تجربه تجهيزي من a-z:)

[lolab]

هلو بنات الحين بكمل معاكم البارت الثاني عن العنايه بالجسم وتجهيز الملابس

 

[lolab]

البارت الثاني
اول شي بتكلم عن العنايه بالجسم:
اول شي انا مو بيضه وايد فعندي قناعه ان هذا لوني سو مستحيل اصير بيضه بيضه بس اهتمامي عشان جسمي اصير ناعم ولون واحد ولوني اصير حلو يعني في حيويه فقمت استعمل زيت اللوز+وزيت الجلسرين اتوقع اسمه جذيه كل يوم للامانه ماسوولي شي يذكر بس الي فادني صج حق الويه والجسم استعمل حليب او روب مع كركم الجسم اينن تلقونه بالحواي قوطيه لونه اخضر اتوقع خالطين معاه حنه عجييب وطبعا اشتركت بسبا اسوولي كل اسبوع شي تقشير ماتقشير وفي شي اسمه الحوريه عجيييييييييييييييييييب ومن كثر ما اهوه قوي عالبشزه ماتقدرين اتسوينه اله مره وحده قبل عرسج جد خيال نضافه ولون ونعومه بس نصيحه كل اسبوع حمام مغربي لمده 3 شهوور ولمه اتخصين هرده وليمون شوفي اشلون جسمج اصير خياال ايوه وعن المركز كان وايد زيين بس الحين غيره الموضفات فصارو نصابيييين وميتين عالبيزه كنت دافعه 170 حق 5 جلسات تنضيف وسنفره وتوحيد لون
انيي حق الشعر:
اشتركت ابصالون حق حمام زيت اينن اسوونه طبيعي علي تطلبين صالوني كان بالسره 5 جلسات اب 20 د،ك بس حلو لاكن مايبين الا مع الاستمرار انا شعري حمدلاه حلو بس خربته بالصبغات فصار ناشف فقمت اعالج بس النشفان واقصه مل جم شهر شويه
الحين بشوف الي عندها اي استفسار وبعدين ببدي بالهدوم وقمصان النوم والجواتي تكرمون

 

[نــوره]

يعطيج العااافيه ع نقل تجربتج :*

 

[حناينq8]

يعطيج العافيه حبيبتي

وشكرا على افادتج للعضوات

انا كانت تجربتي فااااشله عند عيسى بشور من عقب شهرين انطر دوري ايام ما كان بدار الشفا

عطاني كريمات بفوق ال 100 دينار من صيدليه كوكو بالسالميه

استخدمتهم ؤ ولا شفت اي نتيجه الا عوار وبشره منصلخه

يالله كملي ناطره تجاربج مع البنات

 

[You FOR Me Only]

كملللللي فديتج

 

[توأم روحه]

رد : تجربه تجهيزي من a-z

عساج عالقوه حبوبه
سبحان االله موضوعجج كان تنبيه لي لانه ناويه
اروح اسوي تقشير وارتحت لكلامج عن الكريم
والغسول بس ابي تقولين لي مدت استعمالج لهم
وشلون النتيجه بعد الاستعمال والغسول والكريم
الاقيهم بصيدليه الشاميه ؟؟؟
والله يوقفج يارب

 

[7noOna]

رد : تجربه تجهيزي من a-z



مو فقه عسى الله يتمم عليج ،،،



الحمدلله صاجه الليزر رااااحه و نعوومه بديت فيه من ايام خطبتي قبل سنه

و البشره كللللش ماحبيت اتعبث فيها ماراح اسويلها شي بعيادات وخرابيط


:aha:

 

[ضاقت علي دنياي]

الله يعطيج العآفيه حبيبتي ،،

شجعتوني اسوي ليزر ..

والبشره عندي حلوه بس الهآلآت ومآ ادرآك مآ الهآلآت ههههههههههههه

كملي متآبعينج ..

 

[الحنينه]

يعطيج العافيه ياحياتي واحنا معاج

اب اب اب اب

 

[الحنينه]

وه نسيت أسأج شنو أحسن عياده باليزر ابي اسوي..ومااعرف العيادات بقيت عياده مضمونه

 

[كلنا نحب الكويت]

مشكورة

 

[مسـك الكـويت]

موفقه بس انا اعالج عند دكتور عيسى بشور عطاني الحبوب وكريمات والحمدلله صار ويهي حلو وبشرتي صافيه وباقيلي شهر ونص واكمل العلاج ست شهور

 

[lolab]

صباح الخير بنات الجو اليوم عجييييب فيه نفحات شتويه هسنه ماحسينه بالشته كلش
بالنسبه حق اسالت البنات اول شي الي اسالتني عن اشكثر انتضم عشان ابين مفعول الكريم حبيبتي هذا اخذيه نضام لج مو علاج يعني علي طوووول ماتهدينه لانه هذا اهتمام مو علاج واذا تبين شي احسن للبنات بعد سمعت عن سيرم وكريم استلودر البنات وايد امدحوه وانا صارلي ٣ ايام استعمله لمه احطه احس ويهي رطب بس اكيد مابين شي مايمديه
وعن عيادات الليزر انا كنت عن عادل قطينه بالسالميه بس اللحين الليزر رخص وصار بكل مكان يعني دوري شي زيين لان قطينه شوي غالي وحياكم الله وانشاله بتستفيدون من موضوعي

 

[lolab]

صباح الخير بنات الجو اليوم عجييييب فيه نفحات شتويه هسنه ماحسينه بالشته كلش
بالنسبه حق اسالت البنات اول شي الي اسالتني عن اشكثر انتضم عشان ابين مفعول الكريم حبيبتي هذا اخذيه نضام لج مو علاج يعني علي طوووول ماتهدينه لانه هذا اهتمام مو علاج واذا تبين شي احسن للبنات بعد سمعت عن سيرم وكريم استلودر البنات وايد امدحوه وانا صارلي 3 ايام استعمله لمه احطه احس ويهي رطب بس اكيد مابين شي مايمديه
وعن عيادات الليزر انا كنت عن عادل قطينه بالسالميه بس اللحين الليزر رخص وصار بكل مكان يعني دوري شي زيين لان قطينه شوي غالي وحياكم الله وانشاله بتستفيدون من موضوعي

 

[lolab]

والحين البارت الثالث عن تجهيز الملابس وقمصان النوم ببدي بالملابس بما اني قمصان النوم ماحتاجهم بالملجه

لمه رحت لبنان لقيتلي كم بدله بس رسميه يعني تنانير وبدلات كامله شي ثقيل يعني حق طلعاتي اول ايام الملجه خذيتلي تقريبا 6 او 7 بدلات للامانه بنات محسيت اني عروس اله يوم خذيت بدلات عرفتو البدلات الي من عشره متر اتبين اني عروس لووول مو قصدي لويه ولا شك ولا خرابيط لاا بس انتو شايفين لبسنا هالوقت كله بنطرونات وبلايز واذا تنانير ماتعتبر رسميه بس ليلبست وحده بدله رسميه ماركه او حته لو موماركه بس حلوه بتحس بتغيير يعني بحياتنا العاديه صرنا مانلبس رسمي المهم وهم احصلتلي سفره للبحرين وفي مجمع اتوقع السيف في محلات ماركات اهناك هم خذيتلي نفنوفين وتونز اشوق شوفو بنات ليلحين ذاكره بدلاتي ومن وين خذيتهم لان ماهتميت بالكميه الي اخذها كثر ماهتميت بالشغلات نفسها يعني خذيت بدلات فعلن حق عروس فيها زهوه والوانها بقولون اشدعهو كاشخوه وايد عروس ؟خليقولوون ايه انا عروس خنكمل رحت العثمان الي بمجمع مريم مالقيت اشيا بعدين الاوج اذا ماني غلطانه اسمه جذيه انزل ديور خذت تكرمون جوتي مه التوب ماله وبلايز حلوه وهم من لبنان جيلت جواتي عزكم الله حلوه جواتيهم وبوتاات بس ينو قبل ماكان اسعارهم جذيه الحين بكلمكم عن الي واحصلهم وقت او مايبون اسافرون ترا سوقناااااااااااا عجييب والله احلا من اي ديره واذا تبون اانا بعطيكم اماكن حق بدلات الطلعه وبنات نصيحه من قلب مو علبونه بتاخذين كميه كبيره تاخذين اشياا عاديه المهم اتكثريين لا اخذي الاشياا السبشل الي صج تستاهل لاتهتمون بالمك كثر النوع والشكل وبعدين تجهيزج حقج انتي انتي الي ابتستفيدين منه ماعليج من الناس اشبقولون تجهيزها شويه ولا وايد الذووق اهوا الي يغلب والحين بذكر لكم محلات تصلح حق اهدوم عرايس:
لايم لايت تلقين فيه حق طلعات الملجه ونفانيف ناعمه
مجمع زهره تقريبا كله
الفاتنه هم فيه سهره
لحضه من فضلك بس قاعيخترب هالايام وطبعا الافنيو فيس تو عجيب
اممم وين بعد؟
ايييييييه فلا مودا عقب ماخسر طبعن كما يقولووون اسوي خصم لي 70 بالميه اخذو جواتي في جواتي ماركات الي اصير برنتها مو واضح بس حلوين وطولهم حلو حق بدلات
الزان وتواقيع بالسالميه
هذي تقريبا اقلب الاماكن المشهوره عندنا
انيي حق اللبس اليومي للامانه ماجهزت بالكميه لانه ماحسيت مهم مكاني الي اداوم فيه داثر مايشجع البس بس خذيت بنطرونات الالوان الي نستهلكها من زاره هل اشيا طبعا عادي من ايمكان تاخذينها وبلايز عمليه وهم خذيت من الافنيو متروس وطبع اهدومج الي قبل ماتنقط خو احنا قبل زواجنا ماكنا امبهذلين لووول
الحين اهدوم البيت طبعا اكيد بكون ماعندج خدامه اول الايام ونصيحه مالا داعي عشان تلبسين تاخذين راحتج انا الحين بشبك لبس البيت مع تجهيز شهر العسل لانه تقريبا نفسه:
انا رحت الهني مون المالديف فتدرون ديره بحر واااااااااي يا الماليف جنها صوره مو صج تاخذين راحتج وفعلا حق شهر عسل اول شي ماني مستحيه منكم بما انه اهناك محد لا شغل بحد بحرج غرفتج حماما سباحتج بروحج فجنج عايشه بالدنيه بس انتي وريلج فتاخذين راحتج وانا بما اني خذيت راحتي فخذيتلي مايوهاات من لبنان اشوقووووووووووون جنهم مايوهات باربي الي اي بكيني مع ليقنق تور نفس لبرنت وتكرمون شحاته وشي معا تنوره وشي معه سكارف والوانهم اتينن وملهم احجار جنهم بدلات سهره
وهم رحت h&m الي بالافنيو مال التينيجر الي ورا عرفتوه؟ خذيت نفانيف حفر اقصار وتوبات حفر وبنطرونات الحييين صج استفدت من النفانيف الي كنت اشوفهم واشوقوني لانهم اقصار وحفر فما قدر البسهم الحين طلع وقتهم حق اهناك وهم اكثر شي استفت منهم حق البيت
اما عن قمصان النوم احم احم
لتسالوني ليش ماشريت ولا شي ايام الملجه ولا بالخطبه لوووول من المستحا ولا خواتي قالولي فما جهزتهم الا قبل العرس بشوي طبعا كل شي عيب وكل شي اقصير استحيي يربي فجاه بشوفج اب لبس انتي نفسج ماعمرج لبستيه ؟ اكيد بتكشين منه
اول شي اخذي واحد ابيض او بيج يعني فواتح حق اول يوم مع روبه طبعا هذا بكون اغلي من الباجي واثقل
بعدين نصيييييحه اول جم يوم بتستحين فنصيحه اخذو اشياا الي معاها ارواب الي اتصير يا نفنوف اقصير وروبه يا شورت وحفر ويه روبه لان بتعجعجيب بالرووب وايد ترا ولاتاخذين قمصان نوم الي مومقطيه شي ترا ماتستفيدين منهم والاشيا الي معاها اروابها هم تقدرين تقعدين فيها بالبيت انا رحت الطاهر وعلا حضي كان امسوي خصم خذيت تقريبا 6 او 7 مع اول يوم ورحت h&m بجاماته وقمصان نومه واندرويراته اتينن وهم المحل الي بالافنيو فوق اسود نسيت شسمه يم لحضه من فضلك وبقولكم بعد مكان عجيييييب وفعلن استفدت منه الي اهوه لاند مارك سنتر بوينت السالميه بالصدفه دشيته كبري فيه كان داثر دشيت صوب قمصان النوم لقيت اشياا اتينن عجيييييبه وارخااااااااااااااص وليلحين جنهم يدد وكلهم مع اروابهم بس قبل جم شهر رحت مافي شي زوود يعني كل فتره طلو عليه
وخذيت سليبرات البيت من لندن شاريتهم قبل لانخطب عجيبييين واتوقع كل محلات قمصان النوم فيها وهم خذيت من مارك سبنسر واذا اتعسعسون تلقون وارخاص باماكن وايد
هذا الي اذكره الحين من تجهيز لبس وقمصان نوم ولي تذكرت شي بقولكم انا اجتهت اني اذكر كل شي بالتفصيل وانشاالله اكون فدكم واي استفسار ناطرتكم وبكمل البارت الياي مع العطور والميك اب وتكرمون اغراض الحمام والشور وبعدها تجهيزات العرس

 

[أم الطيب]

رد : تجربه تجهيزي من a-z

ياااااااااااا عمري قلبج حبيبتي

الف مبروووووووووووووك مقدما

بس عفيه انا بسافر لبنان وأبي رقم الدكتورة هناك يلي تعالج بأشياء طبيعيه
عفيه عطينا رقمها

والله يوفقج ويسخرلج ريلج ويرزقج بالذرية الصالح ة بعد

ومشكووووووووووووره مقدما

 

[رفيعة الشآآن]

مشكورة وماقصرتي

وانا اقول للكل سوي ليزر بعدين عالجي البشرة لان في ناس اتكون مشكلتهم من الحف فا من نفسها البشرة تتحسن بروحها

 

[L A T T E]

حبيبتي الله يهنيييج و يوفقج يااارب

و يزااج الله الف خييير

ناطرين تكملتج =)

 

[مغرمه]

يآآآآحلوج تهبلييييييييييييييين
مااقصرتي فديتج
شرحتي بالتفصيل الممل
الله يوفقج يااقلبي :eh_s(21):​

 

[توأم روحه]

رد : تجربه تجهيزي من a-z

مرحبا... حبوبه انا اقصد الكريم اللي ذكرتيه والغسول
يفيد يوخر الحبوب لانه بويهي حبوب مووايد بسيطه
هل يوخرهم ؟؟
وابدعتي بالطرح قواج الله