تجربتي مع شفط وشد البطن

[HASSOS]

ونسيت اقولج عن الكورسية مايبين تحت الملابس لانه راح يكون ضيج وصاك عالجسم وانا ترى للحين البسة الصراحة مريح

 

[ام بنتها]

مشكووووووووووووره حبيبتي ما قصرتييي

و انشالله دووم مستاانسه و الله يخليج ريلج و يخلي ريلج لج و عياالج

و انشالله اتوكل على الله و اسويها بس خل انزل هالكيلواات الي يوني فجأه و بعدين اروووح
انا لمن كنت بروح اسويها كان وزني 66 و صار ظرف و ماا سويتها و الحين مرت سنه الله وكيلج وزني 84
و كله اكل عشاان بس اونس على نفسي من الهم بسبب ظروف صارت بس حمدلله عدت ذيج الايام الله لا يعدها انشالله بس احس تعودت على الاكل
الله يفكني منه ياااااارب و يقوي اراادتي و الجيع ياارب

عااااد حاااافظي على هالجسم و استااانسي و لبسي كثر ما تقدرين قبل لا تحمليييين و الله يسهل علييج ياااارب

 

[روحي تحب]

الحمدالله على سلامتج وانشاء الله تشوفين النتايج الي تسرج:yaaaaaarb:

 

[diamonds girl]

الحمدالله على سلامتج وماتشوفين شر ويمعوده اهم شي يعجب ريلج
بس اللي سمعته انه بعد العمليه يصير اثار بالجسم ويطلع الجسم مو منسق وهذا اللي انا خايفه منه واتمنى ان انا اسوي لان انا اعاني من جسمي من فوق اضعيفه ومن تحت واااااااايد امتينه فوق هذا اطويله يعني اذا مشيت جدام احد جني ملاكم ................ لول
والله يكون بالعون:yaaaaaarb:

 

[HASSOS]

الله يسلمكم حبيباتي انشالله من كل شر ويوفقكم انشالله

 

[salsa]

حصوص الف مبروك على النتايج,يا ليت تفيدينا شلون نتايجج الحين ومتى بينت معاج النتايج بعد شكثر بالضبط؟ وبسئلج عن الوزن شكثر فرق وشنو النظام اللي واضيتي عليه طول هال 3 شهور وبالنسبه لقياسات الملابس اختلفت؟ وقياس الكورسيه؟ ادري الاسئله وايد بس لاني انا توني صارلي 3 اسابيع مسويه شفط فابي استفيد من تجربتج السابقه لتجربتي واتمنى منج تبردين قلبي لاني احاتي شوي تدري الدكتور شفط مني 10 كيلو بس بالميزان ما بينوا وياي فهل كان وضعج جذي؟ ومتى تغير الوزن وشلون سامحيني وايد سألت

 

[HASSOS]

هلا حبيبتي سلسا حاضر من عيوني . بالميزان انا مابين معاي بسرعة بس اتوقع انتي لما تطوفين الشهر راح تنزلين بالميزان لان 10 كيلو مو شويه بس الحين جسمج منتفخ صدقيني شهر بالضبط رااااح تفشين واااااااااااااااااااااااايد انا بس صارلي شهر جان اقول حق ريلي لا شعوريا شهالدكتور الساحر قالي شهر وتفشين صج بس كملت الشهر فشيت وااااااااااااااايد وبنطلوناتي الجينز صارت وسيعة وحتى تنانيري واااايد خفيت وكورسيهي كنت كل اسبوعين ثلاث اروح اضيقه زيادة بس للامانه الشي الوحيد اللي ماونسني وللحين بكمل الثلاث اشهر انه اردافي صارت مترهلة ومكان الدهن الاولي صار فاضي ومترهل وزادت السيلولايت اللى عندي والحين مسجلة مساج وشريت كريمات وبديت امشي على جهاز المشي بس مااطول علية والله كريم لانه يقوووولون ان شفط الدهون النتايج الاخيرة تكون بعد الست اشهر يالله ننطر عقب الست اشهر وانشوف النتايج الحقيقية صح ههههههههه
والله وذيج الايام كنت اخرب بالكل خرابيط ابيه جني مفجوعة وليش خافة مستانسة حدي ورديت اكل وبشراهة جني حالفة ارد اللي شفطوة وزدت بالوزن 3 كيلو بس لما رديت تذكرت اول شي اليوم اللي قبل العملية واحساس الموت والعملية والعوااااااااااار والفلوس اللي قطيتها وقلت بعد لو ارد امتن ريلي لو الموت مايخليني اسوي عملية بعد فخل احترم نفسي واحس على دمي والحين بادية رجيم والله كريم والله ينولج اللي فبالج حاسة فيج شوفي تجربتي من الاول انا كنت مثلج احااااااااااااتي بس تطمني انشالله خير

 

[salsa]

حصوص مشكوره على اهتمامج ومعلوماتج اللي صراحه تبشر بالخير بس استحمليني ما عليه بسئلج .انتي سويتي رجيم اورياضه بعد العمليه؟ ومتى قالج الدكتور ممكن تسوين؟وهل سويتي جلسات مثلي بعد عمليتج؟

 

[SeDuCTive]

الحمدلله على سلامتج

 

[farawla_q80ia]

انا عندي تجربة فاشله مع الشفط بس مابي احبطكم

 

[salsa]

انا عندي تجربة فاشله مع الشفط بس مابي احبطكم

فراوله كويتيه,نقليلنا تجربتج اذا ما عليج امر ودنا نستفيد على الاقل تكون عندنا فكره وهم ممكن نتلافا الاخطاء اللي طحتي فيها ,وهم تفيدين اللي مقبلين على عمليات ممكن تخلينهم يعيدون نظر ولج الاجر

 

[futooosh]

انا عندي تجربة فاشله مع الشفط بس مابي احبطكم

:denya:
ليش ما تفيدينا عشان نتفادا اى غلط انت سويتيهوناخذ حذرنا

 

[farawla_q80ia]

السلام عليكم خواتي
بقولكم قصتي من اولها
قريت اعلان مستشفي المواساة عن وجود طبيب فرنسي اسمة ايريك بلو يسوي عمليات شفط الدهون المهم خذيت موعد ورحت لقيت طبيب فرنسي ومترجم لبناني وسستر علي طول اول ما دشيت يبي يسوي كشف حتي كنت منحرجة ما ادري هاللبناني مترجم ولا دكتور ما يصير اتكشف جدامة قالتلي الستتر قطي هدومج واوقفي عالميزان وعقبها دش الدكتور وقام يفحص الجلد ويشوف المنطقه اللي كنت ابي اشفط منها اللي اهي منطقه الفخذ
المهم خلصت فحص وقعدت ويا المترجم اللبناني وقالي عمليتج بسيطة وسدئيني راح يصغر مقاسج وراح تلاحظين فرق كبييييييييييييييييييير المهم طلعت منه وانا عندي احساس اني بكون منيكان من كثر ما مدحلي العملية وقال لي تكلفج 2700 ولازم تسوينها الثلاثاء لان الابعاء الدكتور تنتهي زيارتة (كان ياي 3 ايام الاثنين اللي كان موعدي والثلاثاء والاربعاء)
قررت وخليت موعدي الثلاثاء ( طبعا هالحجي بالضبط من 2003) دخلوني العمليات ويا هالدكتور وقفني وقعد يخطط بالقلم الاسود وصل لي اخر ظهري وجوانب فخودي وقعد يصور وطبعا لا سستر معاه ولا شي تعلمني اهو ليش قاعد يصور ولا شقاعد يسوي اصلا
المهم العملية استمرت 4 ساعات قعدت من البنج وانا حدي دايخة لا اقدر اشرب واذا اكلت رجعت وكل هذا محد ياني منهم لا اللبناني ولا الفرنسي قمت اطالع فخوذي ياربي نفس الشي المهم يات الممرضة قالتلي احنا ملبسينج كورسية بس وايد صغير عليج هاج رقم الشركة ودقي عليهم طلبي كورسيه علي مقاسج (شالسالفه مو المفروض اهما مجهزين كل شي ) المهم اسأل السستر جم لتر شفطوا ما تدري دق ريلي عالشركة ويابولي الكورسية الشورت وطبعا المندوبة دشت علي وحاسبتها 30 دينار عقب قالولي راح تطلعين بنفس اليوم انزين وين الدكتور قالت لي يسوي عمليات لان سفرتة باجر قلت عيل متي بيشوفني عشان يتابع معاي قالت تعالي بعد جم يوم عشان يشيل دكتور الطواري القطب او الخياط الصغير واستمري لابسة الكورسية لمدة شهر
راجعتهم وشالولي الخياط وطبعا جسمي مزورق وما اقدر اقعد ولا اقوم لان عوااااااااااااااااااااااااااار ووجوانب جسمي جلد مترهل جنة داخلة ماي والله وانا نايمة اون من العوار والكورسية قرف لمن تكرمون ادش الحمام احس تحوشة نياسة وافصخة اغسله وارد انشفه والبسة واحس بخيبة امل لان شكل فخذي نفس ما اهوو لا ضعف ولا شي
وعقب شهر فصخت الكورسية وجني مو مسوية العملية لا قياسي صغر ولا صرت منكان مثل ما قالي المترجم
طبعا يمكن تجارب الشفط تكون ناجحة لكن انا لا عناية ولا اهتمام من الطبيب لا قالي لا رياضة ولا شي عشان جذي اقول انها تجربة فاشلة
واللي اكتشفته مؤخرا ان الشفط للناس الضعاف اللي عندهم زوائد مني مناك مو حق الناس المربربين فما ادري احس هدفهم مادي ماكو امانة طبية وبس

 

[HASSOS]

سلسا حبيتي العفو انا بعد العملية ماكنت مسوية رجيم ولانظام كنت اكل بس اخفف اكلي واكثر شي كنت مااتعشى بعدين جان انفجع فالحين يوم شفت نفسي زايدة قاعة اسوي رجيم بس انا ماسالت الدكتور متى اقدر اسوي رياضة حتى وااااايد قاعدة اسال البنات بالمنتدى عن هالشي وماقالي سوي جلسات مساج ولابطيخ بس فالح الدكتور كل مراجعة اروحلة يقولي جميلة أوي ههههههههههههههه
دكتور احتاج مساج يرد لأ انتي جميلة اوي بس الحين بيصير لي 3 اشهر قلت لازم امشي بجهاز المشي عشان يشد الترهل اللي عندي

 

[HASSOS]

اي ونسيت اقولج اشتركت بجلسات مساج عقب ماقريت انج تسوين خفت انه لازم الحين باجر لي ثاني جلسة بس انا مساج باليد مو مثلج جهاز

 

[salsa]

فراوله كويتيه يعطيج الف عافيه ومشكوره يا قلبي عالافاده وعلى سرد تجربتج المفيده صراحه,فاجأتيني بسعر العمليه؟؟؟شدعوه شفط فخوذج ب 2700 شهالنصب والاحتيال؟؟ انا2500 كان شفط 3 منطق مع الاقامه 4 ايام صج فرق ,بالنسبه للنتيجه صراحه ضاق خلقي عليج وايد نزين ما نزل وزنج فراوله؟كلش ومحد قالج فرق شكلج؟؟الحين حسيت ان دكتوري محلل لووول يا معوده يمكن خيره قولي الحمدلله وحاولي تسوين مساج ومشي حق هالمنطقه واكرر شكري الكبير لج

 

[salsa]

حصوص بعد عمري والله يلا اي شدي حيلج واجتهدي وياي انا ترى صاكه حلجي وميته ابي اضعف صج شكلي فرق الحمدلله بس انا ابي الميزان يتحرك وان شاء الله ببتدي بالمشي بس هذا اللي ماني قادره اقضبه ,نصيحتي لج حصوص بانج تسوين مساج جهاز مو بالايد لان اخاف بالايد يترهل جلدج اكثر ليش ما تروحين عياده تسوين جلسات بالاجهزه اللي تشد انا اتوقع هذا اللي انتي تحتاجينه والله انا الدكتوره اللي بالعياده تسويلي بالجهاز وايد زينه اهي بلغاريه وشغلها ممتاز وعندهم اكثر من نوع جهاز اذا حابه اقدر اساعدج

 

[futooosh]

ما تشوفين شر ومشكوره انج قلتي تجربتج

 

[توته البتوته]

حمدالله علي السلامه
والصراحه اهنـــــــــــــــــيج علي شجـــــــــــاعتج والله يتمم عليج ويصير جسمج مثل ماتبين وحسن بعد
عـــــــــــــاد والله قبل جم يوم قلت حق زوجي بس مارضه قام يطنز علي ويقول ماله داعي سوي رياضه لابعد مو راضي ادخل نادي والله احترت بمري
انا جسمي حلو وطويله بس لي كرش اخر البطن من الحمل والولاده وكله يقول لوالله يفكج من الكرش جان يطلع جسمج سمبتيك
ادعيلي ان الله يسخره لي وسوي شد

 

[HASSOS]

اللة يسهل امرج ياحلوة ويرضى ريلج حبوبة سلسا اذا ماعليج كلافة عطيني رقم العيادة ومكانها وجم سعر الجلسة وتسلمين