---- تجربتي بالديرمارولر تابعوني ----

[ReeM ^ Style]

وينكم بنات اليوم مالكم حس

 

[FOZQ8]

انا بعد سويت جلسه ... مسويه روحي بطله واقول مابي مخدر بصراحه لا يبيله اذا ابي اضغط لازم كخدر لان يعور شوي فما قدرت اضغط على الاله اهيء اهيء بس هم النتيجه حلوه عبالي ماراح يصير شي وتحسفت
بس خلصت صار ويهي يخرع احمر احمر جنه دممممم حطيت سيروم وبعدين فوسيدين ونمت مابي اشوف ويهي كلش ابي انسى وخايفه اقعد يظل جذي يخرع ... وطبعا وانا نايمه في شويه تقزز وحراره
ولما قعدت جنه جذب مافي احمرار الا صوب الخديدات وهالشي بالنسبه لي عادي بس ماحسيتهم مثل كل مره يعني انا ويهي لما اقعد محتقن بس هالمره شفت احمرار حلو .. غير البشره منفوخه شوي ومشدوده ..
وثاني يوم اختي يايه ماقلت لها بروحها تكلمت سألتني ويهج صاير غير شمسويه هههههههههه
والحين اكلمكم وانا بالزواره كل خواتي قالوا معقوله من جلسه وحده وعالخفيف جذي بين ؟؟
مابي ابالغ بس احس تغيير حلو
اي نسيت ترى ثاني يوم ويهي قشر شوي جنه تراب خفيف عالبشره
وباجر الجلسه الثانيه باذن الله

رحت كذا صيدليه ابي المخدر يقولون لازم وصفه .... بشتريه من البنات اللي بالمنتدى
ابي اضغط على بشرتي اكثر عشان النتيجه

 

[sunshine22]

فوز
قلناااااااااالج لازم مخدر
انا وحده قويه بالحياه<<<<اشلون
يعني بشرتي عادي مو ذاك الزود اتحسس

ماقدرت
لازم مخدر
خذيته من ام عمااار ب 6 دنانير او اكثر بدينار ناسيه

 

[sunshine22]

ريـــــــــــــــــــم

دشي (( العم قوقل ))
وكتبي عنوان موضوعي بيطلعلج مليون منتدى ماخذينه
هههههههههههههههههه
استغفر الله خبال خبال
تجربتي وتوقيعي بالصور بعد

 

[sunshine22]

أفا لا اتحمل انشاء الله مع ان ويهي بسرعه يحتقن ويحمر باجر بصير حديث الدوام
واهم شي اقول الدعاء بسم الله الذي لا يضر مع اسمه شيء في الارض وفي السماء وهو على كل شيء قدير .. والله يستر "كانت متفائله بتتحمل وتحبطت ههههههه"""




ودي أسأل بس اخاف يكون سؤالي غبي

الحين تقصدين باللاين الواحد مثلا منطقه الخد كلها والا بس الجزء اللي تشتغلين عليه يعني جزء الخد اللي طايحه فيها تفرفرب الآله عشر مرات ؟؟
والا مجموع الشغل على الخد الكامل عشر مرات ؟؟

آسفه تو أشوف سؤالج
اللاين
يعني (( أمرر الجهاز رايـــــــــــــــح رااااااااااااااد 10 مرات على الذقن 10 والخد 10 والحنج 10 والجبهه 10))
كل ما حطيتي الجهاز بمنطقه بوجهج خليها تروح وترد 10 مرات
وسؤالج وجيه يالغاليه:rerrerek:

 

[FOZQ8]

اي يا سان شاين ياشيييين اللقافه عبالي انا بطله طلعت خريش حدي
توني طلبت بمسج من تاجره ثانيه اسمها روز مع التوصيل يمكن يوصل 8 نشوف متى يوصل باجر

ومشكوره قلبي على ردج بسؤالي انتي شكلج تاخذين الخد كله ... انا لا اسوي خطوط قصيره سواء بالعرض او بالطول بس طريقتج احسن بوايد عشان احسب احسن
وشايفه طريقتج باليوتيوب كان ياخذ لاين من اول الخد لي اخره مو شغل قطاعي ههههههههه ياعيني على التعبير

 

[naseem]

ياليت ريم تقولي هذا اصلى ام لا

http://forum.hawaaworld.com/attachment.php?attachmentid=366592&d=1303876665

 

[ReeM ^ Style]

انا بعد سويت جلسه ... مسويه روحي بطله واقول مابي مخدر بصراحه لا يبيله اذا ابي اضغط لازم كخدر لان يعور شوي فما قدرت اضغط على الاله اهيء اهيء بس هم النتيجه حلوه عبالي ماراح يصير شي وتحسفت
بس خلصت صار ويهي يخرع احمر احمر جنه دممممم حطيت سيروم وبعدين فوسيدين ونمت مابي اشوف ويهي كلش ابي انسى وخايفه اقعد يظل جذي يخرع ... وطبعا وانا نايمه في شويه تقزز وحراره
ولما قعدت جنه جذب مافي احمرار الا صوب الخديدات وهالشي بالنسبه لي عادي بس ماحسيتهم مثل كل مره يعني انا ويهي لما اقعد محتقن بس هالمره شفت احمرار حلو .. غير البشره منفوخه شوي ومشدوده ..
وثاني يوم اختي يايه ماقلت لها بروحها تكلمت سألتني ويهج صاير غير شمسويه هههههههههه
والحين اكلمكم وانا بالزواره كل خواتي قالوا معقوله من جلسه وحده وعالخفيف جذي بين ؟؟
مابي ابالغ بس احس تغيير حلو
اي نسيت ترى ثاني يوم ويهي قشر شوي جنه تراب خفيف عالبشره
وباجر الجلسه الثانيه باذن الله

رحت كذا صيدليه ابي المخدر يقولون لازم وصفه .... بشتريه من البنات اللي بالمنتدى
ابي اضغط على بشرتي اكثر عشان النتيجه

مشاءالله فوز عليج بالعافيه
واذا فعلا مو قادره من غير مخدر اخذي مخدر املا
واذا ماعرفتي طريقته قوليلي عشان اعطيج طريقته الصحيحه
بس ديربالج لاتبالغين بالاستخدام
وخواتج كلهم راح يقلدونج
مثل خواتي قعدوا يتخامطون منه لووول
وبانتظار تجربتج :eh_s(7):

 

[كويتيهx5]

واو عجييب
ابي لانه قاعده تتحفر بشرتي ابي احافض عليهاا

 

[ReeM ^ Style]

ياليت ريم تقولي هذا اصلى ام لا

http://forum.hawaaworld.com/attachment.php?attachmentid=366592&d=1303876665

هلا حبيبتي
شفت صورته اول مره اشوفه
وماقدر افيدج فيه :eh_s(2):
سوي سيرج على قوقل باسم الجهاز
وان شاءالله تحصلين لج احد مجربه

 

[Stylist]

هلا والله ستايلست
االحمدلله انج بخير
وعن الكسل شدي حيلج
ونبي نتايجج وخصوصا ان عليج افكار عجيبه :rerrerek:
خليج معانا عشان نشجعج وتشجعينا

هلا ريم
تسلمين ياقلبي على سؤالج ....وتشجيعج:eh_s(7):
ان شاءالله بستمر

بس اليوم ضايقتني شغله وعلطووووووول طريتي في بالي
الله يسلمج طاحت مني الديرما رولر على الارض (سيراميك) وشلتها وعقمتها واستخدمتها
وانا امررها على ويهي حسيتها ابطئ من كل مرة مو العاده يعني
لما تمقلت فيها الا تقريبا 5 ابر انخفسوا حسااااااااااااافه صايرين بشكل افقي :eh_s(4):
بس باجي الابر اووووكي ماشين معاي عادي
فشرايج اغير الرولر ولا اكمل عليها ....؟؟؟؟:eh_s(10):

 

[Stylist]

بنااااااااااات اليوم تقريبا سويت الجلسة ال 12 ماشاءالله وكل جلسة من 5 الى 7 دقايق مو اكثر
يعني مبدئيا اقدر اعطيكم الـ first update
اللي لاحظته من خلال اصوري اللي صورتهم قبل الاستعمال وصور اليوم مابعد الجلسه
حسيت ويهي اصفى من اول وفيه نضارة شوي بما اني توني مخلصه الجلسة
والمسامات العميقه شوي قل عمقهم والله حددددددددددي مستانسه الحمدلله وحبيت افرحكم واعطيكم بوش
ومايهمني حتى لو اقوم باجر واشوف ان المسامات اسوء من اليوم عادي ادري كل شي يبيله وقت
بس سالفه التفخه اللي بعد الديرما رولر عاجبتني ودي اسوي الجلسة واحط عقبها ميك اب لان ويهي يصير مدور وخدودي تنتفخ جني خازة ابر

الحمدلله على اللي وصلت له حتى لو كان 1 % من اللي اتمناه :ggdw::ggdw::ggdw:
وان شاءالله الايام اليايه احلااااااااااا علي وعليكم بكل امور حياتنا مو بس بشرتنا:yaaaaaarb:

 

[sunshine22]

ماشالله ستايلس

مبروك النتيجه الحلوه
ولو اني انا شخصيا تغيرت بشرتي من ثالث استعمال وحسيت صج بالفرق خصوصا لما احط كريم اساس وكومباك اصير جني اللي بالدعايات ماشالله
اشلون لو بكمل العشر جلسات



باجر بسوي الجلسه الخامسه
ترقبــــــــــــــــوني
......
...
.
​

 

[الدفشة المربوشة]

وصلت الالة حقتي :eh_s(2): بس خايفة جربتها واحس بنخزات الابر

بنات وش احسن كريم كولاجين استخدمه مع الالة ؟ :eh_s(2): :eh_s(7):

 

[الدفشة المربوشة]

سن شاين الريتن ايه احطه كل يوم بالليل لمدة كم؟

يعني تبدي تتقشر بشرتي

لاني استخدمته من قبل وماتقشرت ولا شي تغير

 

[Loly]

مرحبا الله يعطيكم العافيه ويبلغكم النتيجه الي تبون وماتتمنون ياااارب
حبيت اسال احد جربها على التشققات البيضا خصوصا الي بالصدر !!

 

[FOZQ8]

للحين النتايج تبشر بالخير الحمدالله الكل ملاحظ في تغيير فبشرتي والاهم نضاره وشباب حدي متشققه واختي سوتها مره وحده وتولعت فيها بتطلبها عقب ما تيي من السفر
حطيت المخدر امس بس احس اني ضغطت على بشرتي وطلع شويه نقط دم اكثر من كل مره شكلي ببطل المخدر لان ماعرف شكثر اضغط لما ماحس بويهي
اليوم قعدت ويهي مورد ومنتفخ وناسه المسام ماقدر احكم عليها ليمن احط حمايتي وبودرتي

من كل قلبي اقول لسان شاين وريم ستايل يعطيكم الف عافيه عرفتونا على هالرووول وينولكم اللي فبالكم يارب

 

[FOZQ8]

مرحبا الله يعطيكم العافيه ويبلغكم النتيجه الي تبون وماتتمنون ياااارب
حبيت اسال احد جربها على التشققات البيضا خصوصا الي بالصدر !!

حبيبتي مادري اذا ينفع بصراحه بس احس هالمكان حيل رقيق
في بصيدلية بوتس البيو اويل عليه مدح مو طبيعي بالنت وباليوتيوب وحتى ينفع للحوامل لما يتشقق بطنهم

 

[سالم الروح]

اب اب اب اب

 

[سالم الروح]

بنات شوقتوني

من وين شريتوه وبجم !؟!؟