
وبطلعتي للجمعيه اخذ اغراضي الشخصيه (معجون - فرشه- شامبو- شور جل...الخ)
واخذ للبيبي معاي
والكفرات باذن الله يبيلها حول اسبوعين وتوصل
عاد الحين اتفرغ حق بيتي بس يبيلي اعدل باجي اغراض واكسسوارات بيتي واعدل مكان اثاث البيبي
انا ما خلصت تاثيث فبشتري معاي غرفة البيبي

والحمدلله عالسلامه عاد ساعتها صججججج اتفرغ حق عمري عدل تفرك وتلطخ وتسنع قبل الزلاده وحتى بالنفاس بس عشان الاهل علطول داشين طالعين فمابي اكون مجولحه ومسوده جدامهم وشعري اشهب
وهم ممكن ما يكون عندي وقت اتلطخ بالنفاس
وهم اذا ياني ريلي بيجابلني طول الوقت ابي يشوفني متسنعه

يالله بروح قسم البشره والشعر ادور خلطات دام ريلي بالدوام باتلوص واتلطخ
فتكم بعافيه

 

[LUXURY]

نفيشه
عليج بالف الف عافيه
عاد انا شفت الشفاطه قبل الخصم وقبل جم يوم شفت بسوق شرق ماعليها خصم من وين ماخذتها؟؟
يعني مالت مذركير زينه؟؟؟
انا خذيت علبة من كريم السترتش مارك وتحسفففففففت ماخذيت ثاني قلت باجربه
والحمدلله طاح علي وراااااحت الحكه وخفت الشخوط البارزه من التحكك والحساسيه الحمدلله
حسافه ماسنعت عنه من اول حمالي

 

[LUXURY]

اي صج شنو تقصدين بالفرشه؟؟ نفس cover set مال السرير؟؟؟
انا خذيت العادي من مذركير والحلو من عيد النصار

وشوفي عن القميص نصيحه دام ما دخلتي شهرج وفيج حيل عسا الله يعطيج العافيه
والله نصيحه انا جذي كنت باسوي فصليلج قميصين لونهم ماشي مع الكفر والشكل على ذووووقج ومزاجج
وتكفين اشيبيله القميص؟؟خام ستن والا حرير واشوية كلف دانتيل والا شرايط حرير والا اويه
لا يكون عبالج اللي يفصلون كفرات مع القمصان مكلفهم شئ والا متعبين مخوخهم بالتفكير؟ والله هذي حالهم بس احنا نبي الشئ جاهز
انتي فصلي اثنين للاستقبال واذا ضبطوا سويلج بعد جم واحد قطن حق البيت هم مع الكلف يطلعون روعه وارخصلج من بره
حتى الروب يتفصل
ولا قمصان انور ملوت النفاس ملوت فيفي عبده وسميره سعيد هههههههههه

 

[نورالدنيا***]

بنات ابي جنطه حق المستشفي من وين
وابي طقم حقي وحق البيبي منو سويلي كل شي كامل وسعر معقول وشنو تقترحون علي بنات عفيه انصحوني لي الحين محتارة شنو اجهز وبشنو ابتدي ومن وين

 

[hannooda]

السلام بنات انا الحين بشهري التاسع وموعدي اخره 10 فبراير جهزت كل شي ، قميص النوم اخذته من باباز ماماز بالافنيوز واخذت واحد ثاني من مجمع الأيوب لونه بيج مطرز وفيه دانتيل حلو مع روبه.
والكاكاو انا سويته بايدي والاغراض من محل اللي تحت بياع الورد
بس عندي سؤال هل اقدر اسوي حمام مغربي قبل الولادة ولا لأ؟
مشكورين

 

[LUXURY]

نور الدنيا

الجنطه عادي اي جنطه خو محد بيشوفها

واشكثر باقيلج وتولدين؟
طقم لج وللبيبي والله مادري بس اقولج اذا ذوقج حلو نصيحه تره اللي يصممون خاماتهم من وين يسلمج؟ من البلوكات روحي واخذي الخام اللي يعجبج
ودقي على اللي يسوون كفرات اعتقد ملوت التنجيد يسوون قوليله ابي كفر وخل يسوي للبيبي وريه صورة جيس بيبي ويسويله كفر صغير
وجيسين مخده وجم كوشيه والشرشف اخذيه ساده من اي مكان
والتزيين محلات الكلف طاااااااافحه فناتق
انا قلتلج هالفكره لان تبين طقم مع البيبي بالنسبه لي كفري شاريته بروح والبيبي بروح بس الالوان لايقه مع بعض
سوي الكفر اول ولو تسوين مفارش معاه احسن
لان اهو اللي على اساسه بتاخذين الباجي
يعني تزيين الاستكانات والصواني والتوزيعات وقميص النوم كله يعتمد على لون الكفر
اول شئ سويه
ثاني شئ التوزيعات بدون الكاكاو طبعا حزة الحزه حطي التوزيعات
ثالث شئ قميص النوم مال الاستقبال وهم جم قميص وجم بجامه حلوه للبيت ولا تنسين تاخذين عزج الله شحاطه تفس لون القميص
بعدين اشتري ملابس الياهل العاديه واغراضه والحين تنزيلات فرصه
روحي مذركير وسنتر بوينت وسرداب عيد النصار
وبعدين اغراضج وهدومج العاديه للبيت بين اهلج اذا محد موجود ولا تنسين الملابس الداخليه (ستيانات الترضيع و(آسفه عالكلمه) سليب اللي استعمال واحد وينقط من مذركير) واسفنجات الصدر عن تسرب الحليب والفوط الصحيه والشلحات والشورتات القطن الداخليه
غير المستلزمات للبيبي ولا تنسين شفاطة الحليب تنفعج اذا البيبي مارضع تتوهقييييييييييين لان بيعورج صدرج من الحليب
والدلاغات المتينه علشان ما يدشج هوا
المواعين والاستكانات روحي الاوقاف تلقين اشكاااااال والواااااان
اخر شئ الاغراض الشخصيه شامبو وصابون وكريمات و,,,,الخ لج وللبيبي

اتمنى افدتج


هنوده
ما ينصحون فيه مو زين يدخلج البخار من تحت ديري بالج
وهم اهو يزلق جسمج
وبالنفاس اقلها 25يوم بعدين سوي مغربي
حطي زيت زيتون ساعتين عقبه سنفره عالخفيف وبحركه دائريه احسن من المغربي
وانصحج بالاخير تستعملين بيبي اويل
يوميا راح يفرق جسمج

 

[الشايعية]

مرحبـــــــــــــــا بناااااااااااااااااااات شخباااركم


ام عزيز مشكوووره عالرد وشكلي بووولد فيها انا بعد


بس بنااااات تعبت تعبت تعبت تعبت

فيني بجيه

حطيت بيبي اويل و وجربت زيت الزيتوووون قام يحكني اكثر والله كرهت عيييييييييشتي وقمت اتحكك جدام خلق الله <<<<<يااافشلتي

امي تقووولي فتره وتعدي يعني متى تعـــــــــــدي لما انفضح !!!!!!!


بسألكم

حلو الدااارسين يضرررر ولا لأ ؟؟؟؟؟

لان ناااس يقوولوون يضر ونااس يقولون ماله شغل !

 

[LUXURY]

فيونه
لا تاكلين شئ فيه دارسييييييييييييين كلش
الدارسين يسبب انقباضات بالرحم علشان جذي ينصحون فيه وقت الدوره
روحي مذركير اخذي كريمهم انا خذيته بدينار ونص
والله حالتي مثلج بس الحمدلله لي يومين ومرتاحه عليه
حتى امي كانت تتحكك من الملابس مو مغسوله عدل وشبت الحساسيه عطيتها وثاني يوم جنه ماصارلها شئ

 

[CaRaMeLaH]

الله يسهل عليكم إن شاءالله
بنات أنا كل ما أكل شي أرجع
وقاعده أحاتي حبة الفوليك أسيد أحس كلش موقاعده أستفيد منها بسبت الترجيع إلي على طول
مادري شسوي يعني متى آكلها حتى لو كليتها أول الأكل كل إلي في بطني برجعه بعدين

 

[Q8_ButterFly]

بنات شلونكم


على طاري المرضيات يقولج كل دوام يدري انج حامل ومرضياتج على بو انج حامل ما يخصمون عادي

فا يعني اخذوا راحتكم لووووووووووووول انا ودي آخذ من الحين بس شسوي اقعد بالبيت ملل :0bee2e8d89: على الاقل بالدوام يطير نص اليوم عشان ما اقعد احاتي واحسب شكثر باقيلي لوول



وترى انا الدكتور قايلي فيني ولد فا حطولي يم تاريخي ولد ان شاء الله :eh_s(6):

 

[أم عزيـز]

الله يسهل عليكم إن شاءالله
بنات أنا كل ما أكل شي أرجع
وقاعده أحاتي حبة الفوليك أسيد أحس كلش موقاعده أستفيد منها بسبت الترجيع إلي على طول
مادري شسوي يعني متى آكلها حتى لو كليتها أول الأكل كل إلي في بطني برجعه بعدين

حبيبتي اخذي الحبه قبل لا تنامين علشان تضمنين انج ما ترجعينها

ام عبدالعزيز بلغيني عن موعدج اوكي

والله موراجعتي ما تبشر بالخير
الرحم كلش مسكر وراس البيبي مو نازل بالحوض
والدكتوره قالت يبيلج اسبوعين اذا مو أكثر حدي تحبطت صراحه

بس نصحتني بالأناناس والحلبه والجماع
قالت هذولي وايد افيد من المشي
وان شاء الله ربج كريم ويفرجها

 

[أم عزيـز]

ام عزيز 14 _ 2 _ 2008 - ثالث مولود (بنت)

قموره 5 _ 3 _ 2008

بترفلاي 11 _ 3 _ 2008

froha83 11 _ 3 _ 2008 (بنت)

كليرز 16 _ 3 _ 2008

سويتا 1 _ 4 _ 2008

حايره 4 _ 4 _ 2008

نفيشه 5 _ 4 _ 2008

bebe_b 8 _ 4 _ 2008 (ولد)

نور الدنيا 10 _ 4 _2008

Na77olah 10 _ 4 _2008 ( بنت)

نبض الغلا 15 _ 4 _ 2008

طير الحب 28_ 5 _ 2008

حبيبة الكويت 29_ 5 _ 2008

كوكاكولا- 29_ 5 _ 2008 ثاني مولود (بنت)

فيونه 25 _ 7 _ 2008

أسيره زوجها 1_8_2008


بنات هذا آخر تحديث حق الجدول اللي عندها اي اضافات او تعديل تبلغني او تدزلي رساله خاصه

 

[Q8_ButterFly]

طير الحب يا اللله يا ربي يثبت حملج ويفرحج بولدج او بنيتج بس انتي اتجهي الى الله وادعي ووخري عنج الوسواس وانشالله ما يصير الا الخير


فروووحه يا هلا فيج اتصدقين غالبية الحوامل اللي بالموضوع ولاداتهم متقاربة

الظاهر عيالنا كلهم بندخل روضة وحده
ويمكن بعد نتصادف كلنا بيوم واحد بالولاده وبنفس المستشفى
عاد تخيلوا مثلا بتر فلاي بالغرفة اللي جمبي واسمعها ولدت وانا ناطرة دوري على طول بفتح اللاب توب وابشر البنات
ونفس الشي بترفلاي لما تسمعني اني ولدت وهي الدكتورة اتخيطها تبطل اللاب توب وتبشر بولادتي

((( شفيني فصلت )))...؟؟؟ تكفون احد يسكتني صرت حييييييييييييييييييييل افصل لدرجه اني فصلت على اخوي فقالي طلعي بره؟؟؟؟ شذنبي انا؟؟

لوووووووووووووووووووووووووول كليرز حلوه حلوه عجبتني

والله ما تدرين صح يمكن نتلاقى عاد بنات اذا شفتوا اي وحده معاكم سألوها انتي مو مشتركه بمنتدى ههههههههههههههههههههههههههههههههه

 

[أم عزيـز]

ام عزيز 14 _ 2 _ 2008 - ثالث مولود (بنت)

قموره 5 _ 3 _ 2008

بترفلاي 11 _ 3 _ 2008 (ولد)

froha83 11 _ 3 _ 2008 (بنت)

كليرز 16 _ 3 _ 2008

سويتا 1 _ 4 _ 2008

حايره 4 _ 4 _ 2008

نفيشه 5 _ 4 _ 2008

bebe_b 8 _ 4 _ 2008 (ولد)

نور الدنيا 10 _ 4 _2008

Na77olah 10 _ 4 _2008 ( بنت)

نبض الغلا 15 _ 4 _ 2008

طير الحب 28_ 5 _ 2008

حبيبة الكويت 29_ 5 _ 2008

كوكاكولا- 29_ 5 _ 2008 ثاني مولود (بنت)

فيونه 25 _ 7 _ 2008

أسيره زوجها 1_8_2008


بترفلاي تره عدلت على الجدول

 

[نفيشه]

زبااااااااااااااح الخيررررررررررررررررررر

شلونكم؟؟

لاكسري الجهاز مال شفط الحليب اسمه ميديلا ميني اليكتريك
يكون معاه محول على الكهرباء ويصير على البطارية
حتى انا ماحصلته بالسيل اول مرة رجت السالمية وامس بس لقيته بفرع جمعية الدعية فوق اخر حبة
افتري اللي بالجمعيات تلقين لان الضغط عليهم اخف من المجمعات
انا الصراحة مو مجربته بس اختي وبنت خالتي وايد مدحوه لي

فيونة
لا تقربين من الدارسين والحلبة
ترى اييب الطلق

 

[Q8_ButterFly]

ام عزيز 14 _ 2 _ 2008 - ثالث مولود (بنت)

قموره 5 _ 3 _ 2008

بترفلاي 11 _ 3 _ 2008 (ولد)




بترفلاي تره عدلت على الجدول

مشكوره وما قصرتي :ggdw: