السلام عليكم
حياكم تفضلوا
طبعا وايد منكم حبوبااات عارفين اني متابعه وبقوه لهالقسم بالفتره الي طافت
واني كنت متحيره بين اكثر من دكتور لتجميل نووزي دكتور منذر
ورحت لإيران عأساس بسويها عند لطفي زاده وعجبني شغله على البنات بالمنتدى وهم بور صادق
بس رحت هناك وسبحان الله ماارتحت
وقررت ارد ديرتي الغاليه وافكر من جديد
ورسيت على دكتور منذر العجمي بالكويت وقريت عنه تجارب كثير والي ريحني اكثر انه تخصص انف واذن وحنجره مو بس تجميل
وفعلا كلمتهم وحجزت موعدي من شهر على يوم الاحد الي طاف استشاره
وخبرتهم انا بجي من السعوديه ولا عندي مجال الا اسبوع وابي خلالها اذا ارتحت والله سهل اسوي العمليه بنفس الاسبوع
وامس كانت عمليتي الساعه 12 دخلت المستشفى ( مستشفى الهادي )
ووقت العمليه الساعه 2 وكنت محرصه على الدكتور ما يتأخر لاني على اعصابي وامي فديتها من اول ماطبينا الكويت
وويها اصفر فديتها
لدرجه بموعد الاستشاره تقوله مايصير تسويها باجر عشان نرتاح ههههه بعد عمري اهي
بالنسبه للعمليه بحد ذاتها ولله الحمد والشكر ماتعبت وايد ولا اكو ألم اللهم اني مااقدر اتنفس من نوزي بس من فمي والجفاف متعبني
وبالنسبه للدكتور ثقته بشغله ريحتني اكثر من الراحه الي كنت فيها حسيته حيل فاهم وعارف شنو بيسوي
وقالي عندج انحراف بالحاجز وبعدله لج بنفس الوقت
وبالنسبه للمستشفى هم كان اهتمامهم حلو كل الطاقم الي مريت عليه ولله الحمد خففوا عني الخوف الي كنت عايشته وانا نازله لغرفة العمليات
طبعا الدكتور قالي انتي مخيره بين 3 مستشفيات ( الهادي - الشفا - السلام )
وقالي بالمضمون كلهم نفس المستوى ومااخترتهم الا لانهم نفس الكفاءه واطباء التخدير انا متنقيهم بعنايه
اللهم الفرق بالاسعار يعني الهادي انسب سعر وغرفهم صغيرونه وانا اشفها زينه لاني رايحه لشغله واطلع
والسلام غرف فندقيه وشغل فخامه ومص دم لووول
والشفا بالنص بينهم
بالنسبه للتكاليف
الدكتور منذر 25 دينار استشاره وفتح الملف
و800 دينار للعمليه
وطلب مني اصور وكانت بالعياده وحده يتعاملون معاها فريحتني عن الحوسه وكانت بسعر 20 دينار
وتحاليل الدم هم سويتها بهيلث كير وخذوا 33 دينار
المستشفى خذوا مني 300 دينار عند الدخول
بس بعدين ردوا لي منهم 62 دينار ومن ضمن المبلغ الي خذوه للادويه الي هي مضاد حيوي
ومسكن بنادول وبخاخ معقم
واحب اشكر كل من وقف معاي
والخوات الي فادوني بتاجربهم وردوا على كل استفساراتي
وخيتوو وحبووو العضوة a3andho0om دوختها وانا اسئلها عن الاماكن وتوصفلي فديتااا
ومن دعتلي بحضوري او بظهر الغيب
وان شاء الله الصور بوافيكم فيها اول بأول بس بعد اسبوع ونص لا شلت الجبيره
:balo:
