تجربتي مع د عماد النجادة في صور ( جلسة الليزر ام500)

[ام جراح 2]

طبعا لاول مره العياده تصفر وانا :bbbiu: واسال نفسي شالسالفه صحيت علي صوت الموظفه تفضلي طبعا سويت روحي :eh_s(14): قتله دكتور ويهي انتكس والحاله اسوء :eh_s(14):وانا حدي متحبطه قالي شكثر بالميه تحسن قتله الحين 30 % قالي طيب لحظه راح ينادي دكتور طارق وانا انطر فريت ويهي والا بسم اللهحاط علي مكته جمجمه وتمثال دكتور ماسك مطرقه قلت ولي الله يستر رد الدكتور ومعاه دكتور طارق وراني صورتي قبل الليزر :eh_s(11): تحطمت وقعدت ابجي وقتله تكفي ما ابي احسن ابي ويهي مثل ما كان قعدو يهدوني ووقالي احنا راح نسويلج جلسات ip ليزر وانشالله راح تكون الامور احسن لحد الان وانا :eh_s(12): شالسالفه المعامله غير هني الصدمه سالني الدكتور انتي حاطه صورج في سايت او شي من هالنوع ؟؟؟؟

 

[يابختي]

ايه ويعدين...

 

[ام جراح 2]

طبعا انا :s141: توهق البطل رديت علي بثقه لا نظره من الدكتور تقولي جذابه وانا طبعا :eh_s(2): قمت ورحت غرفه الليزر وانا اغطي الاحراج بدموع وطبعا معاي دكتور طارق والممرضه الفلبينه حطولي جل ولبسوني نظاره وقالي ما تخافيش هذا الليزر خفيف رديت يعني ما راح يقشر قالي لا عادي رديت وعادي اداوم رد الدكتور طبعا بس اهم شي نفسيتج تكون مرتاحه الا عاوز اسالك انتي ام اي ؟ رديت ببلاهه انا ام جراح جان استوعب ولي صادوه طبعا عادي خلصت ليزر وانا اقول بيني وبين نفسي الله يستر ما تكفخني تختوخه الحين عرفت سر النفسيات المختلفه رحت لدكتور طارق وقالي مرتين فالاسبوع ليزر وعطاني كريمين اخلطهم مع بعض واحطهم بالليل ووقف كل الكريمات الباجيه وطبعا راح احط لكم صور الكريمات

 

[يابختي]

جان قلتي سويت لك دعاية...

انا مرة رحت لدكتور واشكره سألني من وين سامعة عني..قلت له من النت..منتدى كويتيات..كيف حده...الله يذكره بالخير....


المهم اشلون الوضع الحين؟؟

 

[ام جراح 2]

الوضع اوكي واحمد لله وقالي خلا ل اسبوعين راح يبين كل شي ونشوف نسيت اقولكم اني سالته عن الجلسه الثانيه كلاكيت ثاني مره رد الدكتور احنا ما نبي ناذي البشره نشوف شيصير اول شي وانشالله يكون كل شي اوكي طبعا الرد تغير وانتو عارفين ليش

 

[ام جراح 2]

طبعا العلاج راح يكون جلستين ليزر فالاسبوع واوقف كل الكريمات واستمر بس عالحبوب + الكريمين الي اخلطهم واحط منهم بس عالاماكن الي فيها بقع بالليل واستمر علي كريم الحمايه والمرطب
الكريمات صرفتها من الصيدليه
الاول سعره دينار وشي

[/url][/IMG]

والثاني سعره 11 دينار

[/url][/IMG]

 

[سنايا]

يا حلوووج يا أم جراح

و ربي عسل

أول شي أتمنى من رب العالمين يحقق مرادج ولا يخيّب سعيج ، و بعدين ديري بالج الجماعة الحين تأكدوا مليووون بالميه إنه إنتي كاتبه بالنت

 

[فوفو22]

اخذيها مني كاش

المشاكل الجلدية نتايجها تبيّن بعد شهور يا عمري

وانا اول من سوى فراكسميل هني بالمنتدى وحطيت تجربتي بالصور

كانت ناجحة بالبداية وبعدين

((تي تي زي ما رحتي جيتي ))

واتمنى تجربتج تكون افضل واحسن من تجربتي

والله يوفقج وما يخسر تعبج

آمين

 

[lazaward]

امبييييييييييييييييييييييييييييييييييييييه
هذا دكتور خااايس حده حرق ويه عمتي وعليه وبقع وللحين فيه اثر
ديري بالج حبيبتي

 

[ام جراح 2]

تييييييييييييييييييييييييييييي :050103nbh_prv: احباااااااط 180% lazaward

مشكروين بنات ادعولي ان بشرتي تصير احلا من بشرة هيفا وهبي واذا احلي من بشرة نانسي هم اوكي <------ طمع

 

[ام جراح 2]

يا حلوووج يا أم جراح

و ربي عسل

أول شي أتمنى من رب العالمين يحقق مرادج ولا يخيّب سعيج ، و بعدين ديري بالج الجماعة الحين تأكدوا مليووون بالميه إنه إنتي كاتبه بالنت

شي اكيد بس مني ورايح ما اروح الا وانا عادة العدة احتياطا :eh_s(13):

 

[دمعة يراع]

الا عاوز اسالك انتي ام اي ؟ رديت ببلاهه انا ام جراح جان استوعب ولي صادوه

لووووووووووووووووووووووووووووووول

والله موتيني ضحك ......... الحين اول شي تنكرين وعقب تقولين ام جراح :dddds:

يازينج ويازين سوالفج ......... والله حبيتج :gathering:

لاتخلينهم ونشفي دمهم ليما توصلين للي تبينه .. ولاباس عليج حبيبتي

وميخالف تبقى تجربه ... والحياة تجارب

 

[ريم^الفلا]

اف الله يعينج قصتج قصه لو مومسويه من البدايه احسن هذول همهم الفلوس بس
ويسالج انتي حاطه صورج بسايت شكو اهو؟ لو واثق من نفسه مايقول هالحجي واهو عارف ان سمعته مشوهه
والظاهر مسجل معانا بالمنتدى هههههههههههههههههههه متخفى

 

[q8i-lady]

ماعليج حبيبتي بس استمري وانشاءالله تصير بشرتج زي الفل ولا يضيق خلقج أو تحاتين
ولا تنسين بلغينا بالتطورات يا عسل

 

[كشموووشه]

والله زي الورد خل يدري شنو يتوقع من وحده دافعه دم قلبها عشان تحسن من بشرتها وتنصدم بالنتيجه اللي حطيتيها؟ وتأثيرها على نفسيتج؟
حبيبتي الحين عاد باذن الله غصبن عليه يسويج ورده ويخلي بشرتج حرير لان ان ماتحسنت بشرتج طارو الزباين وانتي الحين مكسب لشهرة الدكتور في الوقت الحالي
وخلي الشهره على كتر اهو ماعوره قلبه من شافج ؟ خل يخافون الله فينا
والله يشفيج ياعمري

 

[هجير الريح]

حبيبتى مشكوره على عرض تجربتج وان شاء الله ربى يحققلج اللى تتمنينه ولايهمج ياقلبى خليج قويه ونفسيتج عاليه وان شاء الله بتوصلين لهدفج ياقلبى وانا متابعتج ربى يحفظج ان شاء الله من كل شر

 

[ام جراح 2]

تسلمون يا حبايبي ما قصرتو وبنشوف اخرتها اييه

 

[عيالي غناتي]

والله كلنا قلوووووووووووبنا معاج يا ام جراح

 

[نفوطه]

الحمدلله على سلامتج يام جراح وانشالله بشرتج بتصير احلى من بشره نانسي عجرم بعد والف لاباس عليج حبيبتي

 

[سنفوره]

:امبيه امبيه اقول ليش نفسية مو عاجبهم انتى حاطه الموضوع و كاتبه عنهم بعد اهم مو زينين و شغلهم اى شى ليش مو عااجبه يعنى اشتغل صح و خل ناااس مثل الاوادم بالرسبشن عشان لحد يتكلم عنهم والله مو باطه جبدى الا ام النفسية بالرسبشن حمدالله و الشكر

ما قول الله يعينج بس لو كنتى حطاه جزء بسيط من ويهج مو ملامح ويهج كاااامل حبيبتى لان تدرين النت على يوزعون الصور الله يغربلهم عيال ابليس ما بدعى لهم لانهم نااااس ما تخاف ربها

و ان شاء الله ويهج يتحسن - الله هداج انتى ليش سويتى تدرين انا تقشير لتحت ابطى خايفه اسوى عشان انه غامق اللون و ابى اوحده بس خايفه و راضيه اضل جذى ولا اسوى تقشير الحين ليزر امبيه الله يعينج و بعدين الدكتور اشفيه مره يقول 500 و بعدين كل شوى تدفعين حق شى و ووين الجلستين كل شوى يغير كلامه و المفروض يبين و بعدين يقول لج بعد جم شهر خو من اول قول شى واااحد:eh_s(14):