رد: تجمع مواليد شهر 
يوليو 2015 ان شاء الله
صباح الخيرات
بنات والله سوالفكم وايد بس انسى ما اتذكر ارد الا على الي اخر شي سهل ارفع المؤشر واقرا هههههههه
المهم الولاده ريال او مره عادي انا الحين غيرت دكتورتي راجني مع انها زينه بس الي زعلني انها ولدتني قيصري مع انه
حالتي مو حرجه بس اني طولت عندهم من 12 باليل لين 2 الظهر قرت العمليه حقي
فالحين ريلي قال ما تراجعين عندها قتله اصلا ابي اشرف همن خبره وقديم قال توكلي على الله
بالنسبه للنساه معقوله مارتفعت للحين عنكم الله يساعدكم ويعينكم
هوت عورتي قلبي لمن قلتي ولدتي بروحج بس على فكره هذي شجاعه منج وانا ببجري ولدت محد معاي
بالحكومه وريلي بره مادري عنه ولا دقيت على احد
بولادتي الثانيه دلعت عمري واخذت ريلي معاي بالسبف وخليته يمي طول الوقت اعوض عن الاولاده الاولى خصوصا حرتها بقلبي
وبعد 6 سنوات يالله قررت احمل وخليت ريلي معاي ما تركني
بس همن ما حب ادق على امي مادري فيني طبع ماحب اتعب احد حتى لو امي ابيها تسمع الخبر وكافي
وعندي بس اخت وحده ومو كبيره حيل همن ماحب ادق
اكتفي بريلي وبسسسسسس وسهاله من رب العالمين لا من ابو لا من ام لا من ريل
اما الناس المليغه الي ذابحتهم بلاغة الشف نعم يبا خييير والله ماعلمت الا امي وابوي واخواني
اما الباجي طااااف اشوف ما اسمع عن فلانه الا بالاسابع والا الثامن لا واسبوعين الا والده
خسييي اعلم والله حلفت لاصلح الاغلاط الي صارت بحملاتي الي طافت واعوض كل شي بهالحمل دامه الاخير باذن واحد احد
عروس على كلمتج اني صغيره توني هههههه ونستيني
بس حبيبتي انا عندي قناعه الياهل 1 او 2 وبما اني يبت بنتين صار هالحمل بدون سابق انذار خصوصا توني والده
ماصارلي وايد لكن قلت عسى ان ربي يرزقني ولد لان بس كافي ياهال ولله الحمد الحين لازم اربيهم
اتعب عليهم وخصوووووووصا انا من النوع الي ما اييب خدم وادري نوعي نادر بالوجود هههههه
فكافي علي هذيل وعسى ربي يرزقني برهم وحتى زوجي قالي كافي حتى لو كانت بنوته ماعندنا قاعده الا وجود ولد
او كثرة الياهال ولله الحمد والمنه عطايا ربي كلها حلوه
الا صج عروس بجرج جم عمرها الله يخليها واصغر بيبي جم عمره
روووز ريد حسافه ما بين البيبي انا ماتحمل اروح موعدي يقولي ما يبين واي قهرر اقولج على اقتراح
اذا حابه تعرفين روحي لدكتور اشرف بالسلام او نطري اذا مو ذابحج الفضول نفسي هههههه
فوفو كسرتي خاطري الكمام متعب الله يعينج ونساتتج مفروض ترتفع الله يعينج
نسمه شلونج شخبارج وباجي البنات شلونكم
ام سلمان مافهمت بالضبط شتقصدين عن الدكتور شصار فيه حاولت افهم بس الظاهر مخي مسكر على هالصبح
مع ان احب اشاركم من كمبيوتر الدوام اوضحلي واسهلي بالكتابه
بنات سوالف الصبح حلوه وينكم يا نايميييييييييين اصحوا دوامات ونشاط :eh_s(9)::eh_s(15)::ch12:
