صباحووو
صراحه انا من المتفرجين الدائمين صج ماشكر كتابة بس ادعي لكل الي قريتهم وفادوني وفادوا البنات
المهم موهذا موضوعنا حبيبتي موضوعج واااااايد روعه بس في شغلات زود الحين .. انا تقريبا كل جم شهر اروحلها بروحي واستكشف الاماكن اليديده وكل مره فندق تدرين لازم التغيير عشان الملل
بالنسبه للفنادق قمرالدين صج حلو بس غرفته الستاندر عنونه نوعا ما بس فيه عيب واحد اذا الغرفه كوين ومعاج احد لان تكرمون الحمام مكشوف ماله باب وكله جام صج تقدرون تنزلون الستاره صوب البانيو بس شالفايده واهم مبطل وهم عزكم الله المرحاذ يكون مفصول بالجام المموه يعني بروحج او معاج زوجج وحيييييييل البساط احمدي بينكم اوكي بس غيره مانصح واذا كان توينز مافيه بانيو يكون بس شاور بوكس مموه بس هم مو مريح :\
اللي تبي افيدها بالنسبه للفنادق ممكن اساعدها بما اني مضبطه كل الاهل والي معاي بالدوام
اخر فندق جربته اسمه رافليز لاصق في الوافي سنتر حدددددددده عجيب ديكور وحجم الغرفه تصير مثل الستديو سرير مفتوح على صاله صغيرونه وبلكونه يصير يم سيتي سنتر وفيستيفال سيتي ودبي مول ستايله فرعوني بما ان شكله مثل الهرم هذا موقهم الي تحب تاخذ فكره
http://www.raffles.com/en_ra/property/rdb والثاين الي انصح فيه بعد بولمان امارات مول له دخله على المول والمول بعد فيه محطه المترو يعني ماله داعي تطلعين وتتعنين حق تكاسي او مشوار لي محطه مترو وهم الغرفه شرحه صج الصوب البانيو جام بس سكري الستاره وخلاص المهم فيه باب وحتى تكرمون المرحاض مغطى يعني دبل خشيشو
وهذا موقعهم
http://www.pullmanhotels.com/gb/hotel-7337-pullman-dubai-mall-of-the-emirates/index.shtml
وبالنسبه حق المولات هذيل اللي يطرون علي الحين بس طبعا كل اللي اشوفهم متمركزين في دبي مول والي بيخفف الزحمه يروح امارات مول بس في غيرهم وايد مثل : فيستيفال سنتر مسوين فيه مثل النهر نظام فينيسيا يعني
ويمه ديره سيتي سنتر .. عندكم ميركاتو هذا اهدي مجمع رحتله نظامه ايطالي مريح حق الي مايبون الازعاج بس محلاتهم مو وايد مثل المارينا عندنا انا احب جوه وديكوراته خاصه اذا بطلع من الصبح اروح اتريق هناك اتمشى شوي وبعدها اشوفلي مجمع ثاني مزعج
اممم شنو بعد في .. في الاوت لت بس مانصح فيه مشوار وفاضي يكون صوب المعرض الصيني يعني الي بتروح تروح الصيني واذا لها مزاج تمر الوت لت حق بربري ومحل ثاني ناسيه اسمه اييب سوالف ماركات بس يبيله تفحيص وتمحيص
حق اللعب عالم فيراري حدددددددددي مانصح فيه حق الكبار والله ولا الصغار لانه ممل ومايستاهل لاسعره ولا مشواره لي ابوظبي ودوا اليهال العاب سيجا الي في دبي مول واااااايد اهون خاصه انهم كل مالهم يزيدون اللي فيه ويوسعون المكان حق الكبار والصغار
وهم عندكم الجميره بيتش تمشي عالبحر قهاوي ومطاعم بس موشي هالوقت رطوبه الا جان بتطبون فالبحر شي ثاني ولو انه يشيش على نظافته
هذا الي اذكره والي تبي شي انا بالخدمه وبنات نصيحه لاتروحون على طول تحجزون في موقع بوكنق لان في واااااايد ارخص وسايتات الفنادق وايد بس يبيلهم مزاج وهالسايت ممكن يختصرلكم الوقت شوي لانه يحط اغلب المواقع ويقارنلكم الاسعار بينهم وانتوا تختارون الي يناسبكم واذا تبون غيرهم رخاص ومجربين قولولي:
http://www.hotelscombined.com/
وحتى حق تاجير السيارات بالنت وايد ارخص من المكاتب والمطارات بس صح البانزين غااااااااااالي
وسلامتكم وسوري على القرقه بس لاني شفت ناس معاي بالدوام يروحون ويتوهقون هناك قلت افيدكم
