تجـع لجميـــع مـواليــد سنـة 2015 حيااااااكمـ كروشـااات

[$قطوه$]

رد: تجمع مواليد اكتوبر 2015 (( ربي لاتذرني فرداً وانت خير الوارثين ))

هلا فيج خجل الله يسهل عليج

معقوله للحين محد حلل ؟؟

 

[taioba]

رد: تجمع مواليد شهر يوليو 2015 ان شاء الله

انا الامساك خف معاي لما بديت اكثر ماي ما استفدت من عصير البرتقال حق الامساك والرمان احب اكله بس ما احب عصير رمان
انا لما رد زوجي من العمره كان جايب معاه ماي زمزم اربع بطول كبار وكان بوزعهم كلهم هدايا بس انا اخذتهم كلهم عندي بالشقه والله ما اشرب ماي الا زمزم والباجي احس اني اشرب زئبق مو ماي
وقمت اشرب منه طول اليوم والحين راح الامساك
وحتی الالتهابات الحمدالله مافيني بس انا هم ما اكل فلفل من حملت

 

[HOT^CHOCOLAT]

رد: تجمع مواليد شهر يوليو 2015 ان شاء الله

صباح الخير وأي سويت تحاليل طالبها مني ومزرعه تكرمون بول
وعقب رحت للجنه والله يسهل قالي راجعي بعد 10ايام الحمدالله خلصت عقب جم شهر أوف
سلامتج ام سلمان والله صج ولاده ماحبه وماي زمزم صج شفاء والدرب زفت قالي مايحتاج فكه

فوفوا اذا ماخف معاج اخذيهم مره على الاقل بس
دقات الله يعطيج العافيه يارب وانشالله بتعرفين والله شكلج نفسي ولد
اخ كي جي انشالله بجرب بس صايره برتقال ماتحمله يزيد لمروره بجرب شسوي ورمان أكل احبه بس عصير لا للأسف

 

[HOT^CHOCOLAT]

رد: تجمع مواليد شهر يوليو 2015 ان شاء الله

في شراب بس برويال حياه بروتين يكبر البييي انشالله بسادس باخذه عرفتيه كيمياءيه قلتولي عنه يوم كنت حامل بتوأم

 

[عروس الحب]

رد: تجمع مواليد شهر يوليو 2015 ان شاء الله

هوت جوكليت
الجهال لكبر مو اشوالج افتكي من خرابيط الصيديلات
اصلن الجهال سبحان الله يكبر بشهر التاسع سبحان الله يكبر باليوم بسرعه يعني انا اتذكر ادخل السادس عمر بيبي 2 كيلوين واخر التاسع يصير 3 وشي

 

[decemberq8]

رد: تجمع مواليد مايو 2015 باذن الله حياكم الرحمن

صج بنات ما قلتولي منو سوى تحليل سكل الحمل ؟؟

انا امس موعدي طوفته ما احب هذا التحليل

نظامه لازم اكون صايمه
و اشرب العصير الي متروس شكر حده اييب اللوعه و الترجيع

 

[Pissy Missy]

رد: تجمع مواليد مايو 2015 باذن الله حياكم الرحمن

انا ما سويته واذا فيها شي ينشرب ماراح اسويه ما اتحمل اشرب شي

 

[كيميائيه]

رد: تجمع مواليد شهر يوليو 2015 ان شاء الله

الله يعيينكم عالدوام
انا ادرس واحاتي الكورس الجاي شلون
خل اوقف قيدي ولا اكمل
ويارب يعدي هالكورس علي خير

 

[كيميائيه]

رد: تجمع مواليد شهر يوليو 2015 ان شاء الله

هوت اي اعررفه
بس تو الناس علي هالسوالف
ومثل ماقالت عروس الياهل يكبر بسرعه

 

[decemberq8]

رد: تجمع مواليد مايو 2015 باذن الله حياكم الرحمن

Pissy
انزين عيل اشلون يشوفون نسبة السكر عندج قبل الاكل و بعد الاكل

انا سويت هذا التحليل اول الحمل لما كنت بالشهر الثالث او الرابع
لان دكتورتي خافت يصير فيني سكر حمل
طبعا ظليت بالعياده ٤ ساعات و كل ساعه يسحبون دم بعد ما شربت العصير

هذي التجربه ما ابي اعيدها جدا متعبه و مرهقه و فيها لوعه و ترجيع .... بس لازم ما ادري شسوي
تقولي الدكتوره ظروري

 

[Om_SalmaN]

رد: تجمع مواليد شهر يوليو 2015 ان شاء الله

انا ودي اكل بروتين حقي مو حق البيبي في شي جذي ؟!

 

[عروس الحب]

رد: تجمع مواليد شهر يوليو 2015 ان شاء الله

اقصد اول مادخل التاسع وزنه كيلوين واخر التاسع يتعدا 3 وشي

 

[taioba]

رد: تجمع مواليد شهر يوليو 2015 ان شاء الله

كميائيه ليش بتوقفين الكورس الجاي ولادتج مو بالصيف

 

[كجمايا]

رد: احلى تجمع لمواليد سبتمبر ( 9 ) 2015 ?? حيااااااكم

البنات خير وبركه ، واللي يجي من الله حياه لله ، سواء بنت ولا ولد مافرقت ، اهم شي الصحه والعافيه والخلقه الكامله السليمه ، انا الحمدالله عندي بنتين وولدين ، والجاي سواء بنت ولا ولد الف حمد وشكر نعمه ..

 

[كجمايا]

رد: احلى تجمع لمواليد سبتمبر ( 9 ) 2015 ?? حيااااااكم

انا هالحمل كلش مو ذاك الزود مع الحلو والچوكليت ، اكثر شي احبه الموالح ، هالحمل بس اشرب لبن آب الحامض وشبسات ، بس اعاني من اللوعه ، اليوم عزكم الله الصبح قعدة من النوم ارجع ، وطايحه من اللوعه ماذقت شي حتى الماي مااقدر اشربه خايفه ارجع ، كنت شزيني اليومين اللي طافوا واليوم رديت انتكست ، الحمدالله ع كل حال ..

 

[فخر البداوه]

رد: احلى تجمع لمواليد سبتمبر ( 9 ) 2015 ?? حيااااااكم

كجمايا الله يخليهنم لج ويرزقج الضنا الصالح

 

[فخر البداوه]

رد: احلى تجمع لمواليد سبتمبر ( 9 ) 2015 ?? حيااااااكم

ماتشوفي شرر يمكن خذيتي شي زاد عليج الوعه

 

[Om_SalmaN]

رد: تجمع مواليد شهر يوليو 2015 ان شاء الله

بنات متى نحس بالثقل بالشهر ٦ ولا السابع

 

[كيميائيه]

رد: تجمع مواليد شهر يوليو 2015 ان شاء الله

طيوبه
اخر موعد لي 25-8
وانا ببجري خذيت 4 ايام فوق موعدي
والدوام 3-9
وماعندي خدامه
فخايفه شلون بوفق بين الدراسه والبيت واليهال

 

[كيميائيه]

رد: تجمع مواليد شهر يوليو 2015 ان شاء الله

ام سلمان
انا من الحين ثقلانه ومرات امشي مشيه البطريق هههههه
اتوقع من السادس وفووق