تجربتي مع التلبينه .. وارجوا الاستفاده

[leza_q8]

السلام عليكم ورحمة الله وبركاته ...

بنات ابي اكتب تجربتي مع الحمال وا شاء الله تستفيدون منها

ويارب ويارزق ياواهب يار ارحم الرحمين ترزق كل محروم بالذرية الصالحه وتسعد جميع المسلمين .. آمين

بنات اول راح اعرفكم بنفسي
leza_q8 العمر 30
متزوج وعنيد 2 بنت وولد الله يخليهم

بنات تجربتي اهي ان من بعد ماكمل ولدي 6شهور وانا احاول احمل واعالج لاكن الله ما كتب ظليت مده طويله اخذ منشطات وابر وابرتفجيريه بس ما جاب فايده
بعدها وقفت اعلاج مدة 4 اشهور لاني تعبت ورجعت للعلاج مره اخرى حملت مرتين بعد الكلوميد والتفجير لكن سبحان الله مالهم رزق بالدنيا واجهضت ومن بعدها تعبت نفسيا وقررت اوقف العالاج مره ثااانيه

وكنت حزينه والحمد الله على كل حال فقريت عن التلبينه

وبصراحه كنت محتاجه لها وايد لتخفف حزني وكآبتي وقررت اخذها مو لسبب الحمال لا بس الانها مفيده نفسيا للحزن وغيره

وفعلان يابنات بديت ااخذها واشربها كل يوم على ريج وطبعا العسل كنت استخدم العسل المخلوط مع غذاء الملكات
كنت اشرب من كوب الي كوبين باليوم بس الاهم كنت اشربها على الريج كوب يوميا

وكنت اشرب وايد عصير اناناس 3 او2 باليوم kdd

وسبحان الله كنت اشرب الاناناس لاني ابي اضعف والتلبينه لاني ابي شي يخفف حزني

وسبحان الله المفاجأه يابنات تاخرت علي الدوره احلل حامل والحمد الله

رحت للدكتور يكشف علي يقولي كان تبيضج عالي " وانا الي كان التبييضي معدوم عندي وبالابر يالله يكبرون " سبحان الله
وتم الحمل باذن رب العالمين

تخيلوا بنات بعد 3 اسنين اعلاج ولويه وابر وتفجير ونفخ كل هذا ما فاد

وسبحان الله بمشيأت الرحمن و التلبينه وصفة وعلاج رسولنا الكريم عليه الصلاة والسلام حملت دون عذاب ولا تعب الدويه ولا غيرها

والاهم من هذا ان طول الشهر الي فات وانا كانت نفسيتي مرتاحه وفرش سبحان الله اضني فعلان من التلبيننه

فحبيت يا بنات تدعولي بان الله يسهل حملي ويثبته وان شاء الله تكونون استفتوا من تجربتي وانشوف جميع الخوات حمل بالذريه الصالحه الخيره

 

[شاي اخضر]

ماشاء الله تبارك الرحمن الله يثبت حملج ان شاء الله ويقر عينج بشوفة ضناج سليم معافى اللهم آمين ..وجزاج الله خير حبيبتي

 

[bnt_kwt]

ماشاء الله لا اله الا الله تبارك الرحمن

الله يتمم عليج يااااااااااااارب الله يتمم عليج ويثبت حملج يا ليزا

وتشوفين مولودج باحسن صحه وحال

سبحان الله


ليزا من وين اييبون التلبينه هذي ؟؟واشلون طريقتها علمينا يزاج الله خير

 

[-Bello-]

ماشاااااءلله ..الله يثبتلج حملج ويقر عينج بشوفة بيبيج ويخليلج عيالج اللهم امين ..مبروووك حبيبتي

 

[-Bello-]

حبيبتي بسالج ..اشلون طعمها ؟؟ ينبلع ولا لأ؟؟

 

[xxx]

مبروك الحمل

وعسى الله يتمم عليج ..

 

[الفنانه79]

عسى الله تمم عليج ويثبت حملج حبيبتي

بس من وين يبيعون التلبينه ياليت تقولين حق البنات علشان يستفيدون والله يرزقهم

 

[اسيرة زوجها]

مبرررررررررررررررروك ياعمري
وانشالله الله يتمم عليج بخير وتشوفين ولدج جدامج
بس من وين ايبها او شلون اسويها لان ودي اجربها بس للاسف معرف عنها اي شي ياليت تفيدينا

 

[leza_q8]

مشكورين بنات ماقصرتوا وان شاء الله الله يفرحنا فيكم عن قريب ويرزقكم بالذريه الصالحه

بنات بخصوص التلبينه هي عباره عن شعير مطحون

انا الوالد جاب لي شعير مطحون من المباركيه نص كيلوا وطحنته كله
وجبة هيل كثر اليد وطحنة بعد وخلطهم مع بعض وحطيتهم بعلبه
وطريقة طبخها

كلاس ماء صغير وفوق ملعقتين صغار من التلبينه المخلوطه بالهيل
وخليهم يغلي على النار وبعدها اخذ اكلاس حليب صغير وصب فوق الماء وهو يغلي وخليها تطبخ وتفول شوي وقصري عليها 3 او 5 دقايق واحط فيها زعفران شوي للريحه
وصفيها وحطها بكلاص واذوب فيه ملعقه او اكثر على حسب الرغبة عسل مخلوط بغذا الملكات واشربه عادي

الطعم حلو يصير جنه حليب امهيل وخنين حلو بصراحه حلو

ملاحظه :
انا اول مره سويتها ماحطيت فيها هيل ولا زعفران وكنت مشتطه وحطيت ملعقتين كبار تلبينه طلعت كلش مو حلوه بس لم سويتها بالطريقه السابقه طلعة وايد حلوه خنينه حليب امهيل ولا يبين طعم الشعير فيها

ولا بعد اعيالي كل صبح يشربون معاي اسوي لهم وشربهم قبل ما يرووحون المدارس

والحمد الله وبعد بنات كنت اشرب وايد عصير اناس 2ا3 علب باليوم وبنات لاحظة ان بالشهر هذا زاد التبيض عندي وتابعته بالشرطة التبيض

وانا بنات الي كان التبيض عندي معدوووم حتى الدكتور طفر مني بس الحمد الله

بنات من كثر ما طعمها حلو وعادي كنت اشرب ساعات كوبين باليوم حلبيب عادي
صبح وبليل

بنات جربوها ماراح تخسرون شي
1- مفيده للجسم والنفس بسبب فوائد الشعير سواء لكم او لعيالكم وفيها شعير وعسل يعني مفيده ان شاء الله
2- هذي وصفت الرسول واتباع سنته خير
3- اذا ما انفعت ما ضرت ان شاء الله
4 - طعمها حلو جنها حليب امهيل

يارب ترزق كل المحرومين وتكثر ذريتهم بالصالحين

 

[حـور]

مشكوورة حبيبتي على ذكر تجربتج..وعسى ربي يتمم عليج حملج ويرزقج لالذرية الصالحة الكاملة الخلق والخلقه يااارب ويهون عليج وعلي وعلى مؤمنه ولادتها..ويمسح الحزن من قلوبنا..

 

[$غــ(ز)ــل$]

مشكووره والله يجزاج خير

انزين تنفع حق الزوج ولالا؟

 

[اسيرة زوجها]

مشكوره ياعمري انج ذكرتيتيلي التفاصيل

 

[Swan]

الله يتمم عليج حملج ويرزقج بالولد الصالح

امي سوتها لي من قبل وريحتها تينن وطعمها زين لا باس بس عيبها ان الشعير ينرفز وايد قشور وحبوب فما قدرت اكلها عدل
اهي تطلع جذيه ؟ والا طريقه امي غلط

 

[leza_q8]

مشكورين بنات ما قصرتوا وان شاء الله الكل يستفيد

بخصوص بانها تنفع للرجال اذا تقصدين بخصوص الحمال بصراحه ما ادري الله يعلم بس انا اعتقد انها مفيده بشكل عام للجسم وصحيه سواء للحريم او الرياييل بشكل عام

اما بخصوص الاخت الي اسالت بان قشور الشعير مزعجتها حبيبتي طحنيها عدل بشكب بودر جدا ماراح تحسين في القشور ما تبين اساسا
وشكرا

 

[Swan]

عدل
مشكورة

 

[ABEER FLOWER]

مشكوووووووره على طرح تجربتج

: )

 

[ضحكتي ماركة ]

مشكوووورة ي الغلا.

وانا بعد سمعت عن فايدتها حيل

ي رب ترزقني الذريه الصالحه ي رب

 

[خاله كندا]

مشكوره وجزاك الله خير​

 

[عسل حدي]

اب اب ابز