تجربتي مع تحويــل المعدة ..

[el.hwawi]

يا زينكم يا اهل الامارات فديتج يالغاليه ويارب الله يعطيج الي في بالج يازين سوالفج تشوقين وماشاء الله عليج الله يتمم عليج يارب ويخلي الخطاب ينقطون عليج من كل مكان كملي ولاتروحين هالتعب الاكل مايسوى اهوا صج نعمه بس باعتدال والله يعطينا ويرزقنا القوام الرشيق

هيه والله في هذا صدقتي ما با يروح تعبي كله عالفاضي ومشكووووورة يعلني أفدااااج وما قصرتي الغالية
:68_asmilies-com:

 

[el.hwawi]

يا زين اهل الامارات والله يا حلوكم ويا حلو سوالفكم
يا عمري الله يهنيج بالنزول وانشالله يروح منج الترهل
والله يديم عليج الصحه والعافيه



يارب اشووف ال 70 قرررررررررررريب

آمين ان شاء الله ... وتوصلين للي تبيه الغالية ..

تسلمين وما تقصرين ويزاج الله خير وينوّلج اللي في بالج

 

[احب الخير]

يالغاالية كمــــــــــــــــــــــــــــــلي الموضوع نبي انعرف اشصار وياج شوقتينا

 

[سارة_kw]

ما شاء الله

الله يتمم عليج ويوفقج

والفال لنا نضعف 15 كيلو بس

 

[el.hwawi]

مرحبا ملايين ولا يسدن فذمتيه وان سدن قلنا لا باس زيدوهن ..

اتأخرت عليكم صح ؟ ماعلينا .. انكمل .. انا كنت وايد أشل فخاطري من كذا ناس يعجون رمسه علية وخصوصا يعجونها بليا تثمين .. وأنسى .. بس من بديت أضعف .. حسيت إني أوّجه صفعه لكل واحد أذاني أو عج رمسة علية .. قمت أتذكر السوالف اللي تستويلي وأحينه شخصيتي بعد الضعف قامت تقو .. وهذا اللي انا أشوفه .. ولساني قام يطول .. تقدرون تقولون آخذ حقي ب ايدي لأني قبل كله أصيح أنسّب وأصيح ما اعرف أرد ولا أقول لا ..

مرة من المرات رحت مع يدوتي عند أهلنا في البر بداو (بدو ) انا الصاحة احبهم واحب عيشتهم حتى العيايز اتوافق وياهن أكثر عن البنات .. ومر صوبي ولد خال أبويه بيسلم على يدوتي .. فقال كلام عمري ما نسيته .. قال ماشاء الله الهواوية ما اتغيرتي بعدج دبة شرات قبل ؟ مسكوها مسكوها عن تخلص مونة البيت .. وياريتني كنت يالسة روحي .. أمة لا إله الا الله كلهم موجودين .. (اعنبوك مب كلمة فريتها واتحراني بنساها .. صدقوني لين يومكم ما نسيتها ..) وان شاء الله فعيد الأضحى بسير لهم وبخبركم شو بيستوي ..

المهم انا احس اني يوم أجابل الناس بعد ما طاحن ال 30 كيلو .. اني ارفع خشمي (الغرور ) صدقوني اقولها وانا مستانسة ومتضايجه فنفس الوقت ..يمكن الغرور اللي ياني عشان محد يقدر يقص علية او حتى يتقرب مني ..وأكبر مثال اني ما أريد أتزوج حاليا .. انا قبل كنت متلهفة للعرس أحينه أحضره نعم لكن أعرس لا ..واتعرفون شي .. انا يوم متينة محد كان يعبرني او يسوي لي سالفه ولا كأني موجودة ..حتى اهلي ما ياخذون قراراتي فعين الاعتبار .. أحينه يترجوني رجا اني اتوظف .. (وكان هذا قبل العملية من سابع المستحيلات عند أبويه ..) اما الحينه يباني اشتغل اليوم قبل باجر ..

بخبركم فأول شهر شو استوا فية : الصراحة بغيت أموووت طلعت من المستشفى لأني كرهته .. كملت يومين بس .. أول شي كنت أهاذي بالدكتور أكثر عن أهلي .. ومانعين عني الماي أو أي شي ومانعيني من اني اتحرك .. كنت حزتها أحس ظهري بينكسر لأني ممنوعه من الحركة .. ومن ناحية الأدوية المسكنة ما يعطوني وايد .. بس كنت محتاجتنها وايد .. كله من الدكتور دعيت عليه دعا ..

اليوم الثاني قاموا السيسترات يمشوني بس لازم ويايه حمولة تلوّع بالجبد .. شي مثل القمع مادري كوب مبند ولافين حبل وهذا القمع داخله الدم الفاسد مال العملية .. ويربطونه على ايدي هذا على يميني وعلى يساري مال البول عزكم الله .. بس والله أمشي خطوتين وأتعب .. لا وأبشركم خخخخخخ كنت أمشي حدباء خايفه طول الوقت جرح العملية يتبطل .. ومن طلعاني الدكتور من المستشفى كتب لي على دوا انا قلت هالدكتور ينشد به الظهر يوم شفت الدوا قلت أسميك انك اخرطي .. بالله عليكم حد يعطي مريض أدول؟ مال يهال .. أسمين اتحرطمت عليه حتى اني سميته دكتور فاشل .....<<.....خخخخ الاعتراف بالحق فضيلة .. ومن وصلت البيت وانا ما اعرف لا اكل ولا انام.. اول شي سالفة الأكل .. شوربة مطحونة تقولين جنج تأكلين ياهل مافيه ضروس .. ولازم أشرب غرشتين ماي من الكبار .. واااااااااااااااااااااايد وانا من هالناحية جذابة والله ما اروم أشرب ماي وايد مب متعوّدة ياناس وما أقدر أجبر على عمري .. وبعد كانت تأكلني أميه داناو بالكاكاو او الفانيليا عشان الهبوط اللي يجيسني .. بس يا عربنا انا كنت نملة مطابخ .. من أشوف حلاوة ولا كاكاو أتخبل .. اما فهذيجي الفترة كانت عندي حالة تشبع .. اما في الليل ما اييني رقاد لأنه الحمى تكون هالكتني تكون داخلية وخارجية .. اتعرفون اني انش نص الليل وأسير حجرة اخواني وخواتي وهم رقود أجرب الرقدة (النوم ) كل 10 دقايق اجرب حجرة لين وصلت حجرة اخويه والله اني حوّشته (رغته ) من الحجرة وهو يتوّعد لي .. ونمت نوم ..

وبعد أسبوع قمت أصيح حالتي النفسية قامت تسوء لأنه كله على الشوربة بس .. قاللي الدكتور ما بتقدرين تاكلين وحلف ألف يمين وانا ما صدقته .. الا تحديته .. جان أسير وأحط خاشوقة (قفشة على قولكم هههه قمت أتعلم ) عيش وآكلها .. اتخيلوا اني ما قدر أبلعها سيده عالحمام عزكم الله وأرجع كل اللي في بطني .. معدتي ما استحملته ..

والأهم خخخخخ تعبت من الكتابة أسميني كتبت قصة حياتي .. من أحصل فرصة بكمل .. بس قلت الا اراويكم اثبات شوفوا وقولوا لي رايكم

http://www.up-00.com/bzfiles/lTs24759.jpg

http://www.up-00.com/bzfiles/ZQZ24759.jpg

http://www.up-00.com/bzfiles/ZKe24759.jpg

http://www.up-00.com/bzfiles/AxR24759.jpg


سوري بالمجلووب خخخخخخخخخخخخ :dddds:

 

[جرح الليالي]

الله يتمم عليج حبيبتي

 

[mariam k]

حبيبتى نقذينى يعنى اسويها العمليه هى نفسها تغير مسار المعده امانه تردين على لان خرعونى الى يقولى الموت البطئ ولى يقولى تلبسين حفاظ بالمستقبل نقذينى حبيبتى ومشكوره وايد على موضوعج

 

[ام سلطانوه]

:tek:مشكروة ومنها للاعلى ان شالله وماقصرتي على الاصور بصراحة شجعتيني على العملية بسرعه بس انا خايفة من بعدين خاف اتحسف وانت تعرفين ان هذة العملية مامنها رجعة بس ياربي مليت من الرجيم وسوالفة يارب يوفقنا فى الاختيار هذا لانى صج تعبت ومليت من السمنةوانا بروحى نفسية وانت ما قصرتى بشرتينى على النفسية بعد العملية بس ابى اعرف شكثر على الشوربة يعنى شهر او شهرين وبعدين فى عوار بعد العملية بعد اسبوع تدرين شنو المشكلة مالتى اني مسوية حلقة معده يعنى لازم يشيل الحلقة وبعدين يسويلي التحويل واااااي وايد خايفة عفية طمنينى

 

[ام سلطانوه]

مريومة والله ماندرى شنو نسوي بعمرنا علشان نضعف

 

[mariam k]

الله يعينا مانى طايقه نفسى

 

[ام سلطانوه]

بس مو لهذة الدرجة انج تحطين حفاظة بالمستقبل لانى عارفة ناس مسوينها صارلهم 4 سنين بالعكس مستانسين

 

[mariam k]

والله قالتلى بنت عمى تعرف دكتور من الاهل قالها الدكاتره يبون فلوس ما يقولولكم اعراضها بالمستقبل انا سويت دخول المستشفى وطلعت لم قالتلى وايد خايفه وابى اسويها كنت عند الجارالله

 

[ام سلطانوه]

بالعكس انا بسويها احين عند محمد العجمى الي بالمستشفى العسكرى اكيد تعرفينه لانة معروف خو هذا ماياخذ فلوس بس اظاهر اهلج خايفين عليج علشلن جذي يخرعونجلانة فيها تعب نفسي بس الدكتور جار الله محد يمدحة بالعملية هذة بالذات ما ادرى ليش

 

[mariam k]

:0bee2e8d89:انتى سألتى عن العمليه شنو قالج ومحمد العجمى عنده عياده خاصه غير العسكرى

 

[@ دهن العود @]

ام سلطانوه ابشرج العسكرى صار بفلوس ب 850 دينار ثمن الادوات

انا مسجله دور عندهم

اليوم كلمونى قالوا يالله باجر عمليتج شنو بغيت اموووووووووووت جاتنى نفظه مو طبيعيه واخر شى طلعوا غلطانين بالاسم هههههههه

عيل وقت الصجيه شنو بسوى الله يستر

 

[ام سلطانوه]

اي سالت عن العملية اكيد ورحت عند الدكتور نفسه محمد العجمى بالعسكرى وطمني بالعكس ماتوقعتة بهذا اللطف مو بالعيادة مالته لانة الصراحة ماعندى فلوس كافية للعملية

 

[mariam k]

وعليه والله خرعه اقول ومتى ياج الموعد بعد جم شهر انا بسويها عند الجارالله 3600 تتخيلين السعر

 

[ام سلطانوه]

يحلو هالبشارة عيل ماكوا غير شبكت عرسي ابيعها فى سبيل الضعف والله الكريم شسوي بالله عليكم والله هذا ظلم عاد شبكتى عزيزة على يالله فى سبيل الضعف كل شي يهون

 

[ام سلطانوه]

لا حرام عليج مريومة وايد انا سالت عند الدكتور السميط 2400 ليش هذا وايد

 

[mariam k]

يعنى هل الدكتور السميط زين يمدحونه وقوليلى واين عيادته ورقم التلفون اذا ماعليج كلافه وبعرف جم الوزن الى يسون له العمليه لان انا 78