بسم الله الرحمن الرحيم
على الرغم اني وعدت نفسي ما انزل تجربتي بخصوص الحمل الى بعد ولادتي
ولكن لا اضمن الوقت الكافي لتسلسل أفكاري النيره
موضوعي بيكون نوع ما طويل شوي
يعني الي مالها خلق تقرأ لا تقرأ براحتها والي يهمها الموضوع حياها الله تتفضل :eh_s(17):
لنه فيه كثير ينتظرون تجربتي لني طفشتهم بمواضيعي الي تتعلق بالبنات لا تلوموني لني احبهم :eh_s(22):
أكيد الكل يعرف انه منى عيني البنت واتمنى من كل قلبي بس لو ربي رايد لك الخير بالولد
حياه الله كلهم عيالي وراضيه فيهم سواء ولد ولا بنت واهم شي يكون بصحه وسلامه يارب
بدا مشواري بالبحث عن معلومات هنا وهناك من اول ماولدت اخر طفل لي
هلحين عمره 4 سنوات يعني لي 4 سنوات وانا بحث هنا وهناك من غسول وتجارب وغير الاشياء الي خلف الكواليس :tongue22:
وأشكر بعض الاخوات الي أفادوني ببعض المعلومات خصوصا الي يمرون على مواضيعي ويردون علي يعطيهم ألف عافيه
وأبتديت من سنه تقريبا وانا احاول للحمل بالبنت بعد ارادة الله وتوقيت تبويض وغسوول ومراقبة البويضه على الرغم بداخلي غير مقتنعه مدري ليش ...:bbbiu:
بس قلت اجرب وش الي يضر
وشهر عن شهر يمر ونفسيتي شوي تعبت وصلت للشهر العاشر من التجربه بديت اطفش وأمل
بعدين قلت خلاص
بستخير مدري ليه طرات هلفكره براسي وأستخرت والله العالم
وطلع لي بالخيره انه هالشي مرفوض ولا يصح العمل به (( غسول ومتابعه ومن هالشغلات ))
سجدت شكر لله اني ماحملت ولله الحمد
طنشت الموضوع دخلت نادي رياضي حبيت انزل كم كيلو وهم في نفس الوقت أبي انسى موضوع الحمل
والحمد لله دخلت النادي ونفسيتي شوي أرتاحت ونسيت موضوع الحمل بس مانسيته كثييير
بس أخف شوي
قبل اكمال السنه
قلت اتوكل على الله وادعي ربي بعد الاغتسال وأصلي ركعتين لو ربي رايد لي الخير بالبنت بتجي من دون شي
ولو ربي رايد لي الخير هم الحمد لله خير ونعمه اهم شي بصحه وسلامه
والشهر الي ماكنت اتوقع اني بحمل حملت بفضل الله ومننه
صح أستخدمت البردقوش سمعت انه زين للتبويض هو مع الاناناس عصير للتنشيط بس الاناناس وقفته يوم الـ 14 من الدوره
وكثرت منتوجات الكالسيوم وقبل النوم كاس لبن كل ليله نصيحة وحده
واكلت كم حبة كالسيوم بس قريت انه لها أضرار وخفت وقطعتها
رحت أصرف لي الفوليك جان تقول لي الدكتوره حابه تتطمنين على المبايض قلت
ايه جايه اتطمن لا اكثر
جان تقول لي وضعج تمام بس بويضتج ماتسمح للي تبي بنت لنها تدري اني أبي بنت واتابع معها
قلت حصل خير
نفسيتي شوي تعبت بس قلت ماهمني شي اهم شي اني احمل :rerrerek:
وحملت ولله الحمد حسيت بفرحه بداخلي وماصدقت
وبعدين رجع هاجس الوساس :dddds:
ولد ولا بنت وبديت أفرفر هنا وهناك بالتجارب
_03BA:وأسال شي يطلع لي ولد وش يطلع لي بنت
وقلت خلاص الحمل صار وانا فرحانه فيه بس اتمنى يكون بنت
وبديت الاحظ علي تغيرات الحمل والنساه واقارنها بولدي شي اتذكره وش ناسيته
بس مقدر اجزم بنوع معين
والحركه عندي أبتدت خفيفه خصوصا ولحد الان خفيفه
عند حدة البطن مثل النفض او مثل الهز جنه شي يهز ببطنكـ
او مسك كهرب خفيف
ودائما كسووله يالله اتحركـ ..ورجولي مفككه تفكك موب صاحي خصوصا عظمة الورك
وفيني كله نوم :ch12:ودايخه
والرحم مفككـ :eh_s(11)::0bee2e8d89:
وامشي كني بطريق رجل يمين ورجل يسار
حلوومي
دائم احلم انه رجلي يغازل حريم أين كانت طرقه :rgewrg:
واحلم اني أبشر بالبنت
واحلم أنه معي ذهب
واحلم كني في جماع مع حريم :eh_s(16):أستغفر الله
كيس الجنين بالاسبوع السابع
طولي جنه خياااره سبحان الله
توقعت لي وحده من السونار وقالت ولد من شكل الكيس
قلت خير ونعمه
طبعا ما ننسى الجانب الديني بينج وبين ربج
هذا شي خاص فيج انتي ادرى شو الي يناسبج ويناسب امكانياتج :eh_s(17):
واحساسي مو مبين معي مره كذا ومره كذا
بس ممكن الاحساس مايصدق وممكن يكون مجرد تهيأ نفسي للي أحب
مرات احس انه بنت
ومرات أقول ممكن ولد ليش لا
لني مابي اامل نفسي لنوع معين من الجنين عشان نفسيتي لا تتعب
واخيرا :eh_s(17):
واسأل الله العالي القدير
أن يمن علي بالطفل السليم المعافئ ويرزقنا بالي نتمنى وهو بصحه وعافيه ولجميع الحوامل
بالسهاله في الحمل والولاده
أن يمن علي بالطفل السليم المعافئ ويرزقنا بالي نتمنى وهو بصحه وعافيه ولجميع الحوامل
بالسهاله في الحمل والولاده
ويرزق خواتنا المتاخرات بالحمل السليم المعافئ يارب ياكريم :eh_s(17):
