تجربتي المؤلمه بعد الخياط التجميلي ... ديرو بالكم.. و أبي نصيحتكم

[ام الغزال]

آآآآآآآآآه يابنات ...

صارلي إسبوع ألم مو طبيعي لمن و إسمحولي عالكلمه ينام معاي زوجي ...

آنا سوييت تجميلي عند معصومه مخصيد .. و شكلها سكرتني مره وحده تخيلو كأني بأول ليله و أكثر بعد من آلام الليله الأولى ...

و طلع دم و مت من الخوف خفت يشك فيني زوجي ...

و الألم مو طبيعي قمت أصرخ والله ...

و ألحين حتى القعده مؤلمه !!!

بنات أخاف يستمر هالوضع !

لا تقولولي إستخدمي كريم كي واي و هالسوال ماكو شي ما إستخدمته !!

و كل ما صار هالشي نزل شوية دم !!!

لي متى و شتنصحوني .. حدي خايفه و بصراحه هالضيج ضيق خلق زوجي بالموت تصير السالفه !

نصحوني يابنات مو تطلوون عالموضوع و تطنشوون!!

 

[فروتى]

حمد الله على سلامتج يقلبى انا مااعرف لانى هذااول حمل لى بس وايد يمدحون الدكتورة معصومة يمكن هالالام تكون بس بالبدايه حبيبتى انتى روحلها وساليها بنفسج عن هالاعراض وان شاء الله مافيج الا العافيه ولا تنسين تطمنينا عليج:eh_s(17):

 

[فروتى]

حبيبتى انا قرات عن وحده مسوية الجراحة التجمليه بمنتدى حواء وهذا كلامها سوتالج كوبى وان شاء الله البنات يفيدونج

ورقه ذابله
عضوة فعالة


التسجيل 22-04-2003
البلد : حاليا (امريكا)
المشاركات 281




اول شي حبيبتى التجميل ماينفع مع الولاده انا سالت دكتوره تقول بعد الولاده ب3شهور الافضل
انا الحين مسويتها من غير ولاده بنتى عمرها سنه ((لسه ماادرى عن النتائج لى 5ايام بس))
بالنسبه للجلبوس افض شي على جنب
والحمام حبيبتى افض المرحاض
التنظيف كلمابغيتى الحمام اقضى حاجتك بعدين تشطفى بالغسول اللى من الدكتوره وبعدها نشفى المنطقه بالمناديل وحطى الكريم اذا وجد

طريقى النوم انا الدكتوره قالت لى نامى على ظهرك وحطى مخده تحت الموخره وافتحى رجولك علشان ينشف الجرح
المشي والوقوف ماادرى
تقريبا اسبوع وكل شي يهدا

شكرا

 

[جونا]

لله يعينج حبيبتي

شوفي انا ماجربت هالخياط بس شفتي اللي تقولين عنه صار معاي عقب ولادتي وكانت ولادة طبيعية وخياط عادي مو تجميلي بس ظليت تقريبا سنة مكان الخياط يعورني وعقب كل مرة اشوف دم خفيف وكنت احس ان الجرح يتبطل شوي يمكن كانوا مضيجين الخياط وايد

انتي سألتي دكتورتج عن حالتج؟؟ قالتلج هالشي طبيعي والا شنو؟؟

بعدين اذا انتي توج افتكر طبيعي هالشي لان انا اظل جم شهر مكان الجرح يعورني فمابالج انتي اللي خياط من داخل وتضييق يعني اصعب

 

[صبا]

أختي بجم سويتيها وجم مره ولدتي
وهل سويتي التجميلي الداخلي والخارجي ؟؟
ولا ممكن تفاصيل

 

[جكورة]

أولا ماتشوفين شر إن شاء الله ..

سامحيني إختي ماعندي خبرة عن موضوعج بس إذا تعورج حيل الخياطه لاتسكتين راجعي دكتورتج يمكن تعطيج ملين وإلا شئ يخفف الألم..

 

[رقي]

الله يعينج
انتي بعد دويات النفاس والخياط تضيجيتي
هالمره مسويه تجميلي

 

[طير الحب]

سويتها 3 مرا وكل مره عادى مافى هالعوار ولا نصه ,,, يعنى اول الايام صج يعور بس مو على طول ,,,
راجعيها وقوليلها لانه شى مو طبيعى.. والله يعينج

 

[خبيرة اعشاب]

الله يعينج انا وحده رفيجتي من عقب الخياط تعبت حيييييييييل يمكن مده سنه و هي كل مره اتعاني لان الدكتوره سكرتها حيل ....

فانتي الحل الوحيد انج تستعملين كريمات ملينه للمنطقه خلال الجماع عشان ما تتعورين واجد
و راجعي عند الطبيبه احسن و اشرحي لها حالتج يمكن الخياط الذاخلي ما التام للحين لان يبي له 3 شهور بدون جماع بالمره

 

[الحب الخالد]

انا نفس حالتج والله اني يوم انا بني ما صار فيني جذيه لا ويقولون الريال يستانس انا مت والله موت الم حتى ان العملية الجنسية صارت اي شي تحصيل حاصل
بس انا اقولج الاوضاع اهيا اللي تخفف اشوي الالم يعني مو اي وضع تقدرين عليه واستحملي اسبوعين اشوي اشوي الله يعينج حبيبتي

 

[لوكريسيا]

انا سويت التجميلي و صارلي ليلحين من سويته سنة و 8 شهور يعني من ولادتي .. صج اول الايام تكون صعبة السالفة و يعور بس مو لدرجة ان يطلع دم و ما اقدر اقعد .. لا بالعكس و الحين الحمدلله كل شي اوكي

و اختي مسويتها 3 مرات و ماصار معاها اللي صار معاج
انتي روحي عند دكتورج خليها تفحص عليج يمكن الله لا يقول في التهابات او شي ثاني روحي و تطمني و لا تسكتين على روحج

 

[ام مدعج]

حبيبتي انا نفسج ونفس الدكتوره والحين صار لي قريب السنه انا صار فيني نفس اعراضج وراجعتهااا طلع عندي الخياط منشد شويه من كثر ما احط الجفت وخرابيط الحريم وعدلت الخياط والحين الحمدلله يعور بس مو نفس قبل
فانصحج انج تروحين يمكن خياطج منشد ولا فيج التهاااب لاسمح الله

 

[ذكريات]

و الله ماعرف عن هالموضوع شي بس بس اسمع واايد حريم تكون الدكتورة شادة الخياط

احسن لج راجعيها

و ماتشوفين شر

 

[هوّن على قلبي]

ودي افيدج بس ومالي خبره

بس احسن شئ روحي عند دكتورتج تطمني احسن

 

[سبائك]

يا بنات نصيحه لوجه الله لا تسوون التجميلي القوي سووا التجميل العادي

انا دكتورتي قالت لي في نوعين تجميلي النوع الي صاك حيل هذا يأذي الوحده كلش موشي...حتى دكتوره مهجه تقول شكثر الي ردوا لها يبون توسيع!!!!!!

والنوع الثاني الي يكون اخف من هالنوع هذا اريح

وام الغزال راجعي دكتورتج مره ثانيه فحصي احسن لج

 

[keeka]

راجعي دكتورتج احسن

 

[ام الغزال]

راجعت الدكتوره تقولي في إلتهابات و عطتني تحاميل لمدة ثلاث أيام و في جرح داخلي صوب فتحة الشرج و ظغنتو بكرامه و هذا اللي مأذيني و مسبب ألم للمكان كله ...
و بصراحه السالفه كلها ماكان لازم تصير حكم إن أول ولاده طبيعي مو متعوده بس يالله اللي صار صار ...
الله يكون بالعون و الله يجازي كل وحده ردت علي و عطتني من خبرتها و الله يوفقكم و يكبر غلاكم بقلوب أزواجكم و حبايبكم ...

 

[فروتى]

ماتشوفين شر ام غزال وان شاء الله تكونى بالف عافيه

 

[نطوووعه]

ماتشوفين شر يا ام الغزال انا حاس قلبي ان اللي فيج مو طبيعي اكيد التهاب و الا جرح مالتأم

طمنينا عليج عقب العلاج شصار عليج .. لاني بولد عند معصومه ان شاء الله و سالفه الخياط قامت صج صج تخرعني

 

[بــرتنـي]

انا اقولج اساسا معصومه تسكر الوالده وااايد انا احس خياطها موشي لانها سوت حق اختي وسكرتها حييييل حتى السوائل ماقامت تنزل عليها وانا اعن نفسي ما انصح البجر تسوي تجميل لان متعب حيييل يعني عقب الثاني اوكي ممكن وترى حسب البنت في بنات ماشاالله عادي يردون مثل قبل واحسن بس تهتم بعمرها بالنفاس وماكو الا الخير انشالله