تجربتي مع دكتور منذر وعمليه للأنف

[miss t]

ايييي والله مادري شاقولك الارنبه حييل وارمه وصايره حجر

ومن صوب اليسار بعده وارم واليمين تقريبا فش

انطره الحين الورم يفش عدل وان شاء الله يكون حلو ومنااسب لي

قوولي امين


الا صج انتي مااستخدمتي الحبوب

ولا بشرتج ماتحتاج

 

[صاحبـ السمو ـة]

امــــــــــــــــــــــــــــين ان شاءالله

لاعادي ميسو كل اللي شالوا الجبيرة قالوا وارم
واخر مكان يفش هي الارنبه يبيلها صبر
انا وهي علي الجبيرة الانرنبه حـــيل واارمه والفتحات كبرانه شوي الله يستر
والحبوب لاماصرفلي معنى عقب ماسويت العمليه احس جبهتي والحنج دهنوا حيل
وطلعتلي حبوب صوب الشارب بعد!!!
بسأله الاسبوع الجاي عن الحبوب

 

[لمسه مخملية]

حمدلله على سلامتكم

رفيجت عمري ودها تسوي هالعملية بس اهيا حدهاا خواافه وخايفة تندم ... بتفكر وتعيد حسابتها ويمكن على عطلة الصيف تسويها حاطه في بالها ايران خوالها هنااك ويعرفون الدكاترة المحترفييين ...

وناطرين صوركم

 

[miss t]

الله يسلمج حبيبتي ^_^

والله يكتب لها الي فيه الخير ويسهل امورها

 

[حرم الحوت]

الحمدالله على سلامتج

 

[miss t]

الله يسلمج حبيبتي

^_^

 

[صاحبـ السمو ـة]

مساء الخـــــير

ها ميسو كيف نوزج اليوم؟
عسى اخف الورم ؟

 

[miss t]

هلالا حبيبتي انا تماام

ونوزي فش من فوق بس الارنبه نفس ماهي تقريبا وشكلها صاااير غلط ):

والفتحات غير لان صوب اليسار بعده شوي متوورم الله يستر

 

[ليمار الكويت]

عليج بالعافيه قلبي

 

[miss t]

الله يعافيج حبيبتي ^_^

عسى الله يخلي لج عيالج وكل من يعز عليج ويسهل امورج يارب ويفرج عنج وعنا جميعا

 

[صاحبـ السمو ـة]

صبـــــــــاح الخـــــــــير ....:aha:

يالله ياميسو والله لج وحشه وكل مابي ادخل اسلم عليج المنتدى كله يــــعلق معاااي :eh_s(2):

شلوونج وشخباارج ...؟
وشلون نوزج معاج.؟

 

[miss t]

يسعــــــــــد كــــــــل اوقــــــــــــــاتـــــــــــج فديتج

انا تمااام عاايشه مع نووزي لووول

وانا فقدتج حيييل قلبي

ومثل ماقلتي حتى عبالي البلا من جهازي ليش الموقع مايفتح بط جبدي


بس اشوووى تعدل <<< والله مااستغني عن المنتدى ^_^

 

[فديته]

هاي ميسو شلونج يا حلوة؟؟؟

متى بتحطين صور النوز؟؟

انا ودي اسوي وافكر بدكتور خالد الصبيح

 

[miss t]

هاي ميسو شلونج يا حلوة؟؟؟

متى بتحطين صور النوز؟؟

انا ودي اسوي وافكر بدكتور خالد الصبيح

تماام حبيبتي

انتي شخبارج عساج بخير

وان شاء الله الصور بس اكمل كورس الحبوب بنزل لكم الصوره واكون رحت موعدي للدكتور

واخبركم بالجديد بارفاق الصور :050103nbh_prv:


وبالنسبه للدكتور والله ماعندي معلومات عن الا اني قريت لبعض البنات مسوين عنده

فأنتي بحثي واستخيري رب العالمين وان شاء الله امورج سهالات

انتي بتسوينها علاجيه ولا بس تجميلي ؟!

ومتى ناويه تسوينها

 

[صاحبـ السمو ـة]

واااااااااي ياااميسوو

لووعه شكل خشمي ماادري ليش...
اقوولج رايح ع صوووب اليمين معقوول وارم من الجهه!!
والفتحات كل وحده غير عن الثاانيه .....؟؟؟

 

[miss t]

اييي حبيبتي انا نفس الشي بس من وقت ماشلت الجبس الثاني وشفته غير دقيت ع الدكتور

وقالي عادي صوب وارم وصوب فاش وعليج بالمساج

والفتحات لا خف شوي الورم اختاري الي عاجبتج وسوي للثانيه مساج كأنج تشكلينها على الشكل الي تبينه

والحين اشوفهم تساوو تقريبا

 

[Alcaponiah]

الحمدالله على سلامتج حبيبتي

 

[miss t]

يسلمج ربي فديتج مشكورة ^_^

 

[صاحبـ السمو ـة]

ريحتيني الله يريح قلبج
تصدقين الدكتور ماقالي نفس مساجج !!
قالي بس من فوق الارنبه لاااتجيسينه كللش
معنهاا هي اللي راايحه ع صوب لووووول

 

[miss t]

يريحج ربي دنيا واخره قوولي امين ^_^ صاحبة السمو

انا الارنبه امشي عليها مساج بس مو كلش لانها حيييل متورمه وتعور كانت فكنت جني اطبطب بالبدايه

حتى على العظم هم خفيف ولو تلاحظين دوم اوصي البنات يسوون المساج مال استهبال يعني عباااره مساج

كانه نووز بيبي تووه مولود شلون حيييل نخااف نضغط عليه وجذيه هذا كان مساجي
يوم خف الورم وصرت ازيد الشيله <<< توريكم توها مسويه الغدااا خخخخخخخخ

المهم اني شوي شوي اشد بالمساج للدرجه الي مااحسها تألمني ولا احس ممكن اجيب العظم على صوب بدون مااحس

وانا الحين صوب اليمين يتراوالي خف كلللش واليسار بعد يبيله والارنبه متوورمه

فتخيلي معاااي بداعة المنظر <<< صاااير عوووي

اهئ اهئ ولا ابي اطلع للبنات طفشششت وماني قادره والاسبوع الجاي دوامي شكلي بداوم بلزقه لاحد يدقق واحط الحره فيه