تجربتي في علاج عصبية بنتي الكبيره و مشكلة ولدي في النطق

[YaraQ8]

السلام عليكم خواتي ... انا عضوه قديمه في المنتدى بس اول مره اشارك في هالقسم

الصراحه ما عرفت في اي قسم اكتب تجربتي

اللي خلاني ادخل و اكتب اهي شلون تغيروا عيالي 180 درجه اللهم لك الحمد قلت لازم افيد لو وحده بس مرت باللي انا مريت فيه اسوء شعور بالعالم و الحين فرج الهم اللهم لك الحمد و غير هذا انا واايد استفدت من المنتدي من جميع الاقسام و جميع مراحل حياتي قلت مثل ما انا استفدت منكم لازم افيدكم

ما اطول عليكم

انا تطلقت من ابو عيالي قبل 5 سنين و انا و عيالي الحمدالله في بيت اهلي مرتاحين و الامور طيبه و كانوا صغار ما حسوا

بنتي اكتشفنا انها بسرعه تعصب ... على اتفه شي تعصب الي اقصي درجه تخرع حتي لو كانت مستانسه تقلب بثواني

عيزنا نراعيها ماكو فايده .. ما فيها شي بالمدرسه من اروع ما يكون بس هالعصبيه و ضعفت

قعدت اسولف مع وحده معاي بالدوام و قالتلي ان في سنتر بالجابريه فيه اخصائيين من جميع التخصصات تغذيه علم نفس الخ و ان عندهم امريكيه دكتوره علم نفس اطفال و انها عالجت بنتها من الخوف من الحمام السباحه

على طول خذيت موعد و رحت وديت بنتي و كان معاي ولدي ... عالسريع قتلها عن بنتي قالتلي المره ابي اخذهم ثنينهم معاي بغرفه فيها العاب العب وياهم عشان البنت ما تحس ان فيها شي قلت اوكي خذتهم و انا قعدت انطرهم

الغرفه فيها العاب و باربيات و تركيب الخ
عقب 45 دقيقه طلعت المره بروحها خلتهم يلعبون داخل و خذتني مكتبها ... قالتلي بنتج نفسيتها تعبانه ديبرست علي قولتها.... في مشاكل بالبيت ؟ قتلها لا بس انا و ابوها منفصلين الخ قالت لازم نحسسها بقيمتها و نزيد ثقتها بنفسها و ان سوي سيرج بالنت من اعراض الاكتئاب بالاطفال انهم يعصبون بسرعه

و ان ولدج تري هم ما عنده ثقه بالنفس و هذا اللي مخليه ما يتكلم عدل .. انا حسبالي عادي ما رده بيتكلم عدل يوم من الايام لان ياهل بالروضه للحين

المهم وديت لها بنتي 3 مرات عقب و كل مره تدخلهم هل غرفه و تلعبهم و الله يا بنتي شكثر تغيرت قسما بالله الكل ملاحظ حتى ناس مو قراب منا

اللهم لك الحمد سبحان الله مو لازم الياهل يكون في شي جايد عشان نعالجه مرات اشياء ممكن تكون صغيره بنظرنا لكن تآثر بحياتهم وايد .... منو ما يبي عياله او حتي نفسه ان يعيش احلي عيشه فعلا علم النفس مو عيب ما فيها شي كلنا تيينا اوقات نكتئب و تضيق خلوقنا بس الحين نعرف شلون انتعامل مع هالشي بحيث ان ما يآثر علي باقي حياتنا

احلي شي بالسنتر ان بروفشنل و شغلهم جد اغلبهم امريكان و اجانب
حطيتلي انا بعد موعد عندهم بس عند اخصائية التغذيه جمانه العثمان شفتها ما شاالله بشرتها اتينن و شعرها كثيف و يلمع و صحي قلت ضروري احط موعد عندها .... ان شاءالله راح اكتب لكم تجربتي معاها عقب الموعد
اللي يبي اسم الستنر اسمه Kuwait Counseling Center
بالجابريه علي الدائري الرابع عمارة مزايا (كلوفر)

 

[الامـيـرهـ]

مشكووره على ذكر التجربه ������
وفعلا مرات نقول عادي اذا ماتكلم توه صغير
والعصبيه بروحها مشكله واشياء نكون غافلين عنها
الله يهدي عيالنا ويجعلهم من الذريه الصالحه ويبعد عنهم كل شر

 

[بشاير الميموني]

جزاج الله خير حبيبتي،،، والله يحفظ عيالج فعلا انا ولدي جدا عصبي واما جاله تاتاه بكلامه الله يعين ان شاء الله.

 

[برونزية رشيقة]

متابعة لج بصمت من زمان واحب مواضيعج

عندي كذا استفسار:

١- شنو الاستراتيجيات التي اتبعتها المعالجة مع بنتج وردت لها ثقتها بنفسها؟
٢- هل كان سبب حالة عيالج هو طلاقج من الابو وحسوا بهالشي وأثر عليهم؟
٣- شنو الأنظمة الغذائية إللي عطوج إياها المركز ؟ وياليت تنزلينهم بالمنتدى علشان الكل يستفيد ..

شاكرة لج ذكر تجربتج الجميلة وأسلوبج الممتع الهادف بذكر قصتج .

 

[YaraQ8]

الف شكر حبايبي على ردكم و الكلام الطيب��

اختي برونزيه رشيقه تسلمين بعد قلبي سامحيني عالاتاخير بالرد لهينا مع العطله

١. الاستراتيجيه كانت انها تلعب وياها بالغرفه بالباربيات و كذه لعيه مادري شنو بالضبط بس ان هذي طرقهم بالعلاج ،، لان جذي الطفل يسولف يتكلم .. و كانت تمدحها بطريقه واقعيه و قالتلي اسوي نفس الشي اني امدحها بشي فعلا فيها ما ابالغ بالمديح اني اقول انتي اذكى او احلى بنت في العالم الخ لا غلط ... ساعدت اخوها بشي؟ امدحها و اشكرها واني فخوره فيها .. تبذل جهادها بشي امدحها حتي لو ما سوت زين بامتحان مثلا اقولها ميخالف اهم شي انج بذلتي جهدج و درستي سويتي اللي عليج انا فخوره فيج .. انتي قدها ما شاءالله عليج الخ

٢. السبب هو ان عيالي ما يدرون ايهو بيتهم ايهو مكانهم اهمه شنو بالعايله .. تعودوا بالافلام و اصدقائهم بالمدرسه ان في ابو و ام بالبيت و الاخوان.. لكن عند عيالي لا رابين في بيت اهل امهم من غير ابو ما يدري عنهم ولا يسآل .. هني حسوا ان ابوهم ما يحبهم .. ليش ابونا ما يحبنا؟ اكيد احنا ما نستاهل الحب حسبالهم العيب او الغلط فيهم .. بس ما قط قالوا هل كلمه بس هذا شعورهم .. محد مقصر معاهم و الكل يحبهم لكن حسبالنا الاهتمام بالهدايه و ان انطلعهم انونسهم لكن ما عرفنا انمي شخصيتهم و نعطيهم الثقه و الحب اللي يحتاجونه

٣. للحين ما رحت الموعد الاخصائيه مسافره بس ترجع و اروحلها على طول راح اكتب تجربتي


سامحيني اذا في شي مو واضح حاولت اشرح واكتب اللي اذكره اذا في اي سؤال لا تترددين :*

 

[زهووور الريف]

الله يباركلج في عيالك ويرزقج برهم

 

[برونزية رشيقة]

الف شكر حبايبي على ردكم و الكلام الطيب?

اختي برونزيه رشيقه تسلمين بعد قلبي سامحيني عالاتاخير بالرد لهينا مع العطله

١. الاستراتيجيه كانت انها تلعب وياها بالغرفه بالباربيات و كذه لعيه مادري شنو بالضبط بس ان هذي طرقهم بالعلاج ،، لان جذي الطفل يسولف يتكلم .. و كانت تمدحها بطريقه واقعيه و قالتلي اسوي نفس الشي اني امدحها بشي فعلا فيها ما ابالغ بالمديح اني اقول انتي اذكى او احلى بنت في العالم الخ لا غلط ... ساعدت اخوها بشي؟ امدحها و اشكرها واني فخوره فيها .. تبذل جهادها بشي امدحها حتي لو ما سوت زين بامتحان مثلا اقولها ميخالف اهم شي انج بذلتي جهدج و درستي سويتي اللي عليج انا فخوره فيج .. انتي قدها ما شاءالله عليج الخ

٢. السبب هو ان عيالي ما يدرون ايهو بيتهم ايهو مكانهم اهمه شنو بالعايله .. تعودوا بالافلام و اصدقائهم بالمدرسه ان في ابو و ام بالبيت و الاخوان.. لكن عند عيالي لا رابين في بيت اهل امهم من غير ابو ما يدري عنهم ولا يسآل .. هني حسوا ان ابوهم ما يحبهم .. ليش ابونا ما يحبنا؟ اكيد احنا ما نستاهل الحب حسبالهم العيب او الغلط فيهم .. بس ما قط قالوا هل كلمه بس هذا شعورهم .. محد مقصر معاهم و الكل يحبهم لكن حسبالنا الاهتمام بالهدايه و ان انطلعهم انونسهم لكن ما عرفنا انمي شخصيتهم و نعطيهم الثقه و الحب اللي يحتاجونه

٣. للحين ما رحت الموعد الاخصائيه مسافره بس ترجع و اروحلها على طول راح اكتب تجربتي


سامحيني اذا في شي مو واضح حاولت اشرح واكتب اللي اذكره اذا في اي سؤال لا تترددين :*

مشكورة حبيبتي وفعلا لازم نشجع الطفل في شي موجود فيه :eh_s(7):