تجربتي بحملي وولادتي وتجهيزي والمستشفى

[سارونه86]

الحمدالله ع سلامتج . . تتربي بعزكم ان شالله . . بليز ابي رقم السيرفس

 

[ذات الهمة العالية]

حمد الله على السلامة حطيلنا صور مشترياتك والعربانة شلون صايرة وتهقين الحين فى سيل بمذر كير وسنتر بونت

 

[سماء الاحساء]

الحمدلله على السلامه وعقبال جميع الحوامل

 

[رفرف]

الحمدلله على السلامه و مبروك ما يبتي

بليز ابي اعرف جم خذو المستشفى و الدكتوره جم حسابها؟

ماقدر افيدج والله لان مثل ما قلت التأمين دفعو مبلغ وانا دفعت مبلغ
غرفتي كانت 400 بالليله
اظن الولادة بحدود 400
خذيت ابرة ظهر وغرفة الولادة مع مرافق
دكتورتي من المستشفى فمادري جم حسابها
افضل تروحين وتسألين عن الاسعار بنفسج

 

[رفرف]

اللي سألوا عنرقم شركة السيرفس


٦٦٥١٠٦٠٨

سعرهم كان جدا مناسب وتعاملهم حلو



العربانه والله بالسيارة قاطتها سعرها كان ١٢٠ تقريبا مع كرسيها من مذركير
الي ماحبيته تركيب الكرسي بعد كل طلعه اتمصع وانا اركبه بالسياره
كان عندي كرسي ثاني مال بناتي ركبته ثابت بالسياره .. والي مع العربانه خليته بس للعربانه

 

[رفرف]

بالنسبة لتجربتي مع البيبي طبعا انا مو بچر ..
هاذي بنيتي الثالثة ربي يهديهم ويصلحهم ويبلغني فيهم

كان عندها صفار عااالي وكلما وديتهاالطبيب قالو ينزل وللاسف ماكان ينزل
تنومت بالمستشفى اسبوع طلع السبب من حليب الام وفطمتها والحمدلله على كل حال
لا تتهاونون بالصفار
واذا البيبي فيه امساك هم لا تتهاونون بنتي وايد تعبت بسبب الامساك والبوصفار ماينزل مع الامساك


كنت استعمل حفاظات ليبيرو وماعليها كلام تالي قلت خل اجرب نوع ارخص لان كلها حفاظات
كلنا نبي الاحسن لعيالنا لكن لو في الاحسن وارخص زين على زين
بعد تجارب مع عدة انواع الي يسرب والي يطلع ريحه والي ثقيل
لقيت البديل بامبرز الي مكتوب عليه نوم ولعب چنه .. ممتاز وسعره مناسب


حليبها طبعا انا من اشد مؤيدي الرضاعه الطبيعيه لا تحرمون عيالكم منها
بس لان بنتي تعبت وتنومت بالمستشفى بسبب حليبي اضطريت افطمها
عطيتها ابتاميل كمفرت وما جربت غيره لان مثل ما قلت كان فيها امساك
مشى معاها الحمدلله
ادوية الغازات جربت كل شي ما على الماي غريب اهوه الافضل

اكرر

الملابس الداخليه سنتربوينت
البجامات مذركير ونكست
مهادات اللصق ماركة summer من النت وفي ناس اييبون منهم
المميات والمصاصات وهسوالف ماركة افينت
مطارة الماي الحار من ايكيا رخاص اقل من دينارين وممتازة
الماي استعمل بطول الماي الخاصه بالبيبي من الجمعية عادي اي نوع
اغسل ملابسها بصابون خاص للبيبي اسمه فيليتي عن الحساسية
سرير البيبي والشراشف والكفر ولبس الكفر انسب سعر عند ايكيا
اذا تبون افضل واقوى وبمواصفات احسن مثلا حاجز السرير يصعد وينزل وجذي سنتربوينت طبعا استغلوا التنزيلات
سلة البيبي من مذركير او اي مكان يعجبكم
كريم الحفاظات سودو كريم بدون منازع
في محل بليلى غاليري عنده فناتق تهبل شريت كرسي مريييييييح للبيبي جنه مخده ممكن تمرونه
المواقع الي طلبت منها اكثر شي چلدرن سالون يهبل ويوصل بسرعه .. وأمازون
جنطة البيبي تويز ار اس عندهم جناط تهبل .. وانا عندي هوس بالجناط من احصل جنطة حلوة اشتريها من اي مكان
العاب البيبي سنتربوينت يهبلون


لي تذكرت شي انشالله ارد اكتبه

 

[أأأميرة الورد]

الحمدالله على سلاااااامتج

 

[gmar al-kuwait]

حمدلله على سلامتج ومبروك البيبي

 

[ضحكتي ماركة ]

حمدالله ع سلامتج

ويارب يرزقني وخواتي الحمال

 

[Q8_QT]

الحمدالله عالسلامة حبوبة ومبروك ماياج

 

[سارونه86]

مشكوره يالغاليه استفدت منج وااايد انا بجر . .


ممكن تعلميني شلون اخذ الملابس السايزات ? يعني جم قطعه نيوبورن و جم قطعه من. 0-3

 

[سارونه86]

الله يخليج بناتج يارب و يحفظهم

 

[عسل حدي]

حمدلله على سلامتج

 

[رفرف]

الله يسلمكم ماقصرتو كل من دخل الموضوع


بالنسبة للملابس مو اقل من 6قطع من كلشي
يعني 6 فنايل داخليه نيوبورن ع الاقل و6 من 0-3
6 بجامات نيوبورن و 6 من 0-3

لو تبون اكثر يكون احسن لان اول الشهور ماتلحقون مع الغيارات
انا بنتي وااايد ترجع وهم مرات الحفاظه تسرب يعني كل يوم ابدلها مرتين او 3 وكل يوم نغسل وما نلحق فاضطريت اشتري اكثر
وهم اول الايام مرضت مثل ما قلت لكم وتنومت بالمستشفى ومازاد وزنها فملابس النيوبورن ظلت تلبسهم مده طويله
واخذو قياس شوي اكبر مايضر ماتدرون عن ظروفكم تالي انا انحكرت مع مرض بنتي ماقدرت اطلع السوق

 

[سارونه86]

يعطيج العافيه رفرف

 

[كستنائيـة ع ـسل]

الـّבمډٌللـّہ ع السلامه ومبروك البنوتته

 

[Ms.lool]

اسستفدت منج وايد الله يووفقج ومبرروك ماياج

 

[bnt_kwt]

الحمدلله على سلامتج
ومبروك ما يااااج

 

[رفرف]

الله يسلمكم ويبارك فيكم جميعا :eh_s(17):

 

[بــــدره]

مبروك ما ياج و يعطيج العافيه عالموضوع