خوش موضوع
الله يجعله بميزان حسناتج
الصدريات
صج مو كلها نوع واحد في انواع زينه مثل الي حاطتها من وراالنايلون او الي تصير خامتها فوطه متينه اما الخام مامنها فايدة وتتوصخ ويتغير لونها
اممم اسفنجه السباحه ودي استخدمها بس ولدي مايحب السدحه على ظهره
طاوله التغيير مهمه وايد لان صج يكسر الظهر التغيرر على السرير وانا لاحظت اسعارهم غاليه
انا استخدم الادرج العريضه وفوقها حاطه اسفنجه التغيير شوفي الصورة منزلتها بموضوعي بالتوقيع بترتيب البيت
و اذا رحت بيت اهلي عن الحوسه استخدم مكتبي اللي بداري سابقا مفضيته ومخصصته لتغيير حفاظ و المميات وعدتها
الكرسي مفيد اذا علمتي ولدج عليه من عقب الاربعين على طول عشان لايتعلم عالشيل والفرارة انا لاحظت ان بعد الاربعين ماينام نفس قبل فمومعقوله كله شيل فقمت شريت كرسي بس يكسر الظهر مع انه غالي من باباز اند ماماز لام من فوق فيه مسكه تشيلينه ويركب له مظله فيها ليتات وفيها اغاني
والاحسن تشترين ديرفه مثل ملوت سنتربوينت تهتز وتطلع اصوات واهم شي رفيعه الديرفه مومثل الكرسي بالارض يكسر الظهر
وحاطه واحد ببيت اهلي عشان موكله نشيله ونتوهق وقت الاكل او شرب الشاي
السدحه بالارض والالعاب حلوة بيستانس واذا بجا حقري شويه بيتعود عليها انا مااقدر اشيل ولدي وايد لان ظهري مايتحمل حتى الخدامه وابوه معلمتهم مايشيلونه الا اذا بيلعبونه بس موطول الوقت فرارة عشان ظهري
الجنطه البلاستيك شريتها وحاطتها بالكبت مالها استخدام
بس جني بحط فيها كريمات وبامبرز وانزلها ببيت خالتي لان خالتي وايد مرتبه وماتحب تشوف وايد اشياء وحرام كل يوم الخدامه تنزل اغراضه وتصعدهم من حليب وسيريلاك وصحون وقفاش وبامبرز وتوابع خل احلل فلوس الجنطه مشكورة ذكرتيني فيها
بس وايد قرقرت وتستاهلون يالبجريات نفيدكم