تجربتي مع عملية تحويل مسار المعده ونزول الوزن

[ضعيفه وعصله]

ما شاء الله عليج بألف عاافيه يارب

 

[reflection80]

سويتها بالسلام وطلع علي 3086

 

[misS~GOLD]

الحمدللة على سلامتك ولا تنسين اليوميات لاني متابعة بصمت

شكرا لمتابعتج حياتي

 

[misS~GOLD]

الحمدلله على السلامة

ان شاء الله تنزلين وانتي بصحة و عافية يارب و تكونين رشيقة

وعقبالي :tek:​

انشالله يارب وسامحوني على التأخير

 

[misS~GOLD]

ما شاء الله عليج بألف عاافيه يارب

مشكوره يالغاليه وانشالله اصير نفسج

 

[DO7AWE]

حبيبتي احمداللة على سلامتج ..شوفي الجسمي ودينا كرزون وللة المثل الاعلى شوفي احجسامهم وتاملي خير

 

[misS~GOLD]

حيالله المتابعين :ggdw:

اكمل معاكم
يوم السبت عادي اقعد على علبة عصير يوم كامل نص الصبح ونص المغرب ما اشرب بالليل لاني من قبل العملية ما احب الأكل بالليل بس شنو الي صار معاي بدت تبين علي اعراض نقص الأكل او مافي اكل بالاحرى النفسية تحت الصفر وما اتحمل شي صايره دعله والي ماكلها ريلي بس مو مقصر بعد عمري اهوا الي شوي قعد يغير مودي صايره ما اتحمل ولا شي وابجي نفس الياهل اذا عورني بطني ولا اي شي, الياهل بالبيت سوو ازعاج ابجي باجي الايام عاديه مافيها مشاكل ولا اكشن لان كلاا نايمه مالي خلق اطلع ولا اشوف احد من ضيقة الخلق مره بغير شقتي ومره بدش نادي ومره بشوف فلم هندي يبجي حيييييييل :krkrkr:
( اقول حق ريلي ابي فلم هندي من يبدي لما يخلص وانا ميته من البجي و بعدين اقوله ابي اشوف مسرحية تموت من الضحك مادري شسالفتي )
الاثنين مر عادي بس ليش ظهري يعورني رحت مع ريلي السينما بالليل وما قدرت اتحمل كرسي السينما ( ظهري يبيله فكس ولا بو الفاس حده يعورني) رديت البيت

يوم الثلاثاء موعدي عند الدكتور
رحت ولا يشيل الغرز الحمدلله وقالي لا تغطينهم ( مكان الفتحات) المهم عطاني مرهم قالي ان كيفيج اذا تبين تستعملينه ولا لأ اهوا جل تحطينه الصبح وبالليل يشيل الندوب تستعملينه لي 4 او 6 شهور وسألته عن الرياضة قالي يكون احسن لوتمشين, تسبحين او قاري او اي رياضة خفيفة الا رفع الاثقال مو زين ولي الحين ما اشيل شغلات ثقيله طبعا وقلتله اتعب قال عادي و المفاجأه وزني نزل...... 7 كيلو الحمدلله سألته عن النزول قال ممتاز بالنسبه حق وضعي.
اي نسيت اقولكم ان الي اعرفها مسويه العمليه كان قايلها شربي ماي فرنسي فولفيك أو افيان انا قمت وشربت والحمدلله عادي لان ماي زمزم مو اي مكان احصله ولما اخذه معاي الا صاير حار بعد تعرفون الجو

الحين البرنامج الي عطاني اياه

اضافة حق الي كنت اخذه قبل طبعا

النسكافيه مع المبيض الخالي الدسم والسكر الصناعي
الشوربه اول كانت بدون خضرتها الحين مع خضرتها وبالخلاط
العصاير انتقل لي الأثقل ويفضل الي مافيها سكر وايد انا قلت ابقى على الي انا اشربهم الحين احسن لاني جربت المنجا قثني والجوافه عادي بس انا ما احب الجوافة
اصلا ماقدر اتحملهم ثقال
بعد قالي عن الحليب والروب اللبن كله خالي الدسم ومدحلي الوفرة

شراح اسوي الحين
ببدل وبروح مركز سلطان بشتري برد خالي الدسم وخالي السكر وبشتري عصاير طبيعيه وبخلطهم بسوي خلطه شاميه )

وبسويلي شوربة بطاط وبخليها بالثلاجه كل شوي اشرب منها وبشتري جبن خالي الدسم عشان احطه مع الشوربه وبعد شنو.........
بسويلي شوربة السالري عشان هذه الشوربة تحرق ومافيها سعرات بتفنن واعطيكم خبر
يلا عااااااد ردودكم

 

[misS~GOLD]

حبيبتي احمداللة على سلامتج ..شوفي الجسمي ودينا كرزون وللة المثل الاعلى شوفي احجسامهم وتاملي خير

اي والله تسلميلي يابعد قلبي

 

[مهاري الشامسي]

الحمد لله على سلامتج

 

[قطوة@@]

الحمد الله على السلامه موفقه يارب

انا رفيجتي و زنها 62 و بسويها .. يصير ؟؟

 

[M!$$.3NoNa]

الحمدلله على السلاااااااااااااااااااااااااااااااااااااااااااااااامه

 

[baby johnson]

الحمدلله على سلامتج حبيبتي
والسمييييييييييط ايننننننننننن
ماشاءالله اختيار موفق بالدكتووور
ويااارب تضعفين والفال لنا ياارب
انا اعررف وحده سوتها عند خورشيد شهر 4 والحمدلله قاعد تنززززززززززززل
بس مو يضيق خلقج اذا وقف وزنننج اسبوعين جذي ترررررى طبيعي

 

[baby johnson]

لوووووول 62 وبتسوييها قطوه من صجج
قلبي قام يعورني لووول

لاحبيبتي اكيد لا مايصير
انا رحت حق خورشيد
ووزني تحت ال90 بشوووووووووووي بس
قالي نسويها حق ال90 وفوووووووووووق
اذا مو 100 بعد
62 تنزلهم بسبوعين بس لاتتعشى وتمشي نص ساعه

 

[ذبحهم _ غروري]

​

الحمدالله على السلامه .... والله يحفظج وتضعفين بالعافيه .....

 

[عاشقة الكاكاو]

حبيبتي الف الحمدالله على سلامتج

الدكتوور ممتااز اختياار بمكاانه

هو دكتوري وسوالي تحزيم في السلام

وانا قاعده افكر جد بالعملية وان شاء الله بسويها قريبا

بس كملي اليوميااات ترى ناطرييينج

 

[baby johnson]

فووووووق

 

[سيدة اعمال11]

تونى اشوف الموضوع وفرحت لج واااايد الله يعطيج الصحه والعافيه وتنزلين للوزن اللى تبينه ويخليلج لريلج وعيالج
وتفرحين بشكلج الى تتمنينه وبتابع يومياتج وان شاء الله تكون دوم سعيده

 

[أم توته]

الحمدلله على سلامتج
ومبروك النزول ويارب توصلين للوزن الي تبينه بكل سهوووله

 

[misS~GOLD]

اهلــــــــــــــــــــــــــين بالغالــــــــــــين

ومشكورين الي تابعو ومشكورين على الردود الطيبة


خل اقولكم الحين شنو سويت طبعا ماكو شي بمركز سلطان خذيت من كي ديدي سوربيه التوت البري لأنه مافي فات

وشريت شوربة ماجي 11 صنف خضار فحتلي بطاطتين متوسط قياسهم صبيت عليهم شوي حليب خالي الدسم وبعدين حطيت الشوربه و4 قلاسات ماي وخليتها تستوي على راحتها صارت اتينن وتسمع حسكم بالثلاجه لاني ما شربت الا امس يوم بغيت اذوقها واليوم شربت شوي عصير اناناس ومكمله على الماي بعد كنت نايمه طول اليوم مادري شفيني

والحمدلله ابي انزل بعد هالاسبوع 7 كيوات عشان ما اخل الشهر الا نازله عن ال100
والله كريم

 

[بطة رشيقة]

الحمدلله على سلامتج ويارب تنزلين بعافيه وصحه يارب ومتابعينج