هذا مو دكتور نفسي
حبيبتي الدكاتره النفسيين نوعين نوع يبي يصرف ادويه ولايبي يعور راسه وماله مقاقه يسمع أي شي شكله هذا اللي رحتيله
ونوع تبع تبع الاستشارات والتنميه الاجتماعيه هذول مايصرفون ادويه بس يسمعج للاخر يعطيج حلول يساعدج بتجاوز ظروفج وهذا الافضل بالنسبه لي لاني ماحب الادويه النفسيه كلش الا للظروف الصعبه
واحسن علاج نفسي بقول لج باختصار كوني مريت بفترات اكتئاب والحمد لله الحين افضل : 1- الصلاة بوقتها 2-تجنب أي شي يضايقج ,,((شخص ماتحبينه-مكان ماتحبينه-اي شي يثير الضيق بنفسج وخري عنه 3-سوي رياضه ((مشي-سباحه-يوقا الخ))
4-نظمي وقت نومج ابتعدي عن السهر لان النوم بليل يريح الجسم والنفس والصبح نشاط وطاقه 5-غيري بغرفة نومج زينيها رتبيها غيري الكفر رشي عطور وبخور 6-اكلي اكل مفيد وخذي فيتامينات 7-ايمانج بالقضاء والقدر وان كل اللي تمرين فيه خيره لج وتؤجرين عليه 8-ابتسمي للابتسامه *** في تغيير النفسيه للافضل ابتسمي في وجوه من تلاقينه حتى لو ماتعرفينه9-اكلي الككاو الغامج تحصلينه بالجمعيات بنسبة 70% الى 80% رائع ومفيد ويزيد هرمون السعاده 10-كوب نسكافيه ومشاهدة برنامج مفيد او فيلم يساعدج بالاسترخاء والراحه .
اختي هالنقاط من عندي طبقت اغلبها والحمد لله لقيت تغيير جيد جدا بنفسيتي ,,حبيبتي اهتمي بنفسج محد راح يهتم فيج كثر نفسج وادعي ربج دايما يشرح لج صدرج وييسر لج امرج ولاتحاتين شي ما اصابكم ماكان ليخطئكم وما اخطئكم ماكان ليصيبكم,, واذا كنتي تعانين من الظلم او القسوه ابتسمي للظالم يوم ولو بعد حين اهم شي انج ماشيه صح وماظلمتي احد وكثري استغفار واذكار ,, وماراح تحتاجين انشالله لاي طبيب نفسي .
