تجربتي مع الخلطة الصابونية ,,خلطة مزيونة وشقرة العجيبة....

[%%%%%]

ماهي مكونات الخلطه الصابونيه

 

[شوداتي]

اي فعلا اتيين خلطه مزيوووونه

 

[كلي لك ~]

عليج بالعافيه حبوبه

 

[%عسولة الحلوة%]

رفعع رفع

 

[بقاياالليل]

الشي الوحيد الي مستحيل استغني عنه وبدونها ماادخل الحمام

 

[fayortii]

رد : تجربتي مع الخلطة الصابونية ,,خلطة مزيونة وشقرة العجيبة....

انا عندي سؤال اتمنى انكم تجاوبوني
مايضر اذا خلطتها بالجدر وطبختها ولا عادي؟؟!!

 

[الـــغـــلآ]

رد : تجربتي مع الخلطة الصابونية ,,خلطة مزيونة وشقرة العجيبة....

انا عندي سؤال اتمنى انكم تجاوبوني
مايضر اذا خلطتها بالجدر وطبختها ولا عادي؟؟!!

اي يآ قلبي أصلآ هي طريقتهآ تحطينهآ ع النآر بجدر بس بترتيب معين


دخلي ملف مزيونه و شقرآ و لآ اكتبي بقوقل و تعرفين طريقتهآ بالضبط

 

[الـــغـــلآ]

رد : تجربتي مع الخلطة الصابونية ,,خلطة مزيونة وشقرة العجيبة....

و هذهـ لعنوونج و عنون اللي مآ يعروفن مكونآتهآ

لأنهآ صج صج رووعه و هذآ كلآم مزيونه و شقرهـ بالضبط




بسم الله الرحمن الرحيم


السيدات المحترمات // عضوات ومشرفات ومديرات منتديات كويتيات

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

تحية طيبه وبعد,,,



شخباركم كويتيات

وخليجيات

وعربيات

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله



دعوآآتج

 

[fayortii]

رد : تجربتي مع الخلطة الصابونية ,,خلطة مزيونة وشقرة العجيبة....

مشكوووورة يا قلبي ويعطييج الف عاافيه

 

[لعبة ايام]

رد : تجربتي مع الخلطة الصابونية ,,خلطة مزيونة وشقرة العجيبة....

الف عليكي بعافية

تتنهي فيه عيوني ممكن ترسلي مكونات الخلطة (= ازا مافي عليكي كلفة (= ومشكورة مقدما

 

[كيكه توفي]

خذيتها من الحواي وخلصت عجيبه احطها وافرك بالليفه المغربيه

 

[كويتيه احب الكشخه]

اي صاجه روعه انا ما احس بالنظافه الا يوم اتسبح فيها تهبل
مشكووره مزيوونه

 

[اعشق عنادي]

مرحبااا كويتيات

انا ضيفة جديدة من السعودية

واعجبتني خلطة مزيونة اللة يعطيها العافية
بس حبيت اسالكم عن الخلطة كم استمر عليها ؟

 

[نــوره]

اي والله هالخلطه رووووووووووعه رووووووووووعه رووووووووووووعه بمعنى الكلمة وعن تجربه والله انه جسمي تفتح وتوحد ..

والله يجزاها كل خيير ويعطيها على قد نيتها يااااااارب ..

 

[نــوره]

اعجبني عنادي ..

حبيبتي كل ماتتسبحين حطيها كصابون واذا بتستخدمين معاها صوابين 2 كيفج ولما تخلصيت رطبي جسمج وخلاااص

 

[ماعرفتك زين!!]

رد : تجربتي مع الخلطة الصابونية ,,خلطة مزيونة وشقرة العجيبة....

خوش خلطه بسويها واجربها
الله يعطيج العافيه شقره اشهر من نار ع علم والله

 

[غرام الأنصاري]

رد : تجربتي مع الخلطة الصابونية ,,خلطة مزيونة وشقرة العجيبة....

جربتها حلوة تعطي نعومة وصفاااء مع الوقت تحسين البشرة توحد لونها وصارت افتح يعطيج العافية والله يوفقج واذا خلصت بطلب وحدة ثانية :eh_s(17):

 

[om fajr]

ابقول لكم تجربتي لكن والله يشهد على مو قصدي احطمكم او اسيئ للأخت الغالية صاحبة الخلطة

لكن هذي تجربة شخصية خاصة فيني يمكن حظي

انا جربت الخلطة وحيييل اعجبتني لكن للأسف زاااد شعر الجسم معاي والله زااد ... وضاق صدري ووقفتها

ودي نفكر مع بعض عن السبب حتى استبعده من الخلطة واسويها من جديد

ساعدوني والله محتاجه حل

الأخت أمل جديد ممكن السبب شيء واحد
هوه انه فتحت بشرتك و بين معاكي الشعر :d <<<<<<<<< اخترااع خطيييييييييير


و اذا نفس المقادير ماعتقد يكون فيها مكونات تزيد الشعر

هذا و الله اعلم

 

[om fajr]

الاخت عسوله الحلوه
توسطي لي عند مزيونه

<< الله يستر منها

يصير اسوي و ابيع الخلطه
انا من السعوديه و عملت الخلطه و حسيت بفرق لمن استخدمتها
و حابه افيد اللي حولي بس تفكيري تجاري

 

[om fajr]

الاخت عسوله الحلوه
توسطي لي عند مزيونه

<< الله يستر منها

يصير اسوي و ابيع الخلطه
انا من السعوديه و عملت الخلطه و حسيت بفرق لمن استخدمتها
و حابه افيد اللي حولي بس تفكيري تجاري