السلام عليكم
أول شي شكرا لك يا حياتي على نقل التجربة الصادقة وهذا ان دل يدل على الامانه اللي انتي تمتلكينها واشكرج يا عمري وحبيت ارد لكم (ما ارد عليكم ) لا ارد لكم
والقصد لو اقول ارد عليكم يعني بقول كلام ضد لكن انا حبيت اوضح بعض الأمور
بما اني انا حاليا بالصين
وبالتحديد بجيزيرة هانيان(hanian) بعد رحلة العمل اللي كنت فيها و انا مسافرة صار لي اسبوع وبرد بعد اسبوع انشاء الله يعني انا صاحبة السبا وما اعتقد اني ابي اغصب علي اي احد من الصين
عموما بالمركز عندي القانون قانون واهو قانون وزارة الشئون الكويتية واهو دوام وبعده افور تايم وما نغصب على بنت انها تشتغل
الشي الثاني والله اني اتمنا من كل بنت تنقل مثل هذا النقل وما راح ازعل بالعكس راح افرح لان لو ماكان في نقد ما يكون في نجاح لان النقد بدون تعديل عمرة ما راح يكون في نجاح والف والف شكر يا عمري
وبخصوص انها تعرف البرج او تعرف شنو فيج من ألم او شي ثاني يمكن اصدفت مع البنت عموما انا كلمت المديرة واهي راح تتابع الموضوع ,, ويا رب يبعد عنج أي الم بجسمج يا روحي لكن هذا الأمر وارد ان الانسان معرض الى الم او شد بالجسم وان احتجتي احد يعالجك تعالي وطلبي جلسة علاجية تدليك بس ابي منج طلب
وراح تشوفين هالشي قولي لاي بنت ان فيني ألم بالظهر وبس شوفيها واهي تدلك تدور على اللألم و وين مكانه وبعدها تمس الألم لج وتحاول تعرف هل هذا برد او ان شد عضلي او ألم يحتاج تدخل الطب الحديث فيه اهني راح تستغربين
عاد اهني مو تقولين يني فيها او شي اهني نقدر نقول ان الخبرة لها دورها
عموما يا روحي ابي هالصراحه والنقد يستمر لين نكون مكان من غير نقد مثل ما اتمنا والكل يتمنى
وبخصوص الهندي او المغربيات اللي بالمكان على فكرة اول شي لو كان في اي بنت ما ابي اقوووول 1% لاني ابالغ لكن لو اقول ان اي بنت فيها 2% غلط وكان فيها شر على بناتنا واهلنا مستحيييييييل تقعد عندي وانا والحمدالله للحين ما عندي الا كل خير وان كان في احد حصلت عليه شغله والله ما اخلية لان هذه المسألة امانه والمستحيل ان نخون هالامانه مو معقولة بناتنا واهلنا يدخلون المكان ومأمنين فينا وما نكون الا ان شاء الله قدها أوهل لهذه الأمانه عموما الموضوع وما فيه الخلطات اهي اللي تخليج ترتاحين او لأ ولا الهندي او المغربية او الفلبينية اهي مجرد وسيلة للعمل والله يوفقها ويقدرها على خدمتكم يا عمري
وآآآآآآآآآآآآآآآسفة جدا على الاطالة
