رد: تجربتي مع مساج فيلا روزي
مرحبا
اليوم كان اول يوم مع مساج فيلا روزي
رحت عشر إلا ربع لان موعدي الساعه عشر صباحا
دخلت غرفه المساج والاضاءه كانت خااااااافته
تميت بالاندر وير وانسدحت ويات هالصينيه ويابت فوط وغطتيني
طبعا انا يايبه كريم التخسيس معاي لانهم قالولي اتيبين الكريم اللي ترتاحيله او تشترين اللي عندنا بعشره وانا كنت استعمل كريم روك
فيبتا معاي.... بلشت اول شي فبطني وكانت ادهنه بكريم روك ودهن في اشويه حروره ومساجها للببطن كان وااااايد وااايد مريح
يعني ماحسيت بعوار لايطاق وتكفخ مثل ما البعض يقول... صج المساج في قوه وشويه تفقص بس مو عوار لا ابد
وعقبها لفت بطني بنايلون مال تغليف الاكل ولبستني حزام حراري
راحت لمنطه الزنود ودهنتهم بخلطه روك ودهنه الحار ومسجتهم عالخفيف
وطبعا اهي ماتكشف الا المنطقه اللي تشتغل فيها الباجي ايكون امغطى بالفوط
ودهنت فخذي ومسجته بايدها وبعدين استعملت جهاز مساج
ونفس الشي عالفخذ الثاني وعقبها شالت الحزام الحراري من بطني وقالتلي قلبي على بطنج
سالتني تبين امسج ظهرج لان انا ظهري جلد على عظم فقتلها لا ماله داعي انا يايه عشان بطني بس
فقالتلي اي انا اشوفج مافيج شي حتى زنودج ماطولت فيهم لان مايحتاجون انتي متنج كله تحت
فقتلها لا انا مابي اضعف من تحت بعدين اختفي
انا بس ابي هالكروشه اتروح
مسجت فخوذي من الخلف وقالتلي لبسي الروب وروحي الغرفه الثانيه
جلست المساج كانت 45 دقيقه ومثل ماقلت مافيها عوار وتكفخ ابدا ابدا
صج احس ان تمسج بقوه وصوت التطقطق عجسمي عالي بس
والله بدون ألم
لما رحت الغرفه الثانيه استلمتني وحده ثانيه غير اللي تمسج
ولفت جسمي بنايلون الاكل وصرت مثل الصمونه
ولفت علي مثل الحزام على بطني وفخوذي وزنودي والحزام هذا موصول بجهاز
وقالتلي الجلسه مدتها نص ساعه...الجهاز كان يضغط على جسمي بشكل متتالي يعني بالاول احس الضغط
على بطني وبعدين فخوذي وبعدين زنودي وجذي يعني الضغط مو مستمر على نفس المكان
وخلصت النصف ساعه وفجت الحزمه وقالتلي لا تشيلين النايلون قبل ساعتين
لبست ملابسي فوق النايلون وطلعت قعدت عند الاستقبال وهدى كانت موجوده فقتلها اني ماحسيت
بالعوار والالم ليش سألتني انتي امسويه مساجات قبل جذي قتلها اول مره بحياتي
فقالتلي عيل انتي جسمج من النوع اللي يتحمل وبعدين من جسم لي جسم يفرق
وقالت اللي سوتلج (وانلي) الكل ايقول ايدها ثقيله
رديت البيت وغديت ولدي وفجيت النايلون وخذيت شاور ونمت ساعه ونص
ولما قعدت من النوم
جسمي كله ايعورني
بس مو عوار فضيع لا العوار العادي
مثل عوار لما تلعبين رياضه وانتي من زمان مو لاعبه
وبس هذي تجربتي لليوم الاول
وان شاءالله اكتب باجي الايام
ودمتم سالمين
