رد : تجــــــــمــــــــــــــــع ( ودج يكون عندج صديقات مثل افكارج وميولج )
85 وااايد زين !!
انا فوق الالف و200 دينار :s بس انا صعبه ونوع الخياط مو خياط عادي عشان ما يسوي نزيف بالقولون
جربت كل شي ماكو فايده فيني
قولوني نفسي اكثر من انه عضوي اعاني منه من 8 سنين
ياحياتي توني انتبه لكلامج
الله يعينج 8 سنين ..
انا اللي قلت لج عنه مافيه لاخياط ولا شي .. وتطلعين بنفس الووقت
الا النفسيه ديري بالج على صحتج ترى والله راس مال الوحده صحتها
عندي خالتي
ريلها 24 ساعه بالبر
وحياااوي حيل حتى اذا بيروحون مطعم لازم كبينه يستحي
مره كانوا رايحين المطعم الصيني طبعا بوفيه .. تخيلي حط له مره وحده وبعدين قال لها تصدقين
مشتهي الربيان وماراح يحط له ثاني مره يستحي الاخ راحت خالتي حطت له !!
وفوق هذا مثلا تقوله لاتشتري بيبسي وهالخرابيط حق اليهال .. يروح يشتري كرتون
تقوله لاتعلهم على الحلويات والبطاط انت تضر عيالك ترى ماتنفعهم
يروح يوديهم الجمعيه كل واحد طالع والجيس بينبط من الحلويات
وفوق هذا مايطلعها ويقول لها اذا ضاق خلقج طلعي مع خواتج
او رفيجاتج .. واشياء وايد ترفع الضغط .. ومن تتضايق القولون يذبحها
ومن تعصب قولونها يعورها وينتفخ .. وكل يوم هذي حالتها .. حتى اقول لها خالتي على شنو تحرقين عمرج
اهو عايش حياته ومستانس سوي مثله بس بحدود المعقول لانج ام وعندج اللتزامات
باجر راح توصلون لعمر معين .. راح تتحسرين على عمرج اللي ضاع بين حرقة الاعصاب والضيق
تخيلي الحين من تعصب دقات قلبها تكون سريعه حيل وتحس بعوار <== هالشي توه من فتره
بس نصيحه لج .. حاولي كثر ماتقدرين تضبطين نفسيتج وعلى طول اقري قران او سمعيه
ترى النفسيه تأثر حيل حيل حيل مو شويه واضرارها وايد فـ انتبهي لنفسج
