تجربتي مع علاج كوراكني لحب الشباب الي حل معاناتي ،، الحمدالله

[نبض شرياني]

سالت الدكتورعن الحبوب الثانيه وما انصحتني فيه تقول اذا الاصلي موجود ليه تاخذين التقليد

وقالت انتم حرين وانا افضل الروكتان

حبيبتي مو سالفه اصلي وتقليد

اهو ع البلد المصنع للمنتج

الروكاتين سويسريه تنفع للحالات القويه من حب الشباب

كوراكني فرنسيه واهي اخف من الروكاتين تنفع للحالات الخفيفه وللي يعانون من التهاب الورديه مثلي

 

[مو صج ~]

صح كلامج نبض شرايني
الله يوفقج ويشافيج يارب راح تبقا الاثار عاد عالجيها بالليزر

 

[قاهره عذالي]

انا استعملت الروكيوتان

وكان لازم معاه احط ع الحبوب كريمات مضاد حيوي مثل الفيوسيدين عشان تموت الحبوب

وكان مكتوب بالنشره ممنوع احط كريمات مقشره مثل الاكرتين والرتن اي بس انا اول اسبوع استعمال حطيت ونسيت اقرى النشره

تخيلي تقشرين الوجه والوجه جاف من الدوا جذي يصير ندوب ماتروح

الحين اهتمي بالترطيب حييييييييييييييييل عشان ترا هالحبوب تظل تخلي بشرتج جافه لي 8 شهور بعد مايخلص العلاج

يعني ما انصحج بهالفتره تقشرين
رطبي

لان الحمار اللي على خدودج جفاف

الكرستالي جربته

بس يشد ويلمع الوجه وينظفه ويخفي المسام

مايسوي شي للبقع

انا اشوف كملي مع الدكتوره للاخر

وشوفي شيصير

البقع اتوقع تروح من الكريمات مثل الدوكين فورت

بس نصيحه عالجي البقع الحين

لان البقع اذا مر عليها وقت وسنين وصارت قديمه صعب تروح

كملي علاج مع الطبيبه وبشرينا بسالفة البقع

 

[قاهره عذالي]

انصحج نصيحه والله والله لا تقطين فلوووس علي ليزر وفراكسال ،، انتي شنو تبين ؟؟ تبين البقع كلها تروح تبين توحيد لون ؟؟ انا اقوولج حتي التقشير الالماسي والكرستالي سويت 6 جلسات ولا راحت البقع ولا الاثار ،، تبين شي حق الاثار مالج الا تقشير اسمه اميلان ويسوويه دكتور سامح عبدالرحيم بعيادته اليديده يم مستشفي المواساة ،، اهوا عباره عن ماسك تحطلج اياه الخبيره وتخلينه 8 ساعات يقشررررر كل شي وتصير بشرتج صافيه وتشترين كريم الماركه اميلان من الصيدليه ويا مرطب وتستخدمينه بالبيت الدكتور يعلمج عليه اتوقع كل هذا يكلفج 170 دينار لان الكريم بروحه ب 50 دينار بس ما يبيعونه العياده نصيحه لا تخسرين فلووسج علي فراكسل ولا كرستال لان صج نتيجتهم مو مضمونه كلش يعني تقطين فلوس علي ولا شي حرام وفي ناس ينفع وياهم وناس ما يأثر فيهم وناس يخرب بشرتهم ،، بس لازم تقطعين الرتن أ عشان البشره ماتكون متقشره وحساسه وتحطين ماسك التقشير موزين سالي الدكتور قوليله عن هالنقطه ،، ودكتور سامح ممتاز عن تجربه 

صاجه

انا الكرستالي سويت 8 جلسات

شهرين وانا اقشر

خلا بشرتي لمعه ومشدوده ونظيفه وشال المسام والحفر اختفوا

من خلاص خلصت فلوسي ومقدر اكمل ال3 شهور تقشير كرستال نفس ماقال الدكتور

كنت كل اسبوع جلسه مع كريم اكرتين التقشير

خلاص رجعت الحفر تبين بس مو نفس اول خفوا شوي

اما البقع والاثار ماراحت

سمعت انه التقشير الكيميائي مثل احماض الفواكه تشيل البقع والاثار

اما بالنسبه للاميلان فهو تقشير كيميائي يعتبر وجلسه وحده

انا اعرف وحده مجربته تقول بيضها حيييييييييل وصفى وجهها

حتى ورتني صورها كان وجهها بدون مكياج يهبل جنها حاطه كريم صااااااااااافي


الا صج حقوقيه

التقشير بروحه بجم انا سمعت انه 80 بس وراه في كريمات غاليه وفي كريم تستعملينه سنه جنه قالوا


؟؟؟

ياليت تفيدينا اذا مجربه ؟

بالنسبه للفراكسل

اكبر مقلب

كل البنات يقولون النتيجه 40 بالميه وحق الحفر السطحيه الخفيفه والمسام و8 شهور بس وترجع البشره نفس ما كانت

 

[أميرة-]

ممممم


مادري هالدكتوره مارتحت لها ودواها واحد اي احد يجيها تعطيه روكتان مع انه يوم اجيها بشرتي مافيها حبوب بس معاي ورديه واثار حبوب والحمد لله ماستخدمنه

 

[مو صج ~]

سويت تقشير الاميلان لاسف نتيجته مؤقته جدا
اول ماهديته رد كلشي نفس قبل ؛(

 

[مو صج ~]

بس عطاني نضاره ووخر الحفر شوي وشد بشرتي ، بس لما هديته رد كللل شي

 

[ذات الهمة العالية]

حبيباتى


أنا الحين وصف لى الدكتور اللى صار الحين دكتور زائر كورانى حبتين يعنى 40ملغ
لمدة شهرين

ووصف لى كريم اميلان غالى سعره الحين 70 دينار :bbbiu:



عطونى رأيكم


وفى كريم تقشير سورى اسمه أزوون شىء جذية