تجـع لجميـــع مـواليــد سنـة 2015 حيااااااكمـ كروشـااات

[دقات قلب ميته]

رد: تجمع مواليد شهر يوليو 2015 ان شاء الله

انا مسويه
وبقولج اعذاري
اهم شي قةلي ظهري ذابحني حيل حيل حيل حيل اسم الله عليج
قوليلهم انج موارجه بعد
وقوليلهم تجيج دوخات
وقوليلهم المثانه والبول
وقوليلهم انج قبل جايبه قيصري
وقوليلهم انه معدتج تعبانه
وقوليلهم انه كله دايخه وتبين تنامين
وقوليلهم انه جسمج ينمل


ترا راح يقولج اوصفيلي عوار الورج والظهر
قوليله اوقفي وحطي ايدج علي مكوتج اليمين من ورا وقولي من هنيه مع ظهري من فوق مع عظم رجلي لين تحت
واسم الله عليج اسم الله عليج الله يكفيج شر الي قلته وعساج ماتشوفينه

هههههههههههههههههههههههههههه الله يقطع بليسج والله ضحكت وسجلت كل الاعذار بنوتس بتلفوني مع ان والله اغلبها اعاني منها فعلا خصوصا الام الظهر والورج والحمام مكرم السامع

حتى قلت بزيد على كلامج بقولها تصدقين كذا مره اوقف على محطة بانزين اهوا صج صارت فيني خصوصا دربي والله يبنات بدون مبالغه ساعه وبالزحمه يتعدى ساعه ونص وبرمضان
غيييييييييييير عادي 3 ساعات بالطريج

 

[دقات قلب ميته]

رد: تجمع مواليد شهر يوليو 2015 ان شاء الله

عروووس عجبتني الفكره احتمال اييب صواني عادي وازينهم انا بورد صناعي وعليهم عبارة
تعرفون محلات تضبط هالشي انا احس سوالف بوابة الهدايا وبياع الورد وهالطقه غاليين للاسف


انوار تصدقين معاناة الدوام برمضان سئلي مجرب وبالذات دوامي وااااااااااااااااي ياربي رحمتك
وصاجه اذا اخروا موعد لجنتي بقزرها اجازه من رصيدي مع اني بحتاجها بعد الولاده

هوت الله يريح قلبج ويطمنج انشاءالله موفقه ومافي الا الخير باذن الله لا تحاتي خلي ثقتج بربج كبيره
بس سؤال شنو يعني الرحم مسكر وليش خايفه اقصد من شنو متخوفه بالضبط ؟؟؟

 

[دقات قلب ميته]

رد: تجمع مواليد اغسطس 2015

هوت جوكليت موفقه خير حبيبتي وسهالات باذن الله

وفعلا يبيلهم اعذار هذيل صج عديمين احساس لو عندهم انسانيه تفهموا للوضع

وعدوها صج مو حامدين ربهم طلبت تخفيف بس مو معناته للولاده ويعه
​

 

[دقات قلب ميته]

رد: تجمع مواليد شهر يوليو 2015 ان شاء الله

اها امبيه توني افهم ههههههههههه شكله النوع الي اخذه قوي


الحين فهمتج قصدج ندعيلج يكون الرحم مسكر ههههههههه محششه عالصبح انا

ياربي يا كريم يطمن قلبج ويكون الرحم مسكررررررررر وما يفتح الا بالتاسع

 

[HOT^CHOCOLAT]

رد: تجمع مواليد شهر يوليو 2015 ان شاء الله

ههههههههههههه واي دقات شتاخذين عطيني خل أنسى الخوف
سبحانه توكلت عليه

 

[عروس الحب]

رد: تجمع مواليد شهر يوليو 2015 ان شاء الله

ما انام الا الفجر
ولازم اقوم 6 ونص عشان عيالي واقعد عليها مايجيني النوم الا لاذن الظهر
نوومي تناتيف

 

[عروس الحب]

رد: تجمع مواليد شهر يوليو 2015 ان شاء الله

دقات
هههههههه عسي هالضحكه دووووووووم

زين سجلتي لاتنسين شي ههععهعهههه
والله يعينج دوامج مأساه وليش 3 ساعات انتي وين داومين بالوفره ههههه شدعوه طريج ولا بشركات النفط الي بالخفجي سوري بس ليش 3 ساعات فضووول لوووووول



هوت
حبيبتي قلبي معاااج
الله يوفقج ويسر امورج يارب

 

[taioba]

رد: تجمع مواليد شهر يوليو 2015 ان شاء الله

صبااح الخير بنات

اي انا بعد قاعده ادور مواعين
رحت بياع الورد وسويت ستاند ابيض وله لوحه دائريه احط فيها كلام عن الحلوه
وفيه صينيه احط فيها توزيعات شرايكم اسوي توزيعات ولا بلاش
انا ودي احط توزيعات واستانس احس ابي اسوي كل شي لانها اول مره
شريت من سنتر بويت شموع عريضه شوي لونها ابيض وبحط دار مدارها طوق ورد صغير وردي وابيض
وشريت طقم سكانات وفناجيل مورد يهبل عند المحلات اللي يم افكاري المحل بس ما اعرف اسمه هذا كان اختيار امي فديتها
باجي اشتري مفرش بنك وارتبه عالطاوله بطريقه حلوه
بس بختار كاكاو وحلو وموالح للحين ما قررت قاعده اجرب

 

[taioba]

رد: تجمع مواليد شهر يوليو 2015 ان شاء الله

انا جني مستعجله حيل ما ادري شفيني
مع انه بيكون عندي شهرين فاضيه فيهم ههههه
بس مو قادره لازم اروح افتر

 

[taioba]

رد: تجمع مواليد شهر يوليو 2015 ان شاء الله

دقات ان شاء الله يعطونج مجلس ويريحونج
بس ما لهم دخل عندج خدامه ولا لا حتی هذي بيتدخلون فيها

ذبحوني الناس كل ما سالوني طلبتي خدامه وقلت لهم لا يقولون يعني بتسوين فيها سنعه
علی طول بتطلبين خدامه وانتي ما تعرفين ومن هالكلام
غثوني انتو شكو اطلب ولا لا
مطلعين عن زوجي اشاعات انه بخيل ههههه وااي حريم ما يخلون طبعهم

 

[انوار المحبه]

رد: تجمع مواليد شهر يوليو 2015 ان شاء الله

طيوبه واي هالحريم بس يطلعون كلام قطع ما يعرفون يسكتون ...
انا بعدي ما جهزت شي مااااااااالي خلق كلشششششششششششششش

 

[taioba]

رد: تجمع مواليد شهر يوليو 2015 ان شاء الله

دقات يا عمري توني اقرا ان شاء الله تولدين طبيعي

انا بسوي استقبال بالمستشفی محفوف اهلي واهل زوجي
واستقبال ببيت اهلي للكل
يمكن احط يومين بس استقبال للكل عشان اجهز اغراضي حلو و موالح
وباجي الاربعين بس خالاتي يجون


انا بعد خايفه حيل لاني ما اعرف شي عن البيبي ولا شي
قريت كتابين وللحين احس ما اعرف
انا عقب طلعتي من الاربعين بروح عند زوجي يومين بعدين بجيب بنتي البيت وبنكون بروحنا انا وياها
انا مو محتاجه وقت يعني مو خايفه من التعب بس خايفه ما عندي خبره

 

[taioba]

رد: تجمع مواليد شهر يوليو 2015 ان شاء الله

عادي انوار انتي مو متاخره بس انا مبجره

 

[tota77]

رد: تجمع مواليد مايو 2015 باذن الله حياكم الرحمن

الله يسهل امورج توتو

انا مضطره لان ابي اولد طبيعي يارب ولا والله ريولي كلها شاده وقومتي من الفراش اصعب منها مافي وايد ثقيله

 

[دقات قلب ميته]

رد: تجمع مواليد شهر يوليو 2015 ان شاء الله

عروووووس لا وين شكو الوفره بس انا شقتي بعيده وايد ودوامي بمجمع الوزارات وطبعا ما يحتاي اقولكم عن الزحمه والباركينق بروحه من 7 الى 10 دقايق مشي يالله اوصل مكتبي والعكس

وطبعا مع كل هذا انا معروفه بالسرعه الجنونيه عادي من 140 الى 160 ادوس واحيانا ابتون بعد هههههه
ويوميااا هذي معاناتي دربي اذل ماكو زحمه ساعه واذا زحمه عادي ساعه ونص وساعتين

انا اقولج برمضان تشتد معاناتي وطلعتنا تتاخر وبالمصافط نقعد ساعه بدون مبالغه بس بالمصافط تخيلو غير الاشارات والله العظيم عادي تفتح وتسكر 3 الى 4 مرات ولا تشوفوني حزتها انا اعصااااااااب وجبريييت لا تشوفون شلون اتحلطم واتعب

 

[دقات قلب ميته]

رد: تجمع مواليد شهر يوليو 2015 ان شاء الله

طيوبه حبيبتي تسلمين الله يسمع منج واولد طبيعي واضبط نفسي وارتاح مابي الجا بعد 6 شهور لليزر والتضييق
مادري حتى شلون طريقته

وبالنسبه لحجي الناس ترى الناس ما تشبع ولا تقنع
عطيهم طاف وانا اختج الناس ما ترحم وطول عمرها تتكلم حتى لو كنتي فل اوبشن هههههههه

وكاه انا بنتي اسم الله عليها 7 سنوات يعني زواجي استمر 8 سنوات وما يبت خدامه محد له شغل فيني
بيتي وحره فيه اييب وقت ما يعجبني

وللبيبي لا تحاتين راح تتعودين وتتعلمين وتمسكينها وتسبحينها وتقصصين اظافرها وتصيرين زي الفل
)))))))))

 

[دقات قلب ميته]

رد: تجمع مواليد شهر يوليو 2015 ان شاء الله

انوار تو الناس عالتجهيز وسهالات ترى طلعه طلعتين تقدرين تخلصين كل شي او عالاقل المهمات

انا امي رجعت من السفر ويابتلي جم شغله لعسولي واستانست لمن شفتهم مادري يمكن لاني متعوده

على ملابس البنوتات وهذيل اختلفوا علي ههههههه

الله يتمم عالجميع بخير وتمام الخلق والخلق

وناسه بنات متى يبلش العد التنازلي للولاده ونشوف منو تولد قبل وتبلغنا بسالفه الولاده وشلون كانت

سبحان الله الايام تركض الله ييب هالايام بسرعه ​

 

[انوار المحبه]

رد: تجمع مواليد شهر يوليو 2015 ان شاء الله

دقات الله يعينج وااااااااااااي مجمع الوزارات صج بعيد و مكان زحمه و لوعه جبد ...
اي والله متى يبدي العد التنازلي و نشوف منة تولد اول وحده بالتجمع انتي معاي بالظبط شكله انا اخر دوره 24-10 في السادس الحين

 

[انوار المحبه]

رد: تجمع مواليد شهر يوليو 2015 ان شاء الله

طيوبه اي انتي مبجره شوي بالتجهيز البجر غير تكون متشوقه نفس اختي بينا عشر ايام اهيا قبلي جهزت لان بجر ..
بس هم احسن تفتكين قبل لا يبدي الثقل الصجي .... تصير صعبه عليج المشي

 

[decemberq8]

رد: تجمع مواليد مايو 2015 باذن الله حياكم الرحمن

توتو

انا من دخلت شهري مر جم يوم ما مشيت ضايق خلقي

امس قلت قاعده في البيت شسوي زهقت طقت جبدي محد حاس فيني جان البس و اروح

توتا

انا حاليا ودي اروح الافنيوز من الضيقه بس من افكر بطريجه ازهق
كله زحمه لاعت جبودنا من الزحمه الى متى