تجربتي مع ابرة الظهر .. الكل يدخل

[tmtmt]

جربتها مرتين ...

اول مره بالشفا
دشيت بشبه غيبوبه
لي الحين ما ادري شسبب يقولون ممكن الضغط نزل وصار جذي

ثاني مره بالسلام
الحمدالله تهبل ماحسيت بشي
ولا صار شي

 

[جوجوو نايس]

حمدالله ع سلاااامة..
مبرررروك على ماااياج..~

 

[H&M love]

انا ناوية اخذها ان شاء الله
الكل مادحلي اياها
و اهي ماتسبب الشلل
تسبب الم اذا ماعطاج اياها الدكتور عدل
و لازم تكونين مو متينه وايد
و الدكتور شاطر
و اذا حطها غلط ما تسبب شلل
بس ريل تخدر و ريل لأ

 

[امواج الكويت]

بنات اللي تقول تسبب شلل وصداع اقولها معلوماتج خاطئه

لان باوربا وامريكا لغوا الكمام نهائياً بس ابرة الظهر وطبعاً تعرفون اهتمامهم بالناس شلون صاير

 

[Melazlaza]

انامع تمتم وامواج الكويت

الحمدلله اخذتها ودعيت للي اخترعها
العلم تطور ورحمة من ربنا عطانا العقل الي الدكاترة يفكرون فيه ويهونون علينا الامنا

واعرف وااااايد خذوا الكمام ويقولون ست اشهر نحس ان مو طبيعين نسيان وتشتت بالانتباه وفقدان القدرة عالتركيز
تتفاوت الاثار حسب الشخص نفسه
اهم شي لا ناخذ حجي الناس لازم نرجع للطب وللتقارير والدراسات العالمية

 

[عيون مبارك]

ودي امسكه واحبه على راسه اللي اخترعها

 

[قمري]

فعلا انا جربتها سحر الصراحه والحين ناويه اخذها من باب الطوارىء

 

[-فلانة-]

ناوية عليها إنشالله،،
وموصية دكتورتي بعد سواء كانت ولادتي طبيعي أو قيصري بالحالتين أبي إبرة ظهر،،
عسى ربي يسهل علي و على كل الحوامل إنشالله و مشكورة حبيبتي على ذكر تجربتج..​

 

[شيوخ ــه]

انا بعد شفت مقطع دكتور


قالىانها نعمه من الله وان اللي ما تاخذها غبيه واتحدي اي واحد يجيبلي حاله جاها شلل او من هالخرابيط اللي قالوها



انا في ولادتي غبيه شفت الموت



لكن المره الجايه اذا الله كتب لي حمال ابره ظهر علي طوووول

 

[عنووشه]

انا ما ناسبتني سببت لي زلال بجسمي ارجووولي كله انتفخت حييييل وقعدت شهر ما اقدر امشي منهم

وثاني شي عوار الظهر اللي سببته لي سنتين من ولادتي ولين اليوم عواااار


فيه ناس تناسبهم وفيه لاااا

 

[ام اغلى الناس]

انا اخذتها برويال حياه ةالحمدلله ماحسيت بشي

 

[بدويه حنطاويه]

الله يجزاكم خير و يسلمكم حبيباتي ..

الدكتوره اللي نصحتني فيها بالحكومه يعني مدحها للابره ماينفعها بشي ولا يربحها شي ..

وانا الحمدلله ماحسيت بشي وكل شي اوكي بس للامانه لما كنت بالافاقه شافني الدكتور وفتح غرزه ورجع خيطها وهني حسيت بالالم ..

وبعد للامانه لما طلعت المن الافاقه الساعه 1 بالليل قعدت خمس الفجر واول ماقمت من السرير بلت على نفسي عزكم الله حاولت امسك ماقدرت واستمر معاي سلس البول 3 ايام ماكان في كنترول بالمره ومع كل يوم يمر يصير التحكم اقوى اسبوع وكل شي رجع طبيعي الحمدلله فما ادري هل هو من الابره ولا لا بس الدكتور قال لي ماله شغل هذا بسبب الولاده , هذا اللي اذكر خوفني بس اما ألم بالظهر وصداع والله ماحسيت فيه لله الحمد..

وابرة الظهر اذا تبينها يسوون لج تحليل دم اول ماتدخلين الولاده بعد ساعه يخلص اذا اوكي يعطونج الابره اذا النتيجه مو اوكي يقولون مايصير ..

واذا عالكمام حتى امي تقول بسبته صرت انسى وخالاتي بعد كلهم يذمونه ..

اي سؤال انا موجوده ..

واللي سألتني عن انها تعور لما يغزها بالظهر ..

اي حبيبتي تحسين بدخلت الابره عادي نفس اي ابره بالايد ولا ورا بس سهالات بس لازم ترخيين كتوفج وتصيرين ريلكس ولا تشديين

اسأل الله العظيم رب العرش العظيم انه يسهل ولاداتكم وصدقوني مانصحتكم فيها الا وهي مريحتني حيل مع اني بجر وكنت خايفه وسامعه تجارب امي وخالاتي وموسوسه وابي لك الراحه بعد لانكم بحسبت خواتي ..

 

[غند-777]

انا اول ولاده لي قيصريه بنج كامل وثاني ولاده هم قيصريه بس ابره ظهر والحين باذن الله ناويه اخذها احسن من البنج الكامل اقل شي اكون واعيه مو ماثر البنج علي

 

[travel_addicted]

استغرب من اللي يقولون تسبب شلل و هالسوالف و لو تسالينهم تعرفون احد انشل طبعا لا بس من حجي الناس
أنا حريتها في رويال حياة و الحمدالله كانت رحمة من رب العالمين وما حسيت أب ولا شي و ربي لك الحمد لا صداع و لا عوار بالظهر

 

[strawberry_q8]

مادري منو الي طلع اشاعه انها تسبب الشلل المفروض ماتكررون الحجي الي تسمعونه انا عن نفسي بجريه وشفت الموت ببداية الطلوق وطلبت الابره سبحان الله سحر راح الالم كله ولا حسيت الا بحزة الولاده وكانت عزكم الله جنه بروح الحمام وبس الحمدلله الي تطور العلم على حظنا ولاتقولون لي كمام اكبر خدعه هالكمام بس ايدوووخ والالم نفس مااهوا حبيت اشارك بتجربتي وللعلم فرريش توني والده ماشالله كانت سهالات من رب العالمين

 

[-_-Designer-_-]

مبروووك ما ياج حبيبتي و تتربى بعزكم .انا جربتها بس ما انفعتني و ما اعجبتني لما ركبوها حسيت بألم و بالغصب ركبت لاني كنت خايفه بعد و كانو ماسكيني سسترات و لما حطوها بظهري و خلصو بعدها بشوي حسيت بعوار مكانها و آخر شي صارت ولادتي قيصريه بس مو بأبره الظهر لا بنج عام , و بعدها عقب ما خلصت العمليه راسي صداااااااااااااااع مو طبيعي و الله لي درجه كنت ابجي و الصداع استمر اياام فتره الاربعين و بعدين الحمدالله راح مني . عموما في ناس تمدح و ناس تذم

 

[بدويه حنطاويه]

الله يسلمج حبيبتي ..

على قولتج ناس تنفع معاهم وناس لا ...

والصداع اتوقع من البنج العام اذكر ابوي كان مسوي عملية بواسير عزكم الله وكان بنج عام كان مصدع حيييل عقب العمليه قال له الدكتور عادي هذا من البنج ..

والله وأعلم ..

 

[so0os]

مبروك حبيبتي ماياج وحمدالله على سلامتج .. انا الي اعرفه وشفته باليوتيوب من دكاتره اجانب ان يعتمد على شطاره الدكتور الي يقز الابره اذا عطاج اياها بمكان غلط ترتفع او تقل نسبه الماي الي بالضهر واهو الي يسبب صداع والصداع مؤقت مو دايم .. وبالنسبه للي يحوشها شلل هذي حالات وااااااااايد نادره سعني بنسبه 1 او 2 ٪ الي يحوشهك لاسباب تكون منها بجسدها .. انا ان شاءالله ناويه اخذها بولادتي

 

[so0os]

الي تبي تعرف بالضبط شلون تنعطى تسوي بحث باليوتيوب تكتب
How an apidural is given during childbirth
اهبا الابره اسمها apidural

 

[أملي بعد الله]

الحمدلله على سلامتج حبيبتي ومبارك مايبتي , أنا ناوية عليها إن شا الله بولادتي

والله يسهل الأمور ويتممها على خير

ماقصرتي يزاج الله خير