تجربتي مع عملية شفط وشد الزنود

[lovely-girl]

مسء الخير..
اشلونكم بنات,انشالله تكونون بصحة وعافية
المهم , بدش بالموضوع بدون مقدمات وباختصار...



انا من جم شهر سويت عملية شفط وشد لزنودي تحديدا بشهر 9 وعشان اكون واضحة اكثر
الشد مو مثل ما الاغلب يعرف كان بالليزر يعني مافي شق باليد بس مجرد
فتحات مكان الابر..المهم او بمعني اصح
مشكلتي الحين ان النتيجة مو عاجبتني كلش,وغير جذيه ايدى مازالت تعورني
عشان نا اظلم الدكتور رضاي عن العملية كان بالشهر الاول 70%وبعدين بدأ يقل بالشهر الثاني صار
50%والثالث اقل وشهر عن شهر يقل وأيدى ردت ورمت و بألم...
اللي بعرفه يا بنات هل طبيعي اللي قاعد يصيرلي؟؟؟
هل في وحدة منكم سوت هالعملية وحصلها هالشي؟؟
مع العلمانا مو متينة وزني70 بس المتن متمركز بأيدي ومن سويت العملية
ووزني ثابت ينزل كيلوين ويرد لل70 ورحت مراجعتي للطبيب وقال عادي والنتيجة النهائية
بعد 6 شهور والحين صارلي 5 شهور وبتم السادس والحال كما هو عليه...
انا جدا نفسيتي تعبانة وابي اعرف شصاير بالضبط
بليز فيدوني:eh_s(2):

 

[lovely-girl]

اشدعوة محد رد علي؟؟؟
لا تحجروني

 

[Turquoiseya]

والله ماعندي فكرة
بس اغلب البنات اللي مسوين عمليات نفسج ما ادخلوا المنتدى اليوم
ان شالله راح يجاوبونج عن قريب

منو سوا لج عمليتج؟

 

[حنون المزيون]

والله ما اعرف ... بس ليش سويتيه بالليزر جان خليتيه الشفط العادي أفضل

 

[أم الاميرات]

والله ما عندي فكره
بس حبيت ارفع لج الموضوع
وانشاء الله تلقين النتيجه الي ترضيج

 

[vi-lady]

ماحبيت اطلع بدون رد بس انا وايد اسمع عن عمليه الزنود انها خطيره لان الزنود فيها عروق واورده حساسه بس انا استعملت كريم من اسبوعين وماشالله بينت النتيجه تبارك الرحمن

 

[عرموشة]

^

^

شنووووووووو الكريم

واختى ليش ما سويتى العمليه للي شفط وخياط === اعتقد هذي النتايج ممتازة

 

[vi-lady]

والله حبيبتي شريته من بره الكويت وماأعتقد انه موجود بالكويت لانه مومشهور وشعبي بهذيك الديره يعني بالاماكن الشعبيه.

 

[blue diamond]

عند منو سويتي العملية حبوبه ؟؟

 

[lovely-girl]

مشكورين ياللي رديتو علي..
والحين برد اجاوبكم.
انا ماخترت عملية الشد اللي هي فيها شق وخياط لان ايدي
مو ذاك المتن والدكتور قالي ان ايدي بس محتاجة شفط وشوية شد اذا انا حابة
عشان النتيجة تبين احسن وبسرعة,وقالي عن جهاز ليزر يديد عنده يشفط ويشد بنفس الوقت ونتايجه حلوة حق الحالات اللي
نفسي يعني اللي ما يبيلهم شد وايد,الصراحة يا بنات اقنعني وعجبتني الفكرة وغير هذا انا ارتحت للدكتور لان طيب و محترم
وحسيته يبي مصلحتي وللبنات اللي سألو عن اسمه,هو الدكتور((احمد مسلم)) وعشان ما اظلمه يا بنات هو قالي اراجع عنده
لمدة 6 اشهر عشان يتابع حالتي بس لظروف خاصة وسفري بره ما قدرت استمر الا بس ال3 اشهر الاولي ومن فترة قررت
اروحله بس كان مسافر..
وسويت سيرج بالنت عن نتايج عمليات الشفط وقريت ان في بعض الحلات بعد العملية يحوشها التهابات او تعبي سوائل



ففكرت اقولكم حالتي يمكن وحدة فيكم عندها فكرة, او مرت بنفس تجربتي
لاني ابي الافادة , ومشكورين يا كويتيات....

 

[lovely-girl]

يا بنات ناطرة احد يرد علي
معقولة مافي وحدة سوت غملية شفط لايدها؟؟؟
ناطرتكم....

 

[حرم الحوت]

حبيبتي شوفي انا سويت بس شفط بس العوار صح يتم بس مو لغاية المده اللي انتي فيها بس تبين يخف عنج العوار لبسي الكورسيه وما عليج شر يالغاليه

 

[*أم*خالد*]

ماتشوفين شر يارب وأجر وعافيه

ماعرف شي بس ماحبيت ادش واطلع

الله يشافيج ويصرف عنج انشالله

 

[النية الصافية]

آآآآآآآآآآآآآآآآآآآآآآآآآآآآآآآآآآآآآآه
وانا مثلج
مشكلتي بزنودي وافكر اسوي شفط بس من غير ععملية
وياريت في كريم او شي موضعي يخففهم
وشفت تجربتج خفت اكثر بنات فيدونى تكفه

 

[عطر البوادي]

الله يقومج بالسلامه حبيبتي وان شالله البنات يفيدونج

 

[تعبانه نفسيا]

الله يقومج بالسلامه سراحه ماعندي فكره عن شد الليزر ///////
بس حبيت ارفع الموضوع //////

 

[lovely-girl]

هاي بنات








رديتلكم بأخبار يديدة...
اليوم رحت للدكتور ((أخيرررررررا))
وقالي بيعيدلي العملية مرة ثانية لان ايدي ردت عبت دهون
وصار فيها احتباس للماي
طبعا هو انصدم من النتيجة لان لما شافما اول مرة بعد العملية
ما كانت جذيه كلش؟؟؟
واستغرب وقال اشلون ردت جذيه؟؟؟
مع العلم انا اسوي رياضة ومحافظة علي جسمي من ناحية الاكل..
المهم هو قالي ان ما راح ياخذ مني فلوس اللهم بس رسوم غرفة العمليات
وهو ما يبي شي
وقالي اهم شي اني المريض يكون مبسوط وراضي عالنتيجة بعد العملية
والصراحة انا محتارة ؟؟؟؟؟؟



اسوي الشفط العادي ؟؟؟؟؟


ولا


الشفط اللي كنت مسويته قبل, بالليزر؟؟؟

ابي رايكم؟ ...... ساعدوني....

 

[lovely-girl]

بنات اشفيكم ؟؟؟؟؟



طلبت رايكم ومحد رد علي؟؟؟؟



اشدعوه...

 

[Grass]

ماتشوفين شرررر

 

[نور الكوثر]

انا اقول سوي الليزر وتابعي عدل معاه لا تقطعين وان شاء الله خير