مرحبا بنات
هذي اول مرة اشارك فيها وحبيت اكتبلكم من خبرتى المتواضعه شوى شغلات حلوة لتعطير وتعقيم البيت او الشقه بما انى ساكنه شقه لوول وبالصور
انا شقتى بما انها زل مو سراميك فاتبع خطوات لعمليه التنظيف :هذي اول مرة اشارك فيها وحبيت اكتبلكم من خبرتى المتواضعه شوى شغلات حلوة لتعطير وتعقيم البيت او الشقه بما انى ساكنه شقه لوول وبالصور
اولا : يوميا اخذ بروش الصغير مثل الصورة وهذا ابرش فيه الزل عشان يشيل الخيوط والشعر اللى بالزل ويصير الزل جنه جديد
وعقب اجيب سطل اخلط شويه ماي مع شويه كلوركس الازرق حق الالوان وريحته حلوة مع كومفورت اختارى الريحه اللى تبينها انا احب البنفسجي ريحته واو عجيبه
هذا الكمفورت
وهذا كلوركس الالوان
وعقب بالبروش ابرش البيت بهالخلطه تتعلق الريحه بالزل بس ماتكثرين بالزل يعنى لاتخلين البروش متروس من هالخلطه لا شويه وافركي الزل عدل وشوفى لما تخلصين يطلع البيت شحلاته جنه توج فارشته ولا ريحته حلوة .
ثانيا : تعطير البيت
1- لما ابخر ارش مثبت البخور اهوا بخاخ ريحته روعه مثل الصورة
2- المخمه الكهرباء اللى عندى بطلتها من داخل ورشيت فيها عطر الحين لما اخم البيت الريحه عجيبه
ثالثا الحمام :
1- بالنسبه للحمام اشب بخور واحط معمول الدواسر او الورد الطائفى واصك الحمام وبدون لا ابطل المروحه ليما الجمره تطفى وتخلص ابطل الحمام واهويه تعالى شوفى تقعد الريحه بالحمام يومين .
2- فى منظفات على شكل مكعبات زرقا او دوائر .. تحطينها داخل الحوض ... يطلع مع الماي اول ماترفعين السيفون وعلى طول يقضي على الروايح الكريهه في الحمام بنفس اللحظه وهو يعتبر معقم بعد للحوض فى انواع على ليمون برتقال ورد اللى تبين وهذي صورته وتلاقينه بالجمعيات .
نجي للبخور بشكل عام البخور اللى استعمله :
1- بخور القرشي الملكى ريحته عجيبه
2- معمول الفودرى للبيت يجنن
3- معمول الروقى هم حلو
ومرة شريت من الفودرى مخلطات حق البيت وشكثرهم قمت خذيتهم كلهم وخلطتهم على بعض تعالى شوفى الريحه روعه بصراحه وعبيتهم بمرش واحد وقمت ارش البيت فيهم وزوجي يسالنى يقولى ابي مثله باخذه لديوانيه بيتنا قلت والله خالطه اكثر من شغله
واذا عندج عطورات فرنسيه ماتستعملينها او مليتي منها وباقى شوى بالعطر اخذيه وبطلى الغطايه وقطيه بين هدومج بالكبت كل مابطلتى الكبت بتشمين الريحه يالهدوم
ثالثا : المطبخ :
1- منظف ديتول عجيب صراحه خاصه للدهن العالق بالمروحه للمطبخ رشيه ونطرى ربع ساعه وعقب بفوطه فيها ماي مسحيه بسرعه يطيح الوصخ وهذي صورته
وعندكم جف بعد عجيب للدهون وينظف عدل
وهذا اللى بجعبتى حاليا واللى عندها افكار حياها الله ويانا
ومابي غير الدعاء منكم وادعوا ربي يشافي ولدي امين يارب العالمين
التعديل الأخير:
