تجربتي مع الخادمة النيبالية ..... .

[زهرااا]

صح لسانج

 

[دلـــــ ابوها ــــــع]

عسى الله يكثر من امثالج

ويخليلج عيالج

 

[سوق الجمعة]

صاجة ارحميها ترحم عيالج.......وانا نيبالية والحمدلله اشوفهم اقل خدم مشاكل مع انها غبية بس شنسوي غباء ولا غيره

 

[أم عبوودي11]

واللله الخدم حظوظ لاتقولون علمنا ونسوينا محد يدلل خدم مثلي حتي ذهب شريت ودلال لاتشوفونه بالاخير طلعت تطق الولد عمره 6 شهور وها ماتفوت فرض ولاصيام وطلعت مسويه لي سحر علشان ماحمل بعد فانتي وحظج والله يحفظنا ويحفظ عيالنا تخيلوا انا غرفه وصاله وغرفتها وعند حموله يبت ثانيه تساعدها هم يقولون شغل وايد على شنو؟؟؟؟ فالحل لاتدللين وايد ولاتشدين وايد وخربوهم علينا والله محد مثل معاملتنا وعلى فكره من كثر دلالنا لهم خربناهم وعذرهم المسترجعات ماما مافي اكل خل يولون ماعندهم غير هالعذر خل يولون مافي بيت بالكويت مافيه اكل قطاوة الفريج انتفخو من الزباله عزكم اللله

 

[برونزية رشيقة]

رفع لعيوووون العضوة الحلوة أحلا من الحور

 

[ابلة رسم كتكوته]

هذا المفروض اللي يصير مع اي خدامه
ان شالله تكون يايه من الفضاء
كلنا بشر وسواسيه عند الله
انا خدامتي فلبينيه نفس الشي اسوي لها واتنقص لها
نفسهم تشتهي
حتى لما توفى اخوي الله يرحمه ماتت من البجي ومسكت اليهال يومين بالبيت بروحها لانه نفسيتي تعبت وكنت قاعده عند اهلي
وكنا لاهين بالعزا
وصار لها 6 سنوات عندي
بس الحين بتروح عشان تتزوج الله يسهل عليها والله يسخر الخدامه اليديده

 

[انصاريه قمره]

والله انج اذهبه واصيله يا ليت يتعلمون منج
والله يكسرون خاطري هالشغلات
انا ودي اييب شغاله لكن اخاف بصراحه لانه ريلي عصبي واخاف يمد ايده عالمراا وبصراحه انا وحده ما ارضااها انا قبل ابيت اهلي امي تزف الخدم اتنرفز بصراحه هم اهم بشر والله انا اعرف ناس اييولهم شغلات ذهب والله ذهب محترمه وتعرف كلللللل شيييييييييي حلويات سلطات كلل شي وما ترفع عينها وهاديه والله لي عصبوا على عيالهم حطوا حرتهم بالشغاله وامسحواا خشتها بالقااااع حسبي الله عالظالم

 

[تيوليب]

الله يسخرها لج ياااااااااااارب صح كلامج في بعض الناس الله يهداهم يطقون خدمهم ... اذا الخدامه موعاجبتج رجعيها المكتب الله لايهينج وووبس ..

 

[قلبي ابيض]

ما شا الله وجزاج الله خير وكثر الله من امثالج

 

[الحالمه]

صاااجه ياحياتي بكل كلمه ماشاء اللله عليج
وانا مثلج جربت كذا خداامه ومارتحت الا لنيباليات عامليهم زين يحطوونج فووق راسهم
اول وحده قعدة عندي 3 سنوات وهذي الثانيه عندي صار لها 7 شهوور وشايله البيت شيل
وانا ما أقصر معاها لا بأكل أو شرب أو طلعات حتى التلفوون مرتين بالشهر تكلم والتحويل واللبس علي

ياعمري ذوول ماسكين عيالنا وبيوتنا لازم نترس عيونهم ونحترمهم ونعاملهم بالحسنى

 

[حاتمه الطائيه]

جربت النيباليه وندمت جتني بعد انتضار طويل فرحت بيها وخاب ضني اولا عنيده لدرجة عدم نقبلها اي شئ ماتحب الاستحمام ابد غير مطيعه تقراطلاسم اجدها دايم باخر اليل عند الفرن تتعبد تدخل الحمام بالساعات بدون صوت خصوصا اثناءخروجنا من المنزل اي شئ يقع بيدها تخربه حتى السجاد الملابس التحف كسرتها بذكاءاي شي طالته يدها عدمته تستعبط علينا ونحن نشري لها كل شى وتاكل احسن اكل والثلاجات ماعليها قفل وتنام ثمانيه ليلا وتقوم براحتها وتطبخ لها براحتها تاكل تغسل قدرها م تستاذن كانها فندق خمس نجوم وان كلمتها تنظف اوناقشتها قامت تهاوشني وتصرخ وتضرب عن العمل الي مهو يازينه ال وطبعا زود على شين اخلاقها جوالي ازعاج من رجال بنغاليين ىطلبونها باالاسم لي يقول اخوها والي يقول صديق والحاجه للخدم ام الاختراع المهم صبرت لعل يصلح حالها وحرتني قروشي الي خسرت وماقدرت اتحمل قذارتها وخياسها وطلاسمها وطول لسا نها صرت احس اني شريت حيه رقطاءخبيثه حطيتها ببيتي لاتؤتمن ابدا عليهم خفت منها ودعيت ربي ان يلجم لسانها ويجعل كيدها بكبدها ويخرجها من بيتي بسلام بعد معاناة ستة شهور فقط مع الخدامه النيباليه وحلفت معاد افكر حتى مجرد تفكير باالنيباليات هذه تجربتي مع افعى نيباليه يااخوات الله يكفينا ويكفيكم شر الاشرار والكائدين واتباع الشياطين ويجعل كيدهم بنحورهم امين

 

[حاتمه الطائيه]

شنوا احسن من الاتيريه لها عندي تسعه شهور شايله بيتي تحب اليهال نظيفه مرتبه

 

[حاتمه الطائيه]

انا لا اشكي واناجي وابتهل براحه نفسي الا لخالقي الذي اعطاني واكرمني جلت قدرته

 

[حاتمه الطائيه]

من تجاربي بحياتي ترك مالا يعنيني عدم التدخل بشؤون الغير حب الناس اعاملهم بقلب رحم اكون اختا لكل من حولي قلبا يسع امالهم والامهم صحبة طيبه بكذا تهدا النفس وترتاح جمعني وياكم بجنان الخلد

 

[حور بنت علي]

والله أنا يبت نيباليه وعندي اندونيسيه يعني ثنتين بالبيت وكانت تدق على اهلها من البيت لأن عندي دولي وبعد شهر ولا حاطه علينا فوق 50 وشفت عندها موبايل تقول أكلم زوجي ولمن خيته منها وتقريبا 7 او8 وكلهم رياييل وديتها المكتب وطلبت نيباليه ثانيه وويع وويع وويع تكرمون تروح الحمام وما تغسل ملينا واحنا نقول ما تبي ويع ريحتها خايسه واذا قلنا لها روحي تسبحي تنحاش فوق

 

[غلااى]

مرحبا ترا لبوذيه حرام واسئلي اي شيخ وراح يقول حرام لانها تعتبررجال مايصير تكشفين عليها

 

[خيشة شكر@]

والله ما ادري اذا البوذيه حراااااااااااااام تنكشفين جدامها والله ثم والله ثم والله ان خدامتي سيلانيه لها عندي 7 سنوات وقبلي امي كانت عندها 3ونص سنوات يعني لاحقه غلي قبل لا اتزوج والله ثم والله ثم والله العظيم اني ماشفت نفس امانتها للبيت ولليهال وماتحب الكلام ولا القرقره

 

[كسرة عود]

اوكي

بس ماارتاح وهي بوذية

 

[حور بنت علي]

على فكره الخدم انتي وحظك لو شنو كانت في الزين وفي الشين

 

[PuPa^^SWeeT]

ليش شكو جنها ريال البوذية

عاد لاتييبون شي طلعه شيخ و قاله


قلتو خلاص

اعرف ناس كانو يقولوون نفس الكلام اخر شي ولا اببيتهم نيباليتين مو وحدة


حتى السيلانية و الهندية اتقولج انا مسيحية وتطلع قبل لاتسافر اتقولج انا بوذية ولا هندوسية ولا ولا ولا

هذيل يعترفون مايقصون علييج

وبعديين اهيي مرة حالها من حالي بس انا زايدة عليها بديني شلون اتصير حالها حال الريال ؟؟؟