السلآم عليكم ورحمة الله بنوتات =)
هذا أول موضوع لي وحبيت أفيدكم ، بصراحة أنا أتابع وايد أشياء هني وأحبها وإستفدت منها وقلت أعلمكم طريقة سهلة لتنظيف الأظافر بدون مانيكير وراح أقولكم سر خطير عني ^_^
أول شي يا جماعة أنا ماعرف أسوي مانيكير أو بدي كير لنفسي .. أصلا ماعرف شنو الأشياء اللي يستخدمونها .. وأنا نوع
ريولي فلات فوت وعريضة بس الحمدلله ما فيها أي مشكلة من ناحية الخشونة أو أي شي بس عندي مشكلة بأظافري ممم يمكن تلوع جبودكم عندي ظفري الكبير بدل ما ينمو خارج يدخل داخل
eh_s(22) يعور ترا .. فلازم أسبوعيا أقص أظافر ريولي +_+
ثاني شي تعلمت من الدنيا إن مممم مو لازم أسوي اللي يسوونه البنات عشان أصير حلوة.. في طرق ثانية في البيت نسويها ..
اممم يمكن اللي بعلمكم اياه مو مثل نتيجة البديكير لأن ما راح استخدم نفس الطريقة ..
ثالثا يا بنوتات انا اعشق شي اسمه بودي شوب فأغلب شامبواتي من البودي شوب واللوشنات والكريمات وغيره وغيره ..
واي قرقة ..
المهم المهم المهم :
انا شريت من سنة تقريبا لوشن اسمه classic rose body lotion وراح أنزل لكم صورته بعدين إن شاء الله ، وصراحة هاللوشن ما استخدمته وايد شكله مثل الحليب وريحته حلوة ناعمة بس مو حيل يعني تقدرون تقولون انه عادي ، استخدمته شوي وبعدين وقفت عنه وشريت واحد غيره .. المهم قبل اسبوع تقريبا شفته قلت ليش ما استخدمه لإيدي كمرطب،
وعلى فكرة اهوا سائل مثل ما قلت مثل الحليب عاد نظفت فيه ايديني وعجبني وايد حلو وبعدين قصيت اظافري وخذيت فرشاة المفروض انها للوجه عشان تحطين كريم مادري شنو عاد نسيت شلون تستعمل هالفرشاة وتذكرت بفلم اسمه مممم اتوقع silent killer شيء جذي استخدم المشتبه به نفس الفرشاة لأظافره ينظفها خخخ عاد تعلمت منه وقلت احطها لأظافري وخذيت اللوشن وحطيت شوي منه بالفرشاة وقعدت افرك وغسلت ايدي .. يا بناات والله ثم والله ايديني تجنن وأظافري نظييييفة ..
بعدين تطور الوضع استخدمت اللوشن لأظافر ريولي وايديني مع بعض لمن أنظف ايديني انظف ريولي ^_^
وضفت عليه أشياء ما استخدمها ونفعني حيل :
ضفت معاه شامبو جونسن الأبيض مال الأطفال البلسم وضفت الجل مال جونسن وضفت عود وفازلين قبل لا أبدي بأي خطوة وضفت بعد عطر دفينتجي القديم كان باقي النص وحاطته بالحمام وما استعمله الحين ^_^
ريحة خياال اختي بعد قالت لي اسويلها ^_^
المطلوب منكم اي شي يا بنات ما تستعملونه وقاطينه :
1- لوشن ما تستعملونه
2- دهن عود ما تستعملونه ورخيص
3- عطر قديم عندكم ما تستعملونه
4- مقص أو مقراظة أظافر
5- فازلين العادي
6- Johnson's baby oil gel هذا شكله :
7- Johnson's baby shampoo double moisturising هذا شكله :
8- فوطة أو منشفة طبعا
9- طشت أو مممم والله ماعرف شسمه اللي يغسلون فيه الملابس يدوياً ^_^
بس نبي حجم مو كبير وسط يعني -
10- فرشاة متوسطة الخشونه
11- دلاغ ممم جوارب
بنات عفية لا تكلفون على نفسكم اذا موجود اوكي اذا مو موجود عادي استعملوا اي شي بديل مو لازم الأسامي مثلا مو لازم جل بيبي جونسن أي جل للترطيب اوكي نستعمله - اهم شي يكون للترطيب
طريقة طبختنا ^_^:
1- اول شيء قصي أظافر ريولج وايدج عشان نظافة اكثر ما نبي وسخ ويع .. أو قصيهم بمستوى معقول مو طويل مو قصير
2- رطبي ريولج وايدج والأظافر بالفازلين
3- عبي الطشت ماي مو لازم وايد مانبي اسراف يعني مممم ربع كافي
4- حطي ريولج بالطشت قبل لا تضيفين اي شي
5- ضيفي للطشت : رشتين من العطر + اللوشن شويه تقريبا ممم ملعقتين طعام + جل جونسن + بلسم جونسن + دهن عود رخيص نقطتين كافي وبس
وملاحظة لمن تحطين الاشياء هذي خليها تحوش ريولج يعني مو على الماي فورا لا مباشرة على ريولج
6- دلكي ريولج بالخلطة هذي
8- بعدين ضيفي للفرشاة اللوشن وحطي على اصابع ريولج لوشن بس خلي الكمية تغطي الأصابع يعني
9- فركي اظافرج بالفرشاة
10- فركي مرة ثانية ^_^
ملاحظة : اذا حسيتي ما تكفي الكمية ضيفي لين تشوفين تغيير ( وترا التغيير يبيله بس دقيقة )
11- لمن تخلصين وتحسين ريولج نظيفة نشفيها بالفوطة اللي عندج وخليها بس حق تنظيف القدم
12- سوي رقم 6 و8 و 9 و 11 لأظافر ايدج
13 - اخيرا لبسي الدلاغ ^_^
لا تخافون لو حسيتوا ان في تشقق او شي عادي لمن تنشفون ريولكم راح تعجبكم النتيجة نعووومة وريحة ونظافة واظافر بيضا وتلمع وروعه صج ^_^
ابيكم بس تدعون لي إن ربي يحقق أمنيتي =)
اهم شي يا بنوتات لا تسرفون بالماي أو تتعنون
..
عطوني رايكم ^_^
هالشي حصري بس على كويتيات :eh_s(22):
هذا أول موضوع لي وحبيت أفيدكم ، بصراحة أنا أتابع وايد أشياء هني وأحبها وإستفدت منها وقلت أعلمكم طريقة سهلة لتنظيف الأظافر بدون مانيكير وراح أقولكم سر خطير عني ^_^
أول شي يا جماعة أنا ماعرف أسوي مانيكير أو بدي كير لنفسي .. أصلا ماعرف شنو الأشياء اللي يستخدمونها .. وأنا نوع
ريولي فلات فوت وعريضة بس الحمدلله ما فيها أي مشكلة من ناحية الخشونة أو أي شي بس عندي مشكلة بأظافري ممم يمكن تلوع جبودكم عندي ظفري الكبير بدل ما ينمو خارج يدخل داخل
eh_s(22) يعور ترا .. فلازم أسبوعيا أقص أظافر ريولي +_+ ثاني شي تعلمت من الدنيا إن مممم مو لازم أسوي اللي يسوونه البنات عشان أصير حلوة.. في طرق ثانية في البيت نسويها ..
اممم يمكن اللي بعلمكم اياه مو مثل نتيجة البديكير لأن ما راح استخدم نفس الطريقة ..
ثالثا يا بنوتات انا اعشق شي اسمه بودي شوب فأغلب شامبواتي من البودي شوب واللوشنات والكريمات وغيره وغيره ..
واي قرقة ..
المهم المهم المهم :
انا شريت من سنة تقريبا لوشن اسمه classic rose body lotion وراح أنزل لكم صورته بعدين إن شاء الله ، وصراحة هاللوشن ما استخدمته وايد شكله مثل الحليب وريحته حلوة ناعمة بس مو حيل يعني تقدرون تقولون انه عادي ، استخدمته شوي وبعدين وقفت عنه وشريت واحد غيره .. المهم قبل اسبوع تقريبا شفته قلت ليش ما استخدمه لإيدي كمرطب،
وعلى فكرة اهوا سائل مثل ما قلت مثل الحليب عاد نظفت فيه ايديني وعجبني وايد حلو وبعدين قصيت اظافري وخذيت فرشاة المفروض انها للوجه عشان تحطين كريم مادري شنو عاد نسيت شلون تستعمل هالفرشاة وتذكرت بفلم اسمه مممم اتوقع silent killer شيء جذي استخدم المشتبه به نفس الفرشاة لأظافره ينظفها خخخ عاد تعلمت منه وقلت احطها لأظافري وخذيت اللوشن وحطيت شوي منه بالفرشاة وقعدت افرك وغسلت ايدي .. يا بناات والله ثم والله ايديني تجنن وأظافري نظييييفة ..
بعدين تطور الوضع استخدمت اللوشن لأظافر ريولي وايديني مع بعض لمن أنظف ايديني انظف ريولي ^_^
وضفت عليه أشياء ما استخدمها ونفعني حيل :
ضفت معاه شامبو جونسن الأبيض مال الأطفال البلسم وضفت الجل مال جونسن وضفت عود وفازلين قبل لا أبدي بأي خطوة وضفت بعد عطر دفينتجي القديم كان باقي النص وحاطته بالحمام وما استعمله الحين ^_^
ريحة خياال اختي بعد قالت لي اسويلها ^_^
المطلوب منكم اي شي يا بنات ما تستعملونه وقاطينه :
1- لوشن ما تستعملونه
2- دهن عود ما تستعملونه ورخيص
3- عطر قديم عندكم ما تستعملونه
4- مقص أو مقراظة أظافر
5- فازلين العادي
6- Johnson's baby oil gel هذا شكله :
7- Johnson's baby shampoo double moisturising هذا شكله :
8- فوطة أو منشفة طبعا
9- طشت أو مممم والله ماعرف شسمه اللي يغسلون فيه الملابس يدوياً ^_^
بس نبي حجم مو كبير وسط يعني -
10- فرشاة متوسطة الخشونه
11- دلاغ ممم جوارب
بنات عفية لا تكلفون على نفسكم اذا موجود اوكي اذا مو موجود عادي استعملوا اي شي بديل مو لازم الأسامي مثلا مو لازم جل بيبي جونسن أي جل للترطيب اوكي نستعمله - اهم شي يكون للترطيب
طريقة طبختنا ^_^:
1- اول شيء قصي أظافر ريولج وايدج عشان نظافة اكثر ما نبي وسخ ويع .. أو قصيهم بمستوى معقول مو طويل مو قصير
2- رطبي ريولج وايدج والأظافر بالفازلين
3- عبي الطشت ماي مو لازم وايد مانبي اسراف يعني مممم ربع كافي
4- حطي ريولج بالطشت قبل لا تضيفين اي شي
5- ضيفي للطشت : رشتين من العطر + اللوشن شويه تقريبا ممم ملعقتين طعام + جل جونسن + بلسم جونسن + دهن عود رخيص نقطتين كافي وبس
وملاحظة لمن تحطين الاشياء هذي خليها تحوش ريولج يعني مو على الماي فورا لا مباشرة على ريولج
6- دلكي ريولج بالخلطة هذي
8- بعدين ضيفي للفرشاة اللوشن وحطي على اصابع ريولج لوشن بس خلي الكمية تغطي الأصابع يعني
9- فركي اظافرج بالفرشاة
10- فركي مرة ثانية ^_^
ملاحظة : اذا حسيتي ما تكفي الكمية ضيفي لين تشوفين تغيير ( وترا التغيير يبيله بس دقيقة )
11- لمن تخلصين وتحسين ريولج نظيفة نشفيها بالفوطة اللي عندج وخليها بس حق تنظيف القدم
12- سوي رقم 6 و8 و 9 و 11 لأظافر ايدج
13 - اخيرا لبسي الدلاغ ^_^
لا تخافون لو حسيتوا ان في تشقق او شي عادي لمن تنشفون ريولكم راح تعجبكم النتيجة نعووومة وريحة ونظافة واظافر بيضا وتلمع وروعه صج ^_^
ابيكم بس تدعون لي إن ربي يحقق أمنيتي =)
اهم شي يا بنوتات لا تسرفون بالماي أو تتعنون
..
عطوني رايكم ^_^
هالشي حصري بس على كويتيات :eh_s(22):
التعديل الأخير:
