تجربتي مع نوره الحذران

[حور العيون]

الله يعوضج حبيبتي

 

[LA TROO7]

انا متعامله وياها بعرس اخوي كنت حامل

شغلهاا ذرررب ونفسيتهاا عسل سوالف وضحك والبدله ما مر اسبوع الا انباعت يدورونها دوارة الناس

 

[ذبحني صمتي]

هي كبدل تهبل ..

بس ع النفسيه الله يستر والله ...

 

[أم*سلمان]

للامانع ما عمري تعاملت معاها ولا افكر اتعامل معااها

 

[almas22]

خواتى انا عرفتها من المنتدى البنات يمدحونها مدح مو طبيعى وكان عرس اخوى الله يسامح كل من مدحها اتصلنا قالو القصة 500 دينار اخترنا موديل 800دينار المواعيد مخرررربطة الشغل يلوع الجبد الاسلوب حشاكم زززفت تخيلو نروح على موعدنا نلقى المحل مسكر يرد علينا هندى من ورا الباب مافى نفر موجود نورا مو موجود والثانيه السكرتيرة نسيت اسمها خديجة مادرى زينب هم مو موجود تعال بكرة ندق عالموبايل مايردون ! خذيت زفة من امى تسوى عمرى هذا غير مكانهم الى يلوع الجبد ساعه نفتر على ما دلينا وبعد طلعة الرووووح طلع الفستان وفى العرس وحدة لابسة نفسه بس فيه وردة وانا فستانى بدون وردة اشلون تصميم؟؟؟؟؟ كلهم موديلين ثلاثة مقلدة موديلات المصممين الاجانب الاختلاف بسيط وطايحة له نسخ مع وردة بدون وردة الوردة عنابية او موعنابية انقهررررت قهرررررر بس بلعتها وسكت لانى انا الى اقنعت امى افصل عندها من مدح البنات فى المنتدى انتبهوااااا يابنات انتبهوااااا الله اعلم بالنيات بس اقص ايدى اذا هالى امدحوها مفصلين عندها السالفة شكلها دعاية والله يعلم انى مابى اظلم احد انا عروس ووراى عرس ابى الله يوفقنى بس الموضوع استفزنى ومااتمنى احد يشوف الى انا شفته ادعولى ولكل العرايس بالتوفيق يااااااااارب

 

[LA TROO7]

^^
قصي ايدج انا مفصله عندها ووحده من المنتدى شرت بلدتي والا اخاف اكون انا نورة واسوي دعايه لنفسي هههههههههههههه

 

[مطيريه ماركه]

بدلة آستقبآلي منهآ صج قصتهآ غآلية بس وآلله قمـّة قمّة حتى آلوآنهآ غريبة
تشجعت آخيط عندهآ عقب عرس ولد عمّي وفعلآ ً مآخسرت

 

[ليدي دانة]

الله يعوووضج خير ومشكووووورة ع النصيحة

 

[almas22]

^^
قصي ايدج انا مفصله عندها ووحده من المنتدى شرت بلدتي والا اخاف اكون انا نورة واسوي دعايه لنفسي هههههههههههههه

اسم الله على..انا اتكلم عن نفسى ومالى شغل بغيرى واذا انتى توفجتى فى بدلتج الله يهنيج كلن يتكلم عن تجربته وفى النهايه الناس اذواق..الى مايعجبنى يعجب غيرى بس المعامله والاسلوب مافيها روووح وتعاااال والا دام بعتى بدلتج خلااااص تبينا نبصم وراج ! انا داشه المنتدى اعبر عن رايى..يعجبج ما يعجبج كييييفج.. وانا ما اتهمت احد وقلت الله اعلم بالنيات بس الى على راسه بطحه ههههههههه​

 

[يارحيم إغفرلي]

بنات تكفون انقذوني وين اخيط لعرس اخوي نوره مااتمدحونها وناديه بوشهري تسبونها وين ارووووووووووووووووح


تكفون تكفون ردوا علي

 

[LA TROO7]

ارجعي اقري كلامج ماما تقولين اقص ايدي اذا وحده من اللي يمدحونها مفصله عندها صج والا شكلج منفعله ماتدرين شكتبتي

ومااحتاج احد يبصم وراي بصمتي مني وفيني فددديتج

 

[ترف بابا]

نورة الحذران طلعت فترة بعدين احس مالت للهلاقة شوي - سوري هذا اللي شفته اخر مرة رحتلها

 

[معلمة شيسمونه]

امممممممم رفيجتي فصلت عندها وزادت شغله بسيطه حيل خذت زياده عليها 350 دينار

تقول بس تبي تزيد السعر

بس صراحه تقوووووووووووول طلعت شي ذرابه وكشخه

كله على الذوق في النهاااااااااااااااايه​

 

[pasion]

ويييييييه نوره الحذران صممت لى بدله حلوة من زمااان وبالصدفه اكتشفت انها نسخه من بدلة مسويها مصمم اسمه كريكور جبوتيان بالضبط بس زايدة عليها ورده حسبى الله على الغشاشين

 

[Tom ♥ Jerry]

،


وايد يذمونها
الله يعوضج

 

[حريـر]

نورة بدلات مرتبة و راقية في الخياطة لكن كموديلات شايفينها و من تصاميم
عالميا و الله أعلم و أي خياط باكستاني خبرة و شاطر يقدر يسوى احلى من شغلها

لكن اللي مو عاجبني ليش مصممة كويتية شابة عادية يوم شطحت نطحت بهالاسعار لدرجة ينافسون شانيل و ديور
و انغارو ؟؟ على شنو يعنى ! و الغريب في الموضوع مصممات توهم تحط اسمها على البدلة نوره شكو ؟؟
اكبر مصمم ما حط اسمه انتى تحطين اسمج
بصراحة لا يمكن اقبل احد يحط اسمه على بدلتي
اسمها بفلوس اشتريه هذا اللي ناقص لو بحط احط اسم امي ابرك

بس العيب مو في نوره و لا الجسمي و لا غيرهم

للاسف العيب في الحريم اللي يحبون يتفاخرون لو الشي ما يسوى المهم بس تقول اشتريت من فلانة

فى ردود ضحكتنى

(( امممممممم رفيجتي فصلت عندها وزادت شغله بسيطه حيل خذت زياده عليها 350 دينار
صج لا قالو اهل العقول براحة ))

بصراحة لو انا اقول مابي هالزيادة اشتري لى جوتى تكرمون ماركة و اكسسوارماركة احسن

صج لا قالو رزق القطاوه على الخاملات


بس نصيحة لكل كويتية ذربة و تحب الذوق حاربو الاستغلال المادي تبين
شغل متميز اشتري ماركة عالمية معروفة و لا تخلين اي مشغل كويتي يستغلج
الاجارات و العمالة و الخامات و الفينيشنغ لا يمكن توصل لمستوى الماركات العالمية
يكفى خامهم جاهز مو مصمم خصيصا لهم
ما نسينا عواطف الحاي و يوسف مأساااة تتكرر
بس متى نتعلم و نعطيهم درس

 

[يالبيه 17]

الله يعوضج يّ رررررب

 

[^الاسود يعبر^]

امممممم انا ماااااا افكر اخيط نفنوووووووف عرسي اخذ جاااااااااااهز راااقي وحلو وذرب و سعررره فية
الله يعيني وانا بحووس على هالنفنوف لانة ذوقي صعب و مو اي شي يعجبني

 

[نورعيونك]

اللله يعوضج حياتى

 

[فرقى ولايف ..]

شدعوا 800 !!!

أنا لو منج أشتري لي نفنوف ماركة ب800 يكفففي

على الأقل بيعجب الغاااالب إذا مو الكل

والناس بتدري إني قاااطة عليه ؛)