تجـــــــمع للي ولادتها ب 2008 حياكم الله

[كليرز]

ارحبوووووووووووووووووووووووووووووووو
نزلت هذا الموضوع بناء على رغبة اختي عالم حواء العزيزة حتى تتجمع فيه كل العضوات اللي ولادتهم انشالله على السنة الجديده 2008 ..
وراح نتناقش يه عن اخر مستجدات حملهم وكذلك الاسلئة الشائعه للحامل وممكن بعد تجهيزات الولاده وكل ما بتعلق بالحمل<<< (ركزوا على الاسلوب )

وحياكم الله​

​

​

 

[Q8_ButterFly]

شلونج يا كليرز

وشلون الحمال معاج


خوش موضوع والله وشئ حلو انه نتيمع :eh_s(6):

 

[نبض الغلا]

مشكوره حبيبتي عالفكره الحلوه
انا متزوجه من ست سنوات والله كتب اني احمل
بعد هالانتظار الطويل
اخر دوره لي كانت 5/7 والحين انا باول الاسبوع الرابع
وعندي الم خفيف اسفل ظهري والم اسفل البطن يروح ويرجع علي فترات بس لوعه ووحم ما احس فيهم ابدا هل تو الناس ولا شالسالفه مع العلم ان الوالده تري طبعها وحمها خفيف وعندي موعد سونار 26/8 وهو اول موعد سونار

 

[froha83]

السلام عليكم
انا معطيني موعد انشالله 11-3-2008
والله يسهل على الجميع

 

[froha83]

انا بالاسبوع العاشر
بس تصدقون ما احس بالنساه كلش يعني اللي اسمعه من البنات لوعة وترجيع انا ولا شي فهالشي مخوفني
وموعدي الييا انشاءالله 25-8
والله كريم

 

[hwt]

السلام عليكم انا مادري باي شهر اخر دوره كانت 8-6 بس الدكتوره تقولي ان احتمال التبويض حصل متاخر والياهل صغير عطتني موعد عقب اسبوعين باقي منهم ثلاثه وانا قاعده عى نار وخصوصا انه هذا بجري من عقب ثلاث اسنين ونص وعلاج وعمليه وااااااي احس اني بموت من الوسواااااس خصوصا انه الدكتوره الي قبل هذي قايلتلي انه البيبي ما كبر عقب اخر مره بس المشكله انه ماديه عشان جذي انا مو واثقه فيه لانه هرموني قوي ادعولي بنات

 

[نبض الغلا]

هل عدم الاحساس بالنساه واللوعه عادي

 

[كليرز]

يا هلا ومرحبا فيكم خواتي
وسوري على التاخير بس لان جهازي مادري شفيه علق فوديته عند المحل يصلحونه
((( شكلها مطولة))):eh_s(14):

فراشه كويتيه يا هلا ويا مرحبا فيج وينج من زمان ما بينتي
انا بالنسبه لحمالي الحين مو قادره اصبر من اللوعه مخليتني مو طايقه نفسي حتى ما اقدر اطلع حتى الاكل اذا كليت احس اني منغثه واذا ما كليت هم نفس الشي :eh_s(13):
انشالله فتره وتعدي ..

التربويه مشكوره على المرور وعلى البركه الحمال وانشالله الله يثبته
عاد تصدقين شكلي ما بيني وبينج الا يمكن اسبوعين او ثلاث
بالنسبه اللوعه والنساة (( صايرة استشاريه :eh_s(15)) ترى عااااااااااااااادي
بعدين انا من اول شهر ما حسيت بشي بعدين لما دخلت الشهر الثاني بدت النساة عندي .. وعلى فكره فيه حريم ما تجيهم النساة كلش وحمال عن حمال يفرق..
وانشالله تنواصل مع بعض.

فرووحه الف مبروك على الحمل
وبالنسبه للوعه ترى عادي مثل ما قلت للاخت التربويه ..
وانشالله تبلغينا باخر المستجدات(( مذيعه اخبار))


hwt هلا اختي انتي نفسي حملت عقب ثلاث سنين تقريبا وعلى البركة الحمل
وانا لما حسبت لج احتمال انتي حملتي على اخر شهر 6 يعني تقريبا 24 او 25 والله اعلم واذا ما كنت غلطانه انتي الحين بنهاية الشهر الثاني ( تقريبا)
واختي تركي منج الوسواس تراه من الشيطان الرجيم وادعوا ربج بان يثبت حملج وكثري من الادعيه والرقيه ولا تنسين الدهن المقري فيه تدهنين كل يوم بالليل وتصلين ركعتين قبل لا تنامين وبعد الماي المقري فيه وانشالله ما فيه الا كل الخير
انتي بس توكلي على الله ...

ويالله وين باقي البنات؟؟؟؟ احنا بانتظاركم

 

[mrs_sugar]

السلام عليكم

الله يتمم علينا و عليكم و يسهل علينا و عليكم و يقوم الكل بالسلامة

انا موعدي 8 يناير يعني الحين 19 اسبوع و كم يوم .. بالخامس يعني
احس حركة البيبي كلش خفيفة
بديت احاتي
مع ان حملي اللي قبل هذا ما شاء الله كانت بنتي ما توقف حركة بنفس الفترة هذي ؟؟

الله كريم

موعدي الجاي 28 اغسطس .. شكلي بروح ابجر اتطمن على سالفة الحركة​

 

[الزيـــــن]

السلام عليكم ورحمه الله وبركاته يا احلا حوامل 2007 و أمهاات 2008 بإذن الله تعالي

مشكوووووووووووووووووووووووره يا قلبي كليرز على هالتجمع الحلووو

اخباركم والحمااااال

اليوم رحت موعدي وسويت سونار وشفت البيبي والحمدلله كل شي تمام التمام

وخفف المثبتات والفال لين يوقفهم بالمره

 

[كليرز]

اختي سيده السكر يا هلا فيج
انا قريت انه حركة البيبي تبدا من الشهر الرابع
بس انا بحمالي الاول بدا على اخر الرابع واول الخامس يعني انا احس انه عادي
وانتي لا تحاتين ولا شي قولي انشالله كله شي تمام

 

[كليرز]

هلاااااااااااااااااااا الزين
زين انا شفناج.... اهم شي انج مرتاحه من السونار والفال انشالله لخواتنا

الزين ابيج تساعديني بالردود اوكي يا عمري حتى البنات اللي كانوا معانا بموضوعنا السابق اوكي

وتحياتي لكم

 

[b6o6a]

هلا والله حوامل 2008

انا موعدي 12-1

الله يسهل ويهون علينا

 

[نورالدنيا***]

انا اخر دورة 27/6 توه النساه باديه لوعه وحارج موطبيعي بغيت اخذ زنتاك بس خفت قلت لا اخاف موزين وان شالله موعدي 2/9 اروح اراجع

بس بنات ادعولها خالتي بمكي جمعه وانا كنت اليوم عندها بس رديت البيت الم ومغص بطني حسيت من التعب والحزن رديت ارتحت ونمت الحمدالله راح العوار
ومشكورة عالموضوع الحلو والله يشافي مرضانا ومرضي المسلمين

 

[Q8_ButterFly]

انا اصلا ما فيني نساة خير شر

بس شوي ريحه الزقاير اتضايق منها


ومرات يحوشني عوار معده بس الحمدلله خفيف


بس بسألكم بأي شهر نفتك من محاتات الاجهاض ؟


يعني تخف خطورة الاجهاض ؟

 

[الزيـــــن]

هلا هلا هلا بكليرز افااا عليج من العين دي للعين دي

اختي بطوطااا هلا فيج بالغلا والله يهون عليج يارب وعليناا ان شاء الله ويرزقج بالولد الصالح والمعافى ويقومج بالسلامه يارب العالمين.

اختي نور الدنيااا الله يقوم خالتج بالسلامه ويشفيهااا يارب ويشفى مرضي المسلمين جميعااا ومو زين تحاتين وانتي توج في بدايتج حاولي ترتاحين قد ماتقدرين وادعيلها واقريلها القرآن .

اختي بترفلاي حبيبتي عادي النساه تختلف من وحده لوحده انا مثلا بس اول شهر اي ريحه عطر بخور سجاير كلها تضايقني وتلوع جبدي واقعد ابجي وكله دايخه بس الحمدلله خف هالشي ومرات تجيني لوعه بس خفيفه وترووح .
وبالنسبه لخطر الاجهاض اعتقد اذا ماني غلطانه على الشهر الرابع بس نخلص الثالث والله يكفيج ويكفيناا شر الاجهاض والله الحافظ ان شاء الله .

والله يتمم على الجميع ويرزقنا الذريه الصالحه يارزاق ياكريم

 

[Q8_ButterFly]

اي والله عسى الله يحفظنا كلنا ويتمم علينا حمالنا

 

[كليرز]

حبيبتي والله الزين
عاى طاري اسمج توني قاعده اتصفح اقسام المنتدى الا شفت وحده نفس اسمج بالظبط اللهم انتي مادة بالحرف؟؟ عادي يعني نفس الالقاب؟؟

طيب بنات اكيد احنا بالاشهر الاولى البطن مو بارز حيل لكن بعدين انشالله اكيد بتمدد الجلد .... انتو حاطيم ببالكم كريمات معينه تحطينها؟؟ انا بحمالي الاول ماطلع لي الا خط ضعيف وبالنصف بعدين راح؟ وبعد كنت استخدم زيت من بودي شوب اذكره انه فيتامين وحده نصحت لي اياه تهقون انه منع التشققات

فراشه كويتيه ولكم باك:eh_s(9):

 

[كويتيه وافتخر]

السلام اشلونكم

اشحلاته التجمع
الله يتمم للجميع بخير ويبلغنا ويبلغكم شوفتهم يارب

 

[ألوي الكويت]

هلا بنات شخباركم

انا موعد ولادتي باذن الله 29/2

انا الحين تقريبا بالثالث

الله يسهل عالجميع انشا الله